وربي محتاجه لكم يابنات الفنيه والتصميم الداخلي

[^^طالبه^^]

السلام عليكم
ياجعل ربي يسهل دراستكم ويوفقكم جميعا

انا اختي بتجاري والحين الحمدالله شاده حيلها
ومتوقتعه تجيب 3 نقاط
ومحتاره بين
تخصص تربيه فنيه
وتخصص تصميم داخلي
تقول خايفه من امتحان القدرات
قولولي شنو امتحان القدرات لكل تخصص ؟

امانه عفيه الله يخليكم ردو علي لاني جد محتاجه اجوبتكممم انتم العون
واهل مكه ادرى بشعابها

عفيه بنات الله يوفقكمم ردو علي لان التحويل بس مدته اسبوع ويتسكر و لازم احط رغبه اولى يا فنيه او تصميم لها :eh_s(1):

 

[CSS_]

من الآخر .. اذا عندكم واسطه هناك تشخبط وتطلع ومضمون دخولها;p

اللي اعرفه الطلبات تختلف.. أذكر مره حاطين ورد قدامهم وطلبوا يرسمونه !

 

[CSS_]

والتصميم .. يمكن يطلبون منها ترسم غرفه وتصممها ! يعني هيك شي;p

 

[حنطاويه عسل]

الفنيه سكررروه لان صارت مشاكل على التخصص

والتصميم تصمم غرفه او بنك او مستشفى مع اعلاان لو داشه من قبل

معهد الفنون التشكيليه يعطون دوره حق التصميم احسن على الاقل تكون عارفه الطريقه

والتصميم مايقبلوون وااايد خل تدخل اسلامييه حلووو