وقاحه مابعدها وقاحه

[Noor_AlQ8]

ماشاءالله عليج وعلى هدووئج وانج ما تكلمتي وسفلتي فيهااا ..؟؟


انا لو مكانج الله لايقولهاا .. والله لـ آلعن خيرهاا هالحماره .. صج قليله آدب مو محترمه ..



شكلهاا حاطه عينها على زوجج ودايم تتحرش فيه واهوو ما يعطيهاا وجه ..


بس لازم تتفهمين مع زوجج وتقولين له .. لوو انت مو معطيهاا وجه جان ما تجرآت وقالت هالكلام ؟؟

والله مايعطيهم وجه لكن بعض طالباته وقحات وموبس معاه مع كل الدكاترة الصغار وحتى الكبار ولو تكلموا ومصخرهم اشوي يقولو هم مو مودبات فمشاكل البنات واجد بالادارة ففك عمرك

 

[classicyah]

صدق وقآحه ،

بس تصرفج صح ،

و استآنسي ، لأنه زوجج محترمْ و مآ عنده خرآبيط . .

و كلآمهآ أكد هالشيْ . .

اخذي هالموقف ، بروح ريآضيه ،

و طلعي الإيجآبي منه ،

هي محتره ، و انتي حلوه ، و زوجة دكتور ،

أكيدْ بتنقهرْ ، و بتقول هالكلآم ، لأنهآ تتلزق فيه ، بس سآفهنهآ ،

 

[Noor_AlQ8]

بخصوص البنات اللي يقولون ليش مارديتي والله اقولكم ماقدرت صرت طرمه

وحبيباتي ماقصرتوا كلكم ماتدرون شكثر ردودكم ريحتني من السالفة هذي

 

[شوق بدر]

بالعكس احسن انج ما رديتي ع الحثاله لانها منقهره من ريلج مو معطيها وجه بسسسسسسسسسسسسس لا تنقدين زوجه ليش ماكتمها هو ماله ذنب

 

[leeny]

انتي انسانه ارقى منها وزوجج بعد وزين سويتي مارديتي لاتنزلين نفسج حبيبتي

 

[Noor_AlQ8]

تسلمين حبيبتي انتي

 

[قاهره عذالي]

هذي مو بس وقحه
قليلة ادب
وما تستحي
زبااااااااااااله
لا تهتمين لها

 

[sunshine22]

ليش تبجين

سوء تفاهم اهما عبالهم انج رفيجه زوجك حمدالله والشكر
شنو الواحد لازم يكتب تقرير حياته على صدره عشان الناس ما تسيء الظن
لاتنزلين نفسج مستوا واطيه مثلها

تحسبي عليها فقط واعلمي انه
ماكو على عقاب رب العالمين يأدبها بجهنم
لان كل واحد فيها بياخذ كتابه بيمينه وكلنا بنقول نفس ماكتب ربنا بالقرآن (( مالهذا الكتاب لا يخفي لا صغيره ولاكبيره الا احصاها ))
صدق الله العظيم
فظنها السيء لزوجك له عقاب
ورمي كلام وقح لج له عقاب

فالله يعينها على اللي ناطرها بيوم القيامه


يمكن قرقت وايد
بس الظاهر انا كل مااكبر ارجع لربي اكثر
وعرفت ان الدنيا هذي فعلا فعلا ما تسوا جناح بعوضه عشان نحرق اعصابنا عليها
اتمنى كلامي يخفف عليج

 

[Kint a3rfik!!]

ايييييييي شيييييي واااي حقدت عليييهم
البنااات يانييين و قاعدين قطيعه تقطعهم

 

[نــعــوومــه]

تدرين ليش انطرمتي وماعرفتي تردين عليها لأنج بنت ناس ومتربيه عدل مومثلها بنت شوارع ,,,​

 

[بوغاتي88]

يا حبيبتي زين انج طنشتيهم لأن هالأشكال الوقحه مايفيد معاهم الكلام حسبي الله عليهم انا حاسه بحرقة قلبج عسى الله يحرقهم صج صج قلة ادب وين قاعدين يعني ريال مع زوجته يتمشون لازم يتطفلون عليهم صج وضع مخزي وانتي الله يهداه زوجج مالقى مكان الا الافنيوز حق الهيلق والاشكال القذره اللي هناك حبيبتي الافنيوز يروحوله من الساعه 4 لغاية الساعه 6 وحرصي مايكون ويك اند او المعاشات توها نازله لأن زحمة مابعدها زحمة وبتشوفين وايد من هالاشكال الوقحة

 

[بوغاتي88]

لاتضايقين عمرج ولا تبجين طنشي والاشكال هاذي اعتبريهم مثل الحشرات بس احمدي ربج ان زوجج مو راعي خرابيط وسوالف عسى الله يهديه ويسخره لج يارب

 

[pearls_q8]

حبيبتي هذي ما تستحي وقحه والغيره خلتها تعيب او تستهزأ
وبعدين زوجج ما يقدر يتلاسن مع هل النماذج ترى قليلات ادب
واحسن ان احتقرتيها هذي ما تحس حتى لو رديتي عليها وحده
وقحه حسبي الله عليها

 

[love u 4 ever]

وقـــــــــــــآآآحــه

 

[Alia]

قوة بنات

مادري شلون ابدي الموضوع بس والله هالناس ماتستحي ومهما تقول كلام مو زين فيها تستاهل اكثر بس انا اللي قاهرني اني سكت انطميت ماعرفت ارد السالفة جذي

اليوم الظهاري انا اجازة وزوجي عنده دوام اتصلي فيني عنده بريك ساعتين بين محاضرته قال تعالي الافنيوز عازمج على غداء وماقدر امرج لان لازم ارد الدوام المهم مريته واحنا نتغدى الا في ثلاث بنات قاعدين قبالنا وطايحين خز انا حسيت انه فيه شي قلت له شنو صاير لا خليهم يولون هذول عندي بالمحاضرة المهم خلصنا وقعدنا نتمشى شوي ولا تمر وحده من صوب زوجي وتقول


هناك داق الشرف علينا وهني قاعد مع هذي بس ترا رفيجتك مو حلوه بنات انا بجيت الا شوي انصدمت بالوقاحة من الصدمة انطرمت زوجي ماجعمها بعد قالها روحي الله يهديج ماقلها انتي شكو وسفل فيها ولا انا بعد


بنت والله مقهورة حدي حدي حدي حتى مع انه قالي بثاجر راح يادبها بالكلية بس هم مقهورة في جذي اوادم شرايكم انتم امانه مو قهر انج تنطرمين و تردين على الوقحه هذي

هذي سفلة وماتستحي ومستوا هابط قولي حق ريلج لا يروح لها ولا يكلمها لا تخافين راح تعرف انه متزوج الكويت مو امريكا !! واهني مشالله الخبر ينتشر اسرع من البرق

وانتي لا تنزلين مستواج لهل اشكال وع اخلاق زيرو لا حسيب ولا رقيب

انا لو مكانج راح اسوي نفس اللي قتلج عليه لانها محترة مبين !!!! محد الظاهر يطل بويها :d

 

[مشتاقه لعيونه ~]

وربي صج كلمن يرى الناس بعين طبعه

اغلبهم قليلات ادب هالجيل

 

[مجنونه هواهـ]

حبوبه انا اسفه بس امكن زوج يروح مع بنات وقص عليهم بعد حرام زوجج يخونج ويخونهم بعد

 

[انصاريه قمره]

حسااااااافه ما برتي جبدي بالهيلقيه
وربي لو انا اتفل بعينهاا وفي امهااا خير اتكلم

 

[~ كرز ~]

جان رديتي عليها جليله الحيا

 

[عميمة]

ليش تاخدينها من هالزاويه ليش ما تاخدينها من الزاويه الثانيه ؟

قالت ( هناك داق الشرف ) شنو معناته
معناته انه ريلج مو معطيهم ويه وصاينج من وراج وانهم يتميلحون عليه

وهني المهم ...
شعليج بكلمتها انتي حلوه ولا مو حلوه الغيره تسوي اكثر

انتي المهم عليج ريلج

واضح انه اخلاقه عاليه جدامج ومن وراج وانتي لازم تفتخرين فيه

وادا كانت البنت هيلقيه لا تصيرين مثلها !! لان هدا الي اهي بتوصله

وكلمة ريلج ( روحي الله يهديج ) اتوقع كانت كافيه ويمكن تلقينها استحت على ويها حتى لو ما بينت