ودي اروح تركيا؟؟

[الشهدوالدموع]

مرحبا جميعا بنات منو راحت تركيا ووين تنصحوني اروح وجم تذكرتهم واحلى فنادقهم ومنتجعاتهم وشاكرتلكم:tek:

 

[الشهدوالدموع]

للرفع

 

[Om_Ksha]

حبيبتي انا عندي فكره بالنسبه للمناطق ااما الفنادق ماعرف صراحه بس في جم موقع تقدرين تلقين لي دورتي

عندج اسطنبول حلوه حق التسووق وفيها واايد اشياء
بوورصا همن تسووق وفيها مدينه ملالاهي معرووفه وهالمنطقه كلها كويتين
ترمال((كوك شجره)) منطقه حلوه واهيا مثل قريه هااااديه وكللللللللللها عرب ويعرفون يتكلمون عربي واكلهم حلووو صاج ما صاج وفلافل كل شي
جزيره الاميرات .. جزيره تونس تفرينها بالحنطوور
بولو ابانت منطقه بااااااااااارده وكلها طبيعه بس انا ما عجبتنى احب سوالف التسوق
جنارجك منطقه عالبحر كلها سوالف بحر يبعيون فيها سوالف بحر من بكيني وغيره وفيها مدينه ملاهي ويعني

بصراحه تركيا فيها اشيااء واايد بس هالاماكن كله نروحلها ((كل سنه نروح لها))

مع انه في اماكن واااااااااااااااااايد ما شفناها لانه تنقعنه بهالاماكن ومو حابين يغيرون..

ونصيحه لو انا مكانج اقعد اسبوع بكل مكان .. اسبوع بببورصا اسبوع باسطنبول وجذي ... اونسسس

بس ترا اسطنبوول حااااره .. مو نفس يلوااا وترمال وجنارجك

 

[أسرار الطبيعة]

غاليني
من شفت موضوعك من أمس وأنا ارفع لك الصور وكتبت لك ، لكن بالنهاية الصور غدرت فيني وما انرفعت وأنلغى الموضوع ، لكن لعيونك برد أكتب ونرفع من جديد

المغادرة ( حاليا عبر خطوط الجزيرة التذكرة قد تصل في سعرها 40 دينار) ، إضافة إلى طيران داخلي وسعر التذكرة فيه تقريبا خمسين دينار ويتم عن طريق خطوط أطلس ، بمجرد ملامسة قدمك لمطار اسطنبول الدولي ..،
تركيا بلد يجمع بين السحر الشرقي والطراز الأوربي ، ويفصلهم جسر البوسفور ، وأنا أنصحك في المكان اللي بتروحين له تكونين أنت وزوجك فقط ، لأنه مكان يجمع بين عراقة التاريخ وبين حداثة المكان
شخصيا حجزت عن طريق الانترنت فندق في قلب أنطاليا ، وهي أقدم مكان في تركيا ، يلقبونها بالقلب القديم وهي من أصفى شواطيء العالم وعليها يتردد مليون سائح في السنة
فندقي كان غير صاخب ، قليل الغرفة ، قاطنيه تقريباً في عشرين غرفة ، صار له مئة عام أو أكثر لكنه طبعاً مجدد ، أسمه المارينا نظراً لقربه من الشاطيء حيث أنك تمشين لكي تصلي لأجمل الشواطيء سحراً وعليه يتمركز أغلب السواح ، الفندق موقعه رائع وقليل من يرتاده ، ليلته تقريبا 22 دينار وعلى حسب الموسم
وأتركك مع الصور

http://www.ksa4up.net/?action=download&hash=14424836a034cc2c4

وأنطاليا فيها الكثير من المغامرات ( إذا تحبين لحياتك التشويق والإثارة) فعندك البراشوت والغوص والسفاري وتلاقينها عاده في( كمر )أرخص من أنطاليا ( تبعد كمر عنها تقريبا نصف ساعه ) والأفضل استئجار سيارة للتجول والتنزه من مطار أنطاليا لحظة الوصول
والسوق في أنطاليا بسيط وقد تجدي بعض البدل التركية الراقية ، لكن المطاعم والشوي في ليلة قمراء مشهد لا يُنسى بسعر قد يصل لنصف ما هو حالياً في الكويت .
لذلك أجعلي آخر محطه لك فيها للتبضع ويكفيك للبقاء فيها ثمان ساعات ، فما تحتاجين سكن وإقامة بعد الرحلة الداخليه من أنطاليا ، يتم وضع الحقائب في مكان الحقائب المؤمن عليها والذهاب عبر المترو ( مو التكاسي نار بتكون عليك)
واشهرها مجمع قريب مسماه من الجوهره ويحوي تقريبا خمس أدوار وفيه كل الماركات ومحلات غير متوفرة في الكويت
عذراً لرداءة التعبير ، وتداخل الأفكار ، ولنا عودة إن شاء الله..،
موقع الصور ما ساعدني أنزل لك بقية تقرير متواضع عن رحلة بسيطة لكنها غنية بالذكريات الجميلة:eh_s(8):​

 

[الشهدوالدموع]

ام كشة ماااقصرتي حبيييبتي .....ومشكووووووووووووورة واااااااااااايد على الإفادة وياليت اسم الفندق والحجز وودي اعرف سعرالتذكرة على الكويتية ومااااااااااااااااااااااااقصرتوووووووووووووووا حبيباتي

 

[الشهدوالدموع]

مشكورة واااااااااااااااااااااااااااايد حبيبتي اسرار الطبيعة على افاتج لي ياليت الموقع اللي حجزتي منه واسم الفندق وماااقصرتي على العنوة