ولادتي برويال حياة :( الدكتوره ...حسبي الله و نعم الوكيل

[عسل مرت قيمر]

الحمدلله على سلامتج


وعداج الشر

 

[sosowaty]

و عليكم االسلام

الحمدلله ع سلامتج

 

[Aloe Vera]

الحمدلله على سلامتج و مبروك ماياج

معقولة ان الدكتورة نوعها اللي تقول دخلو البيبي عشان اهي تولد!!
عاد يمدحونها


انا بولادتي برويال قبل سنتين كان راس البيبي بيطلع و الدكتورة ماوصلت جان دكتورة الطوارئ سوزان تكلم دكتورتي جان تقولها خلاص ولدوها الله مو كاتب اني اولدها و ولدتني و كانت سهاله الحمدلله
بس دكتورتي من بره

 

[جـــواهر]

دامج ولادتج الاولي ارتحتي مع الدكتوره شحقه غيرتيها
مااحب المغاامره بالدكاتره

 

[منـــاي]

الي سالوني ليش غيرتي الدكتوره فوزيه القطان

لانه زحمه وااايد بس طبعا كل انسان ناجح يكون عليه اقبال بس انا زهقتت من النطره بعيادتها

والي استغربوا من الي صار لي عيل لو اقولكم ان بعد العمليه خلوني كل النرسات و الدكاتره كنت بروحي و ريولي معلقه بالسما لوووول

انادي انادي محد يرد ولما يتلي النيرس جن تقولييي حبيبتي في عندنا مريضه ! وانا شنو خروف ولا مالي قلب واااي
كلما اتذكر اتاذا

الدكتوره يا بنات نوعها عسوله و تونسج و تدلعج بالمراجعات بس حزة الصجيه وااايد حسيتها بارده و منافقه و تحب اللف و الدوران يعني باختصار ثعلب الله يسهل عليكم يارب لازم تكونون نبيهييين و حزة الولاده حاولوا تاخذون شخص مبلتع يدش معاكم عشان يمشيهم عالصراط المستقيم والله ولادتي الاولى عندهم كانت روووووعه كل شي مكتوب سبحان الله

 

[ربيع_الروح]

أول شي الحمدلله على سلامتج وسلامه ولدج

الحمدلله الي الله حفظة

وبالنسبة لهالدكتورة سبحان الله نفس شعوري

انا مابي أقطع رزقها

بس حسيتها مادية جدااااااا تبي بس تاخذ فلوس

بصراحة انا ما رحت عندها إلا مراجعه وحدة

حسيتها طيب غصب إلا تبي تسوي سونار (عشان الفلوس) ولما قلت لها انا يايتج لأني مريضة فيني حرارة وكحه مابي سونار أمس مسوية عند دكتورتي الي بالعادة أراجع عندها

كتبتلي الله وكيلكم مضادات حيوية شكثر وبخاخات (لدرجه كل ما أروح صيدلية يخترعون ويقولن لي ما عندنا هالأدوية)
و يقولون لي انتي حامل ليش ينكتب لج مضاد !!!!!!!!!






وبالنسبة لرويال حياة حسيت ان الستاف يهتم فيج بحسب اهتمام دكتورتج فيج
يعني إذا دكتورتج شديده تلاقينهم يخافون ويحوفونج حوف
وإذا إهيا ما تهتم أهمه ما يهتمون


وآسفة على الإطالة قرقت وايد

 

[منـــاي]

ربيع الروح مشكوره لكتابة تجربتج

ذكرتيني لما بغيت اولد بغاو يوقعوني على ورقه عشان يكتبون الي يبونه من وصفات لي حتا بدون استشارتي

ولما ولدت كتبوا الف دوا بالفاتوره مع اني ماوقعت على الورقه

بس فعلا ولادتي الاولى ماصار هالشي مع فوزيه القطان

نصيحه ديروااا بالكم وفعلا هم حسيتها ماديه بشكل اوووفر

الله يهديها

 

[فجر النصر]

الحمد لله على سلامتك وسلامة البيبي
وحسبي الله الله لافي الي مايخاف ربه

 

[رفيعة الشآآآن]

الحمد الله عالسلامة

و جزاج الله خير انج حذرتينا منهم

 

[بنت الاحلام]

الله يعينج ياققلبي

 

[:: Diva ::]

الولاده تساهيل من الله
اختي ولدت اول مره عند اسامه صالحه بدع فيها
ثاني مره عند نداء و اعتمدتها لآخر العمر على قولتها .. ارتاحت من الرعايه و القرآن و كانت تدعي لأختي
و تدلعها و قايمه فيها .. صج فرق مع الأول !!


الحمدالله على سلامتج
و الف مبروك اللافي

 

[Queen.kuwait]

الحمد الله على سلامتج

والله يا اختي تعبنا من هالدكاتره الي ما يخافون ربهم :\

لا مستشفيات حكومه مثل الناس واذا رحنا الخاص ندفع الاااالف والنتيجه اخطاء طبيه ولويه وقله اهتمام

 

[أم عزيـز]

الحمدالله على سلامتج حبيبتي

عاد انا توني محوله ملفي عندها وارتحت لها وبنات معاي بالدوام والدين عندها ومدحوها لي
عشان جذي ماراح اقدر اغير لاني ابي رويال حياة
وماكنت مرتاحه مع خالده عشان جذي مارحت عندها

الله يكتب اللي فيه الخير

 

[fofo90]

الحمدالله على سلامتج
ومبروك ماياج
المفرووض تشتكين عليهاا عشان تتادب
وتكون عبرة لغيرها ارواح الناس موولعبة عندهم

 

[فرزاشيهـ]

حمدلله على السلامه

كنت مفكره برويال حياه بس هونت من كلام البنات و انا بجريه مابي امر بتجربه تعقدني و اكره الحمال بكبره ...

و يالله حمدلله طلعتي انتي و البيبي سالمين

 

[أخاف اجرح]

عمه بعينهم حسبي الله ونعم الوكيل ناس ماتخاف ربها همها الماديات لابارك الله فيهم
اهم شي الحمدالله على سلامتج

 

[غلا جابر 2010]

صباح الخير اول شي الحمدلله على السلامه .. بالنسبه لدكتوره نداء وااايد امدحوها لي ورحتلها بحمالي الاول .. لكن ماطولت معاها مراجعتين وقبيت .. كانت نفس الشي ما تيي تسوي السونار عالاقل تخلي دكتوره ثانيه يديده تييني .. وبعدين رفيجتي والده عندها وقالت نفس الكلام الي قلتيه .. تتكلم بالتلفون حزت الولاده ...

 

[rora_q8]

الله يعينج والحمدالله على سلامتج

 

[** غلا روحي **]

الحمدالله على سلامتك اهم شي انك بصحة و بخير و البيبي يكون تمام

 

[Le chat]

يااقلبي الحمدلله على سلامتج عاد مولده خالتي وتمدحها بس انا ماارتحت لها لانه زفتني بالمراجعه حسيت ماكو اسلوب المهم سلامتج وسلامت الشيخ ونصيحه دام ارتحتي عند دكتوره معينه بس لاتغيرينها وتجازفين هذي ولاده روح تطلع منزروح والسهاله من الله وعسا الله يآجرج على تعبج