وزني والحمل والمشي (طلبتكم لحقوا علي ،سااااعدوني)

[virgo88]

الله يعينج حبيبتي

 

[شنوووفه]

عادي حبيبتي امشي لاتخافين اختي بدت تمشي واهيه بالسادس بس عاد انتي لاترهقيين رووحج :>
وربي يتمم علييج

 

[none2012]

اشربي ماي واجد
قبل كل وجبه لأنه يترس المعده
وحتى إذا اشتهيتي الحلو اشربي ماي صدقيني بتنسد نفسج
أنا كنت أسوي جذي يوم اشتهي ألببسي اشرب ماي وبعدها ماشتهي ألببسي لأن معدتي خلاص تنترس
واكلي فواكه ؤسلطه قبل الوجبات وخففي من السكر حاولي تشربين عصاير مافيها سكر
والحلو آخذي قطعه صغيره وحده باليوم ويوم تآكلين حطي بصحن كميه معينه عشان تنجبرين ومايزيد وزنج واكلي مع الوجبات سلطات تشبع

والمشي زين مايضر أمشي ب اليوم نص ساعه بس أنتبهي لخطواتج والبسي جؤتي مريح
وعسئ الله يقومناا بالسلامه

 

[*ريمي*]

جاي وقهوه وهالسوالف كافيين موزين حق الكمام ماياخذ مفعوله اذ ناويه كمام

 

[القلب النازف]

يعطيكم العافية حبيباتي على الردود


خففتوا علي كثير


الله يجزاكم خير


ردودكم طمنتني

وشجعتني بعد


الله لا يحرمني منكم

 

[دلقينيوم]

بالاراده كل شي يصير

 

[عالمي المجنون]

بحمالي الاولي كان وزني 55 و قبل ولادتي بيوم صار 80

زدت 25 كيلو بالتمام بس ازحر من هالمطاعم و حيييل طايحة بالعيوش

للعلم ما كنت اكل من المطاعم ولا اكل عيش وانا بنت بس فصلت عليهم بالحمال

و يبت ولدي 3،060 غرام طبيعي و اقل من الطبيعي بشوي و دكتوري ماكان راضي اسوي ريجيم

بعدها بفترة نزلت من وزني 15كيلو و حملت بعدها للأسف

و بحمالي هذا محافظة ع اكلي تقريبا اسبوع الياي بدخل الثامن وزدت 9 كيلوات للحين و غيره واايد أتحرك

بس انصحج لان من زود حركتي البيبي وايد نازل و معاي طلق وحيل تعبانة

احسن حل اكلي بس الاكل المفيد يعني اكلي خبز بس بدال الابيض خليه خبز اسمر او بدال الخبزة نص خبرة ع الغدا و نص خبزة ع العشا

و كثري سلطة لانها تشبع و كل مرة نوعي بالسلطات و كثري شرب عصير فرش ماي الي اهو

اسمج اكلتي بس مو الاكل الي يتفخ

 

[Model Look]

انا كنت امشي بالثامن لووول كنت مينونه ابي اولد التاسع هههههه بس صار التاسع خفت وكاقمت امشي لما ريلي يسحبني امشي امشي

 

["*آآآنؤؤؤقهـ*"]

الله يعيييينج


بس شتسوين طببعي الوحده تنفجر بالحمال

لاتخافين كلج تفشين وقت الولاده

سبحان الله هذا ماي متروس في الجسم وقت الحمال


الله يهون علييييج وتولديييين بسلااامه