وسواس الحمل هييلب :(

[ام خدود ورديه]

السلام عليكم


بنات بليز بدوون زف
انا عرسي كان 4-8 يعني توني صارلي شهر
من فظيت ودشيت المنتدى على طول دشيت قسم تأخر الانجاب وشفت مشاكل البنات الله يرزقهم ان شاء الله
ومن يومها حاشني وسوااس مو طبيعي قلت لايكون فيني شي؟ و100 سؤال يه ابالي
طبعا صرت مينونه بالحنه وبالبجي غصب خليت ريلي يرضى اني اسوي تحاليل اجيك على روحي
طبعا وداني وطول الطريج يزفني:wqedqw::wqedqw: لأني بسوي التحاليل ورحت حق الدكتوره ليلى اشكناني وسويت تحليلين واحد مال التبيوض والثاني مادري شنو بس اللي عرفته مال هرمون الحليب
واليوم طلعت النتيجه والحمدالله قالتلي كل شي اوكي بس ليش مستعيله قلتلها بس بجيك
المهم قالتلي تعالي تاريخ 18-9 اسويلج سونار داخلي
وتعالي الشهر الياي ثاني يوم من الدوره عشان انعيد التحليل لانه هرمون الغده الدرقيه مرتفع بنسبه صغيره حييل يعني شي بسييط قالتلي خمول بالغده الدرقيه بس نسبه حيل بسيطه بالبووينت قالتلي تعالي صايمه خنعيد
وبعدين اعطيج كلوميد وابره
؟ بنات انتو شرايكم ؟ الكلوميد والأبره حق شنو ؟ وتفيد بشنو ؟؟

 

[..’’ياقلبـك الخوّاف’’..]

صراحه بس لاتزعلين ماعندك سالفه اببببببببدا..حرام توك عروس..وصدقيني اول ماتحملين بتقولين بس كني اتعجلن عالاقل خل استانس شوي..


الله يهداك فيك عجله انا لومن زوجك ماوديك..

 

[ام خدود ورديه]

لووول ادري بتقولون جذي
خلكم من هالسالفه الحين قولولي استخدم الكلوميد والابر ولا شسوي؟

 

[مشتطـه]

أمبي حدج مو صاحيه ترى ؟


شدعوه عليج تووووج عاااااااااااااااادي ترى لا توسوين

هذي قاصه عليج تبي فلوس افتكي منها
ولا تسوين شي وتوكلي على الله وانسي السالفه

!!!

 

[مشتطـه]

مع اني ما اعرف بهالسوالف بس طيعيني لاااااااااااااااااااااااااااااااااااااااا
والله حرام عليج تووووج ما صارلج شهلار متزوجـه؟؟؟؟
والله قاااصه عليج والله

 

[ام خدود ورديه]

بنااااااااااااااااااااات مشكورين
بس انا الحين قاعده اسألكم عن الابره والكلوومييييد

 

[دآنة آلرشآيده]

اخذي كلوميد توج ع الابر

وبعدين توج ماكملتي شهر الخوف صج يجيج
بعد ماتكملين 6 اشهر ع الزواج ,,

بس دامج تبين الحمل من ثاني يوم دوره اخذي كلوميد
لي سادس يوم وايام التبويض تبدي عندج من اليوم العاشر لـ الدوره لي 15
هني يصير حمل بنسبه كبيره والله يرزقج وتبشرينا

 

[angel_soul_1989]

رد : وسواس الحمل هييلب

حبيبتي الكلوميد والابر حق تنشيط المبايض دير بالج ترى اذا بويضتج بالسونار الداخلي طلعت زينه ناله داعي الحبوب والابر لانه تسوي تكيس حق الي مافيها شي انا فيني ضعف حاد واخذهم كل حمل واهم عساس حق التووووم بس انا الحمدلله بنت وحده يعني الحين عندي بنتين مو شرط التوم بس اعرف ثنتين احملو بتووووم من هالابره وكل شي بيد الله لا تستعيلين اذا ماصار والدكتوره ليلى خوش وحده ولدتني فبنتي بس حق علاج ماعالجتني عدل

 

[غلاي غير]

اولا الف مبروك الزواج ولو انها متاخر شهر وشوي

وقولي امين عساج ماتحتاجين علاج ولا هم يحزنزن

الله يوفقج وماتجيلج الدوره وتحملين عاااااااااااادي

اول شي على اي اساس عطتج كلوميد الله سلمج اذا كشفت على التبويض واذا سليم وزين وقوي ماتحتاجينه واذا غير هلكلام الله لا يقوله فلكل حادثن حديث

شوفي الكلويد يلعب بالهرمونات والمبايض ويتفخ تفخ لاتستعجلين

انا بس نصيحتي لج تشيكين على المبايض والتبويض وتعيدين تحليل هرمون الغده وان شاء الله مافيج الا العافي

وغيري الدكتوره اذا بتستشيرين احد غيرها

 

[ام اميره]

انا اقوووول نطري على الاقل شهرين 3 اذا مستعيله اذا صار حمل طبيعي الحمدلله

 

[Om 3zo0oz_2011]

لا حبيبتي نصيحه مني مدام تبويضج زن لا تاخذين لا حبوب ولا ابر صدقيني باجر يقلب هالشي ضدج ماوراهم الا التكيسات

 

[Talyan Rose]

لا مو من صجج !!!!!
لا صج ما عندج سالفه اختي
الحمل عطيه من رب العالمين بس ترا الوسواس مو زين
وبعدين انتي توج عروس بسم الله علا ما يتعود رحمج ويتهيا

وكب شي مقدر ومكتوب

اي وشحقا كلووميد من صجج لا قاعده تصدميني
كلوميد حق الحريم ابي صار لهم سنين ما اييبون عيال مو انتي نوه صارلج شهر متزوجة


حبيبتي العيله مو زينه ولا تاخذين كلوميد ولا شي

 

[فووووز27]

رد : وسواس الحمل هييلب

نصيحه انطري بس خمس شهوووور ولاتفكيرين بالحمل ترااا التفكير له اثررر اكبير انطري وان شاء الله ربي بيرزقج انا يوم تزوجت ماحملت الا بعد ثالث دوووره وان شاء الله انتي نفسي والا قبلي بس اهم شي لاتفكرين واجد والنفسيه الزينه

 

[احب المنتدى]

رد : وسواس الحمل هييلب

لاتاخذين و لاشي
دام الدوره منتظمه عندج و تبويضج زين

طيعي كلامي لاتاخذين شي
ترى الكلوميد و انتي تبويضج زين يسبب لج بلاااااااااااااوي


و لي فات الفوت ماينفع الصوووووووووووت

 

[حرم يوسف بيك]

رد : وسواس الحمل هييلب

نفس كلام البنات لاتلعبين بنفسج بعدين اتحسفين خلي كل شي على الله يمكن بعد شهر شهرين تحملين ليش العجله وهالدكتوره بس تبي تسحب فلوس بأي طريقه حيل استغربت من سالفتج هالسوالف الي بتعطيج اياها حق وحده صارلها سنين ماتحمل

 

[مو دلوووعه]

حرام عليج لاتلعبين بنفسج تعوذي من الشيطان هاذي كلها وساوس وبعدين شهالدكتوره السكه اللي رايحتلها هاذي؟؟ على طول ابر وكلوميد!! اختي ماحملت الا بعد عرسها ب7 شهور وفوق هذا ماكانت تراجع ولاشي اللهم برابع شهر راحت وسوت تحاليل وطلع هرمون الحليب مرتفع وعطوها حبوب شهرين وحملت الحمدلله.. ترى التفكير والوسواس اهو اللي يأخر الحمل سبحان الله.. الله يوفقج ويرزقج

 

[دلع حياتي]

اختي نصيحه مدام كل شي سليم الحمد الله انسي الموضوع الحمل واستمتعي بزواجك وماتلقين نفسك الا حامل اساليني النفسيه تاثر على الحمل وتعطي مناعه واذا حطيتي الحمل براسك نفسين راح تعبين والله يرزقك الحمل يارب

 

[a7la wa7da]

حبيبتي لا تلعبين بنفسج بدام فحصتج والحمد الله كلشي أوكي خلاص خليها على رب العالمين وما تدرين يمكن ينقلب كلشي ظدج وتتحسفين على قد شعر راسج :ssssso:

 

[ام خدود ورديه]

مشكورين بنات والله ماقصرتوو
وايد فادني حجيكم
وصج حسيت انه ماعندي سالفه
راح انطر واللي الله كاتبه بيصيير
وتوني صغيره العمر جدامي دامي تطمنت على نفسي
بنطر والله كريييييم
مشكورين بعد عمري :*

 

[دهن العود 7]

نطري كم شهر و كثري دعاء و استغفار