ودي بعبارات وكلمات نحطها على القرقيعان

[hanham]

خواتي خاطري بعبارت يديدة احطها على قرقيعان ولدي بدل الكلمات المعتاده

بانتظار ردودكم يالغاليات وماقصرتوا

 

[ASQ Group]

قرقيعان وقرقيعان
عساكم من عوادة
عساكم تعودونه كل سنه وتصومونه
مبارك عليكم الشهر
رمضان كريم
وحوي يا وحوي
سلم ولدهم يالله خلة لأمه يالله
كل عام وأنتم بخير
هذا قرقيعاني سويته ولأحبابي أهديته

انشاءالله يعجبونج

والله يوفقج

 

[hanham]

ماقصرتي اختي وعساك من عواده مقدما بس ودي الخوات بعد يشاركون

 

[katkota76]

أنا العام في قرقيعان عيالي كنت كاتبة على الكرت :
أروح كل مكان
وأشتري أحلى قرقيعان
وأهديه لأغلى انسان

انشاالله يعجبج
وانا بعد كنت كاتبة جم شغلة حق قرقيعان عيالي السنين اللي طافت بس الحين نسيتهم - اذا تذكرتهم راح اكتبلج اياهم

 

[بنوته كووووول]

هلا والله
اليوم رحت معرض والبنات المصممات كاتبين على قرقيعان هابيييين كلهم فيه كاتبين
يبيله قرقيعان
والله عجيييب
وان شا الله اكون فدتج

 

[أم حمني المزيون]

قبل كم سنة كنت حاطة عبارة: قرقيعان منو ياترى ...
قرقيعان حمني السكرة....
وبعد: قرقيعان وقرقيعان
حمني شيخ الصبيان
و :قرقيعان بسكتكم الله يخلي بنيتكم
قرقيعان فبيتكم الله يخلي وليدكم
اذ تذكرت شي أكتبه لج واذا عندج اسم أي ولد أو بنت يمكن أقدر أطلعلج عبارة على اسمه

 

[مي الحلوة]

انا .......احيكم وقرقيعانى اهديكم
وبالشهر المبارك تهنيكم
وعساة كل سنة يعود عليكم
ويسعد ايامكم وليليكم
يا اهلى وكل من احب

 

[مي الحلوة]

انا .......احيكم وقرقيعانى اهديكم
وبالشهر المبارك أهنيكم
وعساة كل سنة يعود عليكم
ويسعد ايامكم وليليكم
يا اهلى وكل من احب

 

[umabode]

أم حمني طلعي على منيره او مناير.....

 

[hanham]

مشكورين خواتي .ام حمني وليد اسمه محمد ياريت تعطيني عبارة على اسمه

 

[أم حمني المزيون]

هلا أم عبود....عندج عبارتين :
*نوزع القرقيعان والفرحة كبيرة
من يقايش قرقيعان بنيتي منيرة

* القرقيعان السنة أحلى من الحلا صاير
دام انكتب باسم الحلوة(أو الغالية )مناير

 

[أم حمني المزيون]

hanham مشكورة على المرور ...
شوفي عاد محمد سمي الوالد الله يرحمه بتوصى فيه.....

القرقيعان هالسنة يحلى ويزيـن
علشانه باسم محمد شيخ المزايين

 

[hanham]

تسلمين يالغالية أم حمني ماقصرتي وعساكم كلكم تعودنه بصحة وسلامة اللهم آمين

 

[Bent_Dubai]

مشكورة ام حمني على العبارات..

بس لو ممكن على بنوتي فطومه... واذا ممكن عباره تجمع عيالي فطومه وحمودي... اكون لج شاكرة وايد.....

واسموحه
وكل عاك وانتوا بخير

 

[dl3_wl3]

وانا بعد وياكم
ابي حق عيالي بعد
روان-رزان-منصور
واكون شاكره

 

[قطريه وافتخر]

انا بعد غلااااااااااي ابي حق عياااالي
سلطان وعبدالرحمن

 

[Miss M]

حلوووو

 

[umabode]

مشكوره ام حمني وعساك على القوه ان شاء الله وماقصرتي

عاد انا طمعت وابي بأسم ريزه

 

[meen_ana]

ويه الله يعينج ام حمني كثرت الطلبات عندج انا ما بطلب بس بشووف

 

[أمـ طلال ــ]

يبختكم ..

قرقيعاني وصلكم ..

خوش جمله لوووول