ودي اروح ايطاليا (فلورنس-فينيسيا-ميلانو-روما)

[كنافه]

ودي اروح هل مناطق ب ايطاليا
بس ماني عارفه من وين ابدي وجم يوم اقعد بكل منطقه ؟
يعني اذا سفرتي 10 ايام شلون اوزع الايام على هالمناطق؟
وجم تقريبا تكلفني السفره؟
والفنادق شلون اسعارهم؟

الله يخليكم اللي عندها خبره ومعرفه لو بس بمنطقه ياريت تفيدني:tek:

 

[nouna82]

ما انصحج تروحين ايطاليا بالصيف خاصة شهر 8 انا اللي اعرفه تسكر اسوقتهم

 

[كنافه]

ودي اروح بالعيد و ودي من الحين انسق حق كل شي

 

[حمام شاقني فنه]

تروحين وتردين سالمه يالغلا

 

[bdora]

حتى انا ودي اروحلها بالعيد اعوظ القعده اللي قعدتها بالعطله زوجي رايح كورس اليابان من اول العطله وبيرد قبل رمضان بيومين يعني مالي امل حتى بالخفجي....... بس من الحلوه اللي تظبطلنا جدول لايطاليا 8 ايام

 

[وجداني]

انا رحت من اسبوعين لها قعدت فيها اربع أيام في ميلان رحت لمنطقة الكومو حلوة .. لايطوج السيرفالي ( الآوت لت ) سوق بلاش الماركات سعرها رخيص حيل

 

[Q8stylle]

تروحين وتردين بالسلامه

 

[مبدعة]

شهر 8 ما يسكر السوق مجرد الشركات الكبيرة تاخذ اجازة

انا كل مرة اروح شهر 8 و عادي الوضع كل شي مفتوح

بالنسبة حق السفرة ميلانو يكفيج فيها من يومين الى 3 ايام للسوق

فينيس اتينن رومانسيه حدها و تصلح شهر عسل بس ما تصلح تودين يهال معاج و حلوة 3 ايام تتمشين فيها و تستانسين

فلورانس حلوة و منها تقدرين تروحين الصبح منطقة اسمها بيزا بس تشوفين برج بيزا المايل عن حلفة الله و تردين بنفس اليوم يعني الظهاري و الا العصاري

روما كلش ما حسيت فيها شي يونس و سوق ميلانو احلى فما يسوى تضيعين وقتج فيها

فيرونا اتينن وايد استانست فيها و يكفيها يومين

كومو عجيبه حدها لانها ماخذه طبيعية سويسرا بحيرة و جبال و جو بارد و تعتبر منطقة غالية بالنسبة حق باجي مناطق ايطاليا و فيها بوتيكات ماركات وايد

خيل حبيتها هالمنطقة و كل مرة لازم امرها

طبعا خطة سير الرحلة اعتمدي عالخريطة و تقدرين تسالين اي مكتب سفريات يقول لج على حسب من وين بتوصلين و ين بتقلعين

نصيحة لا تاخذين حجوزات فنادق من السفريات الانترنت وااايد ارخص

وسلامتج و اتعيشين

 

[اوملييتا]

حبوبه انا رحت ايطاليا شهر واحد
الجو كان بارد اينن قمة
زرت ميلانو وهي بصراحة كلها سوق بس مو اي سوق شي غريب عجيب عندهم محل طوابق يم الكنيسة اللي في الدومو عجيب غريب
وفينيس اتينن رومانسية حييل حييل بس قعدت فيها يوم واحد اكثر شي عجبني فيها جسر عليه محلات تبيع تذكارات و اشياء غريبه والجو كاان اينن

وزرنا بحيرة كومو بصراحة مو ذاكرة وين كانت بالضبط لان هالحجي من 5 سنوات

وبيزا هم حلوة وراح تستغربين من برج بيزا انه مو كبير انا كنت متوقعة انه عالي بس مو عالي وايد

وللاسف ما قدرت ازور روما لانني كنت حاجزة فرنسا وضايقنا الوقت

بس ترا يبيلج مصرف قوي لانه ايطاليا وايد غاليه والفنادق هم مو رخيصة​

 

[كنافه]

تسلمون بنات على المعلومات
وبصراحه شوقتوني اروح

 

[Mis$ LeO]

الللللللللللللللللللللللللللللللللللللللللللللللللللللللللللللله على ايطاليا ... نعم الاختيار

كلها على بعضها حلوه ... شوارعها ، اسواقها ، الكنايس ، الناس ، اكلها ، .... كلللللللللله حلوه

تروحين وترجعين بالسلامه

 

[{ شيوخهـ ~]

آيطـآليآ ونعم الآختيــآر .. آحلىى دولهـ للسيآآحه والتسوق و الونآآسه
يعني شوفي آذآ تحبين التسـوق و السيآحه و المآركآت مآلج آلآ رومـآ.. ^^
آنآ رآيحه لهآ وقآعده فيهآ شهر كآآمل "8\2008" الجـو بآآرد و رووعهـ
وفيهـآ آمآآكن سيآآحيهـ رووووووعهـّ
حتـى شوآرعهآآ ترد الرووح .. رومــآ صج فلللهــ
يعنيـ آقولج ..
"سيآحه" : منهآ { الكنآيس }{ آسوآق شعبيه }{ الكولسيوم }{ مكآن للحفلآت و للآوبرا ويكون شكله من برا اثري وتراثي و من داخل بعد شكله وايد حلو واثــري }
"آسوآق" : منهآ " { في كل محل مآركه مثلا: محل Gucci - Prada آلخ.. }{ محلآت شعبيه تبيع سوآلف على رومآ وتذكآرآت وهآسوآآلف }{ محلآت آكسسوآرآت }{ محلآت Make Up } و وآيد غيرهمـ طبعآ
منآظر طبيعيه : منهآ " الآنهآر والآسوقه الي تكون تحت يم الآنهآر ..!!

يعني صج مدينه ترد الـــــــروح
وآذآ حـــآآبه تشوووفيين الصور آلي مصورتهــآ برومـــآآ .. مـآكو آي مشكلهـ بس قوليليــ
وآتمنى آكون آفدتجــ .. !!
​

 

[whm]

شسم بليز المنطقة الى فيها النهر والسوق والمقاهى؟

 

[{ شيوخهـ ~]

حبيبتي ( whm )

المنطقه الي فيها نهر وسوق ومقاهي اهيا روما
وسالي اي احد مجرد ما تقولينله وين النهـر .. راح يدليج " صج ان شوارعهم متشابهه.. " بس بفتره قصيره راح تتعودين
وسهل انج توصلين لها
لو حابه مشي اسرع لج من التاكسي لان راح يدور فيج وايد و صعب يلقى له دخله للنهر
طبعا انتي واختيارج بس انصحج بالمشي لكن اذا تتعبين بسرعه عيل تاكسي احسن لج

 

[whm]

مشكورة عمرى...قصدى ابى اعرف اسم النهر الى حوالية مقاهى واسوقة فى روما..ماتذكرين اسمة؟انا رايحة روما بس ما مريت على هالنهر وسمعت عنة بس ما اعرف اسمة...خالص الشكر لج حبيبتى

 

[ندى]

بالتوفيق حيااتو

 

[{ شيوخهـ ~]

( whm )

العفو حبيبتي
اها فهمت قصدج لوول .. اعتقد نهر تايبر " Tiber "

 

[whm]

مشكورة عمرى

 

[{ شيوخهـ ~]

whm :

العفـو حبيبتي

 

[ام سوسو]

انا ودي اروح بالصيف الياي ايطاليا ابي معلومات من الحين عنها عشان اضبط اموري و بودي ولدي معاي عمره سنتين وشنو الاماكن الحلوه و الاماكن الي فيها العاب حق ولدي و اهم شي السوق و الماركات وين احسن شي, والي راحوا لندن مانشستر وشافوا سوقهم و ماركاتهم تقولي و ين احسن سوق حق مشترى و الارخص مانشستر و لا ايطاليا لاني شايفه سوق مانشستر عجيييب ورخييص