وداعا يااملي...

[الفصول الاربعة]

اهليييين خواتي..

انا من امس وجالسة ابكي .
:0bee2e8d89:.الشهر هذا اخذت منشاطات وعلااااااجات وتعبت وعندي امل كبير.مااقدر انام من شدة الم ظهري وبطني .ولكن للاسسسسسسسف جاتني الدورة.تصدقون الدكتورة مو مصدقة تقولي وينها تقصد البويضة بتقول اناشايفها هي راحت فييين؟؟؟"والة من صدق انا مهومة واكثر شي زوجي بس يبي يتهرب..مادري اشفية..المشكلة صرت مااحب اروح لاهلة دايم تحطيم لي ويعيايرون بس وش اسوي.واللة مالي احد احاجية غيركم .احس الدنيا تسكرت بوجهي بس الحمدللة..:tek:ياررب ترزق كل محرومة ياكريم

 

[كرزة كويتية]

فديتج يالغاليه ياااارب ارزقها على قد نيتها بالولد اوالبنت السليمه المعافاه عاجل ام اجل يا قلبي مي خالف لا ياس مع الحياه واذكريها راح اييلج اليوم اليراح تنزعجيم منهم يالغاليه

 

[كرزة كويتية]

يامجيب المضطر ويا كاشف الضر كرري هالدعاء وبنيه صافيه اختي

 

[الفصول الاربعة]

اللة يخليج

 

[كرزة كويتية]

http://islamtoday.net/questions/show_question_*******.cfm?id=57137 شوفي هالموضوع

 

[Snow-White]

ذكري ربج وحمديه ولا تيأسين من رحمته...ترى النفسيه لها دور حيل حيل مهم..وكل ما فكرتي وتضايقتي زياده جسمج راح يفرز هرمونات تمنع الحمل...انتي سوي اللى عليج وعالجي وحطي ببالج كل الاحتمالات عشان اذا يتج الدوره ما تنهارين...واذا على سالفة اهله لازم تروحين لهم وانتي من الداخل قويه ومتماسكه ولا تبينين لهم انج متضايقه ومسكينه ...بالعكس دايما خلي ابتسامتج على ويهح حتى لو تظاهرتي بهالشي...اهم شي محد يحس انج ضعيفه... والله يرزقج بالقريب العاجل ان شاء الله

 

[ام يوسف القمر]

لالا تياسين احنا ساعات تصير فينا لحظات حزن وياس بس ميخالف تفألي وهونيها وتهون والله يرزقج يارب

 

[$غــ(ز)ــل$]

الله يرزقج الذريه الصالحه عاجلا غير آجل ويفرح قلبج
وحاولي تتقربين من زوجج لانه يمكن بدا يتهرب بسبب الروتين اللي عايشينه
والله يسخركم لبعض ويعوضكم بالذريه الصالحه

 

[pink-rose]

كلنا نمر بهالحاله حبيبتي
والله اعرف شعورج
بس شنسوي كل شئ بيد الله واحنا ناطرين رحمته وعسي الله يرزقنا
بالذرية الصالحة عاجلا غير اجلا يا ارحم الراحمين

انتي خلي ايمانج بالله قوي و ان شاء الله ما يضيع التعب

 

[الفصول الاربعة]

اللة لايحرمني منكم

 

[الفصول الاربعة]

حبيبتي ماينفتح معاي الرابط

 

[سراج الليل]

الله يارب يرزقج باللي يطيب خاطرج قولي أمين

بس جد نصيحه قد ماتقدرين حاولي تلهين نفسج عشان تنسين وأهم شي خلي ثقتج بالله كبيييييييييييييييييييره

 

[أم حسون]

الله يرزقج ويرزقنا وياج ياررب العالمين

 

[بمبرة]

:klhfl::klhfl:
حياتي يالفصول الاربعه
لا تيأسين الامل بالله سبحانه
وامر المؤمن كله خير حقه ان شاء الله
والله سبحانه خاشلج الاحسن
وعسى الله يرزقج ويرزقنا الضنى الصالح
اللهم آمين​

 

[.>حــــــــ(و)ـــراء<.]

الله يرزقج الذريه الصالحه

 

[زنوبة الحلوة]

ماعليه حبيبتي هونيها وتهون انشاللله

وانتي اللي عليج قاعدة تسوينة والباجي على الله وقولي حق ريلج لا تعترض على حكمة الله ومتى مالله كتبلنا ان نييب عيال راح يرزقنا رب العباد ولا راح يبخل علينا بس الشغلة يبيلها صبر

ومالكم الا الصبر والاستغفار والتوسل بالله سبحانة وتعالي وانشالله الله راح يرزقكم وتترسون البيت عيال


وانا اقولج جددي املج بالله سبحانة لان اهوا الوحيد الشافي المعافي لا دكتور ولا غيرة

وانشالله ماعليج الا العافية

ويارب يرزقج الذرية الصالحة عاجلا غير اجلا يارب ياكريم

 

[sweeta77]

حبيبتي .... لاتياسين ما صار لك الا سنه ونص بس.... وبعدين ترى حتى اذا حملتي و ولدتى حمولتك بعايرونك ( لان هذا طبعهم ) ما يبتي ولد او يالله يبي له اخو وهكذا.
حبيبتي انا اختي كتبت لكم قصتها بعد 10 سنوات توها الله انعم عليها وحملت.... خلي عندك امل:tek:

 

[ام حمد انشالله]

ذكري ربج وحمديه ولا تيأسين من رحمته

 

[سينامون]

ياعمري.. حبيبتي انتي.
سبحانه قال في محكم تنزيله:
( و لنبلونكم بشيء من الخوف و الجوع و نقص من الاموال و الأنفس و الثمرات و بشر الصابرين الذين إذا أصابتهم مصيبة قالوا إنا لله و إنا إليه راجعون أولئك عليهم صلوات من ربهم و أولئك هم المهتدون)
حبيبتي إقري هالآياات و تمعني فمعانيهم..
لاتروحين على نفسج الاجر بالجزع و الشكوى للعباد اللي مابيدهم شي و ماراح ينفعونج.
و قولي لاحول ولا قوة إلا بالله.. اللهم اجرني في مصيبتي و اخلفني خيرا منها.
و حمدي رب العالمين ان سالفتج هينه و اتعالج بمنشطات غيرج مشاكلهم مو لاقينلها علاج.
و اهم شي النفسيه حبيبتي ميخالف توج صغيره هالمره ماصارت ان شالله المره اليايه تظبط بس انتي خليج قريبه من رب العالمين اللي احن عليج من امج و ابوج.
و تذللي و طلبي منه. و اقري دعاء زكريا: (رب لا تذرني فردا وانت خير الوارثين)
و اقري هالدعاء: (اللهم لا معطي لما منعت و لا مانع لما أعطيت ولا ينفع ذا الجد منك الجد).
قومي الثلث الأخير من الليل و لو بركعتين و تحري اوقات الدعاء
و دعاء الهم و الحزن:
(اللهم اجعل القرآن العظيم ربيع قلبي و نور صدري و ذهاب همي و جلاء حزني. )
و ادعو الله انه ينزل في قلبج السكينه و يهدي زوجج.
(اللهم اصلحني لزوجي و اصلح زوجي لي و اصلح ما بيننا)
و خلي عنج سوالف اهل زوجج مو شطاره منهم انه عندهم عيال. هاذي ارزاق والله موزعها
وهالله هالله بزوجج قربي منه و هديه اهو سندج من بعد رب العالمين و مالكم الا بعض.
و ادعيلج من قلبي حبيبتي ان الله يوفقج و يرزقج و آجرج ان شالله بس اوصيج بالصبر الصبر الصبر
والله يوفقج حبيبتي و سامحيني عالاطاله