ودج هالنمونه ماتزوج ;) ^ مرت أخوي ^

[كويتيه مذهله 87]

مو من صجها الحل بيد امج واخوج

 

[ديمة بنت غنيمة]

انا عندي خدامة طباخه وعندي مطبخ شكبره بس زوجي لي يومج ماياكل الا من تحت يمكن اخوج يحب ياكل اكل بيتكم
انا ريلي يحب اكل خدامتهم القديمة عادي وبالنسبة ماتشوفونها بالشهور انا احتر من هالنماين حيل وبالنسبة للوصاخه الشرها على اخوج الي ماعرف يقط كلمة عليها

 

[مرتبة]

ترى عدم نزلتها لكم راحه لكم قبل راحتها
اشتبين فيها تنزل لكم تجمع سوالفكم وتنشرها لاخوج وللناس
غير يمكن تنغزكم وتقل ادبها ولا تطلع لكم سالفه تخصها
غير جذيه لو تنزل تلوع جبدكم امكم بتداريها وتدلعها كانها ملكه وانتم عبيد (مجرب)

بخصوص وخصاختها خليها لها ولا تفكرين فيها ثواني

تري قلة تواجدهم راحه له (مجربه)

 

[امـ خــزامـى]

انا كلشي كوم وان تنزل ولدها ماغيرتله كوووووووووووووووم ثاني


انا اللحين بنتي عندها نقص فيتامين دال وضروري تتعرض للشمس وماعندي
فخالتي فديتها الا تجيبينها لي اعرضها وتوسع صدري
وبس افكر اخاف شعرها حوسه اخاف تصيح وتزعجهم
ومتفقه مع زوجي اذا رجع من شغله يجيبها دخل علي وماجابها يقول يبونها للعصر
وانا مررررره متفشله منهم

وافكر اذا مريتها اخر العصر ارسل حلا ولا اي شي


زوجة اخووووووك مستغله طيبتكم وسنعععععكم وانتم معطينها وجه
انا من رائي لاتكلمون احد
انتم من نفسكم لاترسلون لها اكل وقولوا اللي يبي ياكل ينزل وكثر الله خيركم بعد
اما اذا نزل اخوك ولده وهو وسخ قولوا يوه ماغيرتله
روح رجعه لامه خله تغيرله وتنظفه عقب نزله لنا
عادي يعني قولوا اللي تشوفونه ومن غير ماتشيشون اخوكم

والله يعطيكم على نيتكم ويسخرلكم ويطول بعمر الوالده

 

[فركيته]

موشين تطرشون الاكل بس العييييب ان ما تغسل المواعين لايام بعد عندها خادمه خل تغسلهم وتردهم نظاف لان هالحركه بينت ان اهي رفله كلشششش وماكو سنع الحمد لله والشكر

 

[PuPa^^SWeeT]

مادري شقووولج والله



بس اول مرة قسم الزوجية




ياخذ بصف الحماااااة



تحية للموضوع






وبالنسبة للموضوع

انا اقووولج



امج اتقول بوقف اطرش مواعيين غدا تبون اكلو ويانا



ولا طبخو بروحكم



لانه نفقد مواعينا و بالاخير تطلع عندكم ايام و ايام



بعديين سالفة الحفااضة


عاد حرام مو كل شي انقطه عليها


ممكن البيبي توا وسخ حفااضته


ولا يمكن اتكون تعبانة و موصية الخدامة عليه واهيا ماتدري



يعني ما اعتقد ان قلة سنعها بتوصل لولدها

 

[يـاكـرهـي $:]

اشكركم على تفاعلكم .. بنات عليهم بالعافيه الاكل ماقلنا شي بس ماتنزل المواعين وصصخه مو هالدرجه !! واذا امي على قولتكم منها الغلط المفروض ماطرشه لهم صحح بسس مو متكرمه حتى تسوي له لقمه يداوم على جوعهه .. يعوور القلب @@!

 

[يـاكـرهـي $:]

مادري شقووولج والله



بس اول مرة قسم الزوجية




ياخذ بصف الحماااااة



تحية للموضوع






وبالنسبة للموضوع

انا اقووولج



امج اتقول بوقف اطرش مواعيين غدا تبون اكلو ويانا



ولا طبخو بروحكم



لانه نفقد مواعينا و بالاخير تطلع عندكم ايام و ايام



بعديين سالفة الحفااضة


عاد حرام مو كل شي انقطه عليها


ممكن البيبي توا وسخ حفااضته


ولا يمكن اتكون تعبانة و موصية الخدامة عليه واهيا ماتدري



يعني ما اعتقد ان قلة سنعها بتوصل لولدها

^ شنهو تاكل معانا كل يوم !! لها بيت خاص صغير ومطبخ اكبير عجزانه تقوم بواجباتها !! بعدين حنا نستحي نقول كلمه عيب احسس بس اهي زودتهاا ؟؟

وبخصوص ولدها ماابالغ كان توهه قاعد مو مره اكثر من مرهه !! اخوي يقول امه نايمه ؟
حتى لو تعبانه ونايمه نوم العوافي ماقلنا شي بس مو اكثر من مره !!

 

[يـاكـرهـي $:]

والله يا اختي انا اقول ليش تفجين باب مشاكل
المره مو قاعده تسيئ التعامل معاكم
بس مو علي قلبكم ولا تبي تدش بينكم
يمكن ماتبي سوالف حموله ونجره مع احترامي الشديد لكم مو معناته انكم نجريات بس يمكن خايفه من السوالف اللي تقراها وتسمعها عن مشاكل الحموله فتنعزت من البدايه
نيي حق قل سنعها فبيتها
مالكم حق تتكلمون او تحكمون مدام ريلها ماطلب منكم انكم تدشون!
ترضين حماتج تعلق علي شي يخص حياتج؟
شي مريحج انتي وريلج وراضين عليه ومتفقين؟
عيل شلون بتكلمينها علي قل سنعها ووصخها
مو عاجبه؟
خلاص يصطفلووووو
كيفهم
لاتدشون بحياتهم لاتسوي مشكله وتقطعكم رسمي ويصير الموضوع عداوه

اولاا ماابي افكك باب المشاكل على قولتج بس عدم الاحترام محد يرضى عليه !! اوك براحتها لا تجي ماقلنا شي بس مافيه شي لاجت تسلم على امي !!

وبخصوص مالنا حق اوك صاجه مالنا حق بس لاصار وصاختها تنزل عنددنا !! اهني ستوووب وصاختها ببيتها كيفها @@! يعني حنا زوجنا اخونا عشان نرتااااااحححح

حنا ماتكلمنا فيها بالشينه بالعكس ساكتين اهي اللي ماتستحي وزودتها !!
وبخصوص تقولين ترضين حماتج تكلم عليج .. اي ارضى اذا كنت رفله ووصخه !!

 

[غـرامـي أنـت]

امج معطيتها وجهه بزياده

المفروض تطنش اخوج وماتحط له الاكل ولا توديله

لان اخوج اكيييد اذا بقئ على هالحال ماراح يحس بشي ويحس الوضع طبيعي

 

[ام يارا القمره]

العيب من رجال الاول زالاخير العيب من اخوكي لان المراءه تتساهل اذا ماشافت رجال صح
عندنا وعندكم واجد
نفس طبع زوجه اخوي بالضبط كانك تكلميني عنها
ونفس زوجه حماي
يعني جيل خيخه

 

[خالتي قموش]

جوابي على سؤالج
للاسف هلنوعيه هي اللي حظها قايم هلايام
الحل انكم تقطعون عنهم الخدمه الفندقيه اللي هي فيها
عشان زوجها يحس على دمه
ويخليها تقوم
هذه رفله وو صخه وماكو سنع
حتى ولدها ما تغسله
امج مسكينه ما صدقت ترتاح من مسؤوليه
تقوم تزيد مسؤوليه الجنه و الحفيد بعد

الله يعينج

صدقيني لا الحجي يفيد ولا النغزات تفيد مع هلنوعيه الرفله

اللي زمانه ما يسنعه
مستحيل يتسنع

تركوها لرفالتها وصاختها وصاخة ولدها
ولا تخدمونها

صدقيني باجر تنقلب عليكم و تطلعون انتم بلشينه و القصور
اذا اكرمت الكريم ملكته واذا اكرمت اللئيم تمردا

 

[al-musk]

المشكلة باخوج الي راضي وساكت !

 

[خالتي قموش]

اي نسيت اقول
شلج بنزلتها
خليها منثبره بعيد
فلتقفع مرارتج منها اذا نزلت
خليها بعيد احسن
عشان لا تقعد جدامج ريل على ريل و انتم تخدمونها
او تنقل اخباركم لريلها

 

[خالتي قموش]

المسك ترا الريال يمكن ما يدري

لان جدامه تبين حبوبه و زينه و تحط اعذار وتمسكن و تاخذه بلمسكنه

يمكن هلسوالف هو ما يدري عنها
شوفو شقايلتله

 

[صمت المرافئ]

الغلط من أخوج ...
لاتزعلين من كلمتي ...
بس لهالدرجة مو قادر يحكم مرته !!!
والله لو مرته موظفة ... يمكن ...يمكن يكون لها بعض العذر
بس هذي : أكل مرعى وقلة صنعة ...
ولو أخوج يعلمها تخدمة مثل ما تخدم المرة زوجها
تسويلة ريوق وغدا وعشا مادام فاضية وربة بيت
لو شايفة منه قوة الشخصية جان ما تجرأت على الرفالة والربادة
والأكثر حتى الخدامة تعلمت على الراحة مثل معزبتها
الحل :
ما تبي تطبخ ...كيفها ... اتركوها
أمركم لله ... ولدكم خل ينزل كل يوم يتريق ويتغدى عندكم
ويتعشى ...
واهي قطعوا عنها الخدمة الفندقية
خلها تقوم تطبخ لنفسها والا تاكل خبزة وجبنة
ومحد ميت من اليوع الحين
وأرد أقول ... الغلط الأول والأخير من أخوج
وضعف شخصيته
استغرب من حريم هالوقت عبالهم الزواج فراش بس !!!!
واهم يعيشون مثل الأميرات ومطلوب من الكل يخدمهم ؟!!!
عجبي ....


​

 

[ام اريج 22]

اخوج مرتاح معها موراعية مشاكل مالج شغل فيها امج ساكته وبالعه اهي راضيه لاتدخلين وتهدمين حيات اخوج اساسا امج راضيه انت ماراح تغيرين شي اذا هي قذره وصليه كلامج مع الخدامه وربيها عن طريقها ونبهيها لاتنزلهم الا نظاف

 

[اخت خالتهم]

اهي غلطانه بس بقولج شغله احنا بعايلتنا وكل الي ناخذ منهم متعودين ان الغدا من الحموله بس ريوق وعشا على المره


يعني يمكن اهي عايلتها جذي ان مو متعلمة ان لازم تطبخ غدا
بس العشا شكو لازم منها
وتقولين عندها خدامة لازم تغسل ما يصير مره ثانيه قولو حق خدامتها غسلي المواعين بعدين جيبيهم



و انها ماتنزل عزموها قولي تعالي نبي نتجمع
شوفي شتقول


الاهم ان ما جا منها شر ولا فرقت ولدكم عنكم هذا المهم


و ادعيلها الله يهديها ما يصير ضناها وصخ وعادي عندها

 

[رنيم الروح]

ماراح اقول نفس اغلب
البنات
بكيفها
اشعليكم
مرت اخوج اذا مل شي ذكرتيه صحيح
تكون غلطانه
وهذي رفالة وقلة سنع
وانا كل يوم ازداد ايمانا
بان السكن المستقل راحة لاهل البيت
قبل مرت الولد
مثل مايقولون
عين ماتشوف قلب مايحزن
وبوضعكم لا تقطين نغزات ولا شي
كلموها انت او الوالدة بشكل مباشر
مثل موضوع المواعين الوصخة
( يعني انتو تطرشون لها الوجبات وهي مقاطعتكم؟)
زين ليش؟؟
اخوكم اذا بياكل ينزل حزة الوجبات
بس ليش تطرشون لها الاكل ؟
الله يعين
الله يرزق اخواننا وعيالنا بالحريم الصالحات السنعات يارب

فديتها كلامها دائما من كلامي
بس مستغربه منها ماعندها وظيفه و عندها خدامه والاطفال بس ولد واحد ومهمله زوجها وحقوقه ؟؟؟؟ رفاله ولا كسل
اجل اشلون بدون خدامه؟؟

 

[يـاكـرهـي $:]

اخوج مرتاح معها موراعية مشاكل مالج شغل فيها امج ساكته وبالعه اهي راضيه لاتدخلين وتهدمين حيات اخوج اساسا امج راضيه انت ماراح تغيرين شي اذا هي قذره وصليه كلامج مع الخدامه وربيها عن طريقها ونبهيها لاتنزلهم الا نظاف

حبيبتي كلش مااحب اخرب على اخوي وابي راحته اكييد وانا مو متدخله بحياتها !! ولا لي شغل فيها ولا اخلاقي تسمح لي بس شي يبططط الجبد مو هالدرججه الوحده تنسى نفسسها وعلى بالها الملكه احشمي قدري على الاقل المواعين خليها نظيفه لووول ..

مرهه منزله ولدهها موصخ مع الخدامه !! قلت رجعيه لها خل تغسله طبعا امي مو موجوده لوووول وتالي قلت للخدامه هاتيه بس ياليت تحسسس ماكوواحسساس @@!



متزوجات ماقلت اهي عندها خدامه ,,

وووو ياليت واتمنى نوعي الججججيل اللي على باله الزواج نوم بس @@!