وسواس العنوسه ):

[تراتيل المطر]

فعلا كلامكم صح اللى عند الله احسن وافضل ،، عسي ربي يرزقنا اللى فيه خير لنا يارب العالمين ..

مشكوورين بنات والله ماقصرتوا حسيت ان طريقة تفكيرى غلط وأنا اللى مضيقه على نفسي ،، وربي قررت انسي الموضوع وألتزم بصلاتى والاستغفار وسورة البقره ..


من بااجر ان شاء الله بروح أتسوق حق الجامعه :eh_s(15): وبهتم بدراستى وبمستقبلى ،، لكن ما راح أوقف عن الدعاء والاستغفار وسورة البقره ..


مشكوورييم وآآيد حبيبااتى ،، الله لا يحرمكم الاجر وعسي أناملكم ما تمسها النار يارب العالمين ..

 

[FDET NFSY]

حسستيني عمرج طق ال 40

حبيبتي الزوااج مو كل شي
والله الحين البنت تقعد بيت اهلها احسن من تتزوج وبعد جم شهر مطلقه

تو وحده اعرفها تزوجت من شهرين واليوم مطلقه

دامج عايشه وماعليج قاصر لابو الزواج وطاريه


وماتدرين وين نصيبج حمدي ربج والله غيرج تتمتي تصير بمكانج من الظلم والذل عند ازواجهم


انا عمري 21 والحمدالله فكرة الزواج شايلتها من بالي كلش


اعيش حياتي بكيفي وحياتي ماراح توقف ع الزواج

 

[FDET NFSY]

سوري اذا ضايقتج حبيبتي

 

[جوك احلى جو]

لا يغير القضاء الا الدعاء والمانع خير وتوج صغيره ...

لاتنسين الصدقه كثري منها وادعي لنفسج ولغيرج عشان الملايكه ترد وتقول ولكي بالمثل باذن الله

 

[أعشقه]

توكلي ع ربك واذا جالك نصيبك بتمشين حالك حال غيرك
كلها ارزاااق تقسم من رب العباد والي له نصيب راح يجي له
خلي ايمانك وثقتك بربك كبيره ..
[ انا عند حسن ضن عبدي بي فليضن بي مايشااء ]
توكلي ع ربك حاولي تكثرين الاستغفار بنيه الزواج او قضاء الحاجه ..
وكل من تاخر عليك الموضوع ثقي تماما انه لك خير وصلاح فيه ..
والي بوه خير ربي يعجله لك يارب .. وسعي صدرك ..
ترى انا كنت مثلك واقول لمي ابي اعرس وابي اتزوج ومالي دخل مع اني انخطب بس ابوي مايرضى يطلع اعذار مادري وش تبي
الزبده وصل عمري 23 وتو انخطبت ودخلت 24 وتزوجت ولله الحمد
توكلي ع ربك والي بوه خير راح يجي

 

[الجمال العربي]

الزواج ملاقه والوسواس فيه غباء اسال مجرب كاااااك

 

[قمرية الفيس]

صدقيني لو تفكرين مليون مرة ماراح تاخذين غير نصيبج

 

[ماكواسم2]

مادامج تستخيرين خلاص ..... الله هو العالم بالغيب ... يمكن هو في عيب حتى اخته ما اتعرفه

واخو رفيجت اختج الله قاعد يبعده عنج وانتي قاعده تشوفينها من زاوية حسد او عين او عمل لأ يا حبيبتي هذي بركات صلاة الاستخاره

 

[بنوتة عتيبه]

حبيبتي اذا شلتي هم الزواج ماتتزوجين <<< بخوفك عشان ماتفكيرين فيه واجد هههههههههههه
حرام عليك توك صغيرة عمرك 23 وتحاتين العنوسة لسا ياقلبي العمر قدامك
ولا تقولين احنا عندنا البنت 23 عانس ويفوتها القطار ترا عند غيركم 23 صبيه صغيرة
ولا تحكمين انك مرح تتزوجين بعد هالعمر وتفكيرين معارفك عندهم هالعمر كبيرة وعانس
ماتدرين يمكن ربي يرسل لك الزوج الصالح برا معارفك مو شرط من اهل التفكير العنوسة وتحديد سن للزواج البنت وبعدها عانس
الله ييسر لك الخير ويرزقك الزوج الصالح الحنون وجميع البنات يارب

 

[احلام مكبوته]

الله يعيننننن

 

[اشلون يعني &]

موضوعي راح يفيدج
http://www.q8yat.com/t1088410.html


ثانيا
اقري سوره البقره يمكن محسوده ثالثا خلي عندج حسن ظن بالله انه بيرزقج
رابعا تأكدي انه الخطاطيب الي راحوا مافي قربهم الا الشر والله بعدهم عنج احمدي ربج
وصدقيني باجر يتزوجون وتطلع بلاويهم وتقوليين الحمد الله افتكيت منهم عن تجربه
وحده خطبها واحد مزيون وراعي دين ومتعلم كانت موافقه عليه بس ماصار نصيب
هو تزوج بعد سنه من زواجه توفى وزوجته الان ارمله

وحده انخطبت لواحد ورفضته وهو تزوج وخلف وهي عنست وتندمت
انها ارفضته وهو تزوج كذا مره وطلق.

وهي بعد سنها الكبير تزوجت احسن من خطيبها
وحده خافت لا تعنس وتزوجت بسرعه وتطلقت

 

[تسوى عيووني]

انا كبرج بضبط عمري 23 وكنت نفسج اتضايق بس مو سالفة اني ماتزوجت لا اتضايق بسبت انه محد طق باب بيتنا واللي كبري كلهم تزوجوا وملكو وانخطبوا الا انا حتى قمت اشك بنفسي اني انا جيكره عشان جذي محد يخطبني بس والله عندي بنت خالتي وبنت عمي تخيلي ما يطلعون في المناسبات كلش ماتشوفينهم يعني انا يمكن بالسنه اشوفهم بس بالعيد والحين تزوجوا وعقبهااقنعت نفسي كل شيء قسمه ونصيب ورزقج يجيج عند البيت حتى لو محد يشوفج وانتي الحمدالله دامج تصلين صلاة الاستخارة بالعكس خيرة لج وانتي الحين راح تبتدين بالجامعة شدي حيلج بالدراسة اهم شي الشهادة الحين

 

[brettey]

حبيبتي ما الومج ودج بالاستقرار والاسره بس لا تظنين ان الي خذت ولد فلان والمهندس والدكنور و.....الخ معناته مرتاحه كل الي عليج تسوينه قيام الليل والاستغفار والدعاء وسوره البقره وعسى الله يرزقج الزوج الصالح
بس لاتخلين اختج تكلمهم عيب ترى مو حلوه بحقج

 

[تبطي عظم!]

مافي بنت ماتفكر نفسج بالاستقرار والحياه بمملكه خاصه فيها

بس صدقيني كل الي ماصار لج نصيب معاهم خير دام استخرتي رب العالمين اعرفي انه خيير

انا تزوجت من الخاطب رقم ١٠ تقريباً لوول هو زوجي حالياً

وبعدين انتي صغيييره شدعوه خايفه من العنووسه !!!!!

ولا تخلين اختج تدق عليها مو حلوه جنج قاطه نفسج كثري استخاره وبس