انا ابي صديقه عمرها فوق 27 وحضريه ومومتزوجه تحب الطلعات والمطاعم والوناسه
و الي تبي تشرفني بمعرفتها حياها باي وقت العين اوسع من المكان والله يوفق الجميع
شلووونكم بنات
والله خوش موضوع وحبيت انقل لكم تجاربي مع صداقات النت
مع اني هاديه والكل يشوف اني هاديه بس ماشالله بسرعه اكون صداقات ومن ضمنهم صداقات عن طريق النت
بالنسبة حق منتدى كويتيات اول صداقة كانت مع بنتين يمكن قبل سنتين او أكثر .. اول شي تكلمنا مع بعض بالنت وبعدين حددنا يوم طلعنا فيه عشان نشوف بعض (ما ننسى هاليوم شفنا بعض بالافينيوز في شوكليت بار وسولفنا وتمشينا وماحسينا بالوقت) ثنتينهم من نفس عمري بالضبط واندمجنا مع بعض وبعد فترة توسعت المجموعه شويه وصرنا كلنا معاي انا واختي 6 بنات نطلع ونتزاور في البيت ونوجب بعض اذا استقبال او عزا او غيره .. والحمدلله من ذاك الوقت لي الحين الله يتمم علينا خوش شله اسميها شلة المنتدى مع اننا تعدينا مرحلة المنتدى بوايد وكل ما اذكر اني تعرفت عليهم من النت اقول سبحان الله جني اعرفهم من ايام الدراسه
نفس الشي في تجمع ثاني تعرفت على مجموعه طيبه من البنات وطلعنا على يوم يمكن 12 بنت مع بعض كلهم والنعم فيهم والله بس سبحان الله انا طبقت مع ثنتين وحده أكبر مني ب9 سنين والثانيه اصغر مني ب9 سنين هههههههههه
هذيله اللي محافظه على صداقتهم وايد وايد احبهم وارتاح لهم ونفس الشي صار بيننا طلعات وتزاور وانطر شوفتهم نطره لأن ما تتخيلون شلون نضحك ضحك لما نكون مع بعض ماشالله واحس كأن ثلاثتنا من نفس العمر الله لا يحرمني منهم
ووحده مره تعرفت عليها من النت ما سولفت معاها وايد بس بالصدفه عرفت انها راح تقضي اجازتها الصيفية بنفس المكان اللي بروحله وتواعدنا واحنا هناك بالسفر.. وكانت اول مره اشوفها فيها قعدنا مع بعض من غير مبالغه 8 ساعات بس انا واهيه بروحنا طلعنا تمشينا وركبنا حنطووور وصورنا وسولفنا وتغدينا ما حسينا بالوقت ابد ولا حسينا ان اول مره نشوف بعض هالحجي كان صيف 2008 والحمدلله لي الحين نطلع مع بعض
وفي غيرهم نفس هالصداقات .. وفي المقابل نفس الشي تعرفت على بنات منهم من ظلت صداقتي معاها بالنت ومنهم اللي بينا اتصال وسلام من فتره لي فتره او مسجات وكلهم والنعم فيهم الحمدلله محد ضايقني بشي بس هم الوحده تاخذ حذرها وما تتعمق بالصداقه من أول شي الا اذا ارتاحت
في النهايه كما قال الرسول صلى الله عليه وسلم فيما معناه .. الأرواح جنود مجندة ما تشابه منها ائتلف وما تنافر منها اختلف
