ودي احط بنتي بحظانه بس خااايفه

[bnoota-kw]

قوه بنات انا بنوتي عمرها 8 شهور واهيا وحيدتي الله يحفضها لي وعندي خدامتها وكل شي اوكي بس احيانا اوسوس من الخدامه وودي احطها بحظانه بس بنتي توها لا تمشي ولا تحبي واخاف ان مايعرفولها يعني متى بتنام ومتى بتاكل ومن هالاشياء والله مادري هناك بيخلونها تولي يعني تبجي عادي يطنشونها مادري بنات بشنو تنصحوني الي خلاني افكر بالحظانه اكثر الخدامه مو قاعده تشتغل وهامله كل شي بالبيت وعذرها البيبي اقولها خليها تلعب او وهيا نايمه اشتغلي جني احاجي طوفه ...
اسفه طولت عليكم بس بشنو تنصحوني ؟؟؟:eh_s(10)::eh_s(10)::eh_s(7)::eh_s(7):

 

[قانونية]

حبيبتي

بنتج وايد صغيره حرام والله تحطينها بحضانه

اذا مومرتاحه لخدامتج غيريها او حطي كاميرا لتاكيد

بس حضانه ماادري ماانصح

 

[ورد وردي]

حبيبتي ممكن تحطين كاميرا مخفيه تشوفين عنايتها بالياهل اذا اوكي وفعلا ماخذتها من شغل البيت خلي بنتج بالبيت حرام حضانه ولويه بهالسن ........والبيت امره يهون اهم شي البنت
بس اذا هاملتها وهاملة البيت بعد والا تعامل البنت مو شي رجعيها وذيك الساعه فكري بحضانه لانج مضطرة شتسوين بس تكون حضانه سنعه ........ لان ما ائيد تيبين خدامة يديدة ماتعرفينها تسلمينها بنتج لازم تكونين عارفتها

واهم شي الاستخارة قبل اي خطوة تخطينها

 

[قبوط ومربين]

مادلري جنه 8 شهور وايد صغيرة عالحضانة وهم مايصير تخلينها عند الخدامة بروحها بدون مراقبة نصيحتي لج حطي كامرة وخلي بنيتج ببيتج اريح لها من التنقل من مكان لمكان

 

[bnoota-kw]

حبايبي ماتقصرون اهوا صح البنت صغيره
بس مادري من وين اييب كامرات ماتبين لان معظم الكامرات تبين وتنشاف ....

 

[عيون المحبه]

الله يعين قلبك ع التفكيررر والله الصغااار يكسروونالخاطر

 

[Nokia N95]

انتي باي منطقة ؟

انا بنتي بـ حضانة كاس كيد اللي بالعدان ... عمرها سنتين و 4 شهور .... بس هم يقبلون من عمر 6 شهور ...
واشوف عندهم اهتمام و نظافة .... و تعليم ....

مرات اروح لهم على غفلة .... ولامرة شفت ياهل يبجي و مو مهتمين فيه
كل يوم اشوف الاهالي يعانون من عيالهم لما يبون ياخذونهم من الحضانة ... اليهال ما يبون يرجعون البيت

 

[Melazlaza]

حبيبتي بنتج صغيرة حرااام لا حضانة ولا خدامة
كل يوم شيلي قش بنيتج وخدامتج
وعلى بيت اهلج
او
حمولتج
او
اي احد من الاهل
لا تثقين الا بالاهل لووو شنو كانوا ماراح يضرون الطفل لحمهم ودمهم وخدامتها وياها يعني مافيها كلافة
مجرد ان في حس بالبيت الخدامة ماراح تسوي شي غلط

والله يحفظلج بنيتج

 

[manoooram]

حبيبتي بنتج صغيرونه على الحضانه وديها عند أهلج أو حمولتج

 

[PuPa^^SWeeT]

حبيبتي


بهالعمر الافضل تاخذين بنتج بيت اهلج ويا الخادمة


ومن اتكمل سنة سنة و شهرين وديها حضانة



بالنسبة انا اايد الحضانة اكثر من البيت و الخادمة


اذا محد قادر يستقبل بنتج الصبح عنده حزتها فكري بالحضانة



بس الكاميرات انا ماحبها لأني اكيد بشوف شي مايعجبني


من جذي مرة وحدة ما اخليهم بروحهم ويا الخادمة