وش رايكم في زوج مدخن ؟؟ بليز ارائكم

[tbola]

عادي يدخن اهيا خل تستخير وان شاء الله خير

 

[Mrs Al-Nasser]

عادي
انا فيني ربو وما استحمل الدخان اختنق

ريلي يدخن بس ما يدخن يمي
وماشيه الحياه عادي :d

اذا كان زين واخلاق مافيها شي حبيبتي التدخين مو شي كبير
​

 

[ماني من الناس]

التدخين عاده سلبيه جدن جدن جدن وماوراها الا اضرار عطونا فايده وحده للتدخين مفيش

استغرب من هالنوعيه من الشخصيات الليً مايخافون ع نفسهم وغير مبالييين في سبيل شنو !! جان زين فيه فايده بعد

 

[baby lolo]

والله انا عندي يدخن ولا انه يشرب او يتعاطى والعياذ بالله
بس على حسب اختج اذا تتحمل ريحة الدخان وما عندها مشكلة خل تتوكل على الله دام انه زين
بس هم اول شي واخر شي نصيب ماتدرين شنو الله كاتبلها والله يكتبلها اللي فيه الخير ان شاءالله

 

[مـعـجـبـة]

انا ارفض ، كلللش ماطيق ريحة الدخان

حتى لو ما دخن يمي تبقى الريحة عالقة في الثياب

كفاية إنه التدخين إدمـان .. بالنسبة لي إي مشكلة كبيرة وما يناسبني

 

[pusy cat]

التدخين مايأثر وريحة الزقاير مو كريهه

اهم شي خليركب شفاط وتنتهي المشكله

لاترفضينه عشان يدخن لان اغلب الرجاجيل يدخنون

 

[FJ style]

عادي زوجي مدخن وحياتنا طبيعية
ويمارس رياضه من جذي صحته العامه زينه

لكن زوجي عشان ما ياذيني انا وعيالي يدخن بالحوش او بالحمام يم الشفاط
ترى التدخين ادمان وصعب يتركه الا بجهد
فلما يحترمج ويدخن بعيد عنج ودايما نظيف ويتحمم ويغير لبسه ويتعطر
ماراح تشمون عليه شي
وخل يتفاهمون ان التدخين ما يكون بالبيت
يعني ماتشوفين طفايه بالبيت

 

[sugar_q8]

عاااادي كلها زقاره شدعوه

بعدين البنت الشاطره اهي الي تخلي الريال يدخن ولا يقطع بذكائها

انا عن رايي بالعكس احب الي يدخن

 

[سويرة بنت خالد]

يوووه نفس حالتي قبل لا اتزوج كنت احاتي موضوع هالدخان الله يقطعه ويحفظ المسلمين من شره .. بس شفت صفاته الزينة وقلت مو معقولة برفضه بس لانه يدخن !! والحمدلله كاني مرتاحة معاه ولكن هالتدخين منقص علي فرحتي الله يفكه منها يارب عاجلا غير آجلا

 

[فرزاشيهـ]

امممم ترا زقاير مو ادمان ! حسسوني بعض البنات انه big deal ! عادي بس اذا ماتحب ريحة الدخان تلزمه مايدخن بالبيت ولا عندها و بس

 

[سبسيال]

التدخين فيه اهلاك للنفس!!
تستخير ربها..واذا الله كتب لها نصيب تقدر بشطارتها تخليه يتركه كلش
وتنصحه وتذكره انه اكو مشايخ حرموا التدخين وجذي ..

الله يكتب لها الي فيه الخير ويسعدها

 

[غرام 20]

فديته حياتي يدخن بس مايدخن جدامي لما يطلع بس وريحته عاديه
خليها تشوف نصيبها

 

[بهبهانيه]

عادي الكل يدخن
نصيحتي ما ترفضه

 

[الانصاريه]

اختي المشكله مو في التدخين اهم شي انه يكون ريال يخاف الله فيج

انا كنت متزوجه واحد ما يدخن وتطلقت منه لانه ما كان يخاف الله فيني والمشكله انه كان مطلق وعنده ولد

وبعدها تزوجت زوجي الحالي وهو مدخن بس والله والحمد لله انه يراعيني ويخاف الله فيني وعلي فكره زوجي الحالي لم يسبق له الزواج


انت حبيبتي بس ادعي بهذا الدعاء
اللهم اجرني في مصيبتي واخلفني خيرا منها

واستخيري ربج

 

[كيندر بوينو]

عاادي زي اي رجل بالعالم ترى

زوجي يدخن والامور عاديه جدا وتقدرين تخلينه يتركه

 

[MEMA∞]

,
اذا هي عاجبها وراضيه تتوكل على الله وتاخذه
بس انا عن نفسي مستحيل اخذ احد يدخن واكره التدخين بشكل مو طبيعي مو زين ويقرف بصراحه!
​

 

[غـرامـي أنـت]

عادي حبيبتي انا زوجي يدخن

بس انا متفقه معه انه مايدخن عندي بالشقه ولا بالسياره

وحتئ عندي مايدخن والحمدالله كل شي طبيعي والحياه ماشييه

 

[Tom ♥ Jerry]

,


المدخن 24 ساعه ريحته زقاير
حتىى الريحه تلزق بالجسم حتى لو خذا شور
> مادري انا آحس جذي !

و آمممم خل تعوده مآيدخن بالشقه كلش !
يبي يدخن يطلع بره .. انا ريلي كان مآ يدخن بعدين قام يدخن
بس قايلتله و مفهمته مآبي اشم ريحه زقاير بالشقه !
يدخن بره و يرد كيفه :/ عندي ياهل انا
و كلكم تدرون شنو تسوي الزقاير بالبيبي

 

[حبيبي مالكني]

مافيها شي
هاي عادة موزينه الله يفك ازواجنه منه

 

[Laidy n3ooma]

الحين البنات يدخون جات على الريال !!

اذا زين خل تاخذه شتسوي بعد