ورق جدران أو صبغ ؟ ... غرفة نومي

[Ємαяαtyh]

السلام عليكم ورحمة الله وبركاته

شحالكم بنات ، عساكم بخير ،،

حاولت أنزل الديزاين ما قدرت :eh_s(2):

المهم //

أنا نويت أغير غرفتي ، وأخترت لها لونين اللي هم أبيض ورمادي ، أو درجات الرمادي​

رحت المحل وعجبني ورق جدارن فيه نقوش ملكيه باللونين الأبيض والرمادي​

المشكله // أو الحيره​

عندي خيارين​

1) - اما اني أخلي النقش بطوفه وباقي ال 3 طوف أصبغها بدرجات من الورق جدران​

2)- مع النقشه في مثل ورق الجدران مخطط فيه من لون النقش لكني حسيت لونه بني شوي :bbbiu: ،، بذلك ، أقدر أخلي طوفه بالنقش وباقي الغرفه بتكون بالورق جدران المخطط​

شو تحسون أحلى وأرقى لغرفة النوم ؟
​

مع طوفة النقش ، باقي الثلاث طوف يناسبها إني .....أصبغ أو أحط ورق جدران مخطط ؟

اتمني تساعدوني لأني جدا محتاره وماعندي خلفيه​

وشكرا :eh_s(7):​

 

[حبة خال]

انا اشوف اختيارك الاول احلى
او انك تخلين طوفه مشير والطوفه الي صوبها مقلم وطوفتين ساده امت انه يكون كله مقلم احس بيكون زحمه

 

[طالبة1990]

يعتمد ع الورق جدران نفسه وع ديزاين الغرفة ونوع الاثاث اذا مودرن او كلاسيك


بس بشكل عام احب ورق الجدران يكون كل الغرفة شكل واحد

الا اذا كان مورال او رسمة او صورة


همن طوفة وحدة ورق جدران والباجي صبغة لون واحد حلووو

خصوصا اذا بتكون هالطوفة مكان السرير او التواليت بروحة او اي شي مميز وباين