وحيدة

[كوثر]

تعبتني الوحدة مو قادرة أتحمل صبري نفد, موقادرة أكون علاقات ناجحة ومستمرة مع الناس
مرات يجتاحني شعور بالنقص لأني يتيمة ووحيدة والناس يبتعدون عني بسرعة مع إني مسالمة بسيطة ومثقفة تفتكرون شنو الحل ؟:fun:

 

[ڕۆۆحــي ڣــڍااگ]

الله يعينج
حتولي تكونين جتماعيه
تكونين صداقات

 

[ڕۆۆحــي ڣــڍااگ]

سؤري حتولي = حاوولي

 

[مـعـجـبـة]

عدي وخربطي

علاقات ناجحة ومستمرة ماكو بقاموسي

علاقاتي نجاحها وقتي ..

علاقات وقتية وتنتهي مثل أي شي ثاني قي الحياة

مثل أي متتج له مدة صلاحية ومن بعده يصير expired ...

ليما صارت عندي قاعدة إن nothing lasts forever

يمكن ماقدرت افيدج.. إن شالله غيري يفيدونج ...

 

[كوثر]

أختي روحي فداك حاولت أتقرب لبنات من عمري وظروفهم الزوجية قريبة من ظروفي المشكلة كل مرة أنصدم بالصد الغير مبرر قبل شهر تعرفت على وحدة من عمري بالثلاثينات وتفاهمنا وسولفنا فجأة قمت أحاول أتواصل معاها وأراسلها ماترد حز بخاطري أنا مثل الغرقان محتاجة أحد يطلعني من مرار الوحدة

 

[كوثر]

عايشة بعذاب لأن ماعندي خوات ولا صديقات

 

[ms.dlo3a]

الله يعين ي قلبي
بقولج شغله الناس اتيي وقت المصالح بس
اذا يبوون شغله منج اييون لج تكرمين نفس الجلاب يركضون وراج

 

[ڕۆۆحــي ڣــڍااگ]

اممممم والله مااري شقؤلج الله يعينج
واللي تركتج لا يحز بخاطرج ولاشي
من باعني بعته برخص التراب وانا اختج

 

[miss_whitemocha]

عندنا و عندج خير حبيبتي..
ناطرة ضناي يشرف للدنيا و إنشالله يغنيني عن الكل..​

 

[ندى~~]

الله يعينك

 

[عاشقة هواك]

حبيبتي افا عليج احنا وين رحنا

اهني بالمنتدى كلنا خوات

 

[فلبينية عبدة]

والله حااال الدنيا غريب

اللي عنده خوات يتمنى يكون وحيد

واللي وحيد يتمنى يكون عنده خوووات


الله يعينج اختي

حاولي تتعرفين ع صديقاات بس لا تدخلينهم في تفاصيل حياتج

 

[فلبينية عبدة]

وان شاء الله ربي يعوضج بزوج صالح يونس وحدتج ويسعدج يااارب

 

[سحـورة]

كـوني صدقات مع أي أحد
لأنه حالة الفراغ بتسببلج حاله نفسيه
ربي يوفقج حبيبتي

 

[فديت شماغك]

في علاقات ناجحه وفاشله
وانتي خليكـ صريحه مع نفسكـ ولا تثقين باحد مني والطريقكـ
والله يرزقكـ باللي تتمنينه

 

[سكوتي بذوقي]

خلي علاقتك معاهم سطحيه

علشان ماتتعبين انتي

ترى الكل يمشي ورى مصلحته مافيه صديقه تعدك اخت بوقتنا الحالي

الله يوفقك يارب

 

[زوجة عزيز]

رديت عليج بالخاص حبيبتي

 

[~✿ ارتـِوآآآء روح !]

السلام عليكم
حبيبتي ماورى قرب الناااس خير الا من رحم ربي
اكثر الرفيجااات مصااالح وتتركج وقت ماتبي طبعا مو الكل
لا والله في بنااات ينحطون على الجرح يبرى اخلاق وسنع ماااقدر اوصفه ماشاء الله عليييهم
كآني انا جدامج ماعندي رفيييجات حيل وياهم تدرييين مانسال عن بعض الا من شهر لي شهر
وماعندي الا ثنتين بسسسس
وخواتي كلهم صغااااار لكن الانسااان يقدر يسعد نفسه بنفسه حتى لو كان وحيييييييييييييييد لا اهل ولا اصدقاااااء له
ودام لي رب انا بغنى عن الكل ولاني بحاجة احد ولله الحمد
اشتكي لربي وربي يفرج همومي اهو اللي قادر على هالشي
والله لو اي واحد عايش بروحه وواثق برب العالمييين ويفضفض لرب العالميييين ويشكي له
والله ماراح يسخط وتلقييينه اكثر سعادة من اللي عايش بين ربعه واهله
وبعدييين انتوا وين رحتووو من القرآن والصلاه والدعاء والذكر
القرآن راحةةة عجيبه والدعااااء هم راحه
كل شي يتعلق برب العالمين راحة
وكل شي زايييل ورااايح من هالدنياااا والله يعوضني ويعوضج بالاخرة اسال الله ان يرزقنا الجنه وكل احبتي والمسلميين
خلي القرآن انيسج وبعدين ليش ماتروحين مراكز تحفيييظ القرآن ولجان الخيريه
او تتطوعييين بالمساجد والله اهناك بنااات ماشاء الله عليييهم
كل هذا موجود عندج بس انتي عاميه عينج على هالاشياء وهالسعادة
يختي دام عندج صحه وعافيه ومأوى ومأكل هذا اهم شي
ولاتنسين ابيييج تتابعييين برنامج كيف تتعامل مع الله حده عجييب
وابيج تسمعييين محاضرات عبدالمحسن الاحمد


وابييييييج وابيكم يابنااات تشوفون هالمقطع والله ماراح تندموووووون

http://www.youtube.com/watch?v=JdnWwRIQjro
الله يسعد لي قلوبكم

 

[عالمي انا غير]

انا بصراحة افضل اكون علاقاتي مع الناس من بعيد لبعيد لان اساسا هم عندهم ظروف وهم انا وانتي بعد كوني صدقات بس من بعيد لبعيد وقوي علاقتج بهلج لان هم بس عزوتج بهزمن

 

[ام زهقانه]

ميخالف حاولي لا تايسين