ودي اسمع كلمة يمة....من بنتي..

[ام ناييف]

انا وحده من بناتي ما كانت تتكلم بس اه اوه ايه
والله ما تقول غيرها وتفهم الكلام تصك الباب اذا قلنا لها بس ما كو كلام
الا ان صار عمرها سنتين
ولما وديتها الدكتور قال صبري عليها هي قاعده تخزن لما تتكلم راح تنصدمين بالمفردات اللي تقولها
وفعلا صار عمرها سنتين وكم شهر وتتكلم جمل وكلمات بدون ما نرددها لها هي عارفتها
حتى اني سويت عشا على نطقها اول كلمه وهي ( انا كيفي)
الحين نبي نسكتها ما نقدر اسم الله عليها
الدكتور يقول بعض الاطفال يكون جزء الخاص بالكلام في المخ مو متكون عدل ياخذ وقت حتى ينمو ويكتمل
بس دام انها لما تكلمينها تفهم عليج هذا شي زين

 

[um katkot]

الله ياجرج حبيبتي بس الحمدلله انشالله بنتج ما فيها الا العافية و غدا شرها
انا بقولج عن رفيجتي و بنتها
بنتها ما تتكلم خير شر و ماكو رد فعل حق الاصوات و لا تخاف لما نصرخ عليها تحط ايدها بالمبخر و الا شي ياهل عمرها سنة و نص حسبالنا تحقر و كان على طول خشمها يصب
المهم عقب ما صار عمرها 3 سنين خذتها رفيجتي حق المستشفى و فحصوها و قالو البنت ما تسمع خير شر عشان جذي ما تتكلم ما سمعت صوت عشان تقلده او كلمه ترددها
و يقول اليهال عموما من و هو صغير تنمو عنهده بالمخ ربط لغوي بشكل تلقائي
فبنتج لازم عقب ما نحل مشكلة السمع و اذا سمعت و كل شي اوكي نسويلها تأهيل نربط الصوت بالحركة و نربط الاصوات برد فعل معين ومن هالكلام يبيلها اعادة تاهيل فترة و بس تعرف تتكلم و تنجح بالتاهيل تصير طبيعية 100%100
بس البداية تكون صعبة لأنها تاخرت بالسمع و هذا شي طبيعي
انا بنت رفيجتي سحبو الماي من اذونها بس لأنهم تاخرو وايد على ما اكتشفو المشكلة عقب ما اسحبو الماي ماكو فايده هم ما تسمع
طلع العصب السمعي اللي ينقل الصوت حق المخ منتلف و متضرر من الماي و اي شي في عصب ما يتعالج
بس انا اقول انشالله يا رب العالمين قادر على كل شي ان يشافيها لأن اليهال عادة اذا تلف عصب او شي و همه صغار يرد ينمو انشالله
فاحتمال اذا تحسن العصب يزرعون لها قوقعةلأنه ماكو فايدة من السماعه
و اذا ما تعدل العصب ما راح يسون لها شي و اله كريم
بس مركز اعادة التاهيل عندنا ممتاز صج زحمة و مواعيد بس يسوى والله و كلها فترة و تعدي تصبري و لج الاجر اسفة طولت عليج بس تره المركز ما قصرو و همه احسن من الخاص بوايد صدقيني

 

[الصابرة المحتسبة]

رفع

 

[بناتى هم حياتى]

عسا الله يشفيها شيكى على الخاص

 

[الصابرة المحتسبة]

عسا الله يشفيها شيكى على الخاص

ياليت ينحط بالعام ولج الأجر علشان الخوات يستفيدون وخصوصا هالفئة

 

[أخصائية تخاطب]

حبيبتي تعلم الكلام بالتدريج
و السمع اولا ثم يلحق به النطق
بما انها قالت بعض الكلمات بعد ما اجريتي لها العملية فهذا دليل على تحسن السمع ماشاء الله
ينقصها فقط تكوين حصيلة لغوية
الطفل لا يقول الا الكلام الذي يسمعه
هل هي اكبر طفلة عندك؟
يعني ممكن لو هية اكبر طفلة
اذا ما تسمع احد بالبيت يقول "يمه" , بالتالي بنتك لم تسمعها من احد قبلها
و بما انها لم تسمعها و بكثرة فلن تقولها
جيبيلها صورتك و اسأليها منو هذي؟
و وجهي وجهها ناحيتك و هي تنظر الى فمك و قولي لها " يمه "
ثم اشيري بإصبعك لنفسك و قولي " يمه " بهدوء و كرريها لها عدة مرات يوميا
ان شاء الله فجأة تلاقينها بتنطقها بروحها
و ابقى بشرينا

 

[الصابرة المحتسبة]

....................

 

[دكتوراة بالذوق]

انا من زمان عن النت ابشركم نطقت كلمة ماما بس .....

ومشكورين كلكم وعسى ربي يفرجهاا علي بس ادعوووو انها تتكلم .........

 

[الصابرة المحتسبة]

ألف مبرووك ويارب يبلغج فيها