ودي اصفقها.. أتأيدووني.؟؟؟

[دنيا الصدمات]

رد : ودي اصفقها.. أتأيدووني.؟؟؟

فعلا والله شي ينرفز اتييج وحده تكتب مالي مزاج اقرا الموضوع لانه طويل

ياالهي تحسسني انه صج محتاجين لحلولها ونصايحها الخلابه

ومسكينه صاحبة المشكله تتعطل مشكلتها على ما اتيي هالبنت وتتكرم ويصير لها مزاج وترد ع الموضوع الطويل

يعني ابي اعرف هالفئه شتحس فيه


والا اللي تحط رابط
واييج اول رد فاااااااااااااااااااااااااااااااااااااااايروووس انتبهوو بنااات

صج صج هالعضوه شتحس فيه

يابنت الحلال اذا انتي مو متاكده اتيين واتشككين البنات في صاحبة الموضوع احس هذي قمة السفاهه والجهل

وبالاخير يا تاجراتنا احنا مانقصدكم كلكم
وكل وحده عارفه سمعتها بين البنات وعارفه ردودها

واتوقع انه التاجرات اللي نقصدهم اكيد قرو الموضوع
وهذي ما تتسمى تجاره
بالعكس البنات ينفرون من هالنوعيه
ووتحاشى التعامل معاهم
مهما كانت البضاعه مغريه
​

 

[Laidy n3ooma]

رد : ودي اصفقها.. أتأيدووني.؟؟؟

انا اللي وحده تقول ريلي يخوني ولا صايدته

ترد عليها موفقه !!!!!!!!!!!!!! شكوووووووووو

 

[ام متلق]

رد : ودي اصفقها.. أتأيدووني.؟؟؟

وفي اشياء ثانيه مو تبط جبدي تموتني ضحك واستغرب بنفس الوقت الي تحط وحده ممثله بتوقيعها وتكتب تحته تشبهني هههههههههههههههههههه انزين احنا نعرفج تعرفينا شنو نستفيد لما نعرف انج تشابهينها بيخطبونج مثلا ههههههههههههههههههه والي توقيعها احاديث وايات قرانيه وحكم وتطلعلج بسالفة عكس التوقيع احب واحد ويحبني وتعرفنا على بعض بالنت او رقمني بالسوق ههههههههههههههههههههههههه
وفي وحده مشاركاتها كبار الشخصيات مادري كبيره شخصيات مادري شنو المهم معروفه حيل تكتب بقسم الزوجيه انا اصلا مارد على مواضيعها وسوالفها استغفر الله العظيم يعرفها حتى الطفل الي عمره 6 سنين تنظفوا وتسبحوا وريحتكم ههههههههههه يعني حريم كبار صاكين الالف سنه محتاجين احد يعلمهم يتسبحون ؟ وكل اهي احسن وحده واسنع وحده وزوجها يموووووووت على التراب الي تمشي عليه ومنهبل على ريحتها وجمالها وشعرها وجسمها واهي ام السنع والاسلوب والحديث اللبق والحوار وام فاظله ومربيه اطفال درجه اولى وزوجها منثول يمشي ويشم ريحتها ومافي منها بالدنيا كلها هههههههههههههههه وكلها دلع ودلال وسنع وذرابه وليالي رومانسيه واشياء وشويات وكل مواضيعها دورات بالسنع وكل شي فيها غير شكل والمصيبه عندها مجموعه معينه من تنزل موضوع يتراكضون هات يامدح هات يارفع بموضوعها مايطري على الا ام كلثوم لاقامت تغني والجمهور يصيح عظمه على عظمه هههههههههههههههه والموضوع يوصل 1000 رد والمضمون يفشل وتجي بنت ياحرام مالها عزوه وربع وتكتب شي صج يستحق المشاركه تصك هوشه وينحذف شر البليه مايضحك
وفي بنات اقلامهم روعه من ردها تعرفين تفكيرها ماشاء الله عليهم

 

[G!RLooNa]

لووول اي صح توقيع تشبهني شالهدف منه

و اللي تمدح بروحها ساعات نقول ممكن عشان تبين الصةره اذا زوجها مو بالعها و لا خانها تقول حلوه مملوحه ماله داعي وصف دقيق بيضه و عيوني زرق و شعري اشقر و خصري ٣٢ خخخخ

مره وحده حاطه موضوع ابدايه الموضوع مادحه بناتها و كل وحده تدرس بالجامعه و اعمارهم عمر زواج :ddds:

عقب دشت بالموضوع اللي ماله شغل بالمقدمه !!! :dddds:

 

[G!RLooNa]

واللي يجذبون العضوات اليدد يحسسوني انهم من اول ما سجلوا كانوا كبار الشخصيات !!

 

[( مي )]

بييييييييييييييييييييييييييييييييه
كل هذا مو عاجبكم
@@
عيل ليش للحين ضالين بالمنتدى هههههههههه

دود بعض التاجرات اللي تكون ابهالطريقة
^^^^^^^^
أو
^
^
^
أو
pppppppppp
أو
..................
أو
،،،،،،،،،،،


يعني ما يمنع يكون في رد مفيد
والمشكلة بعض الصور اللي تخرب صفحات مواضيع البنات من طولها وعرضها

 

[قهوة عربية]

تذكرت بعد شغلات


1 - إذا وحدة تكتب عن البنات اللي يغازلون الرياييل المتزوجين ومايحلا بعينهم إلا المتزوج وانها كرهت الطلعة مع

زوجها والسبة هالبنات .....وطبعا هي ماتصرفت بشي غلط فقط غارت ...يعني ماتهاوشت ولاتلاسنت ولاسوت أي شي

يدل على الهلاقة أو قل السنع ...مجرد شعور داخلي اعترضت عليه في قلبها........ألف وحدة ترد عليها :eh_s(4):

وين الثقة ....؟؟؟؟؟ !!!!!!! وماأدري شنو ....مو قصدهم ثقتها بزوجها .....لالا

قصدهم ثقتها بنفسها .....

يعني شلون تغارين ...؟؟! وشلون يالج هالشعور .....وشلون خليتي نفسج تحت رحمة الغيرة ... ....شلون تجرأتي

وتكلمتي عن الغيرة ....انتي أكيد من كوكب ثاني ......ولابد تعودين نفسج تصيرين هااي وكلااس ......وتنسين هالاحساس البشع اللي ينقص من قدرج وأنوثتج ...

يحسسون الوحدة انها غلطت وكفرت لما تغار على ريلها .... ماجنها مسلمة وعندها مشاعر واحساس وان هالشعور طبيعي

وغريزي بكل امرأة عندها فطرة سليمة ........لا هذا الشي صار قديم واحنا لازم نترفع عن الغيرة ونتطور ونتحضر ....يعني نتطور ونتقدم بأننا نكون لامبالين ولامهتمين ....كشخة ألحين أصير مودرن


2 - إذا وحدة تكتب عن خيانة زوجها وهي عارفة طبعه انه مغازلجي وراعي سفرات وفساد ومهما سوت له من ليالي حمرا وخضرا مايترس عينه شي .....

ألف وحدة ترد عليها ....أكيد انتي مو سنعة ....انتي ماتكشخين له ....انتي مهملة بنفسج ....عدلي من روحج ....غيري ستايلج ....يعني انتي غلطانة غلطانة وهو ماعليه عيب والسبة انتي اللي خليتيه يخونج !!!!!!!!!!!!!!!!!!!!!!

3 - بعض البنات الله يهداهم ....لما توقيعهم آيات وأحاديث وأدعية والصورة الشخصية وحدة لابسة من غير هدوم ....يعني عارية تفشل ....

 

[$حبيبة عبودي$]

رد : ودي اصفقها.. أتأيدووني.؟؟؟

ايه وماحب اللي كل ماشافت موقف كتبت موضوع
شات وحده خالفتها بالراي حطت موضووع شكبره
طيبت تقبلي وجهات النظر شسالفه يعني حلال عليج وحرام على غيرج
وكل يوم موضوع ومسويين زحمممه من لاشي دقو ثقل..
وبعدين في تاجرات يهبللللللللللون ويسولفون ام مريومه تهبل
ود نوف يووه نسيت اساميهم هههههه بس والله حرام قبيتو بوجه التاجرات ..

 

[LoloBlueStyle]

رد : ودي اصفقها.. أتأيدووني.؟؟؟

فعلا بعض التاجرات ردودهم غير مهمه بالمواضيع بس مجرد لرؤية التوقيع

بس هم هذا حق لهم انهم يعرضون منتجاتهم
دام انها ما تتلفظ بالفاظ قذره


2

اللي تدخل المساائل الطائفيه وشيعه وسنه

وهالامور في موضوع لا علاقه له بالاديان او الطوائف


3


بعض ردود الاخوات اللي تكون جارحه وفيها كلام بذيء



وشكرا لموضوعج حبيبتي

 

[monmon12]

البنات الي ينتقدون البنات

ماكو شغل الا اشوف فلانه كتبت وفلانه سوت وفلانه قالت

 

[$حبيبة عبودي$]

رد : ودي اصفقها.. أتأيدووني.؟؟؟

سبحان الله

 

[A i s h a]

رد : ودي اصفقها.. أتأيدووني.؟؟؟

انا ماحب لما احط موضوع واتعب عليه
واخر شي وحده تكتب مو حلو وماعجبني
صج شي يبط الجبد اللي مايعجبها لاتكتب

 

[honey lust]

قلة الادب من بعض العضوات تبط جبدي و تحرررني لان ما اقدر ارد عليها احتراما حق الموجودين و لاني متربيه و بنفس الوقت ودي اطلع لها من الشاشه و اعض خشمها

و اللي مثلا تكون مسكينه منزله موضوع مثال تشرح فيه طريقه ميكب و تحط الادوات و كل شي تطلعلها وحده تقولها انزين شلون سويتي هالشغله!!! اي البنت عيزت و اهيه تقوول يعني اشكره مو قاريه الموضوع عدل

و اللي كاتبه لا تردون لما يكتمل الموضوع و تطلعها وحده ترد و تخرب عليها الترتيب

و اللي يصيرون قروب بنات اشكره رفيجات و تسوي وحده فيهم موضوع و ما ترد و تعطي ويه الا حق رفيجاتها ما احب هالسوالف كلللللش

و اللي مرات اذا صارت عضوه معروفه عادي تغلط و تقول حجي ما في من المنطق ذره و باجي البنات يأيدونها و لو وحده ثانيه قايله نفس الحجي و عندها جم مشاركه جان قالولها لاا غلط و قاموا عليها

و واااايد اشياء بعد

 

[منوة القلب]

انا عن جد المواضيع الي تقهرني

الي تسبب فتنه وهواش بين الكويتيات والسعوديات

وتقعد تصير مقارانات وتقليل من القيمه وتطنز لي درجة توصل يقذفون بشرف دوله كامله .. ليش ؟؟

لي هدرجه الاختلاف بوجهة النظر تخلي الوحده تقل ادبها وماتراعي شعور البقيه .. عيب والله عيب


والي يقهرني بزوووووووود لما وحده تروح لمنتدى سعودي وتنسخ الموضوع والردود وتجي تنزله موضوع

وتقول شوفوووا يابنات وشقولون عنا ...؟

 

[ولهااااانه]

واااي هالموضع فش خلئ لووول
ايلي يقهرني لما تجي وحده وتمددح برووحها انا حلووه وسنعه ونظيفه والكل يسألني عن طبااخي ومو نااقصني شئ
اجدعوووه عااد ملائكه مو حرمه
يعني شالمشكـله اذ قاالت عيب وااحد بس :wqedqw:

 

[ولهااااانه]

آنا ودي اصفق المطيوره :RoadRunner: اللي ماتقرا الموضوع عدل وتعطيج هذاك الرد اللي ماتقولين بعده الا يامال

العمى للعدو وين اعيونج حبيبتي ؟!!! :tongue22: ياماما اقري الموضوع بالأول وبعدين ردي عالناس .... لاومن

الوقاحه والطفاقه تركبلج اهي الأحداث واهي سالفتج انتي اساسا وفوق هذا ردها يكون جارح بشكل مو طبيعي ... شسالفه !!

بتنصحين صاحبة الموضوع والا بتتهجمين عليها !! لاشرايج بعد تكفخينها بعد :j013: وخروا عنها وخروا عنها الأخت

شخصيتها قويه بيكون خخخخخخخخخخ

هم والله مرات اقرا ردود ابي تكون فيه حلقة وصل بين المشكله والرد الأخت بوادي

والموضوع بوادي .... يعني تلاقين عضوه حاطة مشكلتها اللي يمكن تبين فيها انها فعلا بمصيبه وكارثه واتيي الاخت سويله

ليلة مساج ولبسي قميص نوم @@ !! اي شئ !! المره زوجها طاقها ومسببلها اصابه هم لبسي قميص نوم وتعطري !

الريال ساحبها للمخفر وشاكي عليها بالمحكمه هم لبسي قميص نوم وكشخيله وتعطري !! حماتها وسابتها ولاعنه خيرها هم

لبسيله قميص نوم وسويله مساج وتعطري !! طاردها من البيت وقاطها فبيت اهلها بيطلقها هم لبسيله قميص نوم وتعطري

وووو ...ياللللللللللله شنو هذا !! :jumpon: ياماما ربطي بين المشكله والحل خليى نصيحتج تكون معقوله وبمحلها شوي

... وهم ياليت بعض البنات يرحمونا من الخيال شوي :eh_s(4):

:krkrkr::krkrkr:ردج موتنـي ضحكـ هههههههههههه
في حريم كل شئ عندهم قميص النووم وليليه حمرره
طيب اذا ريلج يطخ من تلبسيله قميص نووم ريل غيرج مو نفس اطباااع ريلج
لووووووووول:ggdw:

 

[‏ ρяιиcεss]

رد : ودي اصفقها.. أتأيدووني.؟؟؟

اما انا اذا وحده حطت موضوع حلو وسنع تيي الثانيه تسب فيها وتستهزئ فيها وتلعن انزين ليش يعني شنو بتستفيد انها تصير عضوه موقوفه !!​

 

[ToOoTi]

ههههههههههههههههههههههه

والله الردود كفت ووفت وقالت اللي بخاطري خخخخخخخخ

صج بعض ردود التاجرات مال جم طراق على جم فنقر

مشكورة يا الغلا على الموضوع

 

[@البتووول@]

رد : ودي اصفقها.. أتأيدووني.؟؟؟

تذكرت شغله لوووووووووووووووول كسبتي فينا أجر على هالموضوع

المهم اللي تقول أنا مو مقصره مع ريلي والكل يشهد@@

هههههه يعني الكل يشهد بشنو مثلا:gr4uu:

ياما في ناس سنعه برا وداخل البيت ضيم وما أقصد الكل بس عشان لاتكون مبرر للبنات الكل يشهد حدها مو شي:cxxxp:

 

[مرمووور]

رد : ودي اصفقها.. أتأيدووني.؟؟؟

اناا مااحب .. شغلتين
اللي تقوول كلمة موضوع مااله دااعي << طيب ليش مااله دااعي يعني البنت نزلت الموضوع من وجهة نظرها مهم تجين انتي وتقولييين ماله داعي ولو كان ماله دااعي الحمدالله موجودين المشرفات يحذفونه ..

واللي تقوول كلمة مكرر << انتي شكوو مكرر اوو لاااء المشرفات لو شافووه مكرر بيحذفووونه