وش الخلطات اوالمنتجات اللي استخدمتيها وماندمتي

[ميس الورد والشوق]

سلطونه

ياعمري انتي توني ادري انش حاطه موضوع حلو في ركن الاستفسارات الجماليه

لاني بس ادخل ركن العروس واحيانا ركن الترتيب والتنظيف

عندي خلطة اسمها خلطة بياض الثلج

يمكن في احد سامع عنها او مستخدمها وياليت اي احد مستخدمها يقول لنا عنها

المهم

المقادير :
4ملاعق نشا
ليمونه وحده
1حليب مراعي صغير
ملعقة شاي كركم الجسم

الطريقة :
1- تخلط كل المقادير مع بعض على نار هاديه لين تصير مثل المحلبيه
2- تنحط على الجسم لمدة ساعتين لين تنشف وبعدين تقشرينها بيدش بدون ماتغسلين بماي
3-تمرر على الجسم مكعبات ثلج ماي ورد وتمسح بالفوطة بماي دافي

انشاءالله تستفيدون منها

صدق بنات هالخلطة لازم تستمرون عليها شهر وبعدين مره او مرتين بالاسبوع

على طاري الموضوع الشغلات اللي استخدمتها ولا ندمت عليها صابونة البابايا

زيت اللوز المر والجلسرين والحين ببدا بزيت الليمون

والكريمات كريم العروسه يهببببببل

 

[الماسه80]

اللي ما استغنى عنه

كريم ماجيك و الصابونيه لمزيونه

و اولاي وجلسويد وليمون وفازلين

وبيبي اويل

 

[بنت السلاطين]

ميووسه حيااش نورتي الموضوع والله

واشكرش على تواصلش الطيب

 

[بنت السلاطين]

الماسه 80

يعطيش العافيه على مشاركتش عزيزتي

 

[كويتية برستيج]

انا الشي اللي استخدمته ولا ندمت عليييييييييييييييييييه اهووووووووووووووووووووو:O_SHH_:

شامبو ميتاااااااااااااال كنت حايسه بخلطات لشعري تعبت وايد لين طحت على هالشامبو وبعد ماخلصت العلبه الاولى شفت النتيجه لمعان طول تكثيف والله يابنات ان شعر صغار نبت صار عندي عيال هههههههههه
ووقف التساقط صار شعري فيه حيويه اكثر من يوم كنت استخدم خلطات الزيوت والماسكات ...
والله احسن حتى من كل الامبولات اللي استخدمتها وخسرت فلوسي عليها ...​

 

[بنت السلاطين]

كويتيه مشكوره فديتش

خووووووووش والله .... الله يتتمم عليش يااارب

 

[..، شهوده ..،]

انا دايم مالي حظ مع الخلطات الا خلطه وحده وهي تستعمل لـ نفخ الخدود صج صج استانست عليها والكل لاحظ وهي عباره عن خميره + روب احطها قبل المناسبه بكذا يوم لانها نفخ مؤقت :eh_s(8):

والله انا هالخلطه استخدمتها لكن بدون اي فايده
وسببت لي حبوب بالوجه وتركتها

وأتمنى استفيد منكم أكثر



>>>>>>>>>> مقروده شكثر تستعمل خلطات لكن بدون أي فايده

:eh_s(16): :eh_s(16):

 

[بنت السلاطين]

شهوورده .. اظاهر من وحده لي وحده تختلف على حسب البشره ... والخميره تنظف بعمق للبشره .. وروب بعد

:
:


أتمنى منش مع االايااام انش لقيتي خلطه انفعتش وتحطينهاا لنا خخخخخ

شكرا على وجووودش عزيزتي

 

[سنـــــا]

مشكــوره عالموضوع ..بالنسبه لي الخلطه الصابونيه روووعه بصراحه مالت مزيونه وشقره ..مع اني ملوله وما استمر بس في شغلات بسيطه استمر عليها مثل اولاي للتبييض احطه للدوام والطلعه البسيطه..وفي مرطب عطتني اياه طبيبتي عجييييييييييييييييب اسمهddf حتى سعره مو هين بس روعه ..وفي بعد كريم تبييض من ماركة بارتنر لوف من احمد المغربي ..وسلامتكم

 

[loora3003]

ana nadmana wayid 3ala ebar etabyeeth banat amana a tisawoonha walla kel 3al fathy aweet'ha 2months o bil esboo3 kint aroo7 3 times bs o raby 3ala elfathy la biyath't wala shay bs efloos ra7at bel habal

 

[مولاتي سميه]

كويتيه برستيج شنو شامبو ميتال؟؟ انقذينااااا

 

[بنت السلاطين]

العفووووو سناا

وانا بعد ما استغني عن الصابونيه تجنن


ويعطيش العافيه على تواجدش وخيتي

 

[بنت السلاطين]

لورا .. الله يعينش حبيبتي ... ويعوووضش ربي خيرا منهااا


:


وحيااش الله

 

[ذابحهم غروري]

شنو هذي إلى قلتم عنها (( الصابونيه ))


سي يآآآآآآآآآآآآآآآآآآآآآآآآآآآآآآآآ

صراااااااااااااااحه انا ما استغنى عن حمام زيت مارديكيو يخلى شعر ناااااااااااعم وحرير بدوووون استشواااااااار

 

[بنت السلاطين]

اتعبني الصابونيه

هذي خلطه مزيووونه وشقرا .... تجنن ولا ندمت عليهااا

:
:

وانا استخدم كريم حمام مارديكيوو صج يخلي الشعرركأنه مستشوور فعلا



يعطيش العافيه حبيبتي

 

[بنت السلاطين]

مولاتي ان شاءالله ترد عليش



وحياكم الله

 

[ghalaty]

السلام اشلونكم انا الشغلات الي ما استغني عنها الخلطه الصابونيه مالت مزيونه الله يوفقها والاسكنول بالديلاسين وكريم اولاي مسك العروس وخلطة الشعر الي فيها حلبه وشامبو الحصان وكل منتجات بيبي جونسون وبعد اذا تذكرت شي راح ارجع اضيفى لكم

 

[أم غايب]

مارديكيو هذا من وين نحصله يابنات

 

[مزيونه وشقره]

بعد قلبي عليكم بالعااافيه الخلطه الصابونيه





مع تحياتي ياحياتي

مزيونه وشقره ​

 

[مزيونه وشقره]

شنو هذي إلى قلتم عنها (( الصابونيه ))

خلطه صابون للتبييض ماتاخذ من وقتج دقايق وشوفي الموضوع في توقيعي





مع تحياتي ياحياتي

مزيونه وشقره ​