ولادتي بحبيبي حمودي .. بدار الشفا

[q8 knosha]

السلام عليكم ...... :eh_s(8):​

حبيت انزلكم قصة ولادتي بحمودي​

هذا ثاني بيبي عندي وكنت ناويه على ابرة الظهر لان فبجري بس كنت علكمام وكان الوضع عذاااااااب :eh_s(16): والحمدالله على الثاني خذيت الابره :eh_s(9): لوول ارتحت نفسيا​

المهم دكتورتي فوزيه القطان ​

نبذه عنها هههههههههههه ​

طبعا اللي تراجع عندها معروفه بالنصب تقول منشار تسحب فلوس منج سحححب تقعدج علحديده :bbbiu:​

المهم بولادتي الاولى كانت اهيا بعد وكنت كل شهر اراجع عشان اول بيبي وتحاليل وسوالف صلخ عندها عاد قررت علثاني اغيرها لانها وااايد تسحب فلووس​

بس كخياط حييييل حبيت خياطها​

المهم نزلت موضوع هني وطلبت من البنات يساعدوني المهم امدحولي دكتور بالسلام نسيت اسمه
ورسيت عليه ورحتله​

بس طلع حددددددددددددده شااايب وغصب كان يقرا الاوراق اللي بيده ولابس نظاره ومايطالع عدل​

الصراحه خفت قلت حزة الولاده اخاف مايشوف ومايخيطني عدل :eh_s(1): وراجعت بس مريتين ورديت حق دكتورتي فوزيه القطان :bbbiu:​

راجعت عندها كنت بالثالث او الرابع شي جذي​

المهم كنت ما اروح كل شهر اطوف شهر تالي اروح او اطوف شهرين واروحلها​

عاد كانت كل مره تقولي تعالي كل شهر ... وتحاليلي في شغلات اسويها برا وشغلات عندها​

المهم كنت اتنرفز من زحمتها والنطره وفوق هذا لازم تحليل بول تكرمون ولازم تحليل مادري شنو قبل ما ادخل عليها ولما اقولهم بعدين بسوي اول شي بدخل خل تشوفيني شفيني مافيني​

بس على طول تحاليل خل تسمع مني بالاول كانو يقولون لا مايصير لازم ينرفزوني بس كنت متحمله عشان ولادتها وخياطها كنت ابيها​

المهم اخير شهر قالتلي اسويلج مسحه قتلها حق شنو انا ما اشتكي من شي ولافي شي قاعد ينزل علي
وتوه خذو مني تحليل بول طلع مافيني شي ولا تقولي لا لازم هذا داخل بالرحم مو نفس تحليل البول عشان وقت الولاده البيبي ما يتأذى اذا في التهابات​

اقولها انا لاحكه ولا شي ينزل علي مادري شلتهاباته​

المهم قتلها اوك سوتلي المسحه طبعا مو وحده
خذت مسحتين مادري شكو ثنتين النصب ومايسوي .. كان سعرهم قريب ال30
والنتيجه لما طلعت تقولي مافيج شي
ادري مافيني شي شقيتينا فلووووس غير طبعا ال 40 هذي لازم حق الدخله والسونار والسونار لازم موبكيفج غصبن عليج وتدفعين سعره بعد​

المهم وسوتلي تحاليل قالت لازم الحين عشان تطلع نتيجتهم مبجر حق الولاده قتلها اوكي​

وسويت ودقو على بعدها بجم يوم قالولي كل شي اوك ومافيج شي​

كان عندي موعد بنص التاسع قالتلي بتفحصني مفتوحه ولا لا​

ومارحت كنت نايمه الصبح المهم دقيت عليهم وحطيت موعد بعدها ب10 ايام كان قتلهم اوك​

ولما ولدت الدكتوره طبعا مااييت اسحبت علي و وهقتني ​

ولا بلغوني لما دقيت احط موعد انها مسافره على قولتهم وادري جذااابه​

لان بلمستشفي الدكتوره اللي فحصتني ودخلتني ولاده ماقالتلي مو موجوده​

على اساس اهيا تييلي بس الظاهر لاهيه مع زحمتها اللي بلعياده وماييت​

على الاقل تحجو عشان الواحد يدبر عمره احتياط يشوفله دكتور ثاني​

لابلغوني لما حطيت موعد ولا لما دخلتني الدكتوره المستشفي​

ساكتين وقت ولادتي خلاص يتني اي وحده والسلام؟؟!!!!!!!!!!!!!!​

حركتها حييل بطت جبدي​

بس حق النصب فالحه :eh_s(15):​

-------------------------------------------​

 

[q8 knosha]

بتاااااااااااااااااااااريخ 16-4- 2013​

الصبح بال 5 ياني عوار خفيييف وريلي كان توه طالع من الدوام بال 4 و وصل ونام لانه تعبان و مواصل ​

وكنت مابي اقعده ويكون عوار عادي واهوا تعبان​

رديت نمت
وفزيت بال 6 ونص​

العوار زااد و موقادره اناام​

قعدت بالصاله منسدحه علقنفه اتقلب اتقلب موقادره انام عواار قام يزيد​

رحتله قعدته قتله عوار ودني الطبيب​

انا طبعا ماعرف الطلق لان فبجري رحت خذيت طلق صناعي ماكان فيني ولاده​

الممممهم​

قعد و وداني ماخذيت معاي لاجنطه ولاشي لان مادري ولاده ولا عوار عادي​

رحت وصلنا بال 8 8ونص جذي​

دخلت عدكتوره فحصتني ولا تقولي مفتوحه 4سانتي انا مصدوومه لول مفتوحه وايد يعني :eh_s(9):
مستانسه​

دقت على دكتورتي ولاتقولها دخلوها​

(طبعا اهيا كله دخلوها على بجري دقو عليها مفتوحه سانتي ونص وتقولهم دخلوها ومافيني عوار
ولاشي)​

المهم بلغت الدكتوره انه ابي ابرة ظهر قالتلي اوك​

وقالتلي بس لازم اول شي نسويلج تحليل دم وتطلع نتيجته بعد ساعه تالي نقدر نعطيج واذا كنتي
منفتحه 8 ماراح نعطيج​

قالتلي لان الحين انتي 4 سانتي قلت اوكي ماعليه وكانت ساعه 9 صبح​

المهم دخلت الغرفه وبدلت وحطولي الحقنه والعوار ذابحني ​

انسدحت بغرفة الولاده وقتلها ابي ابره يله اخذو دم​

عشان على ماتطلع النتيجه تقولي لازم زوجج يدفع تحت حق دخول الولاده تالي يسحبون دم​

وانا بمووت الحين سحبو دم حق التحليل يطول على ماتطلع النتيجه راح يدفع والله​

قالت مايصير​

يتني الدكتوره وقالتلي تبين ابره قتلها ايه قالتلي انا دكتوره زينات وراح اولدك لان دكتوره فوزيه مسافره عندها ظرف​

وانا مصدووومه

دق ريلي علغرفه وكلمني وقالي تبين ابره اوقع علوراق​

قتله ايه بسرعه تعبانه​

وكنت تعبانه قاعده اقولهم مايصير ادقون على دكتوره فوزيه الدكتور يكلمها اذا يبي يعرف نتيجة شي من التحاليل اللي سوتلي اياهم​

اول مادخلت التاسع سووت تحاليل واايد قالتلي حق ولادتج نحتاجهم​

احسن واسرع لان موقادره انطر يقولولي لا مايصير :eh_s(14):​

بس سحبت تحاليل وفلوس علفاضي حسبي الله عليها​

المهم بال 10 يااله سحبو دم منى وانا اعد الدقايق بس متى تصير 11​

كان عوار قوي والكمام يمي كل مايتني الطلقه قتلها سستتتتتتر​

لول تقولي اخذي نفس اخذي نفس اشمم ارتاح شوي والسستر كانت حلييوه الحمدالله ​

كنت ميييته برد مغطيني بكمبلين ثقال وقاعده اعرق بس ارجف رجف من البرد جسمي يهتز​

المهم صارت بال 11 ودشت وحده سوريه او شي جذي قالتلي الحين بيي دكتور التخدير​

واهيا تزهب الطاوله والشغلات له ماياني الا بال 12 وقعد يحوس معاها بالاغراض ويركب ومادري
شيسون​

ياني قالي اقعد على جنب اعطيه ظهري والم المخده وانزل نفسي لي جدام وقالي اذا يتلج الطلقه
قوليلي​

عشان اطلع الابره يحاتي لا اتحرك واهوا يغزني​

وقعدت يخطط على ظهري ويمسح ومادي شيسوي ماغزني الا كانت الساعه وحده وكنت مفتوحه 6
سانتي​

المهم غزني وقالي في خدار بريولج وتحسين بالالم ؟؟ قتله الخدار حيل خفيف وبس اليسره وفي عوار​

زاد الجرعه والحمدله تخدرت لوووووووول استااااااااانستت​

ماحس بشييي​

بعدها بساعتين كانت بال 3العصر قمت احس بالعوار خفيف قتلها سستر في عوار​

ودقو على السستر اللي كانت معاه وييت زادت الجرعه ورديت تخدرت​

ويتني السستر فحصت ولا تقول 8 او 10 سانتي ماذكر بس ان ولاده خلاص​

وييت الدكتوره فحصت ولا تقول ديي ولاده خلاص​

وراحت ما ادددددددددددددددررررررررررررررررييييييييييييييييي وين راحت​

ومايتني الا بال 4ونص​

وزهبت الشغل ولبست المهم بال 5وشي ييت اهيا والسسترات مع دكتوره ثانيه كانت فوق راسي بس تطالع​

ارفعو ريلي وربطوهم انا هني قمت ارجف لييش مادري لول​

المهم الدكتوره تقولي بوووش مع الطلقه والسسترات * ضاغطين على معدتي بس خفيف​

وكل ماايت الطلقه يصرخون بووش بوووش ويضغطوون​

وانا اسوي بوش وماكو شي تقولي انتي ماتساعديني سوي بوش​

اقولها انا قاعده اسوي بس متخدره من تحت موعارفه شلون اسوي بوووش​

الدكتوره الثانيه تقولي انتي قاعده تعصرين بطنج ومعدتج عصري من تحت اذبحوني مايفهمون
متخدره ماحس بشي​

و ولدت بال 5ونص خلصت
الحمدالله راااحه نفسيه ​

و شفت ولدي وخيطتني​

وقالولي تبين نشيل الابره ولا تبين المخدر قتلهم لا شيلون​

وقالولي نامي شوي
النومه طارت طبعا وقعدت بس مغمضه عيوني ليين يتني السستر بال6ونص قالتلي تبين تصعدين
دارج قتلها اوك​

وغصب غصب قلبت علسرير الثاني نصي متخدر وماحس فيه ماقدر اتحرك​

رحت داري والحمدالله كل شي كان تمام ​

 

[Ranoon]

الله يعينج شحقه كنتي تراجعين عندها دام أنها نصابه !!!!!
لو انا منج ما كملت معاها في الي احسن
منها.


الحين انتي ولدتي بسلام او دار شفا ؟


يعني كمام ما ينفع ؟


لأني مستحيل اخذ إبرة ظهر


انا بكريه وخايفه من ولادة

 

[q8 knosha]

ولادتي كانت بمستشفي دار الشفا رحتلهم مرتين ابي اشوف الغرف كله فل ويكون مافي فاضي​

وموشايفه غرفهم فلما ولدت ريلي اللي حجزلي كانت الغرفه الوحيده اللي موجوده وقعد ينطر وحده على ماتطلع ياله خذاها ​

زيين حصلنا حظي بكل مستشفي الغرف فل مادري شسالفه​

المهم حجزت الغرفه اللي ليلتها ب80 اهوا في نوعين ب80 بس ما ادري ايهي اللي انا قعدت فيها​

وقعدت نص يوم زياده يعني يومين لفري مالت المستشفي ونص يوم دفعته مع حضانة البيبي طبعا​

ودكتورتي زينات تاخذ زياده 30 عن باجي الدكاتره​

وطلع مجموع حسابي 700 وشي ​

ولا بعد اكملكم لما ريلي راح يدفع تحت سووله سالفه ان لازم يدف زياده 300 حساب دكتوره فوزيييييييه :eh_s(1)@@@​

انتو متخيلين مادري شكو اهيا لا ييت ولا ولدتني وتبي فلوسها مالت الولاده؟؟​

شي غرييييب عجيييييب​

ولما تناجر معاهم على اي اساس يدفع حسابها دقو كلموها جان تقولهم سووله خصم خل يدفع نص لحساب​

مو من صجها متمسكه بأخر فلس​

المهم ناجرهم ومادفع غير حساب المستشفي والدكتوره اللي ولدتني:bbbiu:​

 

[q8 knosha]

الله يعينج شحقه كنتي تراجعين عندها دام أنها نصابه !!!!!
لو انا منج ما كملت معاها في الي احسن
منها.


الحين انتي ولدتي بسلام او دار شفا ؟


يعني كمام ما ينفع ؟


لأني مستحيل اخذ إبرة ظهر


انا بكريه وخايفه من ولادة

لان كنت خاايفه من لخيااط وانا مجربه خياطها وارتحتله

وكنتخايفه اروح حق دكتوره ثاني ولخياط يتبطل ولا مايكون سنع بعد الاربعين

كنت اسمع سوالف البنات تخرع عن لخياط ومششاكل شكثر عشان جذي كنت ابيها ابي خياطها

انا لو ادري بتكشت فيني جاان والله ماراجعت عندها

ولدت بالشفا حبيبتي

شوفي انا على بجري كمام الهادري مانفعني بس مال الشفا جنه زين كنت احس بلطلقه وكل شي والعوار بس شوي ينومني لي راحت الطلقه

والله مادري بس انا عن نفسي رااحه والله وكل مره باخذها

 

[q8 knosha]

وهذي جم صوره لكم التصوير موذاك الزوود لانه من تلفوني

وكنت تعباانه :eh_s(22):

وهذي التوزيعات ككاو باتشي مع مكسرات وبسكوت ميني ادري قديم لستاند بس من زمان كنت حاابته

المكسرات والجاينييز

ماعون موالح وماعون كبب وسمبوسه ورول دياي وماعون حلو قهوم وتارت

وهذيل الدلات

الشكر .. ماكو شغل بليل كنت سهرانه وجاي لوول

وهذي قميصي بس كان في بعد واحد ماصورته لكم

​

 

[elegantway]

الحمد لله على سلامتكم

 

[سعادة قلبي وياه]

الحمدلله على سلامتج وترتيبج وايد حلو

 

[أبكاني ذنبي]

الحمدلله ع سلامتج

امبيه انتي تعيدين تاريخي انا ولدت ببجري عند فوزيه وكانوا السسترات بولدووني بس


ولدي ماطلع ويتني اهي وماساعدتها جان تشفطه وخيطتني خياطها عجييييب


والحين حامل بالثاني وناويه عالخامس او السادس اروح اراجع عندها لان سحب فلوس


ببجري خذت مني ٣٥٠ غير المستشفئ ولادته


وفعلا افكر هالمره بابره الظهر بس انا مابي اشووف شي ابي انااام


لاني لو اطالع بخااف حتئ لو ماحس بالم فابي انااام ولادري عن شي


والله يعين


والله يخليلج حموودي ولدي البجر اسمه حمووودي

 

[أبكاني ذنبي]

لا وبعد نفس غرررفتي هذي ميني جونيوور وهاللوون الازرق

ههههههه كل شي مثلي

 

[FuSheYa]

الحمدالله على سلامتج حبيبتي
ومبروك ما ياج


وااي نرفزتيني على الدكتووووره!!
فوق شينها قوات عينها! تبي فلوس الولاده بعد!!!


يالله اهم شي صحتج وصحة البيبي الله يخليه لج يارب

 

[Aloe Vera]

الحمدلله على سلامتج
و صج استغرب من اسعار بعض الدكاترة حيل مبالغ فيها
جنه مافي غيرهم يعرفون يولدون او يخيطون

عاد انا سمعت خياط فوزية القطان وايد يعور

 

[فيلجاويه كيوت]

مبروك ماياج

 

[أأأميرة الورد]

الحمدالله على سلامتج
والف مبرووووووك

 

[رووح ابووها]

الحمدلله على السلامه

والله انا ماغثني الا انها تبي فلوس الولاده

 

[زبــــــــدة]

الحمدالله على سلاامتج حبيبتي ومبروك ماياج يتربى بعزج ...

نرفزتني الدكتورة واهم شي تبي فلوسها واهيا قاعده امبيييييه مو لي هالدرجة !!!! ويع ...


عندي سؤال ابرة الظهر لما يقزونج يشيلونها ولا تظل بظهرج ؟؟؟

 

[al_kadee]

الحمدلله على سلامتج والله يبارك فيه ويجعله من عباده الصالحين،،


بس بغيت اسٲلج ابرة الظهر متى يروح مفعولها اخاف يطول وانا مااقدر اتحرك عاد انا فيني فوبيا وسواسه وبعدين لارحتي غرفتج وتبين تتسبحين تقدرين ولالا

 

[latkt7as]

مبرووك ماجاج

يمممه ذكرتيني بالولاده واحس كش جسمي يارب يسسسهل علينا يارب

حبوبه من وين قميصج عدبني

 

[latkt7as]

عجبني هههههه
سوري اكتب من الفون

 

[.:lady bug :.]

حمدالله ع السلامه ومبروك مايبتي