ودي اعرف باجي وجهات النظر سواء الطالبات او المعلمات

[^^ريهام^^]

شوفي حبوبة عندي كلام ما راح يعجب البعض , بس رجاء كبير يحترمون وجهة نظري مثل ما انا احترمت وجهة نظرهم

التدريس حلو ... اي نعم مهنة حلوة وممتعة .. فيها اشكالات بسيطة بس ما تأثر على قدسية المهنة

انا صارلي 4 سنين مدرسة وادرس حاسوب وادري ان تدريس الحاسوب غير عن تدريس الللغة العربية والانجليزي والرياضيات

انا كل السنين اللي درستهم كان نصابي 18 حصة والصفوف اللي اخذتهم عاشر والحادي عشر يعني مراهقات

واشتغلت بمدرستين , واول سنتين كنت اشتغل بسجل الطالب لان الادرايات وحدة ماخذة مرضي والثانية مسوية عملية وما تقدر تشيل المدرسة كلها فالادارة طلبت مساعتنا احنا قسم الحاسوب كنت انا الكويتية واللي معاي مصريات . المصريات اشتغلوا ما قالوا شي , وانا استحيت اعتذر قلت مو حلوة اخليهم يشتغلون بروحهم واحنا قسم واحد فاشتغلت معاهم , والشغل بسيط ما كان صعب

يعني انا اخذت شغل مو شغلي ومو ملزومة فيه بس من باب التعاون سويته , الادارة كانت سيئة حيل مع المدرسات يعني ماشين على مبدأ فرق تسد , وبصراحة ما كنت احتك معاهم حيل وبنفس الوقت ما اسمح لاحد يتكلم عني

ما كنت اهتم بشغل البهرجة والورش والدرووس الريادية واتذكر موجهنا النحيس حاول معاي وانا عطيته سكب , وما ابي الامتياز خلي يولي

بس كنت مهتمة بحصتي لاقصى الدرجة واتابع طالباتي اول باول والحمدلله يعني طول الحصة اشتغل ما اقعد

واخذ اشراف ومناوبة عادي بس اشرافي مرة وحدة بالاسبوع والمناوبة مرة كل شهرين يعني حال حال باقي الابلات

والحمدلله مرتاحة وماعندي مشكلة راتبي الحمدلله يكفي ويزود بعد , طالباتي يحبوني ويحترموني لاني احبهم واحترمهم

المشكلة بالادارة بس يولووووووون عطيتهم اكبر طاف , ماشية معاهم على مبدأ امشي عدل يحتار عدوك فيك وما يقدرون يسون لي شي

مشكلتنا احنا الكويتيات ان احنا حيل حساسات وبعضنا متدلع ما يبي يشتغل

في ابلات ما شاء الله عليهم نشيطات ومميزات بشغلهم بس اذا صارت مشكلة بسيطة بدوامها تقلب الدنيا وتعصب ونفسيتها تتعب ليش بيا ... اشوي اشوي على روحج احنا مو عايششيين بالمدينة الفاضلة شي طبيعي تلقين الحقود والحسود والمنافق واذا انتي متميزة توقعي الحرب عليج ... وهذا شي طبيعي ماله داعي تعصبين ... الكلاب تنبح والقافلة تسير

في ابلات مو مال تدريس وياليت كل وحدة تحس نفسها ما تقدر تدرس تترك التدريس .. اعرف ابلات نصابهم اقل من 10 حصص , ويدشون الصف تقرا من الكتاب ولسانها وسخ مع الطالبات, وكل يوم والثاني غايبة ياليت شي يستاهل الغياب الا امس كانت الاخت بعرس وتأخرت والا تبي تستانس مع ابو الشباب , والمدرسات اللي معاها ياكلونها ياخذون احتياطها والبنات يتأخرون بالمنهج , واذا قعدتي معاها تتحلطم وتهول ابروحها انا اللي اسوي وانا بس اللي اشتغل والمعاش ما يكفي انتي معاشج فوق الالف وزوجج معاشه فوق الالف والحكومة تعطيج بدل ايجار ومعاش للعيال وين تروح فلوسج , مسكينة تتشكى الفقر ولبسها وجنطها كلها ماركات , اشتروا ماركات بس لا تشكين الفقر يا مال الفقر,, يا ما ما احنا عارفينج وعارفين شغلج والفئة هاذي منتشرة وايد

هذا اللي عندي التدريس مهنة حلوة وفيها تتعاملين مع الناس ويكون لج تأثير عليهم , احسن وايد من قعدة المكتب لا شغلة ولا مشغلة

واعتذر مقدما اذا زعلت احد بس هذا رايي

 

[TIC TOK]

ريهام نحترم وجهة نظرج لكن مثل ماقلتي فوووووووووووووووق انتي ابلة حاسوب مو عربي او او او


المهم اللي حاب المهنه راح ينجز فيها انا مو معترضه عالتحضير والدوام والشرح لا انا معترضه عالظلم وعدم التقدير وكثرة الشغل الللي ماله داعي بهالوقت اللي يضيعونه علينا خل يخلونا شوي نركز بطالباتنا نقدر نعطيهم حصص اضافيه انا اول سنه بس خذيت حصص اضافيه لكن كل ماله الشغل يزيد على غير فايدة بس يضيعون وقتنا جذيييييييي

المهم

الله يوفق الجميع

 

[بنات حواء2]

آمممممم , والله انا توني متخرجه من الثانويه


وحييييل حيييل حيييل حاابه التدريس ولا فكرت بوظيفه غيرهـ


وكرهووني فييه بدرجه مو طبيعيه والكلاام الي قريته بهالموضوع ولا ششي بالنسبه للي قالولي ياه خالاتي

حتى ابووي منعني بالذات ان التخصص الي ابيه هوو تاريخ وتدريس مرحله ثانويه

يقول انا مجنوون اخلي بنتي بين هالمراهقات بااجر تصوير واوليااء اموور وفضايح وبلااوي من هالبنات

قلت انا 3 سنيين عايشه بين هالبنات ومعاشرتهم ما اثروا فيني طاالبه بيأثرون فيني مدرسه

و بماا اني حااابه التدريس ماراح ادخل الا تدريييييييييس ب الرغم من كلامكم وكلاام غييركم لاني احححبه واحس اني ببدع فييه بالذات بتخصصي


صج اني سجلت بالشريعه عششان ابوي بس , لكن بحوول للتربيه انشششالله

بتقوولين هذي م تنفع معاها النصيحه والكلاام , لا امبلا تنفع بس موو مقتنعه بكل الي قلتووه

يعني تتعبون وتتعبون وتكرفوون نفسسكم و تقطعووون اعماركم عششان الامتياز وبالاخير ماا تشمون ريحته

لييش وانتي تدرين ان اول 3 سنين ما تاخذينه بفهههم لييييش , وتقوول تعبت وانكرفت محد غااصبج

و مثل ما قلتي اختي , كل وظيفه لهاا تعبهاا وانا ماا احححب الوظيفه الي فيهاا رااحه مطلقه خلاااص لا تعب ولا شغل

والله والله ما احبها ولا ابيهاا , حلووه الرااحه بس بحدوود

شووفي الحين قالت لي خالتي تبين تدريس اووك تخصصي رسم / اقتصاد / ديكور قلت والله لووو شنووو هذيلا اغلبهم قاعدين لا شغل ولا مشغله ولما اشووفهم بالمدرسه م اتمنى كلش اني اكوون مثلهم

وبعدين شوفي كلااام المليفي , ان بيخلي التدريس مهنه ممتعه و اخلي كل واحد يتمنى انه يكوون مدرس بالكويت والمدرس وظيفته التدريس فقط <~ يعني بدوون اشرافات ومناوبات وشغل زاايد

وححتى لو ما طبق كلااامه , فيه شغلات انتي مو ملزوومه فيها كلش بقدرتج انج تتجنبينهاا

والله يووفقج انشالله ويووفق الكل يَ رب ويكتب لج آلخيره بأي مكاان ووظيفه

منو قال ابلات الاقتصاد مرتاحين خبرج عتيج حبيبتي الحين اي شي بالمدرسه على راس الاقتصاد لا و وسايلهم و شغلهم حاله حال المواد الثانيه اذا مو اكثر غلاطانه حبيبتي و الي قايلج غلطان

 

[PuPa^^SWeeT]

انا احب التدريس و احب الطالبات


بس انا بشوفج بعد سنة بسسسسس من شيلج لشغل مو شغلج

شنشوفج شتقولين بعدين اوكي


و ماراح اعلق


انا احب مهنتي بس ماحب الظلم اللي صاير

 

[jen2n]

شوفو بنات كل كلامهم على عيني وراسي والكلام اخذ وعطا وكل وحده تقول وجهه نظرها بس ياليت ما نجرح بعض

اللي يقولون نشوفج بعد سنه شنو تقولين اكيد بقول تعبت وسويت وشلت وحطيت بس ما راح اقول اني ندمت وتحسفت

لاني من النوع اللي احب الشغل والكراف والتعب ما احب الرباده وحاطه ايدي على خدي ما ادري شسوي

وبعدين الشغل الاضافي اللي تقولون عنه مو يوميا ولا اهوا اجباري

وما ابي الامتياز اهم شي اشرح بضمير وطلباتي يفهمون علي ومعاشي استلمه كل شهر بدون نقصان هذا كافي

وانا عارفه ان الترقيه ما تيي الا عقب 3 سنين

يا ما قالو لما كنت بالثانويه الجامعه صعبه وراح تحولين ومحد قعد فيها وصج اول سنه لي كانت صعبه حيل علي شي اول مره اعرفه وكنت بحول تطبيقي

لكن بعدين لما تعودت وعرفت اشلون النظا ونظمت م وقتي صار كل شي سهالات

فأكيد بتشوفون مواضيع عن سوالفي ويا ادارتي ومدرستي وانا صارت لي مواقف اصلا من ايام الجامعه وكلنا مرت علينا مواقف عادي نقولها ونتكلم فيها ونتاقش عنها بس ما راح اقول ياليتنا كنت بوزاره ثانيه والا ندمانه والا تحسفت الحمدالله مقتنعه

وفي عضوه معانا والله اشوف نفسي فيها خاصه نشاطها ومواضيعها حلوه وتخليني اتحمس للوظيفه اكثر ولو اني ماخذه بخاطري منها بس صج صج احس ان راح اصير نفسها

وبكل مكان التعب والله

وبعدين اذا الله بيرزقني محد راح يوقف بطريجه لا اداره ولا ناظره ولا اللي اكبر منها

 

[ذكريات عشاق]

والله والله يا جنان ان كلامج صحيح وسسسليم 100%
وانا اوافقج على كل كلمة قلتيها وصج تعبنا ودرسنا بالجامعه
والحين بالشغل اكيد نتعب عشان ناخذ معاشنا واحنا مريحيين ضميرنا

 

[jen2n]

ايه لو شغلتنا مو تعب جان ما كان هذي معاشتنا والله عمتي جامعيه معاشها بوزاره الصحه اول ما تعينت 400 دينار بس هالحجي قبل جم سنه وكانت ميته على التدريس وللحين متحسفه انها ما راحت التدريس فخلونا نحمد الله ونشكره وانا قاعده اتخيل الحين لما يعطوني حصتين باليوم بالله باجي الوقت شنو اسوي فيه مثلا! فطبيعي جدا اسوي على قولتكم الاشراف والمراقبه والمناوبه وما اعرفش ايه ومو ناطره مقابل لاني انا اصلا اتملل لما اقعد جذي من غير ما اسوي شي والحمدالله اني مو من النوع اللي احب اتكلم وايد كل كلامي عن الشغل وبس فعشان اتجنب سوالف الحريم والقيل والقال اسوي شغل المدرسه اريح لي والله واشدعوا اللي خذت التقدير بواسطه واهيا ما سوت شي متهنيه لا والله الله ما يضيع عنده شي والصبر مفتاح الفرج والله فوق كل شي

 

[@ نجمة العطااا @]

الاخت الفاضلة جنان
ما راح أمدح نفسي واسوي فيها أكشن لكن يكفي أقولج أني من 14 سنة في عطا مستمر ولا تذمرت او اشتكيت سوا كان في الجامعة او برا الجامعة او بالمدرسة كمعلمة
لكن المهام اللي تعطا للمعلم غير التدريس واللي اصلا قانونا غير محاسب عليها هي اللي خلتنا نشتكي ونتكلم ونتذمر
لما يعطونج نصاب 18 حصة بالاضافة لمهارات الحياة ( هذي بروحها سالفة مالها إعراب عند الوزارة ألا انها مفعول به مجبر المعلم به ) وفوق هذا إشراف صفوف وغير المناوبة وغير الحصص الاحتياط وغير ان كل صف فيه 30 او25 طالبة مجبرة انت فيهم وهذا اساس المهنة دفاترهم وفهمهم واختباراتهم وتسميع
وفوق كل هذا تجيج نشرة بتاريخ الفلاني سوي برنامج اذاعي ومو اي برنامج والا توصل ورقة لفت نظر مع الفراشة او تطلع قرار بنفس اليوم عن البرامج الإذاعية وتفشلين قدام زميلاتج
او تنط الموجهه نبي ورشة عمل علي مستوي او درس ريادي ولا تقبل النقاش والا درجاتج عندها تنزل !!!!
او تجيج رئيسة القسم بكل برود نبي ورش عمل او اجتماع فني وتمشيه علي القسم ولازم يكون بيرفكت ورووووعه
او تكلفج بمهام أهي المسؤولة عنها ولازم تسوينها لها والا تعلن الحرب عليج!!
او تنقز لج الأخصائية وتقولج ام فلانه تبيح ولما تروحين تصير زفتج بيزه ولا احد يرد اعتبارج وان راددتي ولية الامر ودقرتيها راحت تشتكي اذا مو الناظرة المنطقة وتبهذلين بينهم!!!

وان صار وانظلمت مدرسة واشتكت نامت الشكوي بالدرج وان تجبرت ناظرة وأظلمت مدرسة يابوووي القرار بيومه يطلع بحق هالمسكينه!!!


يبا التربية اكبر من تخيلاتك واحلامك السعيدة
أنا احيي فيج روحك الحلوة وحماسك لكن نصيحة لا تندفعين كثيير ولا تقررين الا لما تنزلين الميدان صح وتحتكين بالمجتمع عدل
والله يستر عليك ويوفقك دنيا واخره ويبعد عنك الظلم واهله





اااااخ قلبتي فيني المواجع وربي أدمعت عيني ترا كنت نفسك متحمسة حدي وهالقسم يشهد كنت شعلة لكن حسبي الله ونعم الوكيل فاللي كسرني وحبطني!!!
لكن الحين الحمدلله رجعت اقوي من قبل وعندي حماس لكن مسيطرة عليه وما عاد اندفع مثل قبل

الله يوفقك يارب وسامحيني اذا ضايقتك بردي

 

[jen2n]

مثل ما قلت نجمه العطا الله فوق كل شي الشي اللي ما راح احصله بالدنيا بالاخره اكيد ما راح يضيع عند الله حق انا اسوي اللي علي واهم شي الطلبه يفهمون علي هذا كافي- وان شاء الله ادعو لي تكون ادارتي زينه وما تصير مواقف شينه والرزق من الله

 

[fri2010]

موضوعج حلو جنوووون وياي بالصميم

واهم شي الانسان يقتنع

وان شاء الله ما ايي اليوم اللي تقولين فيه اللي يقولونه البنات الحين

وتروحين اداره حلوه وما تتعرضين للظلم بسببها

والحمدالله احنا مرحله الثانويه نصابنا اقل من باقي المراحل

وان شاء الله المليفي ينفذ وعوده لنا

 

[PuPa^^SWeeT]

حبيبتي انا ماجرحت فييج

ايي انشالله بشوفج بعد سنة شتقولين ( هذا مو تجريح )

لأني اول ماتعينت كنت مثل كلامج مافي شغلة اقعد فيها ربادة و مادري شنو


انا اقوولج التدريس حلوو و البنات المحترمات حلوييين


بس الباجي شغل مثل ماتفضلن نجمة العطا ايي هذا مو شغلي انا و اتحلطم ليش اشيله

واتقولين انتي بامكانج اتجنبينه لاا مو بامكانج اتجنبينه هذا شي اذا ما سويتيييه انتي بتحيطيين بدائرة من المحاسبة الشرييرة

الناظرة ماراح اتحبج و اتدور الزلة عليج

الوكيلات الموجهة الرئيسة القسم

مايبقى احد مايحاسبج هذا اللي صاير مو حلوو بالتدريس
و بعديين حبيبتي هذا مجتمع حرييييم يعني يعني لاحد يمسك عليج زلة اتروحين فيها


انا تدرييس احبه و باقية فيه وبادرس هالبنات ( والحمدلله البنات يحبوني و يموتون علي ) و انا احبهم )


بس الباجي انا ماحبه ماحب اشيل شي مو شغلي


مابي اعطيج امثلة بتقولين اتجرحين فيني انا ماجرحت فيج ولا شي

للاسف انه نفهم كل شي تجريح لازم يعني احط ابتسامات بعد كل جملة علشان ماتاخذينها بحساسية


عالعمووم انتي بتحولين مدرسة وانشالله ربي يرفع مقدارج بينهم و لاتشوفين اللي انا شفته


وتقدرين اتجنبين باقي الامور اللي مو من شغلج

 

[om mariam]

شوفي ياقلبي
انا 5 سنين ما عطوني امتياز
المهم يمكن شغل التدريس عادي والشرح وهالسوالف بس الاحتياط والمناوبة وباجي السوالف اهيه الي تضغط على المدرس مو التدريس نفسه وغير تودين اليهال ياكلون وتنطرينهم على ما ياكلون
المهم
ان شاء الله ما ايي الوقت الي تبين تطلعين من التدريس مثلنا

 

[دخون ازرق]

والله يااختي الأمور بالتربية كل مالها من سئ لأسوء وللحين ماشفنا غير فرض سوالف بونص وخرابيط مالها معنى على المعلم --صراحة مهنة خرطي لابرستيج للمعلم ولامركز اجتماعي وكل مالها من اردى لي اردى واجيال فوق التعليم يبيلك تربينهم واولياء امور تفلسف ومصاريف وسايل تدخلين اميرة وتطلعين منها شنج فراشة مبهدله طرق العباية ونعال ام اصبع وتربة المدرسة كلها على ملابسج وعوووووووووووواحنا قاعدين فيها لي التقاعد لأن تدبسنا فيها وييييييييييييييييييييييييييييييييييييييييييييع

 

[Freakya]

عموما المدرسة اذا بتكرف فلأنها تخاف ربها .. عشان تحلل معاشها


و المدرسات اللي يكرفون هم 30% فقط !!!!

 

[ذكريات الطفوله]

الله يعين الجميع

 

[jen2n]

مشكورين على المشاركه بنات

وان شاء الله نطيح باداره زينه

 

[وحدة من الناس *]

انا معاج جنان وعجبني حماسج بصراحه

يعني اللي اعرفه مرحله الثانويه قسم العلوم نصابها بالاسبوع 18 حصه

خل نقول ان باليوم تدرس 4 حصص باقي الوقت بالضبط شنو تسويه فيه المعلمه!

اكيد بتصلح دفاتر ولا تحضر ومن هذا القبيل

انزين هم الوقت ما يمشي فأكيد بشتغل بشغل المناوبه والاشراف والمراقبه

استغرب اللي يقولون ان المدرسه تسوي شغل مو شغلها اوكي تاخذين 965 بالشهر وهم مو مكفي!

اصلا مو كل يوم اسوي وسايل وبطاقات وورش عمل !! والاشراف والمناوبه بعد مو كل يوم والمراقبه والكنترول اعتقد فيها فلوس

وناس تشتكي من التدريس وناس تشتكي من الاعمال الاضافيه

وبصراحه اللي سمعته عن الاعمال الاضافيه والله ضحكت يعني معقوله هذي الاشيا اتعب!

اما عن التقدير اذا صار فيه ظلم الله ما راح ينسى عبده ابدا واللي ياخذ بالواسطه ما راح يتهنى!

على قولت جنان اهم شي المعاش ماشي كل شهر بدون نقص

 

[ذكريات عشاق]

اب اب اب