ودي اتغير

[dalo0oa121]

خاطري أصير نعومة وكشيخة بحركتي ولبس وشخصية دلوعه حاولت لكن يوم بالكثير وارد
ابي أتعلم منكم لانه ما عندي خوات يساعدوني قريت من المنتديات لكن ابي دلع هال ايام

 

[Tom ♥ Jerry]

.


اب

 

[أنثى ملاائكيه]

اب يارب يردون عليك

 

[M!SS.LOBY]

شوفي اى شخصية بالعائلة عاجبتج وقلدي بكل هدوء

 

[dalo0oa121]

مافي حد يعجبني شخصيته

 

[F.Strawberry]

ماله داعي تقلدين أحد
بكل بساطه لبسي اللبس الناعم و الحلو و المرتب و لا تلبسين الوان مطشره
و كشخي بالاكسسوارات الناعمه مو تلبسين اشياء خبه حيل
و تكلمي مع الناس بذرابه و لا تعلين صوتج ..
لما تقعدين قعدي و خلي ريلج على جنب ولا تتحركين وايد
و خلي اسلوبج حلو لما وحده تمدحج قولي من ذوقج
يعني ردي عالناس باسلوب حلو و ذرب

اتمنى اني فدتج :eh_s(17):

 

[Ms.romanceya]

ماله داعي تقلدين أحد
بكل بساطه لبسي اللبس الناعم و الحلو و المرتب و لا تلبسين الوان مطشره
و كشخي بالاكسسوارات الناعمه مو تلبسين اشياء خبه حيل
و تكلمي مع الناس بذرابه و لا تعلين صوتج ..
لما تقعدين قعدي و خلي ريلج على جنب ولا تتحركين وايد
و خلي اسلوبج حلو لما وحده تمدحج قولي من ذوقج
يعني ردي عالناس باسلوب حلو و ذرب

اتمنى اني فدتج :eh_s(17):

معاها

 

[*ريــان*]

ماله داعي تقلدين أحد
بكل بساطه لبسي اللبس الناعم و الحلو و المرتب و لا تلبسين الوان مطشره
و كشخي بالاكسسوارات الناعمه مو تلبسين اشياء خبه حيل
و تكلمي مع الناس بذرابه و لا تعلين صوتج ..
لما تقعدين قعدي و خلي ريلج على جنب ولا تتحركين وايد
و خلي اسلوبج حلو لما وحده تمدحج قولي من ذوقج
يعني ردي عالناس باسلوب حلو و ذرب

اتمنى اني فدتج :eh_s(17):

قالت الصح

واناااا معاااها

 

[M!SS.LOBY]

خليج نعومة باللبس والميك اب وبطريقة الكلام

 

[dalo0oa121]

حتى بمشيتي ابي مشية دلع ههههه

 

[أميرة-]

مو حلو التصنع والدلع الماصخ

خليج على طبيعتج بس مو بدفاشه عااد ��

 

[@@نور الدنيا@@]

الدلع يا طويله العمر محد يتعلمه ..باختصاار .. البسي ملابس كيوت وتمشي

​

ع موضه هالاياام و امشي مشيه مستقييمه ارفعي ظهرج بس نصيحه لا تمشين مشيه دلوعات هالاياام اللي اذا شفناها قلنا اللهم لا شماته.. ونصيحه ثانيه بعد ..خلج مثل ما انتي مب لازم تعيشبن حياه جنج ف العسكريه .. جي بتتعبين ..عيشي حياتج بالطريقه اللي تبيها بس اهتمي بشكلج و الوان ملابسج و طريقه تنظيم شكلج وبسسس

 

[Miss-pinkq8]

ماقصروا البنات كلامهم سليم

 

[جوري الصالح]

حبــــــــــــــوبة تعجبــــــــــــــــني نشاطج وروحج الرياضيه

تلاقين كتب بالمكاتب وحتــــى بالنت راح تلاقين شغـــــــــــلات راح تفيدج أقري خطوة بخطــــــــــــــــــــــــــــــــــــــــــــــوة

 

[om_ibrahim]

نصيحه انتي خلج واثقه باختيارج وخلج طبيعيه مؤ شرط التقليد أو التصنع
الشي الي يعجبج سويه وموضوع الدلع تدلعي بس مؤ بملاقه تغير الصوت وحركات ما ادري
اشلون صايره عادي الدلع حلو يكون بذرابة البنت وكشختها ولبسها الي يناسب المكان الي أهي فيه
وأسلوبها الراقي بالكلام والكلام الموزون وعادي إذا تحبين أوقفي جدام المنظره وجربي

 

[Patcholli]

حبيبتي اهم شي صوتج لايكون عالي
ولسانج لايكون طويل
ولاتتلفظين بالفاظ بايخه وسب حتى لو على غشمره
يعني ساعات اشوف ارفيجاتي علبو انه ميانه يسبون بعض بالفاظ مو حلوه كلش
من راي الذرابه والرقي بالتعامل وايد اهم من الدلع
خصوصا اذا كان الدلع معاه مياعه يصير ارف
خلج على طبيعتج لاتتصنعين اللهم اهتمي بلبسج وشكلج الخارجي وكل ماكان اللبس محتشم كان ارقى من رايي
وكل ماكان ضيج ومرصرص احس هلاقه ..
واهتمي باسلوبج وطريقة الرد عالناس
والابتسامه لاتفارقج

 

[زهره الخليج]

1ـ كشخه ولبس تابعي من خلال مجلات الموضه وخلي فنانه تابعينها ولبسي نفسها او من خلال

تنسيق الالوان .... واخر ماينزل بالسوق اتكونين عارفته ( اعرف وحده كشيخه اول وحده تلبس ذوق وذرابه
ودائما متصفحه بمجلات الموضه )

2ـ الدلع واسلوب الذرب افضل لك دخول مدرسه الاتكيت اتخلي لك هدوء وذرابه و مشيه صحيحه لك

الي اخره ... موجوده في الكويت ... واحاول ادخل لها =)




اتمنني اني اكون افدتك =)

 

[dalo0oa121]

شلون امشي مشية دلع

 

[نونه المنكوشه]

خليج ع طبيعتج بس خلي صوتج واطي واذا طلعتي موتلعلعين مثل بعض البنات لووووول يبطون جبدي هالنوعيه صوتها مزعج ولسانها طويل وادا تبين تمشين مشية دلع حطي كتاب متين شوي فوق راسج وامشي مثل العارضات كل يوم ماايي اسبوع اله انتي مشيتج ناريه هههههه انا كنت اسوي هالطريقه ايام المراهقه وروحي كل بين فتره الصالون وغيري ستايلج وبالنسبه للبس السوق متروس وشغلات اتشوق وع الموضه بس انتي اختاري اللي يناسبج واهم شي الضحكه اكتشفت اغلب البنات اتضيع انوثتها اذا اضحكت اما تضحك بصراخ وله اتشرع الحلج شدعوه ههههه خليج هاديه واسلوبج حلو ومرتبه وانتي اتسيرين احلي بنوته