ولاده مستشفى العرف

[بسمه غلا]

السلام عليكم حبايبي ياليت تفيدوني
اللي ولدو عند العرف شلون ولادتهم بالتخدير تحسين بشي
ولا من الكمام ماحسيتي بالولاده لان خوافه حدي مابي احس بشي
وانا صار فيني ضغط ويبون يولدوني بطلق صناعي وانا بجريه اخاف منه
ياليت تقولون لي عن ولادتهم وشرايكم بابره الظهر اخذها هي والكمام مع بعض ياليت تردون وتجاوبون على اسئلتي وتدعون لي الله يسهل ولادتي
والله يسهل على كل حامل ويرزق كل محرومه يارب

 

[قرة عيونه]

والله للحين ماجربت بس اللي اعرفه ان العرف كمامهم اقوى شوي من المستشفيات الثانيه

والله يسهل عليج وعلي وع كل الحوامل ي رب ويولدون بالسلامه بدون مايحسون بشي

 

[@محروسه@]

استخيري قبل كل شي الله يسهل عليج

 

[أأأميرة الورد]

الله يسهل عليج وتولدين بالسلامه

 

[♠اوتار♠]

الله يسهل انا رفيجتي وبنت حماي كله يولدون هناك يقولون يطلبون كمام يقولون الخياط يهبل والولادة تنام وتقعد ويقولون لها ولدتي مبروك تقول يهبل مااحس بالولاده والله يسهل ويكتب لج اللي فيه الخير يارب

 

[ابوي دنيتي كله]

حلوه ولاداتهم انا والده عندهم لاكن ماطلب تخدير اخذ كمام بس والخياط حلو وعنايتهم حلوه بعد اخر ولاده عندهم كان فيني ضغط حمال والحمدلله عدت عل خير ربي يسهلج ولادتج وانصحج تولدين عندهم
ادعيلي بذريه السليمه والي بطني تطلع سليمه

 

[بسمه غلا]

^^الله يرررزقج يارب بالذريه الصالحه ومتعافين يارب
بس ماقلتي لي حسيتي بالولاده ولا لا الكمام شالوه منج حزت الولاده
لاني بجريه وخوووافه حيييل

 

[ابوي دنيتي كله]

لا ماحسيت بشي يعني شي بسيط للعوار والكمام ماشالوه مني بس حزت مايطلع الراس اهنيه عاد انام ماحس بشي واقعد الاقي نفسي مخيطه والحمدلله لاتخافين ولاتسمعين كلام الحريم في حريم كلامهم يخرع ويخرعونج خليج متفائله انا اذ حملي طلع سليم مارح اولد الا عند ماريا

 

[ابوي دنيتي كله]

انا والده بالعرف اكثر من مره لاتخافين وتوكلي على ربج
وتسلمين ياعمري عل الدعوى الحلوه الله يسمع منج يارب

 

[بسمه غلا]

^^ياقلبي انتي ان شاءالله يارب حملج سليم ومتعافي وباحسن صحه يارب تشوفينه وتقر عينج بشوفته متعافي انا مالعب فيني الا كلام بعض الحريم خوفوني يقولون تحسين بكل شي ويشيلون الكمام منج حزت الولاده وهذا اللي مخوفني

 

[M!SS.LOBY]

الله يسهل عليج

 

[((غلاي))]

الله يسهل عليج حبيبتي

 

[بسمه غلا]

امييين يارب ويسهل عالجميع

 

[راقية باخلاقي]

اب اب

 

[غرور الزين]

انا بولادتي عندهم كانت تساهيل من رب الكريم ربي يسرها لك الحمد والفال للولاده الجايه والكمام اول ماتدخلين يكون عند راسج وانتي تحطينه تشمينه ع راحتج انا كنت لمن احس بألم الطلقه اشم وفعلا ما احس فيها امممم تحسين نفسج بحلم تغفين وتقعدين لين تجي حزت طلعة الراس هني عاد تنامين بسراحه مادري شحطولي اللي فجأه نمت اتوقع ابره حطوها بالمغذي المهم نمت وقعدوني كل شي خالص لك الف حمد يارب وبشروني بولدي نبض قلبي وروحي عسى ربي يصلحه لي ويباركلي فيه ومن ناحية العنايه بسراحه تجنن عنايتهم بس في شي بسيط وقت الولاده شفت السسترات الثانيات اللي جوني عقب فيهم وحده اعتقد نيباليه بسراحه قاسيه حيل اتألم تزفني كانت تقولي حطي الكمام والبربيش لمن حطته حييييل عورتني مع اني كنت اشم الكمام ووقت اتألم بتفتك مني لاني كنت اتألم كانت تضغط الكمام ع وجهي حسبي الله عليها يزين الفلبينيات اللي قبلها يمسحون علي ياحلاتهم بس بسراحه خفت اشتكي عليهاا تحطني براسها وتسوي فيني ولا بولدي شي المهم ان الغلط الوحيد بولادتي كانت هي ولا الباقي كله ربي لك الحمد سهله علي اممممم اي دكتورتي كانت ماريناا يازينهاا والله


المهم ادعولي اولد بالسلامه مابقى شي ع ولادتي الثانيه ربي يسهلي ويسهل لكل حامل

 

[الغلا مشاري]

ربي يتمم ولادتج ع خير ... انا اولد ب العرف ماشاءالله احسن مستشفى بالكويت كلها وعن تجربه .. لازم تراجعين عند دكتورتج الي بتولدين عندها عشان تعرف حالتج قبل تولدين .. عشان صحتج وصحت البيبي .. اخ ي قلبي انا اخر ولاده ولدت ب مستشفى الصباح الحكوميه
ااااااه تعذبت و طلبت ابرت ظهر وياليتني ما طلبتها اعراضها الجانبيه العبت فيني بالولاده وبعد الولاده .. نصيحه لحد يطلب ابرت ظهر
ربي يوفقج ..