ورشة لعمل قبعة كوروشيه اهداء للأخت chekleta

[مجنونة نت]

آلسلآم عليكم بنآت

شلووونكم وش أخبآركم.. <<< مآ عندهآ ووقت هه

إن شآء آلله بنبدآ بورررشة عمل آلقبعة آللي بآلصوورة

وهذي آلقبعتين آللي أنآ سويتهم وحدة لي ووحدة لولدي

طبعآ آلقصة كلهآ بهذآ آلموضووع http://www.q8yat.net/showthread.php?t=529119

وهذآ آلبآتروون للي تبي تحمله كآمل مع آلورردة وآلشرح بآلآنجليزي

آضغطي هنآ

وهذي صوورته

طبعآ هآلبآتروون للي بتمشي عليه بآلضبط بيصير صغير مآ رآح يكفي روسنآ..

فرآح نسووي بعض آلزيآدآت ورآح أمشي معآكم خطوووة خطوووووة بس أهم شي تصورون لي

آلشغل وتطبقوون آللي أقوووله بآلضبط

أولآ للشغل:

نحتآج صووف عرريض وسنآرة عرريضة

أنآ رآح أشتغل بهذآ:

وآلآبرة مقآس 4

آلقبعآت آللي سويتهم من أوول كآنوآ بصووف أعررض وآبرة مقآس 5

يآلله جهزوآ آلآغرآض عشآن نبدآ شغل..

 

[ريـمــاس]

انا جاهزه وانشالله اليوم راح ابدي العمل بس محتاره باللون

 

[مجنونة نت]

حيآكـ آلله يآلغلآ ريمآس.. توقعت تدخلين

وبسم آلله نبدي آلشغل..

أول شي تسوون أربع غرز سلسلة

بعدين نقفلهآ.. شوفوآ وين دخلت آلآبرة

وشوفوآ بعدين كيف لفيت آلخيط آللي بسحبه عشآن نقفل آلغرزة

سحبت آلخيط من آلغرزة ودخلته بآلغرزة آلموجودة ع آلسنآرة وهذآ شكله لمآ دخلته بآلغرزة آلموجودة ع آلسنآرة

وآلحين تسوون غرزة سلسلة وحدة ويكون معاكم هذآ آلشكل

نبتدي آلدور آلأول وهو إننآ نسوي عدد 9 غرزة حشو حول آلسلسلة آللي سوينآهآ
آلطريقة إننآ ندخل آلآبرة بوسط آلدآئرة ونسحب خيط

ويصير معآنآ خيطين ع آلأبرة

نآخذ خيط وندخلهم بآلخيطين آللي ع آلآبرة

وتطلع معآنآ أول غرزة حشو

ويآلله كملوآ بعد 8 غرز حشوو بنفس آلطريقة.. لين يطلع معكم آلشكل هذآ.. بحيث يصير آلمجموع 9 غرز حشو

صوروآ آلشغل ووروني آلنتيجة .. عشآن يكون شغلنآ صح من آلبدآية ومآ نرجع نفكـ آلخيووط وتبتدي آلحووسة

 

[مجنونة نت]

لوووووووووووووووووووول

أحس إني شرحته بآلتفصيل آلممل .. وأخآف مآ ينفهم

بنآت آللي موب فآهمة شي تقوول.. ترى مآ أعررف أشررح غرز وهذي أول مرررة بحيآتي أشرح كوروشيه

 

[Nokia N95]

الله يعطيج العافية ...
انا بديت اشتغل بالكبوس ...
بس مثل ماقلتي ... مقاسه صغير ... فيحتاج بعض الاضافات

متابعة الموضوع و ان شاء الله بالنهاية بحط شغلي ...

بعد الكبوس نبي نشتغل على الورود
سواء اللي بالباترون ... او الورود اللي حاطتهم الاخت ريماس في موضوعها

http://q8yat.net/showthread.php?t=533648

والله يعطيج العافية مرة ثانية

 

[مجنونة نت]

هلآ نوكيآ .. عآد أنتي آللي شجعتينآ ولآزم نشووف آبدآعك..

بآلنسبة للقبعة أنآ سويته بزيآدة وطلع مقآسه حلوووو.. وسويته بنقصآن شووي طلع قد وولدي

عآد لآزم نألف بعدد آلغرز وإلآ مآ نصير خليجيآت هههههههههههههههه

وإن شآء آلله أشووف شغلكم كلكم وربي يوفقني معاكم وأقدر أسآعدكم

 

[Nonita-q8]

ماقصرتي حبيبتي
بس بروح اشتري الخيط العريض والابره مقاس 4 لان اللي عندي كلهم اصغر
وطيران للتطبيق

وي ماقدرت اصبر اشتغلت وهذا التطبيق


الابره مقاس 3.5 والخيط مو وايد عريض

 

[الجوري74]

انا سويت بس القياس ما ضبط معاي
بروح اشتري خيوط
وارجع لكم ان شاء الله بالليل
الى اللقاء كروشيات

 

[مسك حياتي]

واااااااااااااااااااو امنيتي اتعلم الكروشيه

شغلج مشاء الله وايد حلو

 

[math2020]

ماشالله خوش شغل عاد امس بناتي قاعدين يتعلمون اول غرزه

 

[chocolat]

هلا حبوبه مشكوره وما قصرتي و الله اني طبقت بس المقاس طلع حيــــــــــــــــــــــــــــــل صغير و انا كنت امسويه من قبل بس قفلت و طبقت الي بالباتترون و ادري انه صغير لاني امسويه من قبل كذا واحد بس يالله انسوي ثاني

 

[مجنونة نت]

هلآ حبيبآتي تسلمووون ع آلمرروورر شآكليته تطبيق صحيح مية بآلمية بس آلآبرة ع آلأقل مقآس 4 وأفضل شي خمسة

ويآ بنآت يآلله آشتروآ آلخيووط وطبقوآ معآنآ .. ترى آلقبعة حلووووة وهذآ وقته وشغلهآ سهل

 

[Nonita-q8]

يلا جاهزييين ابله مجنونة نت

غيرت الابره شريت 4
ورديت سويت 4 سلاسل و9 غرز حشو
اللي بعدووو

 

[الشيماء . q8]

شكرا اختي على الطريقة .... الرائعه و البسيطه بعض الشئ

 

[سدرة العشاق]

يسلمواحبيبتي

 

[مجنونة نت]

يآلله بنآت نكمل وآعتذر ع آلتأخير,, تخبرون آلويك آند ومآ أحد يفضى

بسم آلله

آلحين ترتفعين 3 غرز سلسلة

وتلفين آلخيط ع آلآبرة لفة وتدخلينهآ بأول غرزة

ثم تلفين خيط ع آلأبرة وتسحبينه من آلغرزة

بيصير عندكـ ع آلابرة 3 غرز مثل آلصورة

تلفين آلخيط وتدخلينه بآلغرزة آلآولى وآلثآنية .. ركزي بآلصوورة

شوفي آلآن بعد مآ سحبنآه من آلغرزة آلآولى وآلثآنية,, وبيظل عندنآ غرزتين ع آلآبرة

تلفين آلخيط وتسحبينه من آلغرزتين آللي ظلوآ ع آلآبرة مثل آلصوورة

وبكذآ سوينآ أوول غرزة عموود بلفة.. وآلمطلووب تسوين 18 غرزة عمود بلفة يعني في كل غرزة حشو غرزتين عمود بلفة لآزم يصير مجمووعهم مع آلسلسلة 18 مثل مآهو مووضح بآلبآتروون..

وهذآ آلشكل بعد مآ خلصنآ وبآقي بس تشبيكـ آلغرزة آلأخيرة بآلغرزة آلأولى آلي هي آلسلسلة.. طبعآ نستخدم آلمنزلقة

نتآبع بآلرد آللي بعده

 

[مجنونة نت]

طبعآ للي مآ تعرف طريقة آلمنزلقة أو كيف نشبكهم تتآبع آلصور معي,,

مثل آلصورة آللي قبل دخلنآ آلآبرة بعد غرزة آلسلسلة مكآن آلسهم بآلضبط.. آلحين رآح نلف آلخيط ونطلعه مثل آلصورة تآبعي آلآسهم

لمآ طلعنآ آلخيط بآقي عندنآ غرزتين على آلسنآرة نكمل,, نطلع آلغرزة آللي سحبنآهآ بآلغرزة آلأخيرة تآبعوآ آلصور

وخلآص خلصنآ وشبكنآهآ

آلآن ترتفعين ثلآثة سلسلة وتبدين بآلمكآن آللي أنآ مووضحته بآلصورة آللي دآيمآ يقولون بعد آلسلسلة تسوين غرزة عمود طبعآ رآح نشتغل كله غرزة عموود بلفة آللي شرحتهآ من قبل

طبعآ شلون رآح نشتغل وهنآ ركزوآ يآ بنآت بعدد آلغرز .. طبعآ آلآن حنآ نشتغل بآلدور آلثآني.. يعني نرتفع 3 سلسلة ثم غرزة عمود بمكان غرزة آلسلسلة مثل آلصوور آلي فوق آللي وضحتهآ,, بعدين نشتغل غرزة وحدة عمود وبعدهآ غرزتين وبعدهآ غرزة وبعدهآ غرزتين لين تسكر معآنآ آلدآئرة ونشبكهآ بمنزلقة ويطلع معآنآ هذآ آلشكل

آلآن نبدآ آلدوور آلثآلث.. نرتفع 3 سلسلة ونشتغل عمود بنفس غرزة آلسلسلة.. ثم نشتغل عمود بعدهآ عمود وآللي بعدهآ عموودين ثم عمود وعمود وبعدهآ عمودين.. لين تقفل معآنآ آلدآئرة وبيكون هذآ شكلهآ

 

[مجنونة نت]

آلدور آلرآبع.. نرتفع 3 سلسلة ونشتغل عمود بنفس آلغرزة بعدهآ عمود ثم عمود ثم عمود وآللي بعده عمودين بنفس آلغرزة ثم نكرر عمود ثم عمود ثم عمود وآللي بعده عمودين بنفس آلغرزة وعلى هآلحآل لين نقفل

بنآت ملآحظة.. عشآن تعرفين إن شغلكـ صحيح من آلبدآية.. دآيمآ آخر غرزة تكون مفردة وآلي بعدهآ تصير آلمفرووض غرزتين عمود.. يعني آلحين حنا نشتغل 3 مفرد ووحدة زوجي.. لآزم آخر غرز قبل آلسلسلة تصير 3 مفرد وإذآ آشتغلنآ 4 مفرد لآزم آلآخير يصيرون 4 مفرد

فآهمين علي؟؟

آلحين آلمطلووب للي مشآركآت يصورون لي شغلهم عشآن نكمل,,

 

[Nonita-q8]

ايواااا ابلتي سويت الدور الاول



والحين بس اخلص الدور الثالث انزله لج
ايوا ايوا

 

[Nonita-q8]

واللي بعدو الدور الثاني



ان شاء الله يكون تطبيقي عدل