ولدت والحمد الله

[ام الحلوااات]

مــــــبـــــر و و وك و الحـــــمـــــــد للــــــــه علـــــى ســـــــــلا لا لا لا مـــــتـــــــك

 

[االفرس]

ألف مبرووك ويتربى بعزج ويجعله من الصالحين ... الفال لي اجيب بنووتي بالسلامه أدعولي

 

[~Rou7~]

الف مبروك
الحمدلله على سلامتج ومبروووك ماياج

 

[Kawaii GiяL]

الحمدلله على سلامتج حبيبتي بس ذكريلنا التفاصيل عشان نستفيد
​

 

[روحي82]

مبرووووووووووك والحمدالله ع السلااامه يتربي بعزج وعز ابووه

والله يجعله من الصاالحييين البااريين بوالديهم

اللهم اميين

 

[Miss Chanel]

الف الف مـــــــــبروكـ
والحمدالله على سلامتــــــج

والله انج على بالي وكل مادخلت المنتدى انتظر رد منج على موضوعج

 

[الداعية لله]

الحمدلله على السلامة ومبروك ما يبتي

 

[غنوة ستايل]

الف الف مبرووووووك
يتربى بعزكم

 

[السحابيه]

حمدالله على سلامتج و الله يخليه لج و شوفينه معرس
آميييين
وين ولدتي و عند اي دكتور خبرج توني حامل و لا بجر بعد و احاتي الولادة

ولدت بالراشد والله العظيم ماحسيت بشي نوموني من بدايه الطلق لين الولاده حتى قعدت ومادري ان ولدت الا يقولون لي ولدتي حمد الله على السلامه؟! قلت لهم شلون متى ؟ مستحيل ؟! قالوا شوفي بطنج فيه شي ؟ شفته مافي شي ! قالوا لي الحين بنتصل بزوجج لان كان الفجر علشان ايي واتصلوا فيه ويه انا نفسي استغربت ان انا ولدت .

مادري شلون اكثر الناس تذم بالراشد وانا كنت بجر وبعد ماحسيت ولا بالم

 

[السحابيه]

الله يسلمكم كلكم ومشكورين حبيباتي على الرد والله يقوم اللي منكم حامل بالسلامه ويرزق الباجي بالذريه الصالحه

شوفوا بقولكم قصه ولادتي اللي تضحك :

ليلتها كنت طالبه لي من كنتاكي ماكو كليت شويه الا ينزل علي ماي """ خخخخخخخ"" وانا ياغافلين لكم الله مادري هذه علامه الولاده وقعدت ليلتها سهرانه لين الصبح والظهر رحت المستشفى الا يفحصوني يقولون لي ولاده الحين الحين . شنو ؟ انا خفت ؟ شنو ولاده ؟ وتميت ابجي لا ما ابي ولاده شنو ولاده بروح البيت ولين هدات بييكم . موب مستوعبه ان ولاده لان مافي الم ولا شي بس ماي ينزل . وطبعا رايحه وانا كلي غرور متهاوشه مع زوجي وما ابي اعطيه ويهه . قالو لزوجي خلاص روح ادفع فلوس الغرفه ووقع على انها تدش ولاده . ويابو لي اوراق اوقعها انا بعد قلت لهم مابوقع شي وانت لا تروح تدفع شي مابدش شنو على كيفكم انا مو مستعده للولاده؟!خخخخخخ وحدي قمت ابجي .


المهم غصبن علي دخلوني الغرفه بعدين تميت ابجي وكل شوي يدشون علي اذا هداتي شويه علشان ندخلج غرفه العمليات الدكتوره طالبتج الحين لا تتاخرين موب زين لج . المهم اخر شي استسلمت مافي مفر . خدروني من اول مادشيت ونوموني وماحسيت بشي لين ولدت .


طبعا ولدت بالراشد اللي اغلبكم يذمون بالمستشفى ويذمون بالتعامل والله انا ما شفت منهم الا كل شي خير ووايد كانت الولاده ميسره وماحسيت بشي اهم ماخلوني احس ولا بشي نوموني على طول

 

[Kawaii GiяL]

حبيبتي ولدتي قيصري لازم يخدرونج قبل الطلق عشان لا يتبطل رحمج
معطينج بنج كامل بس العوار يطلع عليج بعدين هذا عيب القيصريه
بس المهم سلامتج و سلامة البيبي
​

 

[السحابيه]

لا ماولدت قيصري ولدت طبيعي .

بس يمكن كانو شايفيني خايفه وايد

 

[ام الحوراء زينب]

سحابيه حبيبتي منو دكتورج
لا تقولين نصر هيبه
هههههههههههههههه لاني رحتله وكان عنده ولاده

 

[السحابيه]

لا ولدت عند يوليانا بعدين بقدره قادر تحول لدكتور محمود وانا مادري ان اللي ولدني ريال ولا زوجي كان يدري لان اللي كانت دكتورتي يوليانا الا بورقه الخروج من المستشفى عرفنا ان دكتور محمود اهو إللي ولدني

 

[ام الحوراء زينب]

الله حبيبي محمود ماشاءالله عليه باله طويل وولادته تهبل مرت اخوي ولدت عنده
وييييع الله يحبج ام السعف والليف ما ولدتج

 

[السحابيه]

خخخخخخخخخ والله انا بعد حمدت الله انها ماولدتني بس يات من اولد ما دخلوني للولاده
وانا اشوف يوم ودوني الغرفه مالتي يه دكتور يوم ثاني الصبح يقولي شلونج الحين . ويسال فيني جان اقول لزوجي ليكون ريال إللي ولدني ؟ الا يقولي لا مستحيل .

وبعدين بورقه الخروجيه عرفت ان دكتور محمود اهو إللي ولدني . وصج ماحسيت بالولاده تشجعت احمل مره ثانيه

 

[Kawaii GiяL]

صج ونااااااسه اول مرة اسمع يبنجونج بنج كامل و ولادة طبيعيه
بس شلوون مو خطر علبيبي لا سمح الله لو صارت مضاعفات او احتاجووج عشان تدفعين البيبي ؟
يعني اهو الرحم نفسه يطلق و يسوي push و لا لازم
تخربطت عندي كل المعلومات دام الموضوع سهل ليش ما يبنجون كل الوالدات بنفس طريقتج ؟؟؟
​

 

[السحابيه]

صج ونااااااسه اول مرة اسمع يبنجونج بنج كامل و ولادة طبيعيه
بس شلوون مو خطر علبيبي لا سمح الله لو صارت مضاعفات او احتاجووج عشان تدفعين البيبي ؟
يعني اهو الرحم نفسه يطلق و يسوي push و لا لازم
تخربطت عندي كل المعلومات دام الموضوع سهل ليش ما يبنجون كل الوالدات بنفس طريقتج ؟؟؟
​

والله حياتي مادري انا كنت رايحه مفتوح 2 سم بس في طلق خفيف ونازل علي ماي .
خلو علي طلق صناعي وشافوني خايفه وايد فكل حين يعطوني مسكن الم يعني كل ما اوعى شوي عطوني مسكن ومخدر حتى زوجي كل ما يسالهم عني يقولون له راقده وماتحس بشي لان كان خايف علي وايد اول حمل لي وكنت دائما اقوله خايفه من الالم وشلون بكون الولاده. ووقت الولاده ماشفت شي مثل ما قلت لكم ولدت بدون مادري والحمد الله .
صج ذكرتيني شلون ولدت بدون ما قالو لي دفعي ولا شي ؟! واختي الكبيره قالت لي بشوفين كلشي جدامج حتى وقت ما يطلع البيبي بشوفينه ؟! مادري :eh_s(1): الظاهر شافوني مرعوبه فولدوني بتخدير كامل
:eh_s(22): توني من شوي اقول لزوجي دام الولاده جذي عيل متى بييب الثاني :ggdw:

 

[Kawaii GiяL]

وناااااااااااسه الله يسر عليييج يا قلبي ولادتج تهبل و تعطي امل للبجريات خل اسأل البنات عن البنج الكامل بالولادة الطبيعيه
يمكن يفيدوني
​

 

[السحابيه]

انا يوم السبت عطوني مراجعه عند نفس الدكتور لي ولبيبي راح اساله شلون ولدني شنو عطوني بالضبط وراح اخبرج .