وفاءا للمعلم.. وحنين لأيام الدراسة

[A7la-SmiLe]

والله اياااام
الثانـــــــويه
الوكيله( ماري روز) واااااااي كرهتني بالثانويه والدراسه وانظلمت على ايديهاا وافصلتني 3ايااام على شي ماسويته الله يسااامحهااا
(مس عايده) تاريخ اتهبل اتهبل اتهبل اهيا اللي حببتني بالماده لها طولة العمر ان شاءالله
(مس هاله) انجليزي اتيين والله ماحبيت الماده والدراسه والانجليزي الا منهاااا اتدرس بضمير
(مس نيفين) فرنسي لاتعليـــــــــــــق !! :jumpon::jumpon::eh_s(13):
مشكوره عالموضوع​

 

[*فاصوليا*]

ونااااااااسة الموضوع صج ينزل الدموع:eh_s(16):

مس منيرة انجليزي
مادري شلون امدحها بس مائاءالله عليها اهي مثال حق كل المدرسات
عندها ضمير بالتدريس وتعطي الحصة حقها ماشاءالله عليها

 

[coffee]

حناين اوخ توفت! الله يرحمها ويغمد روحها الينه.. ام شعر طويل ؟؟ جني داشه بيتهم مره.. تذكرين ابلة الموسيقى السمره الضعيفه اعتقد بنت البلوشي؟ كرهتني بحصة الموسيقى هههه

Bent jaber بانتظار مرورج الأروع

Edmak صاجه والله ومرورج أحلى

a7la smile حياج الله حبيبتي

فاصوليا اي والله الوله جايد.. حياج الله حبيبتي

 

[حناينq8]

اي كوفي ابله فاطمه شمس الدين توفت الله يرحمها كان فيها ربو واذا تذكرين وايد كانت تكح
وابله الرسم الطيبه ناسيه اسمها هم توفت <<<< ماعليه اخبار مو شي

وابلة الموسيقى السمره كانت ابله انصاف الحافظ بس والله للامانه كنت احبها خوش ابله
الاخصائيه الاجتماعيه ابله منيره سنين وبنين بهالمدرسه
ابلات الاجتماعيات ناسيتهم ما اتذكر الا ابله هاله لانها طول السنه كانت على 3 نفانيف

ولي رجعه لي تذكرت

 

[coffee]

حناين لا حول ولا قوة الا بالله عاد احبها هالابله كانت تقدر مواهبي الفنية

لانها طول السنه كانت على 3 نفانيف

لووووووووووووووووووووول
انا اذكر ابلة اجتماعيات يا ربي اسم عايلتها على بالي بس مادري نسيت اللي تزوجت امير بحريني شي جذي

 

[فطووومة]

احييج اختي على الموضوع الروعة

 

[عسولة الكويت]

فاطمه الرشيدي بالفروانيه مقررات علمتني شلون احفظ واحب مادة التاريخ غصب طيب ههههه
ياحليلها والله صج تدرس بضمييييييير مع انها شديده حييييييييييل

والباجي مالهم اي دور كانوا عالماشي مالهم خلق

 

[almost a whisper]

هاااا انا عدت

بس للاسف ما اعرف اسامي عايلات اكثر الابلات بس بقول اسم المدرسه وبأي سنه =( لان جد ظميري معورني وابي اعتذر لهم

المتوسطة كنت بالشفاء بنت عوف .. من سنه 1996-2000

ابلات الاقتصاد المنزلي والرسم:
ابله سلوى ..بله ناهده .. ابله صبيحه.. ابله نوريه.. ابله اميمه وابله نور (اسفه والله .. يمكن خربت علاقتكم ويا صديقتكم الي اهي خالتي حيل اسفه)

ابلات الكهربا والديكور:
مااذكر كل اساميهم .. بس حيل اسفه

ابله عواطف .. مدرسة البدنيه .. ابله علمتيني شي لا يمكن انساه .. علمتني التواضع .. واسفه على الشغب الي كنت اسببه في حصتج

ابله صفيه .. مدرسة العربي.. درستني سنتين .. وايد كنت شيطانه .. اسفه .. هالابله علمتني الاجتهاد =) وما اطلع لساني وانا اجاوب

ومن الثنوي
ابلة الاجتماعيات .. ابله هاجر البقصمي
حيل حيل اسفه ابله .. يمكن سببتلج مشكله كبيره .. اعتذر منج ابله


خلصت اعتذاراتي .. ان شاء الله توصل .. =(



ببدي اقول الابلات الي للحين لا يمكن انساهم =)

من المتوسط بعد
ابلة الاسلاميه
ابله سعاد المدرسه الاولى .. والله ما اذكرج الا بكل خير =) احبج ابله هالابله اهي الي شجعتني عالحجاب .. ووايد وايد تعلمت منها اشياء ماكنت بتعلمها لو ما كانت ابلتي

ابلة سهاد .. مدرسة العربي سألتيني سؤال وللحيني افكر فيه خخخخخ .. واهي الي خلتني اتقبل وافهم قواعد العربي .. لو ما اهيا .. جان عمري ما يبت درجات زينه بمادة العربي

ابله نشميه .. مدرسة العلوم ابله والله فقدت شرحج .. جان زين بالجامعات شرحهم مثلج .. درستني علوم 3 سنين .. اهي الي خلتني اتحفز اصير الاحسن في كل مجال =)

مدرسات الرياضيات:
ابله ايمان الطراروه .. ابله فاطمه .. P= جان زين اصير طالبه عندكم على طول .. مشكورين علي كل شي
عشقت الرياضيات حيل بسبة هالابلتين =)

بالثنوي:

ابله زهره الصفار .. ابلللللللللللللله ليش ما درستيني مقرر 83 و 73 والله فقدت ساعتج ابله
علمتني الكثير الكثير بالرياضيات .. درستني سنتين ونص .. صج فتره مو قصيره .. والله يعطيج العافيه ابله مادري شلون صبرتي علي =)
علمتني بعد اصير عاجله وكيف احسن السلوك P= .. لو ما اهي جان انا للحيني مشاغبه وكريهه :tek:

ابله سلمى مدرسة الجيولوجيا .. اتوقع اسمها سلمى دشتي؟ مو متاكده .. بس يااااا ابله صج ما درستيني وايد .. بس كل كلمه علمتينياها للحين لازقه براسي .. مشكوره ابله على كل شي =)


ومشكوره يا كوفي =) وان شاء الله يوصل كلامي للابلات .. خصوصا ابلات المتوسط
وان شاء الله ما اكون نسيت احد... ااااخ شكثر كنت شيطانه =(

:tek:

 

[عسولة الكويت]

حرام عليج كل هذا مسويته بدنياج خخخخخخخخخخخخخخخخخ
حبيبتي المرحله اللي كنتي فيها كلنا مرينا فيها وشاغبنا والحين ياليتها ترد لاننا ناقدين على نفوسنا هههههه
بس صج احلى ايام حياتي ايام الثانويه

 

[almost a whisper]

حرام عليج كل هذا مسويته بدنياج خخخخخخخخخخخخخخخخخ
حبيبتي المرحله اللي كنتي فيها كلنا مرينا فيها وشاغبنا والحين ياليتها ترد لاننا ناقدين على نفوسنا هههههه
بس صج احلى ايام حياتي ايام الثانويه

لوووووووووووووول لا ويمكن ناسيه جم ابله بعد والله صاجه .. بس انا كنت بزود شيطانه

 

[coffee]

فطووومه حبيبتي الله يحييج تسلمين ومرورج أروع

عسولة الكويت حياج الله حبيبتي

almost a whisper ههههه شكلج كنتي نزقه.. وان شاءالله احد يوصلهم هالرساله المتروسه مشاعر صادقه.. ههه حبيبتي حياج الله وان شاءالله منها للاعلى:tek:

 

[french`coffee]

وااي يا حلو أيام الدراسة وخاصة بالمتوسطة (الحين طبعا تخرجنا وتوظفنا وعييلنا) ....... كنت بمدرسة أسماء بنت أبي بكر ببيان .. ومدرساتي ما أنساهم .... الله يكثر خيرهم ويطوول بأعمارهم ويجمعنا معاهم عن قريب انشا الله ..:
- مس سناء السداني (انجليزي) .. محترمة وخلوووقة (الله يذكرها بالخير)
- ايمان السنان (مدرسة دين) تذكرون لما كنا نقووول علينا (ديين) شخبااري
- منيرة الرميح (رياضيات) وايد تعصب عليي بس والله احترمها
- فوزية الوزان (علوم)
- شفيقة البعيجان (اجتماعيات)
- فاطمة الخضاري (اقتصاد منزلي) ما ادري شفيها عليي احس اتحط حرتها فيني بس والله للحين اذكرها
- مس زينب كمال ( انجليزي ) تهبل
- ابلة سارة (عربي ) جملتها المشهووورة (ضعييي القلم)

وبالثانوية كنت بثانوية مشرف واللي اذكرهم :
- حنان الرومي (تاريخ) اللي صج ما تنسي والله احبها واحترمها هالانسانه )
- منيرة ماتقي (اقتصاد) اتهبل صج صج كانت اتدرس بضمير
- هدى السميط (جنه فلسفه) كله مالها خلق
- مس ميرفت (انجليزي) تحفة يا حليلها (جملتها المشهوورة من عندووو برفااان)
- ضبيه (أحياء)
- تهاني الايوب (فلسفة) الحين مشا الله صارت صحفية واعلامية ومصورة مشهورة .
- ابلة نبوية (عربي ) اتيينن هالأبلة من المصريات اللي يدرسوووون من قلب مع انها تشبه شوي عادل امام
بس مخي وقف ..... اذا تذكرت رجعتلكم

 

[أم سالـمـين]

احلى مرحلــه كانت الثانووويــه

لأنه فيها شلتي وكلنا متيميعين ونشوف بعض كل اليوم والحين كل وحده بكليه تفرقنـــا
وبالنسبة حق الأبلات كل أبلاتي أحبهم

 

[غيدآء]

وااي يا حلو أيام الدراسة وخاصة بالمتوسطة (الحين طبعا تخرجنا وتوظفنا وعييلنا) ....... كنت بمدرسة أسماء بنت أبي بكر ببيان .. ومدرساتي ما أنساهم .... الله يكثر خيرهم ويطوول بأعمارهم ويجمعنا معاهم عن قريب انشا الله ..:
- مس سناء السداني (انجليزي) .. محترمة وخلوووقة (الله يذكرها بالخير)
- ايمان السنان (مدرسة دين) تذكرون لما كنا نقووول علينا (ديين) شخبااري
- منيرة الرميح (رياضيات) وايد تعصب عليي بس والله احترمها
- فوزية الوزان (علوم)
- شفيقة البعيجان (اجتماعيات)
- فاطمة الخضاري (اقتصاد منزلي) ما ادري شفيها عليي احس اتحط حرتها فيني بس والله للحين اذكرها
- مس زينب كمال ( انجليزي ) تهبل
- ابلة سارة (عربي ) جملتها المشهووورة (ضعييي القلم)

وبالثانوية كنت بثانوية مشرف واللي اذكرهم :
- حنان الرومي (تاريخ) اللي صج ما تنسي والله احبها واحترمها هالانسانه )
- منيرة ماتقي (اقتصاد) اتهبل صج صج كانت اتدرس بضمير
- هدى السميط (جنه فلسفه) كله مالها خلق
- مس ميرفت (انجليزي) تحفة يا حليلها (جملتها المشهوورة من عندووو برفااان)
- ضبيه (أحياء)
- تهاني الايوب (فلسفة) الحين مشا الله صارت صحفية واعلامية ومصورة مشهورة .
- ابلة نبوية (عربي ) اتيينن هالأبلة من المصريات اللي يدرسوووون من قلب مع انها تشبه شوي عادل امام
بس مخي وقف ..... اذا تذكرت رجعتلكم

فرينش كوفي تهاني الايووب الي كانت مصوره حياتها بالغزوو؟؟؟

ياحظكم والله هالانسانه حبيتهاااا واحترمتها من غير لا اعرفهاا

 

[جنتي^و^ناري]

خوش موضوع

انا بالروضه أبلة ناريمان بروضة أسامة بن زيد

بالإبتدائي أبلة الدين موزة بمدرسة آمنه

بالمتوسطه أغلب الأبلات اللي بمدرسة الزهراء لأن تدريسهم من فلب ومنهم أبله فتوح الدلالي

 

[~RouNa~]

أبلة نظيرة البدر مدرسة عربي علمتني اهمية الابتسام والتسامح

كنتي بـ ثنوية مشرف !!

الله يسامحهاا كانت كله تزفناا :\

ابدي بـ مدرساات الابتدائي :

أبلة امينة العمر درستني رياضياات حببتني بـ المادة للحين اذكر كلاامهاا الله يذكرها بالخير

أبلة لطيفة الحمادي :eh_s(7): تدرس اجتماعيات أسلوبهاا وتدريسهاا خلتني أتمسك بـ الاجتماعيات لما دشيت الجامعة و كنت بـ تخصص تاريخ .. بس غيرت رايي على اخر لحظة

بـ المتوسط :

أبلة سعاد الكندري تدرس رياضياات زادت حبي للمادة ,, كملت اللي ابلة امينة سوته

أبلة وفااء الكاظمي - عربي الله يذكرها بالخير فهمتني كل شي بـ العربي و حببتني بـ الشعر و ان شاءالله اسير على خطاها و اصير ابلة عربي نااجحه :wqedqw:

بـ الثنوي :

أبلة جوهرة - جغرافيا ,, شـ قول و شـ خلي ! الله يوفقهاا وين ماكانت

أبلة حنان \ بدور - عربي ,, فهموني البلاغة و النحو لما حبيتهم

الله يوفق كل ابلااتي

 

[coffee]

French coffee - جنتي وناري - shy6oona - bent jaber
حياكم الله حبايبي

Rouna هههه اهي تبع بيادر السلام فاشوي شديده.. وانا لما كانت تدرسني كنت اتضايق منها بس عقب اسنين راجعت ملفاتي هههه وشفت اني استفدت منها خاصه بسالفة الابتسامه لاني ما كنت ابتسم وايد وما اغشمر زود ههه.. حياج الله حبيبتي

 

[~RouNa~]

وبالثانوية كنت بثانوية مشرف واللي اذكرهم :
- حنان الرومي (تاريخ) اللي صج ما تنسي والله احبها واحترمها هالانسانه )
- منيرة ماتقي (اقتصاد) اتهبل صج صج كانت اتدرس بضمير
- هدى السميط (جنه فلسفه) كله مالها خلق
- مس ميرفت (انجليزي) تحفة يا حليلها (جملتها المشهوورة من عندووو برفااان)
- ضبيه (أحياء)
- تهاني الايوب (فلسفة) الحين مشا الله صارت صحفية واعلامية ومصورة مشهورة .
- ابلة نبوية (عربي ) اتيينن هالأبلة من المصريات اللي يدرسوووون من قلب مع انها تشبه شوي عادل امام

ما لحقت على وحده فيهم ,, بس ابله هدى السميط تدرس علم نفس ,, كله تاخذ الساعه الاولى و مالهاا خلق صج

 

[غيدآء]

عدنا

مادري من وين ابتدي؟

بس راح ابتدي من الابتدائي..

ابله موضي عربي مشكوووره على كل شي سويتيه علشاني..

ابله تهاني رياضيات..ههههههههههه اول يوم استلمنا فيه الكتب كانت تمر على طالبه طالبه وتشيل علم العراق هالمشهد ما انسااه لووول مشكووره يا احلى ابله..

ابله هيا العازمي دين...سامحينا اذا اذيناج بس والله احبج مشكووره

ابله خوله العاب ههههههههههههههههه ندري عذبناج وما كنا نعرف نسوي الدحرجه الاماميه لووووول

ابله ترفه عربي احبج

ابله خزنه المطيري عربي...كنتي دايما تثقين بقدراتي اشكرج من كل قلبي لانج خليتيني ابدع بشي كنت غافله عنه

ابله امل انجليزي ..ماراح انساج..ولا راح انسى افكارج الي خلتنا نتعلم اللغه الانجليزيه بشكل سهل وبسيط..

ابله بتول رياضيات..ياحلوج وياحلو شرحج..

ابله بشرى موسيقى عمري ماراح انسى صوتج العذب ولا اختيارج لي بتمثيليه موسيقيه كل ما اتذكرها احس بونااااسه

واشكر كل ابله نسيت لا اذكرهااا ..


المتوسط...

ابله فاطمه عربي...صج صج حبيت اللغه العربيه منج شكرا لج..

ابله دلال اسلاميه...مشكووره

ابله امنه اجتماعيات .. الله عليج صج عطيتي من كل قلبج..

ابله ساره رياضيات..ياحلو هالحصه معاج كانت كلها ضحك بضحك

ابله امنه علوم..صج كان شرحج شرح دكاتره ..تذكرت شرحج لمه صرت بالكليه مشكووره

ابله نوف عربي ابدعتي ..ماراح انساج..

ابله زهره عربي..مشكوره

ابله نوره رسم..اسفين لاننا انحشنا من الحصه

ابله شيرين موسيقى اسفه لاني ما لبيت طلبج وما رحت اودي اسماء البنات عند الاداره وجذبت عليج قلت لج الاخصائيه مالقيتهاا..اسفه والله لاني بصراحه مارحت اخذت فوق تحت ورديت

ابله نوال اجتماعيات..كان اسلوبج وتعليمج اكثر من رائع مشكووره..

ابله بدريه دهراب انجليزي...استانست لمه سمعت انج صرتي ناظره الحين..تستاهلين يا اروع ابله احبج

ابله فوزيه حاسووب...احبج مشكووره

ابله نجلاء حاسوب...مشكووره

واخيرا ناظرة المدرسه نوره بو حمره ...مشكوووره على كل لحظه كنتي تعطينهاا حقنا كنتي اروع معلمه شفتها بحياتي واروع مربيه ماراح انساج...


الثانويه

ابله تهاني رياضيات..ماشالله على شرحج كنتي تعطين بضمير..ياليت كل الابلات مثلج مشكوره

ابله ثناء عربي...مشكووره

ابله مريم عربي احبج ماراح انساج يا اروع انسانه وصديقه قابلتهاا..

ابله عايده اسلاميه..مشكوووره وكانت حصتج من اروع الحصص..

ابله غانيه انجليزي...ما راح انسى مدحج لي بالموضوع الي قدمته صج قدرتي تعبي الي تعبته مشكوره..

ابله ساره اجتماعيات حصتج كانت روووووووووعه ههههههههههههههه مشكوره

ابله وضحه علووووم واااااااااااااي احبج يا اروع اخت قابلتهاا..

ابله ناديه العاب اسفين عذبناج بطابور الصباح كنا كله نرجع ورا ما نصف عدل لووووول

ابله نجلاء علم نفس...ههههههههههههههه حصتج كانت حلوه بس حرام عليج كنتي تكثرين الواجبات علينا وتقولين اخر مره مشكووره لووول

ابله هدى فلسفه مشكوووره كنتي صج تحللين لنا الكتاب تحليل مبسط ...

ابله منيره تاريخ مشكوره على عطاياج يا اروع مربيه...سمعت انج تقاعدتي ما الومج عطيتي من عمرج كثير

ابله شريفه علوم مشكوره

ابله حصه كيمياء مشكووره صج عطيتي كل وحده تقديرها الي تستحق مشكوره..

ابله عزه فيزياء مشكووره وما راح انسى طعم الكشري الي تسوينه باليوم المفتوح يمي يمي لذيذ هههههههههه

ابله عزه عربي وااااااااااااااي ماراح انسى تعليمج لناا مشكوره

ابله نوف اسلاميه مشكوره

ابله منيره اسلاميه احبج

ابله دليِل اسلاميه ماراح انسى قراءتج للقران صوت ماشالله يشرح الصدر..وشرح يرسخ بالقلب قبل العقل

ابله رفعه جغرافيا مشكووره ومبرووك عالزواج سمعت انج تزوجتي

مدام صديقه فرنسي...مشكوووره

مدام سالي فرنسي اسفين لاننا عذبناج بالحصه بس والله نحبج مشكووره

ابله ساره علم اقتصاد مشكووره على الخمس دقايق الي كنتي تاخذينهاا من وقت الحصه وتخلينهاا دقائق دعويه ...

ابله سعاد انجليزي مشكوووره على تعليمج الراقي...حبيت اهل تونس من خلالج ماراح انساج..

ابله ريميه علم اجتماع مشكووره

ابله كافيه تاريخ اسلامي مشكووووره

ماراح انساكم كلكم ... لحد الحين محتفظه بالصور والتواقيع والذكريات الحلوه

 

[حناينq8]

ابله زهره مالت العربي بميسلون الله يذكرها بالخير
اسستنا عدل والحين لمن كبرت عرفت انها من اكثر المدرسات اللي درسوني بضمير
يزاها الله الف خير