رد: رد : ودج بصديقات وايد؟؟ او صديقة نفس ميولج و افكارج؟؟
السلام عليكم
احم احم انا مواليد 89
الصداقه بالنسبه لي علاقه اخويه تربطنا روح المحبه والاخلاق والاحترام
ما ازعل نهاااائي
حساااسه بشكل كبيير بس عادي ما ازعل ولا شي
طيووبه وما اصادق الا اللي مرتاحه لها ومرتاحه لي احب اعطي اكثر من ما اخذ
اقدر واخلص واوفي
ابسط السوالف وابسط الامور تكون عندس سر وما يطلع مني نهائي اندفن وتندفن الاسرار معاي لدرجه ان خواتي يأمنوني على اسرارهم
اي صج من ناحيه الخوات والاخوان ماعندي احد خواتي2 متزوجين واكبر مني واايد وانا وحيييده
اخواني 2 واحد اصغر مني وواحد اكبر مني لاهين مع حياتهم وما اشوفهم الا من وين لي وين واخوي اللي اكبر منهم متوفي الله يرحمه
توني شهر 6 تخرجت من جامعه خاصه وشهادتي تخصصين اداره برمجه مواقع و اداره وصيانه نظم معلومات
يعني لوعادلوهم تكون هندسه كمبيوتر ومواقع تكنلوجيه
اممم ما احب الاغاني للامانه اسمع بس اذا احد قالي حلوة واسمعيها وقبل لا اسمعها اقرا كلماتها
احب الاشعار لووول واسمع وايد حق حامد زيد وطارق المحياس وبن فطيس و سالم السيار
طبعا متحجبه وملتزمه والحمدلله ماحب الطلعات وايد
مثقفه ومتعلمه واحب البرامج العلميه
ودي بصديقه تفهمني وافهمها ويكون عمري مقارب لعمرها
انطعنت واايد من صداقات ووايد انجرحت من ناس كانو قراب وعقبها ماصار عندي صداقه صرت دايما افظل اني اكون بروحي بس حتى لو الصداقه مهمه وودي باللي تكون جزء ثاني مني
طفارتي اللي بيوم وليله تتغير علي لو في شي يضايق مني عادي اتقبل لو تقولي انتي فيج وفيج وانا من عيوني اتغير واتعدل علشان ما اخسرها
حاليا عايشه من غير رفيجات ودايما هالسؤال ببالي
Why do some people have no friends even though they are nice? (U)(W)
:'(
وكل من خسرني متحسف انه خسرني بس لي فات الفوت ما ينفع الصوت ويقولون دايما عني اني (حبوبه حنونه طيووبه اخاف على غيري واحب اهتم فيهم اكثر من نفسي ودايما يقولون عقلي اكبر من عمري ودايما يقولوون اللي يعرفني عدل ماوده يخسرني واللي خسرني خسر شي عظيم بحياته)
اللي عرفتهم بحياتي لي الحين مصلحجيه ما صادفت ولا وحده تبي صداقتي لشخصيتي نفسها او تبيني لقلبي لا كلهم يستغلون طيبتي بمصلحه ولما ياخذون اللي يبوونه يطقووني بالطووفه
امم بعد شنو بعد شنو مادري قلت كل شي تقريبا عني اللي تبي تعرف بعد اكثر واكثر تسأل وانا اجاوب
واللي ترتاحلي وتبي تتقرب مني وتصادقني حياها الله وللامانه انا محتاجه الصداقه اكثر من كل شي
وصج نسيت اقول ما عندي سوالف اكلم شباب وهالخرابيط
مزاجيه مزاجي يتراوح بين الثقل وفصله وطبعا برة البيت اكون ثقيله امشي سيده ما عندي خرابيط واهي مربيني احسن تربيه
للامانه والله وربي شاهد علي اني ودي بالصداقه علشان شي واحد بس علشان باجر لي مت الاقي اللي يذكرني بالخير ويترحم علي
وملتزمه باعتدال مو حيل ملتزمه ولا راخيه
واللي تبي اي شي تدز لي رساله خاصه وانا مستعده ارد عليها ولو كانت تبي صداقتي وقربي من عيوني وماراح اقصر مع اي وحده باللي تبيه
اسمعها تشكيلي تفضفض ما راح اقصر معاها باي شي راح اكون بالنسبه لها اللي تبيه وافهمها باللي تبيه
وان شاءالله تجمعنا المحبه في الله
وان شاءالله الاقي اللي تقدرني مثل ما اقدرها ونكون على قلب واحد خوات وصديقات وافيدها وتفيدني:eh_s(15):
واللهم صلي على محمد وال محمد
