ودي اروح للنمسا!!..بس كم الميزانية؟؟؟؟؟

[لميس]

حبيباتي وصديقاتي وخوياتي...وروح ألبي!!

شوقتوني على النمسا وحطيتوها براسي!!(تحملوا النتيجة)
بس ما ادري كم احط ميزانية !!
اعضاء الرحلة(زوجي وعيالى الثلاثة الله يخليهم(كلهم تحت 8سنوات)
وانا طبعا..........!!
ابي من اللي سافروا هناك يحسبونها لي مع الدعوات لهن بظهر الغيب!!!!
نسيت اقولكم اني بقعداسبوعين]!!

 

[@أمواج@]

على حسب مشترياتج اذا رايحة سياحة بس وماتبين تشترين شي ما تكلف واهم شي تركبين الأندر جراوند بدل التكسي لأن التكاسي غالية حيل وقعدي بفندق بالسنتر يوفر عليك المشاوير والمواصلات
رحلة موفقة

 

[الاسطورية]

النمسا معروف انها غاليه جدا واعتقد بتكلفكم كثير اسبوعين

 

[noty]

اهي مو رخيصة

اذا سووق راح اتكلف وايد

بس اذا سياحة لا عادي ما تكلف وااايد .. بس لا اتروحون بالتاكسي لانه مكلف

يعني امممممم 1000 دينار حق شوية تسوق العادي .. على رحلات و طلعات
هذا حقج

الريال ما يصرف عادي و اليهال يبون ملاهي ما ملاهي .. بس اتوقع 4 الاف زينه و تستانسون فيهم اذا حق 5 اشخاص .. اذا شامله كل شي


انا والله صرفت وااايد فيها اكثر من المانيا

بس صج ديره اتينننن

 

[كوووووكي]

انا بعد انشاء الله ناوية الشهر الياي اروح بس ما اعرف ولا شي فيها و بقعد اسبوعين و للحين مو عارفة شكثر الميزانية

 

[كوووووكي]

بغيت اسأل للي طلعو فيزا الشنغن شنو الطلبات اللي طلبوها؟ وشلون طريقة التنقل بين الدول الاوروبية سهلة ولا صعبة؟؟؟؟؟

 

[mooomooo]

انا رفيجتي امس تسولف علينا

تقول اهيا اذا راحت النمسا ومعاها 3 من عيالها تصرف بس 3 الاف

بمافيهم التذاكر والسكن والمدة شهر

بتقولون شلون

تقول اول شي تحجز فندق حق ليلتين بس وليما توصل يروحون يدورون على شقة رخيصة

وطبعا تكون يايبه معاها يدامها من الكويت لانها تطبخ هناك (بتقعد شهر )

واهي دايما تاخذ الشقه من هناك لانها تطلع ارخص من اهني

وسلامتكم

 

[النبيطة]

والله خبرة اللي ماتصرف اللي 3000 بس ما شاء الله يبيلها استضافه في منتدانا

 

[جكورة]

أنا وزوجـي كلفتنــا من 2500 إلى 3000إسبوعين بس إحنا قعدنا بفنادق كلها خمس نجوم ماعدا زلمسي شقه حجزناها من الكويت الليله ب 36 ولما رحنا وسألنا عنها قالولنا ليلتها ب15 يعني المكتب نصب علينا بضعــف المبلــغ... المواصلات كلها تكاسي والمطاعم كلها إسلاميه هنديه أو إيرانيه وغاليه يعني مو بوطقه اللهم مرتين أو ثلاث ماكدونالدز ...مافضلت التسوق بفيينا وزلمسي حبيت ميونـــخ أكثر من ناحية التسوق... وأس سؤال أنا حاضرة...

 

[سحــابة شــوق]

تسلمون على المعلومات الحلوه عن النمسا

بس حيت اسال (جكورة) عن اسم الشقه اللي حجزتزوها بزلمسي ؟

 

[جكورة]

تسلمون على المعلومات الحلوه عن النمسا

بس حيت اسال (جكورة) عن اسم الشقه اللي حجزتزوها بزلمسي ؟

هلا والله يالغاليه .. إسم الشقه بالإنجلش أبارتمنـــت appartement

 

[جكورة]

إسمها أبارتمنــــت....appartement

 

[توتة الحلوة]

عني انا شخصيا ما احب أسافر فترة تقل عن 3-4 أسابيع وميزانيتي لابأس فيها فعلشان جذي ما آخذ طيران غالي حيل يعني التذكرة ما تزيد عن 240 للشخص البالغ
وبالنسبة للفنادق فأوربا فنادقها مرتبة ونظيفة يعني موشرط 5 نجوم ، حتى 3 نجوم بتلقينها زينة وتقريبا تطلع الليلة فيها 35 الى 40 واذا كانو عيالج معاج لازم غرفتين واذا تلقين شقة صغيرة بدال الفندق هم أوفر لج لأن العيال بالسفر ياكلون وايد فما تلحقون على المطاعم يعني على الأقل وجبة بالشقة أوكي .
و عادة الحساب يبدأ من التذاكر :
الخطوط :
في خطوط طيران غالية حيل وفي متوسطة بس لازم فيها ترانزيت يعني اتطبين بديرة قبل ما توصلين الديرة اللي تبينها .
السكن : الفندق كم نجمة 5-4-3 (بس نصيحتى اللي ما عندها ميزانية راهية حيل يعني أكثر من 4000 تختار 3 نجوم أوفر) تضربين سعر الليلة بالفندق بعدد الليالي اللي بتقعدين فيها مثال 40 * 5 = 200د دينار حق خمس ليلات وملاحظة اختارو فندق موقعه جريب من محطة قطار اذا كنتو بعيد شوي عن السنتر.
الموصلات : بالنسبة لفيينا القطارات متوفرة وأرخص من التاكسي وأسرع بعد وفي الباصات موجودة بعد.
الرحلات والأماكن السياحية :
لازم تعرفون معلومات كافية عن اي منطقة بتروحون لها لأن ساعات في مدن مافيها سياحة كافية يعني فيها مصانع ولا مصحات بس واذا تقدرون تعرفون المواعيد يكون أحسن لأن ممكن تروحون مكان يطلع مسكر وتروح عليكم الطلعة ويخترب يومكم.
(عندي بعض المعلومات البسيطة عن فيينا اذا تحبين)
التسوق:
دائما أنصح اللي يسافرون انهم يفكرون بالوناسة مو التسوق يعني اشترو الشي المميز واللي مو موجود عندنا بالديرة مو تكودون اغراض على قلبكم ويطلع عليكم وزن بعدين تتوهقون بالمطار اذا كنتو مفلسين على آخر السفرة.
وأي مساعدة ثانية حاضرين...

 

[dan]

انا رحت لها شهر 8
شوفي اهيا سوقها مو ذاك الزود خصوصا زلمسي ما شرينا شي ممكن سوق فينا شوي حلو
اسعار الرحلات شوي مكلفه
اذا حاجزه فنادقج من هني 3000 انشالله تكفيج

 

[بريطانيا]

انا رحت النمسا بس والله مادري جم الميزانيه بس والله العظييم ترى تستااااهل تقطين فلوسج عليها ...
ماشاء الله طبيعتهااااااااااااااا روووووووووعه و خضاااااااااااار مو طبيعي ...
والله انصحج فيها خوووش دوله و بتروحين لها إن شاء الله هاسنه و السنه إللي وراها و إللي وراهاا و ما رااح تمليين منهااا و بتشتااااااقييييييييييين لهااا بعد ,,,,,

 

[ظلال القرآن]

انا وريلي وعيالي 4 اسم الله عليهم
22 يوم كلفتنا 4000 دينار
فنادق وتسوق بس ها انا ما مصختها بالمشترا يعني على خفيف واستأجرنا فان وريلي يسوق وما خلينا جخر نمله ما رحناله واخر اسبوع رحنا المانيا وهم قعدنا اسبوع
تهبل النمسا لا تطوفج
اتصدقين حتى العطل الي اخذته معاي وكنت اتعطر منه لي الحين احبه واستانس اذا حطيته لا انتعش بعد لان يذكرني فيها

 

[عنايد]

مثل ماقالو الخوات مو أقل من 2500 الى 3000 مع التذاكر طبعا

 

[مـــــــذهـلـة]

احسن شي ما تحجزين فندق من هني راح ياخذون منج فلوس اكثر من انج تحجزين من هناك

 

[توتة الحلوة]

حجز الفندق انا أنصح فيه من هني أحسن حتى لو أغلى شوي بس مضمون ...يعني مو تروحين وتوصلين الديرة اللي تبينها وبعدين تقعدين تفترين عالفنادق ... بالله ما لقيتي حجز في الفندق اللي ببالج ... كلش مو وقته ..بروحكم واصلين من طريج طويل بالطيارة وبعدين اذا معاكم عيال صغار بتتأذون وفي نقطة مهمة جدا حق اللي يسافرون مع عيالهم .. ترى أغلب الفنادق الحين ما يرضون تخلون عيالكم معاكم بالغرفة يعني لازم غرفتين.

 

[الحـــلوه]

بنات اذا بغيت احجز من اهني على اي موقع بليز اللي تعرف




تحطه لي اهني وثانكس^_^






والميزانية اذا انا وزوجي جم تتتوقعون الميزانية اللي تكفينا لمدة اسبوعين؟؟