وصلنا لطريج مسدود وخلاص مابيه

[شطانه طفله]

لا حول وقوة الا بالله

 

[*غنج*]

شوفي حبيبتي اهو غلط لما تلفظ بكلام عليج وعلى اهلج، بس انا قريتلج جم موضوع وحسيت من كلامج انج عصبية حبتين صدقيني الريل ما ينفع معاه العصبيه والتنرفز ولا يحب ليش تأخرت ووينك.... يبي الهداوه بالكلام والهدوء صدقيني تكسبينه وتخلينه ينفذ كل اللي تبينه صدقيني كثر الدق يفج اللحام انتي قلتي اهو اللي يهديج ويراضيج بعد الكلام اللي تقولينه بس لي متى تبينه يستمر جذي هدي حبيبتي تبين تعاقبينه عالكلام اللي قاله ماعليه بس طلاق ليشششش شخليتي حق اللي يخونها ويطقها ويمسح الارض فيها فكري عدل حبيبتي وراجعي حساباتج ولا تنسين انج تحبينه وروقي بالج وخليج ريلاكس والله يعينج

 

[đeɱɛɼɑ™]

:
.
بِ كل صَراحة انتي قاعدَة لَه عَ الوحدَة .. تقوليِن اتعوَذ من ابليِس وانتي نفسِج بِ خشمِج وبعدها تطرشين مَسجات تسِم البَدن :/ !!
تَبين تَكسبِين ريلِج بِعدي عَن النِكد ْ والمِعايَر ، جَان اول ما شِفتيه لَميتيه وقِلتي لَه مشتاقَة لِك مو مبوزَة و حاقرِته ! اكييد بِ ينحَاش حق ربعَه .. .
سالفِتِج ما تِسوى الطَلاق .. صَحيح اهو غَلط وصرَاخ وسَب بس انتي وَصلتيه ليِه هَ الحَالة
فَكري مَرة ومَرتين وثَلاث
​

 

[جوري 2007]

يمكن ريلج صغير وطايش ويتاثر بسرعه باللي حواليه

ساعات اللي عقله صغير يسوي العن من جذي

توكلي على ربج والجئي له ،، وريلج عطيه درس معتبر **

 

[ScarletteO'Hara]

حبيبتي الغلط منكم انتوا الاثنين
مسجاتج الي تدزينهم له تسم البدن شلون تتوقعين بيرد عليج؟
يقول لج احبج انتي تحبكينها زيادة
و تنصدمين لما ايي البيت معصب؟
ما ينلام حتى انتي منفسه
هذا مو اسلوب تتبعينه مع الريال حبيبتي
انا اعترف اهو يبيله اعادة تأهيل
للحين يحسب نفسه عزوبي طلعة و را طلعة ورا طلعة من غير تخطيط
عادي الرياييل كلهم جذي اول الزواج مو مصيبة
اذا مشكلته طلعاته زايدة يا بنت الحلال حدها هينة
مرده بيطخ
ترا كلنا كنا نشبة ببداية زواجنا مناشبين الرياييل على الطلعة و النزلة
بس اسمحيلي مو بأسلوبج
و لا 12 مس كول و لا مسجات تغث
و شكله ريلج صغير ووايد متأثر من ربعة
انتي مهمتج تعودينه على نمط معين لانه معروف ان ولدج على ما تربينه و ريلج على ما تعودينه
و اذا طلع الهي بنفسج شوفي شنو تحبيت تسوين بروحج سويه مثل ما اهو لاهي مو عيب و لا حرام
و عموما عصبيتج بانت لما كسرتي تلفونج و هالشي ما يلوق بأنثى لان التكسر مو من طبايعنا
و صدقيني العين حق
بس مو كل شي بحياتنا قطيناه براس العين انتي تصرفاتج في اغلاط كبيرة
شوفي نفسج و عدليها
و لا توصليها للطلاق موضوعج ما يسوى تتطلقين عشانه
اربع سنين مو شوي حبيبتي فكري بعقل

 

[Aisha..]

و انا اقول دخلي اهلج خلي ابوج شوي يهزأه شمسوي بالبنيه يعني مو رجوله اطق بنت اظعف منك و يمصخره شوي (يمون عمه) عشان يعرف ان وراج ظهر و نصيحه لعب الطق بطليه لأن ينتهي ببجي و مشاكل جايده انا كل ما اتغشمر مع ريلي جذي آخر شي انا اللي ابجي لأن اكيد ما رح تقدرين على غشمرته خو اهو رجال

 

[ذكريات]

شوفي حبيبتي .. انا راح اكون صريحه معاج وماراح اطبطب عليج وان شالله ماتزعلين مني... ترا الحياه الزوجيه تنجح او تفشل بيد المرة لازم يكون عقلها متفتح وتعرف تتصرف بالمواقف,مهما يخوره الريال لازم تفكر عدل قبل الكلمه اللي تقولها لأن الريال بيراضيج مره مرتين مرده بيمل وانتي على ادناة الدون تدزين مسجات كرهتج وياريتني ماتزوجت وبروح بيت اهلي ومادري شنو شخليتي حق المشاكل الجايده لو لاسمح الله خانج او سوى شي جايد..لازم الوحده تنوع بردات فعلها انا ماقولج اهو مو غلطان بتصرفاته غلطان ونص بس انتي ماتعرفين تتصرفين ناقصج خبرة يعني اذا تأخر مرة ناجري ومره سوي روحج متضايقه كسري خاطره مو مطنقرة ومره سوي روحج خايفه ومرة ضحكي ولاجنه صايرشي مو كل مايرد البيت يلاقيج فاتحتله تحقيق وبجي وصراخ ومسجات اكييد بيفقد اعصابه واهو ترا مو سئ من كلامج عنه قاعد يبررلج ويسمع منج وياخذ ويعطي والله في رياييل مايعطون المرة ويه مووليييه كيفي وخلاص..وحاولي تطنشين لاتلاحقينه وايد ريحي راسج وصبري ثم صبري انا اشوف ماعندج صبر خير شر ... الريال يمشي بالمسايس مو بطريقتج هذي انتي اللي رح تخسرين اهو مايهمه من ثاني يوم يروح ياخذله وحده عمرها 17 سنه ولايعيبه شي للأسف هذا مجتمعنا .. حاولي تطولين بالج وتفاهمي معاه بالهداوه عن كل شي مضايقج مو اهو يشد وانتي تشدين هالطريقه غلط.. والله يهدي سركم ويوفقكم ..واسفه اني طولت بس فعلا حسيتج وحده من خواتي وحبيت اساعدج:eh_s(1):

انا معاها

صج اهو غلطان بس انتي غلطانه اول

ماله داعي الحنه و كل شوي مسجات تغث .. و اهو حدرج و قال لج راح انفجر

 

[يآسمينه]

أنا ببالي الشي جى من الجهتين

إنتي كنتي تعصبين معاه و تغلطين و اهوه يجي يراضيج + تعامل صاحبه مع زوجته أثر عليه

مرات الزوج يتحمل شغله ثقيله عليه بزوجته .. بس يطفش بعدين و يتغير عليها لي حصل له احد يحرضه

فالمفروض إنتي تحاسبين لهالشي دامج تعرفين أخلاقيات صاحبه و تعرفين شكثر زوجج يقضي وقت معاه

و صلي على النبي حبوووبه و هدي بالج .. لا تتهورين بمسألة الطلاق .. إنتي تحبينه واهوه يموت فيج

حاولي تكسبينه من جديد ولا تثقلين عليه بشي عشان لا تعطين لأحد مجال إنه يدخل بينكم​

 

[وحش سعود]

ما ادري زوجج
شكله قلبه طيب ومقتنع ان طريقه رفيجه صح وطبقها والله ستر وما طقج
واضح انها عين او حسد
اقري سوره البقره
والله يصلح بينكم انشالله تو متزوجه حرام تفكرين بالطلاق
على قوله وحده الله يرحمها ويغفر لها
كانت تقول الحياه الزوجيه مشاكل وعواصف اول خمس سنوات تحملوها وبعدها عيشوا الهنا

 

[فوفى]

يابنت الحلال اخاف عين والله ياحياتى الحين الاخو صار يحسد اخوو انا اقول تعوذى من ابليس واقرى سورة البقرة

وان شاءالله بيرد لج احسن من قبل قولى امين والحياة الزوجية لازم فيها مشاكل تحملى.

 

[ســـــاره]

اي انا كنت معصبه عشان جذي اقول بتطلق

مستحيل اصلا اتطلق منه بس ابيه يتأدب اشوي

اهو ماطقني قلت معصب شوي ويطقني وماسب اهلي سب عائلتنا اقصد اسم العائله

وفي شي بعد في وحده حيل معصبه واهيا ترد اشوي وطقني هههههههه

حياتي هدي انا ماقلت عين قلت يمكن سبب من الأآسباب لان العين حق ومذكور بالقرأن

وبعدين اقصد يمكن مو قصدها يمكن فزت فيني وماذكرت الله في ناس مو قصدها تحسد بس اتفز بالشخص بدون ذكر الله

ويعني بتقنعيني ماكو ولا مره حقوده وحسوده ؟ انا سمعت وحده بأذني اتسولف عن وحده عشان اتحمل ورى بعض قالت كلمه ماقدر اقولها معناتها من وين تجيب بويضاتها كل سنه حمل وولاده قلت قولي مشاءالله قالت ليش انا بصكها عين قلت لا مو قصدي بس انتي الحين فزيتي فيها حرام ومارضت تذكر ربها شمعناتها هالحركه

وفي ناس حقوده مثل ما بيتها مخترب تبي تخرب بيوت الناس نفس رفيجه

اخاف الاخت عايشه بعالم الفاضل بروحها هههههههه

المهم اقولكم انا اعترف اني اعصب بسرعه ونفس الشي ارضى بسرعه واهو عصبي حيل بعد بس مو علي عمره ماعصب علي

وانا متعوده بيت اهلي ابي هالشي اخذها واسويها لو شنو تكون حتى اهو يقولي ترى انا مو امج وابوج تبين كل شي على كيفج

والله يهديه لي يارب

 

[miss_jamsheer]

مادري الظاهر ربعه يوزونه او متاثر بربعه واسلوبهم في معاملة حريمهم

 

[ســـــاره]

مشكورين

اليوم قلت لامي كل شي شنو صار بالضبط

وتقول انا غلطانه المفروض ماسوي جذي

لان في نقطه ماقلت لكم عليها كتبت له بالمسج قبل لا انام (ترد الحين غصب عنك فاهم وناطرتك ماراح انام )

امي عصبت علي حيل تقولي شلون تقولين له جذي ومن هالحجي

 

[جوليانا الحلوه]

حبيبتي ساره يمكن زوجج عنده مشاكل و مضغوط والواحد اذا عصب يقط كلام يجرح و على فكره انتي عليج الدوره ولا تنسين انها تلعب بالاعصاب تعوذي من ابليس و لا تفكرين بالطلاق و يمكن زوجج جبريت وعصبي لازم اتكيفين مع طبعه وبعدين ان شاء الله اذا شاف اعياله راح يطخ و بعد الله يهديه سلوبه خايس ماكو تفاهم و انتي مراه عاقله وانسي الطلاق وعطيه طااااااااف اذا عصب اذا اهو بغرفه النوم احاشي الصاله وهكذا عسى الله يهديكم وانا ما كتبت ورديت عليج لاني ابي الخير لج

 

[ليلو جبريت]

ان شاء الله ترجعون لبعض والله يهدي الاوضاع ترى بداية الزواج دوم جي

 

[نونو جين]

الله يفرجهااااا

 

[نواااال]

تعوذي من ابليس وغيري طبعج خلاص بلعنته يطلع يدخل لاتحرين عمرج
ولاتحاسبينه وين رايح وين راد ومتي بترجع مايحبون هالشي وطفارتهم انتي سحبي عليه لاتذزين له مسجات ولا مكالمات
الريال مايحب الي تلحقه ابعدي شوي واثقلي وشوفي الفرق اهو الي راح يسال عنج ويدورج

 

[ظل الياسميـن]

الله يعينج ويصبر قلبج
هذا ريلج مو كفو اتعيشين معاه لحظه وحده
امبين من اسلوبه لج
يطبق على اللي يسوونه ربعه بحريمهم

لا حول ولا قوة الا بالله
رييايل على اخر زمن ما يحترمون حريمهم

لا تنسين الرقيه الشرعيه
واقري المعوذات على طول وين ما كنتي