وحام مرت اخوي

[رنيم الروح]

الي يقولون حوبه -اولا الشرع حلل للزوج يتزوج واحل الطلاق اذا الاولى على الكلام المكتوب مهملته ومافيد فيها النصح وانه حاول فيها
الحوبة اتكون اذا اهي مولعه اصابيعها 10 شمع ومو مقصره كلش ويروح يطلقها من غير سبب

حبيبتي بالنسبه الزوجة اخوك الثانيه قولي حق اخوك يصبر عليها لين تولد واذا الاتصالات يصير فيها نقاشات ومشاكل يبتعد لا يكلمها كثير لانه الحامل اتصير متنرفزه وعصبيه على طول
انا زوجة عمي في عيالها الاثنين الاولين كانت تتوحم على زوجها 9شهور كان مايدخل البيت كلش ولا يتصل فيها وكانت تردد كلمة طلقني مابيك بس تولد ينتهي كل شي

 

[حبيبي مالكني]

اللع يهدي سرهم
ويسخرهم حق بعض
وكل شي نصيب
ينكن مافي نصيب بينهم
خلي اخوج يصلي استخارة قبل الطلاق
اذا قرر يطلق

 

[ملح الكون]

الله يعين اخوج ويكتب له اللي فيه الخير ..

 

[جوري الصالح]

الله يعينه لازم يتحمل
هذي فـــترة نســــاة

 

[سعادة قلبي وياه]

الله يكون في عون اخوج اهي الحين لانها تتوحم من جذي مو مثمنه الكلام اللي تقولة
وبعدين البنات اللي مايستحووووووووون ليش تقولون حوبة وتدخلون سالفتها مع سالفة اخوها
صج ماتستحون عيب ترى

 

[cute_mama83]

اختي لا تزعلييين من كلامي بس اذا في مشكله بين اخوج و زوجته مااا يصير تشووفون كل تصرفاتها غلط
مثلا لمن غيرت اثاث شقتهاا ترا هذا من حقها مافي وحده تحب تعيش بمكان مع زوجها وفيه شغلات خاصه من مرته الاولي << انا اخوي مطلق ولمن اخذ الثانيه غير لها الدور ما حسينا ان هالشي مو من حقهاا

بعدين البنت اللحين بفتره نساااة وطبيعي الهرمونات بتكون لعبه لعب فيها المفروض تهدون اخوج عشان يتفهم وضعها وينطر لين توالد وبعدها يشوف اذا مصممه علي رايها ولا لأ
انزين اختي مو ممكن يكون اخوج فعلا مقصر من ناحية عنايته بنفسه شوي خصوصا ان الريايل يطلعون ويروحون ف بسرعه تصبغ فيهم ريحة الجو والزقاير

 

[Patcholli]

يمكن عين او عمل ماتدرين ليش مايروحون حق شيخ ؟؟
واخوج اشفيه عصبي على طول يتهاوش وبيطلق ؟؟
يبا المره تتوحم وفي حريم وحامهم قوي خل يصبر شوي
مو حل هاذا كل ماتزوج وحده ياب منها واحد ولا اثنين وطلقها
خل يصبر وخل يتحمل وخل يكلم اهلها انه بينطر لي عقب الولاده ويصير خير

 

[PuPa^^SWeeT]

يا صاحبة الموضوع


اخذو اخوووكم اول شي و اقرو عليه

علشان انخلص من سالفة عين ولا حوبة



بعدين

شكلها المرة مو طايقة شي بالبيت من جذي غيرت الاثاث


ولانها حامل مة بالعة ريلها



واخوج لا يطلقها مايصير اهي حامل



ينطرها لين تولد ويشوف نفسيتها


اعرف بنت جذي من كثر ماكرهت ريلها



بنساتها كانت علشان تفتك منه


اتقط عليه كلااام جايد



طلقها لان مافهم




بعد الولادة و لما راح بعد 6 اشهر يشوف بنته


حس انها ردت مثل يوم شافها بالخطبة


وردها




بس لازم اخوج يتحمل

مو كل شوي ماينظفولي


يعني مرة مو طايقتك اكيد ماراح اتطيق هدومك

 

[PuPa^^SWeeT]

عموما


الشخص المسالم ساعات يكون مع الاهل


مع ربعه


ومع العايلة



بس مع المرة حتي الحليم ممكن يفقد اعصابه عندها



لانها مرته وببالهم المرة اتحمل



مو قصدي اقولج اخوج فيه مشكلة



بس اخوج لازم يعرف مو كل حل بتزوج ولا بطلق

 

[عـيّــآره]

انتو تبون وحده بالضبط على مزاجكم مخلووقه عشانكم وفيها كل الطبايع اللي تبونها

اكيد ماراح تلقون جذي

قعدي مع اخوج وسمعيه عدل يمكن فيه عيوب ماتدرين

كل بنت بتكون فيها سلبيات وايجابيات عاد انتو وازنو بين الاثنين لاتوقفون مع اي

طرف سمعو الاثنين وبتعرفون من اللي يبالغ


​

 

[أحلى عروس 2012]

الله يستر حالكم
بس غريب بنت بهل العمر وهذي سوالفها
يمكن البنت تتوحم والوحم يتعب صراحة
عطوها وقت
بس تبين الصج انا توحمت ع ريلي
ويحليلني بس أهلي يدرون اهو ماقلت له
ماابي اضايق ريلي ع شغله نفسية

 

[Terara]

خل تولي هذي شكلها مو كفو

 

[أميرة-]

سبحان الله الخيل على خيالها

انتي تقولين اخوج مسالم بس اتوقع واسمحي لي اخوج مبين شخصيته ضعيفه

حلو الرجال يكون لين هين بس له كلمته وتحط له مرته الف حساب

وحتى بمشاكله الخاصة بينه وبين مرته المفروض مايدخل اهله فيها انا هذا رايي يعني هو رجال كبير عاقل يعرف مرته تصلح ولا ما تصلح اذا فيها عيوب يعدلها بطريقته وباسلوبه واذا ما تترقع مره وحده فتسريح باحسان وكان الله غفور رحيم

الحين الوضع تأزم شوي والمره شكلها بايعته ماتبيه.. خل ينطر عقب ماتولد يمكن فعلا فترة الحمل والنساة واذا ماتغيرت ربي يعوضه بس لازم اخوج يتعلم اذا فيه شي بشخصيته او عيب يعدله

 

[نـعـومـه]

هذي حوبه الاولى ادورون حق زوجها واهيه على ذمته !!!!

بدال ماتصلحون الحال الحين تزوجونه !! اشوف الثانيه اسوء من الاولى وغلطتكم انتو خربتو بيت اخوكم

 

[طيبة83]

شدعوه اخوج عمره 40 واهيا 34 وما يعرفون يحلون مشاكلهم!!

انا اخوي عمره 37 ومستحيل اتدخل بحياته

انتي طلعي من السالفه خير شر

وثاني شي انتي جم عمرج؟؟

 

[M!ss CoLoRz]

طيبة

ردودج تعجبني على الجرح وبالمختصر المفيد

ساعات آبي أيي ارد القاج قلتي اللي بغيت اقوله :eh_s(15):

 

[عطاء أنثى]

الله يسخرهم لبعض

 

[شهد العسل ومر]

طيبه مالج شغل بعمري كبيره ماني قاصر
ثاني شي ماتدخلنا لين هم كلمونا جت مرت اخوي وكلمتني
وجيت لاخوي وكلمته بهداوه حاولنا نهدي الوضع شوي وابوس رجولها
للاسف هي ماتبيه قلت شنو الاسباب قالت ليش كل ماقلت له شي قال لا
قلت له بغير رقمي وبحط الرقم باسمي عيا وقعدت ابكي لين خلا الرقم باسمي
قلت عيب هذي سالفه قالت أي لي شخصيه انا هنا دريت ان مخها وتفكيرها على قدها
وثاني شي الشقه مو نفسها اللي عاشت فيها الاولى وكله جديد الاثاث مو هنا موضوعنا بكيفها ماقلنا لها شي كليتوني طولنا بالنا وقلنا لها اللي تبيه بس لاتطلب الطلاق دقت امها عليها قالت طلقو ولاولدت خذو ولدكم اخوانها تهاوشو هي تبي البيبي واخوانها يقولون لا مالنا شغل بولدج قالت امي مو حنا اللي ناخذ الطفل من امه حرام ولا عادي نقدر نربي ولدنا امها متصله تبينا ناخذ الولد ماتبي عيالها يتهاوشون وحنا نبي امه تربيه حرام قلب الام بيتقطع عليه قلنا ماراح يطلقها لين تولد وهي جننتني مابيه خليه يطلقني بكره مارديت عليها مو بوعيها الوحم مجننها الله يشفيها

 

[شهد العسل ومر]

سبع سنوات ماتدخلنا بحياتهم

وكان يجننا من زمان يبي يتزوج سافهينه مالنا خلق عالمشاكل لين زعل قال انتو مو حاسين فيني طنشنا لين جا قال تخطبون لي ولا اخلي خالاتي يدورون لي قلنا تفاهم معها قبل كل شي راح تفاهم مع الاولى الغبيه زادت تحسبه ماراح يتزوج عليها وقامت تلفظ اخوي مامسك نفسه لصبر حدود قرر يطلقها قبل لايخطب يوم خطب طلقها وحاولنا فيه بس رفض مانرضى نشوف عياله متشتتين مهما كان من زمان يبي يطلق ونرده امي وابوي شنو نسوي اذا اخوي عطاها الف فرصه وهي ماتبي تسوي له شي بس تبي تجلس بالبيت حتى اطفاله تقول جيب شغاله تقوم فيهم شنو يسوي اخوي اذا طاح على حريم مو كفو جاب شغالات لين قال بس لها حاول يلم عايلته بس هذيك تقول ابيك تبني جنب اهلي بيت لنا وتفتح باب عشان لابغيت انام عندهم منو مره تقول جذيه لزوجها ؟ طبعا هي قالت لي هالسالفه انا عبالي تضحك ماتوقعت انها صادقه ومتزاعله هي واخوي عشان هالموضوع تلومون اخوي فعلا اخوي مسكين ولا قصر لاني سمعت المشكله من طرفين اخوي ماقصر بشي ابد رجاء اللي لسانها طويل وناويه شر لاترد الله يعين حمولتكم عليكم يالعوبات ههههه

 

[ناتشوو]

شهد العسل

انا اقول سكرو الموضوع حاليا
ليما تولد
مو مشكله
وحزتها
لكل حادث حديث
واذا مايبون الطفل
بكيفهم
مع ان هالكلام سابق لاوانه
تدق الام تقول اخذوه
وهو للحين في بطنها
مايندرى يوصل للدنيا او لا

وحتى لو صار طلاق لا سمح الله
مو مشكلة
دوروله هالمرة بس بركادة
وتعقل
الله يوفقه ويعيننا ع الدنيا