ودي اعرف باجي وجهات النظر سواء الطالبات او المعلمات

[jen2n]

السلام عليكم

حبيت افتح الموضوع من كثر ما تعقدت من سوالف البنات والمعلمات

انا توني للحين تعيين يديد ان شاء الله شهر 9 اباشر الشغل

المهم البنات يعني الطالبات قصدي

دايما يقولون شتبين في المدرسه تعب والطالبات صارو شياطين ولقافه وملاسن ومافي احترام للمعلم وقامو يصورون المعلمات وبويات وما اعرفش ايه يعني ماكو مدح كلش

واذا ييت حق المعلمات بيقولون معاشتنا مو مكفيتنا والمدرسات مو بس تدريس المدرسه مشرفه و مناوبه و مراقبه و حارس و مندوب ووو وكراف وتعب


فبغيت اعرف صج هالكلام والا مبالغ فيه؟؟؟

يعني قاعده اشوف ان كل ما تكون المعلمه شخصيه بالفصل راح تقدر تضبط الطلبه داخله

ونفس الشي المدرسه لو حطت تقسيمها لشغلها ما راح يكون تذمر

يعني خل نقول كل شهر تقط 100 دينار على الوسايل وورشات العمل والدرس النموذجي

بفهم باجي الفلوس وين تروح؟

مو قاعده اشوف المدرسات ماشاء الله كل وحده سياره اخر موديل

غير الجنطه والملابس ماركات

وكل سنه سفره

فبعرف ليش التذمر:eh_s(1):

اذا الانسان ما يبي يتعب ويتشتغل عيل ليش يقدم على الديوان

يقعد في بيتهم وتيي له بارده امبرده دعم البطاله ما ادري العماله

وانا اشوف بكل مكان في تعب

بس اللي يحب شغله راح ينسى هالتعب وبيبدع بالشغل

من كثر ما اشوف التذمر قمت اخاف من هالشغله ما اشوف كلمه مدح في هالوظيفه كلش:eh_s(2):

يمكن كلامي قاسي وثقيل بس ودي اعرف وجهات نظر الباقي

واعذروني ما اعرف اصفصف حجي صاير الكلام عايم على بعضه :/


:rerrerek:

 

[قاهرتهم 2011]

السلام عليكم



واذا ييت حق المعلمات بيقولون معاشتنا مو مكفيتنا والمدرسات مو بس تدريس المدرسه مشرفه و مناوبه و مراقبه و حارس و مندوب ووو وكراف وتعب


فبغيت اعرف صج هالكلام والا مبالغ فيه؟؟؟

يعني قاعده اشوف ان كل ما تكون المعلمه شخصيه بالفصل راح تقدر تضبط الطلبه داخله

ونفس الشي المدرسه لو حطت تقسيمها لشغلها ما راح يكون تذمر

يعني خل نقول كل شهر تقط 100 دينار على الوسايل وورشات العمل والدرس النموذجي

بفهم باجي الفلوس وين تروح؟

مو قاعده اشوف المدرسات ماشاء الله كل وحده سياره اخر موديل

غير الجنطه والملابس ماركات

وكل سنه سفره

فبعرف ليش التذمر:eh_s(1):

اذا الانسان ما يبي يتعب ويتشتغل عيل ليش يقدم على الديوان

يقعد في بيتهم وتيي له بارده امبرده دعم البطاله ما ادري العماله

وانا اشوف بكل مكان في تعب

بس اللي يحب شغله راح ينسى هالتعب وبيبدع بالشغل

من كثر ما اشوف التذمر قمت اخاف من هالشغله ما اشوف كلمه مدح في هالوظيفه كلش:eh_s(2):

يمكن كلامي قاسي وثقيل بس ودي اعرف وجهات نظر الباقي

واعذروني ما اعرف اصفصف حجي صاير الكلام عايم على بعضه :/


:rerrerek:

ماني فاهمه شنو علاقة انه يكرفون المعلمه باشياء تستهلك طاقتها خارج الفصل
بشخصيتها داخل الصف

يعني انتي شايفه انه عادي خل يكرفون المعلمه فوق طاقتها ويشغلونها شغل الاداريات والحارس والفراشه

اتحداج تجيبين لي معلمه وحده تذمرت من شغلها التدريس كل التحلطم اللي تقرينه عن اشياء مالها علاقه بشغلها خارج الفصل يعني والتقارير اللي مو من حقج كموظفه بالدوله تشوفينها حالج حال باقي الوزارات انتي ما تدرين انه أغلب المعلمات يعانون من الديسك وامراض ثانيه منتشره بمجتمع المعلمين أكثر من الوظائف الثانيه ويا كثر المعلمين اللي قدموا استقالتهم وحولوا وزارات ثانيه عشان صحتهم ما تروح ولا بالاساس ما دشوا التدريس الا لانهم حابين شغلتهم بس الله يهديهم وزارة التربيه ما تبي غير الوافدين اللي ما يشتغلون ربع شغل المعلمات الكويتيات وبالنسبه للمعاش كل معلمه وظروفها

 

[jen2n]

الشغل اللي فوق طاقتها كل يوم!!؟

ما كو واحد يتعب وما ياخذ اجره لان ما في شي ببلاش وكل سنه المدرسات ياخذون اعمال ممتازه ويشتكون والله ما عطونا شي واهم معطينهم هذا غير الكادر والمعاش القوي اللي الباقي يحلمون فيه

وترا حتى باجي الوزارات يعانون وتعبانين وامراض الدنيا فيهم

بس مشكله الانسان اهيا القناعه

ومشكوره على مشاركتج وابداء رأيج

 

[TIC TOK]

ياماما مو الكل ياخذ اعمال ممتازه على حسب الناظره والموجهه ورئيسة قسمج

انا رفيجتي تقولي حريمتي اخذ اعمال ممتازه لانه رئيسة قسمها مو حابتها ومشوهه صورتها جدام الناظره

يعني اغلبية المعلمات يعانون من الظلم لانه باختصار (( اللي يرئسج 3 ))

غير جذي احنا المهنه الوحيدة بالعالم اللي تصرف على شغلها يبا خلي الاقلام واللوحات والاشياء اللي تفيدج وتسهل عملية شرحج هاذي تهوووووووووووووووووون

اللي مايهون البهرجه اللي مال امها داعي مطبوعات واذاعه و ورش عمل ودروس رياديه واجتماعات وكل هذا يبله قلب وشغل والقدره على ضبط النفس وعدم التذمر

تدرين شنو صج صج صج اللي يقهر انه كل الموظفين الكويتين وغير كويتيون يعرفون نتيجة شغلهم الاااااااااااااااااا المعلمين ليش مادري ؟؟؟؟؟؟؟؟؟؟؟؟؟؟؟؟؟

تقدرين تجاوبيني ليش مايخلونا نعرف درجاتنا ؟ انا اقولج انا 3 سنين تدريس وانظلمت حيل اكتشفت انه اول سنتين دروس رياديه وشغل صج من قلب وعطوني درجه ماقدر حتى اقولها تقهرررررررررررررررررررررررر مو امتياز واقل من الامتياز بكثير

صابني احباط مو طبيعي حسيت اني انظلمت لمدة 3 سنين وانا مادري لو ادري جان سائلتهم ليش وليش بس للاسف اللي طلعت نتيجتي بالمنطقه محلفتني مافضحها لانها تعتبر top secret شفتي شلون الظلم

بس الحمدلله اخذت هالسنه الامتياز غصبن عليهم وقفت جدامهم موجهتي عدل وخذت بحقي الله يعطيها العافيه

تدرين ليش لانها لما دشت الصف اللي جنه english school وطريقتي بالتدريس ووسائلي اللي كلها hand made ومتطوره حست انهم اظلموني واوعدتني اني اذا ماتعديت ال15 غياب بتوقف معاي صج واخذته


غير جذي انتي لما تبين تخلصين حصصج وتقعدين تصلحين ولا تحضرين ماكو وقت لانج مشغوله باشياء تافهه (اجتماعات تقارير ورشة عمل مناوبه مربيه اولياء امور يبونج عند الاخصائيه اوراق عمل وامتحانات اصدارات مجلات و و و و )


الا اذا انتي وحده ماعندج ضمير ويجيلج قلب تقطين شغلج على غيرج ويصير القسم مو متعاون عاد هذا بكيفج



اعتقد كفيت ووفيت

 

[Winter Q8]

كلها جم شهر و تشوفين واقع التربية بعيونج و ارد اذكرج إن شاءالله ~~

 

[جيتك تعال]

حبيبتي ماراح اقوولك كلامك نوعا ما ما يلامس الحقيقة

بس بقوولك انتي بعدك ما داومتي ... لما تداومين وتقومين باعباء كثيرة مالها علاقة بكونك معلمة

وهالاعباء ممكن تضيع كل يومك وتكون على حساب طلبتك ومنهجك وتعليمك " بتعرفين ليش المعلم يتذمر "

ولما تصرفين مثل ما قلتي 100 دينار شهريا على وسايلك وشغلك مع العلم انه القسم الي انتي ضمنه فيه ميزانية

بس طبعا ما تدرين وين تروح " بتعرفين ليش المعلم يتذمر "

ولما تاخذين احتياط كل شوى لزميلات هواياتهم الغياب كل يوم والثاني وانتي لانك ضحية التميز والحضور اليومي

تشيلين فوق نصابك احتياط غيرك " بتعرفين ليش المعلم يتذمر "

ولما تجتهدين وتعطين من عمرك ووتفاجئين اخر السنة بالتقييم البااائس

من رئيسة قسمك والمديرة" بتعرفين ليش المعلم يتذمر "

ولما تشيلين اشراف يومي واسبوعي ومناوبة اول واخر الدوام وللعلم مو شغلك هااا " بتعرفين ليش المعلم يتذمر "

وللعلم الراتب الي ياخذه المعلم مو عشان كل هالشغل لا عشان تدريسه فقط

ورغم كل هذا يمكن لانك توك يديدة صعب تقتنعين بكلامي ... لكــــــــــــــــــــــــــــــــن

اتمنى نتلاقى في موضوعك هذا بعد سنتين من العمل عشان نشووف راايك

وان شاااء الله على ويهك نتخلص من كل هالاعباء ونفضى لمناهجنا وطلبتنا وبس

 

[jen2n]

بكل مكان فيه الظلم يعني ابوي بأحد الوزارات خادم الدوله 30 سنه وعمره ما غاب في حياته ويروح اول واحد الدوام وما حصل اعمال ممتاز ويشتغل بضمير

انا اتكلم الحين عن المدرسات كله ما عندنا وكاني قاعده اقول خل تقط كل شهر 100 دينار شنو يعني بالله كل الفلوس لها اكيد بتقطه على شغلها عشان تحصل اللي تبيه

وانا وايد اعرف مدرسات صج ما يصيرون لي كل وحده تقول ينزل بحسابي اعمال ممتازه

وايشرايج في وحده من المدرسات قاعده تتذمر عشان قعدة الصبح بالله هذا شنو تسمينه!!

على العموم بكل مكان فيه الشين وفي الزين والله دايما ما يضيع شغل الانسان اللي يشتغل بضمير له اجر وايد كبير

والشي اللي ما تحصلينه بالدنيا بتحصلينه بالاخره ان شاء الله

شكرا على المشاركه

 

[jen2n]

بنات انا اشوف التذمر زاد بسبت رفض الكادر

والله حتى لو وافقو عليه بيزيد التذمر اكثر واكثر

بعدين بنات انا اعرف اول 3 سنين المعلمه ما تحصل درجه زينه فمن جذي ليش اتعبون نفسكم في الاشياء الغاليه والبهرجه الزايده

ليش ما تسون الاشغال البسيطه اللي في البيت

بالنسبه للمشاوير ما اعتقد انها كل يوم طول السنه!

وباقي الوزارات نفسكم قاعدين يتذمرون ويتمنون يصيرون مدرسات تدرون !!

 

[jen2n]

ما ادري بعد انا ماخذني الحماس والاندفاع بهذي الوظيفه وبنفس الوقت متعوده على الكراف من ايام الجامعه فعشان جذي مستغربه الوضع عند المعلمات وهم بنفس الوقت اذا حسيت نفس اللي تقولونه الحمداللي اني مو تربويه يعني خلال سنتين او ثلاث اقدر اغير الوظيفه والا اكمل دراساتي

 

[بنات حواء2]

هلا و الله حبيبتي جنان اسمج مثل اسمي اليوم و انا ادور بين الاسامي المقبولين اقول اي جنانه فيهم جنان الي بالمنتدا و طبعن من ظمنهم انا
اول شي الف مبروك لي و لج و لكل المقبولين
اما التربيه انا مالومج لانج ماخذيتي ميداني و مانزلتي ارض الواقع لمن تنزلين راح تعرفين ليش
التدريس بحد ذاته حلو
الطالبات مهمن كانوا شياطين شخصيتج هي الي تفرض هشي
تصوير هذا حجي له عواقب قانونيه فلاخوف و حتا لو بصوروني في مخافر اشتكي و بصراحه خيصوروني عادي بالعكس خيشوفون الغير اشكثر المعلم يتعب وبعدين انا مو مسويه شي غلط خيصوروني خلي شغلنه و تعبنه يوصل و هلي الوزاره يكون عندها علم ان هيبت المدرس اندثرت راحت هباءاً مع الريح
عشان يعدلون من القرارات القريبه في عقاب الطلبه المتمردين
اما المعلمات شوفي السالفه مهي فلوس و بس السالفه معامله
ولاتهقين انج اذا اجتهدتي فبمجهودج راح يعطونج الامتياز في ناس يقدرون و في ناس لا اذا عجبتيهم عطوج الاي و اذا ماعجبتيهم قالولج باي بالتقدير
اضافه الى ان الطائفيه و القبليه موجوده و يأسفني اني اقول انها موجوده اليوم و لاكن للاسف عادات الجاهليه مازالت تمارس في بعض الاقسام و المدارس
انا دايمن انظر للمعلم نظره وحده ان هو سفينه يقودها ٣ كوابتن مو واحد ثلاث
فتخيلي السفينه الي لها ٣ قائدين تهقين توصل و لاتغرق
انا برايي تغرق لانه لابد و ان تتعارض القرارات و الاوامر مع بعضها و الي بياكلها السفينه الي هي احنه و بس
اضافه الى مجتمع الحريم و النفاق الي فيه و الحش و الاثم و وووووو انتي ادرا
نصيحه يا جنان خليج بعيده عن الكلام و اكتفي بسكوت و الابتسامه و السلام و لاتبدين رايج باي شي اكتفي بابتسامه و كوني حريصه في تعاملج مع المدرسات الي معاج و سوي الي عليج و اجتهدي عشان ماتعطين حق احد مجال يتحجج عليج
والله يوفقنى جميعن

 

[^ليلاس^]

الجامعه شي والواقع العملي شي ثاني

مافي مقارنه اصلا وعلى سالفة ال 100 كل شهر لا تقولين شويه وعادي المعلمه مو ملزومة تصرف من جيبها 100 دينار كل شهر , خير انشالله؟؟ حتى لو ما عندها التزامات هالاميه اهيا اولى فيها , انا مادري الادارات شيسوون بالميزانيه !

وثالث شغله حبيبتي انتي , ماتقدرين تحكمين عالتدريس والتربيه والوضع اللي فيها من كلام المدرسات لازم تعيشين الواقع وتشووفين ياما راح تشوفين اشكال والوان انا ما اخرعج من التدريس بس القصد لا تتساهلين وايد وتحسبينها مهنه سهله والايام بتثبتلج ...

 

[zqertya]

حبيبتي انتي للحين ماجربتي شي انا ترا مثلج حرجه واحب شغلي واحب المسؤوليه من دشيت المدرسه توني ترا صارلي سنتين كرهت التدريس وودي اطلع اليوم قبل باجر من لمدرسه السالفه مو بس تذمر على الفاضي ولا عشان نبي فلوس السالفه ان المدرسه كل شي تسوي ومثل ماقالو الخوات محد يتذمر من وظيفته ولا ابله قالت ويييع الا من الاشياء الثانيه مو من التدريس تخيلي انتي كمدرسة حتى سايق تشتغلين يطرشونج كل مكان واذا قلتي لا صرتي مو زينه يعني تخيلي انا مره وديت طالب المستوصف صار في نزيف بخشمه من غير سبب ادق على الام والابو مايردون وقعدت معاه لما يا دورنا من الساعه 10 لي الساعه 12 وشي بذمتج هذي وظيفة المعلمه انها تودي مستوصفات وبالاخير الام حضرتها نايمه وماتدري شسالفه ترا تعب وانا ماتخيلت هالشي الا ما دشيت وصدقيني باجر راح ادشين وتتذمرين حالج من حالنا

وعن الاعمال الممتازه يكون فعلمج بعد 5 سنين تاخذينها وللعلم ما ياخذها الا ربع الناظره وحتى الامتياز العادي اللي انتي تذبحين نفسج عشان تاخذينه اذا انتي موعاجبتهم يطلعون فيج الف عله اذا انتي تحبين التقلقس والحجي والقيل والقال تعجبينهم بس اذا مالج شغل باحذ وقاعده تسوين شغلج صرتي مو زينه انا هالسنه كرفت كرفت لي قلت بس والله ان مدرستنا صارت اعلى مستوا بالنسبه للمدارس الثانيه اخر شي تقولج الناظره ولا رئيسة قسمج انتي ماسويتي شي انتي شنو اشتغلتي بدل لا يقولون يعطيج العافيه يعني احنا مانبي هدايا وا شهاداة تقدير نبي كلمة طيبه تدرين هالكلمة والله كرهتني بالتدريس عرفتي شنو المشكله ان لو تذبحين نفسج وتشتغلين ماراح تاخذين شي حالج حال اللي تقلقس عند الناظره ولا بعد تاخذ اعلى منج وراح تشوفين بعينج انا السنه اليايه ماراح اسوي لا ورش ولا شي بس اعطي حصصي شغلي الاداري تدرين ليش لاني اكتشفت ان طول عمري راح اكون مدرسه والترقيه راح تييلي يعني بعد 5 سنين اصير رئيسة قسم وهذي ماشيه يعني لو اذبح نفسي ماراح اصير شي

لو احنا نفس نظام المؤسسات الخاصه جان ممكن اتعب واحس بالفرق عالاقل بونص ولا ترقيه بمنصب بس بالتربيه لو شنو تسوين مكانك سر ماراح يتغير عليج شي وحتى كلمة شكر ماتسمعينها الا من بعض الناظرات وهذيل قله قليله وانشالله ما اطيحين بمدرسه موزينه

اي بعد راح تحسبين حتى عدد الساعات اللي توقفينها وراح تتخيلين نفس مكينه مابي اخرعج بس لاتظلمين المعلمين وانا ترا مثلج ابله يديده توني صارلي سنتين وقاعده افكر شلون بتحمل باجي السنين وهذا اذا ماطلعت انشالله

 

[صدقني@صعبه]

حلوووووووووو مووووضووعج جناااااااااااان

وصراااااااااااااحه هذاا الصج اللي اشووفه من خالاتي وعماتي وحتى المدرسات لما كنت ميداني

واقوووووول ليش لي هالدرجه يعني؟

واتناااقش معاهم على هالسالفه وهم يقولون تووج ما شفتي خير ولا الكراف اللي شفناه
ومايندرى لما اتعين واشووف واجرب يتغيير الحجي
بس انا من وجهة نظري لازم اتكوون الوحده ما تسرف واااجد والله المشكله بس ينزل المعاااش يطير منهم النص
ولو يفكرون وين طارت الفلوووس على اشيااء عااديه ويتحسوفوون نص الشهررر
وشكرا لج جنااان

 

[خيشة شكر@]

اب اب

 

[@ نجمة العطااا @]

الله يوفقك ان شالله بوظيفتك كمدرسة
وبعد سنة من الدوام نتقابل ان شالله ان كنا من الحيين
عاد وقتها بذكرك بموضوعج هذا ويشوف رايج

هذا ما نزلتي موضوع بعد ثلاث اربع شهور تقولين
شنو هذا لا لا لا لا انصدمت بالواقع المرير

 

[jen2n]

بنات انا اشوف بكل مكان تعب قلت لكم ابوي خادم الدوله 30 سنه تخيلو ان اهوا اللي يروح يشتري لوازم القرطاسيه حق المكتب بوازاه غير عن التربيه

يعني مو بس التعب بالتربيه

وانا عارفه الترقيه ما تيي الا بعد 3 سنين فليش اسوي البهرجه من اول سنه لي ليش ما اخليها بعد 3 سنين

اما على قولتكم بعد 3 اشهر التذمر

قلت لكم انا مو تربويه يعني عادي اني اغير من وظيفتي واكمل دراسات عليا

ولحد الحين متحمسه على هذي الشغله

وان شاء الله اطيح بمدرسه زينه واداره احسن عشان ما اقعد اتذمر من كل شي

 

[jen2n]

حبيبتي بنت حوا انا اسمي طلع شهر 5 مو توا

 

[al-shyo0o5]

آمممممم , والله انا توني متخرجه من الثانويه


وحييييل حيييل حيييل حاابه التدريس ولا فكرت بوظيفه غيرهـ


وكرهووني فييه بدرجه مو طبيعيه والكلاام الي قريته بهالموضوع ولا ششي بالنسبه للي قالولي ياه خالاتي

حتى ابووي منعني بالذات ان التخصص الي ابيه هوو تاريخ وتدريس مرحله ثانويه

يقول انا مجنوون اخلي بنتي بين هالمراهقات بااجر تصوير واوليااء اموور وفضايح وبلااوي من هالبنات

قلت انا 3 سنيين عايشه بين هالبنات ومعاشرتهم ما اثروا فيني طاالبه بيأثرون فيني مدرسه

و بماا اني حااابه التدريس ماراح ادخل الا تدريييييييييس ب الرغم من كلامكم وكلاام غييركم لاني احححبه واحس اني ببدع فييه بالذات بتخصصي


صج اني سجلت بالشريعه عششان ابوي بس , لكن بحوول للتربيه انشششالله

بتقوولين هذي م تنفع معاها النصيحه والكلاام , لا امبلا تنفع بس موو مقتنعه بكل الي قلتووه

يعني تتعبون وتتعبون وتكرفوون نفسسكم و تقطعووون اعماركم عششان الامتياز وبالاخير ماا تشمون ريحته

لييش وانتي تدرين ان اول 3 سنين ما تاخذينه بفهههم لييييش , وتقوول تعبت وانكرفت محد غااصبج

و مثل ما قلتي اختي , كل وظيفه لهاا تعبهاا وانا ماا احححب الوظيفه الي فيهاا رااحه مطلقه خلاااص لا تعب ولا شغل

والله والله ما احبها ولا ابيهاا , حلووه الرااحه بس بحدوود

شووفي الحين قالت لي خالتي تبين تدريس اووك تخصصي رسم / اقتصاد / ديكور قلت والله لووو شنووو هذيلا اغلبهم قاعدين لا شغل ولا مشغله ولما اشووفهم بالمدرسه م اتمنى كلش اني اكوون مثلهم

وبعدين شوفي كلااام المليفي , ان بيخلي التدريس مهنه ممتعه و اخلي كل واحد يتمنى انه يكوون مدرس بالكويت والمدرس وظيفته التدريس فقط <~ يعني بدوون اشرافات ومناوبات وشغل زاايد

وححتى لو ما طبق كلااامه , فيه شغلات انتي مو ملزوومه فيها كلش بقدرتج انج تتجنبينهاا

والله يووفقج انشالله ويووفق الكل يَ رب ويكتب لج آلخيره بأي مكاان ووظيفه

 

[al-shyo0o5]

إي وبالنسسبه للطالباات , قلت بموضووع من قبل واقوول الحيين

احنا محترماات مع الابله الي تحترمنا وتقدرنا و تحترم عمرنااا وانا مو جهال عندهاا تزف والا تمسخرنا ع الفااضي , والعككس مع الابله الــ موو محترمه

لا اقوووووولج نرد و والله تتحسف لانها هي الغلطاانه ترى ما نسسكت عن حقناا خصووصا ان فيه ابلاات وقحاات الفاااظهم قممه بالوقاحه والله وربي فييه ابله مرره قالت كلمممه , يبووي ما مسكت نفسسي تهاوشت معاها وادااره وسالفه واذكر ابلة الفلسسسفه فديييييتهاا كانت تسسكتني < عجييبه ابلتناا هذي


والابله الي تعااملنا مثل خواتهاا و نحس انها تحبناا ونهمهاا , نحطهاا ع الرااس و ع العيين و نتفقدها ونسال عنها لي غاابت واذا سوينا قهووه مثلاا ماا ندخل اللقمه بحلووجنا ليين نحط لها من الي جايبينه " كييك / فطاير /حلاا / ورق عنب ,,,,,, إلخ


وبسس , انشالله تكسبين حب طالباتج واحتراامهم ويكونوون مثل خوااتج <~ اذا كنت حاابه طبعاا

 

[ذكريات عشاق]

اي والله وانا معاج ياجنان بكل كلمة قلتيها
مادري ليش هالابلات يتذمرون ويتشكون
بصراحه انا حابه وظيفتي اللي احلم فيها من زمان والحمدلله
تحققت
وبصراحه الترتيب والتنظيم بالوقت والشغل بالبيت والمدرسة مااعتقد راح يكون فيه تعب
واساسا التعب لابد منه شنو يعني تبون ناخذ معاشات بدون مانحلل جهدنا
والله بكل مكان وبكل وظيفة تعب
واحنا كمدرسات نحمد ربنا عطلة بالصيف ورمضان محد يداوم ونص السنةعطلة
عكس باجي الوزارات الي الاجازة عليهم بالحححسرة
والحمدلله على النعمة احمدواا ربكم ترى النعمة زوالة والله


مشكورة جنااان الموضوع ححده روعه