انا العكس
افضل الكاميرا مكشوفة و بعلمها لأن الهدف من الكاميرا مو انى اصيدها (اكيد راح اصيدها) الهدف ان اهيا تخاف و ماتسوي شي غلط باليهال او بالبيت.
علشان سببين:
1. الخدامة اجنبية تركت بلدها و جت علشان الفلوس فقط .... الفلوس فقط لاحبا في تربية اولادي و لا حبا فيني و لا حبا للشغل .... و بالتالي اكيد راح تكون جدامى غير و من وراي غير ، اكيد اذا مو جدامى راح تكون على شخصيتها الحقيقية و بالتالي اكيد راح انصدم لما اشوفها و اهيا ما تشوفنى و راح اشوف بلاوي ......
و اذا لكل خدامة راح اخلي الكاميرا مخفية عيل اغلب خداماتى راح اسفرهم و ارجعهم ديرتهم.
نقطة ثانية : شنو استفيد لما اشوف شي يصدمنى ؟ انا يهمنى انها تخاف و تتجنب تسوي الشي ..... و لا انها تسوي على كيفها و بعدين اكشفها و اسفرها..... انا يهمنى انها تعمل حسابها ان في كاميرا تراقبها و بالتالي تكون سيدا.
نقطة ثالثة: اذكرها ان يوجد كاميرا بكل مكان (تخويف فقط) و ان يويلك اذا سويتي شي ، ترى كل شي اعرفه.
و فوق هذا كله انا اخاف بصراحة و قلبي ما يطاوعنى احط كاميرا مخفية ، احس راح انصدم صدمة كبيرة.
فكل اللي اسويه احاول اخلي عيالي معاي وين ما اروح علشان ارتاح و حزة الدوام اخليهم عند اهلي لما يكبرون بعدين علطول حضانة
