ودي اصير هادية

[المبدعة]

السلام عليكم

ودي اصير هادية و اتمالك اعصابي و ردت فعلي السريعة

قولوا لي شنو الحل ؟؟؟؟؟؟؟؟؟؟​

 

[شـهد]

حاولي تاخذين الامور ببساطه

ووسعي صدرك , قولي بنفسج (وخير ياطير ) ماهيب نهاية الدنيا

 

[Eva-SS]

شهد حبيبتي ( خير يا طير ) مقولة من الجاهلية حرمها الإسلام لان فيها تشاؤم من الطير وتندرج تحت ما يسمى بالــ ( التطير ) وهو امر مذموم

على كل حال حبيبتي المبدعه ... تقدرين تصيرين هادية باستخدام تكنيكات بسيطة مثل التنفس العميق والــ Nlp او البرمجة العصبية اللغوية ممكن من خلالها تتخلصين من الإيحاءات السلبية المتراكمه يوميــًا

حاولي تريحين نفسج دايم وتذكري الدنيا ما تسوى

 

[طماشه]

اي والله الدنيا ماتسوى

خليـــج دايما ريلاكس واول ماتعصبين تعوذي من الشيطان وتنفسي بعمق وقولي ماكو شئ يسوى ازعل روحي عشانه

وبالاخير تذكري ان هذا الشئ راح يضرج اكثر من انه يفيدج لان اي تصرف يطلع منج وانتي معصبه يكون مو موزون

حبي نفسج ؛)

 

[زينة البحرين]

هل حبيبتي ان كنت من اللي يعصبون دايماوعلى كل شي ليم اكتشفت اني اقط خيط وخيط وهذي اساء لي فقررت اني اغير هالاسلوب فقمت اتعوذ من الشيطان , التنفس العميف والأهم الطرف الثاني يندفر ويسكت فالواحد يحشم نفسه ليمايتعود بعد العصبية الزايدة تعطى انطباع كريه عنك والناس تجنبك :dddds:

 

[soo_soo]

هلا اختي انا بنصحك بنصيحة الرسؤل علية الصلاة ؤالسلام مع اني ما اسؤيها ما اقدر اثؤر بسرعه ما اتحكم بـ اعصااابي
يمكن تفييد معااك

انه فيه حديث بس فيما معنى اذا الؤاحد ؤهؤ معصب يغيير ؤضعيته يعني اذا كنتي ؤاقفه قعدي على طؤؤل ؤتعؤذي من الشيطان ؤخذي نفسييي يعني سكتي دقيقه بالكثير بعدين تقدرين تكلمين لانك هنا متصيتي الغضب
ؤاذا كنتي بحزتها قاعده قؤمي على طؤل ؤقفي ؤتنسمفيي بعمق اهم شي

هذا الي اذكره انه يغير ؤضعيته على طؤل اذا معصب

 

[روعة افكاري]

والله ياعمري اللحين قولي من لقيتي مو عصبي الاطفال صاروا عصبيين اذا ماعطيتهم الي يبون شوفي شلون يبكون


بس قولي يارب تطمن قلبي بالهدوء والراحه

 

[البيلسان]

بتعلم التفكير بالسؤال أو الموضوع لبرهه من الزمن قبل الإجابه عليه أو التحدث فيه من الأمور التي تجعلك هادية ورزينه في إجاباتك ، وفي حديث جميل للرسول العظيم يقول فيه:"ليس الشديد بالصرعه إنما الشديد الذي يملك(يمسك) نفسه عند الغضب".وهذا راح تمتلكينه بتدريب النفس على الهدوء وترويض النفس عن الهوى.

 

[المبدعة]

اختي (( شهد ))

اشكرج على النصيحة و ان شالله يكون صدري وسيع

مشكورة

 

[المبدعة]

eva

مشكورة على النصيحة و على قولتج الدنيا ما تسوى

 

[المبدعة]

طماشة مشكورة على النصيحة

و ان شالله اناتعوذ من ابيلس

و احرص ان اكون متأنية بردة فعلى

 

[المبدعة]

زينة البحرين

مشكورة اختي على النصيحة يا غالية


و ان شالله اصير هادية

 

[المبدعة]

سو سو


مشكورة على النصيحة القيمة


والخطوات المفيدة

 

[المبدعة]

اي و الله صاجة ياروعة افكاري

الحين حتى اليهال صايرين عصبين

بس الواحد لازم يتحكم بنفسه

صح ؟؟؟؟؟؟؟

 

[المبدعة]

اختي البليسان


مشكورة على الكلام الطيب المفيد

و الواحد لازم يصيطر على نفسه

مشكورة

 

[AnaQ8tia]

الكلام اللي تفضلوا فيه خواتي ممتاز بس ما راح يخليج هاديه أنا كنت كبريت وأكثر كله متشائمه وما عندي طولة بال بس الحين تغيرت تغير كلي والفضل بعد الله للدكتورةليلى الربعي اللي مهما أقول ما أوفيها حفها .

 

[المبدعة]

انا كويتية

يعطيج العافية و مشكورة على الكلام اللمشجع و اللي ياثر في النفس

و ان شالله اتحول يا رب و صير هادية

 

[الاخلاص]

قبل لاتسئلين نفسج ليش مااصير هاديه اسئلي نفسج ليش تعصبين عالجي عصبيتج
شنو السبب الي يخليج تعصبين اكتبيهم بورقه وحاولي تتذكرين هالاسباب

 

[الجووورى]

يسلمووووووووو ينات والله حتا انا نفسها ويعطيكم العافيه على الافاده

 

[princess_lolo]

فكري بالرد قبل لا تقولينه
ولا تاخذين قرار او تقولين كلام انت مو متأكدة منه الا بعد تفكير

وطبعاً التعوذ من الشيطان قبل كل شي