ولاده في شهر سبعه وتسعه بنات.. تعالو شوفو

[بتبوتااا]

خرافات عندي ولد شهر سبعه وولدين شهر تسعه الله يرزقج الولد الصالح ياارب

 

[عسآك بخير]

الله يرزقج ياااارب ويرزقني وياااااج

امييييييين يارب يرزقني بالولد الصالح ويرزقك ربي قادر على كل شيء

 

[ام عفاف الكويت]

عسي الله يرزقج بالولد الكامل المتعافي يارب
لاتحاتين مو مقياس
بالطبيب شوفي انا اولد وغيري يولد وكل وحده فينا جنس مختلف
ربج مقسم الارزاق

 

[تبطي عظم!]

الله يرزقج بالولد الصااالح ياارب

 

[ضايعه بالطوشه]

ما ادري ليش ذكرتيني برفيجتي سبحان الله عندها خمس بنات و كلهم ورا بعض بعدين زوجها قال لها خلاص وقفي حمال جم سنه خلي البنات يكبرون شوي وانتي ترتاحين بعد و لاحقه على الحمال وفعلا قررت رفيجتي انها توقف الحمل طبعا اهي ولا مره اخذت موانع حمل من يوم ما تزوجت
ولأول مره تاخذ حبوب و سبحان الله احملت وما نفعها الحبوب و بصراحه ازعلت وايد و تضايقت
ولما صار شهر رابع راحت سوت سونار مع اختها ما راحت مع زوجها مثل كل مره و طلع ولد بالسونار ولا قالت لأحد لأنها كانت شاكه المسكينه و انطرت للخامس و عادت السونار و طلع ولد و قالت لزوجها
والحمد الله اولدت و يابت الولد السليم المتعافي

شي انا بصراحه مقتنعه فيه وهو لما نترك التفكير على شي في بالنا و نترك امره لله سبحان الله يتحقق لنا
اما اذا تمينا نفكر و يشغل تفكيرنا هالشي نحس انه يطول على ما يتحقق

عسا الله يرزقج بالولد السليم المتعافي و يجعله من عباده الصالحين انتي و اي وحده تتمنى الولد
*

 

[مفرفشة ومنعنشة]

ماله علاقة
انا اعرف اكثر من حده ولدت برمضان ويابوا اولاد
ووايد صبيان مولودين بشهر 7 او 9 يعني كلللللللللللللش ماله علاقة

حبيبتي لجأي لربج وخلي عنج هالسوالف
صدقيني
لا النسات ولا شكل البطن ولا اي شي ممكن يأكد لج نوع الجنين الي ببطنج لانه يفرق من وحده لوحده ومن حمله عن حمله

خلج مع ربج
اقري سوره البقره كل يوم ( لا تقولين طويلة ترى اجرها كبيييييييييييييير واثرها عجيييييييييييييييب وما تاخذ الا ساعة تقريبا اذا قريتيها متواصلة )
الاستغفار عجييييييييييييييييييييب
قيام الثلث الاخير من الليل ( رب العالمين ينزل للسماء الدنيا ويقول هل من داع فاستجيب له ... سبحانه
الصدقة

سوي بحث بقوقل واقري عن عجائب الاستغفار والمداومة على سوره البقره

دايما رددي بكل مكان وبكل وقت ( استغفر الله الذي لا اله الا هو الحي القيوم واتوب اليه )
( لا اله الا انت سبحانك اني كنت من الظالمين )
( اللهم اني رضيت فارضني )


خلي عندج ثقة بربج وانه ارحم منج على نفسج واحن منج على عيالج وما راح يكتب لج الا كل خيييييييييييييييير حتى لو كنتي شايفة العكس او تتمنين شي ثاني

بعد كل سونار ومهما كان الي ببطنج ( بنت او ولد ) حاولي تتصدقين وعلى طول رددي
( الحمد لله حمدا كثيرا طيبا مباركا فيه )
( اللهم لك الحمد كما ينبغي لجلال وجهك وعظيم سلطانك )
( اللهم لك الحمد حتى ترضى ولك الحمد اذا رضيت ولك الحمد بعد الرضا )
( اللهم اني رضيت فارضني )

صدقيني لا يرد القضاء الا الدعاء وربج قادر سبحانه بس الله يرزقنا الرضا والقناعه

والحمدلله احنا نحمل ونولد وعندنا عيال وغيرنا محرووووووووووووووم هذي بروحها نعمة تستحق منا الحمد والشكر ليل نهار



( اللهم اني اسالك بإسمك الاعظم الذي اذا سألت به اجبت واذا دعيت به اعطيت ان يكون ما في رحمي وما في رحم ( عساك بخير ) ذكرا سليما صالحا تام الخلقة من غير زيادة ولا نقصان وتبارك لنا فيهم )
اللهم آآآآآآآآآآآآآآآآآآمييييييييييييييييييييييين