....ولدنا مو متربي ؟؟ عادي تاخذه بنت الناس تربيه ..!!...

[معلمة شيسمونه]

عادي بس تقول للناس عن سوالفه
تقولهم مو مضبوط

علشان لا ينصدمون ولا باجر بذمتهااااااااااااااا ترى

لانه غش
الحين لو البنت تتزوج وتطلع بعدين بطرف اصبع ريلها الكبير حبه

يقلبون الدنيا ويقولها غشيتيني وما قلتي لي قبل لا تزوجج

شلون بهذا
هم يحاسبون على الحبه
واحنا ناكل القبه وما فيها ------------------------------- بدت تخورها

موضوعج على الجرح
شنو ذنب بنت الناس
يحرمونها حياتها ويقهرونها

وخل ياخذون حق الصايع من اهله يعني بنت عمه بنت خاله تكون شا يفته وعارفه سوالفه وراضيه من اول فيه

مو وحده غريبه تطيح على ويهها ومقلوبه بعد





تعليق جانبي :\
العووووووووووووووووبه توقيعج قتلني
هذه الذكرى الاليمة كل يوم جمعه اللي امي كانت تسويها فيني ايام اول
كنت ابجي بجي وانخش تحت السرير بسبة الحنه وكان شعري اطول مني
والحين قصاقيص ونتاتيف الله لا يوريج بس اكرهها بسبة الذكرى الاليمة

 

[G!RLooNa]

^^^^

 

[M!ss soso]

من شب على شي شاب عليه
و الله المستعاان

 

[G!RLooNa]

:eh_s(22):

 

[كويتية بروما]

صح كلامج اللي مو كفو زواج لاتبلشون بنت الناس فيه

 

[G!RLooNa]

:eh_s(15):

 

[shayto0oNa]

صباح الخير :eh_s(7):


انا اتفق معاج ومع العوبه نفس مافي شباب مو مضبوطين ويدبسون بنات الناس فيهم هم في بنات مو مضبوطين ونندبس فيهم

بالنسبه لي انا عندي اخوي عمره 27 وامي للحين مو راضيه تزوجه مع انه يححححن يبي يتزوج اهو الحمدالله مو مال خرابيط ولا سفرات بس يحب الكششششخه لدرجة معاااشه من اول يوم نستلمه يروح السووق اقسسسم بالله يشتري فيه كله ويرد مفلس !!! ساعات عطور بدل كل شي يطري على بالج تقوله امي شلون بتصرف على بنت الناس ؟!!! احنا حالتنممتازه بس مفروض يتعلم يتصرف ويدير فلوسه ويصير قد المسئوليه

من ناحيه ثانيه في مره كله ترزز ببنتها جدامنا وتمدح في وكل مناسبه رازتها والبنت لو تشوفينهااا مسسسسكينه ماترفع راسها من الارض ولد عمي تزوجها وطلعت راعية شباب الله يستر عليها ولما قطها بيت اهلها طلعتبلاويها امها تقول منحاشه من بيت اهلها 3 مرااااات ؟!!!!!!!! اذا تعرفين بنتج جذي ليش تدبسين الريال فيها وليش تفضحين عمرج ؟!!!! لاحول ولا قوة الا بالله

 

[م.بدوره]

صار هالمقلب فيني

قبل الزواج :الام ولدي اهو عين السيح الاخت اطيب منه مافي اللي يايبينه طية جنه

بعد الزواج : الام صعديه فوق فكينه من شره اي اهو كان يكلم ايي اهو حتى احنا مو متحملينه الاخت ايي اهو متعود يطق ايي اهو يحب هالبنية المتزوجه ... الخ

عند لطلاق : الام لا ولدنا مافيه شي خوش واحد الاخت اهي الخسرانه شنو يعني اذا انطقت كلنا انطقينا لو اهي سنعه جان سنعته ونسيته المتزوجه اللي يكلمها اللي يابوه والله احنا ماندري انه اهو جذي مانعرفه

اللحين : حسافه يا فلانه وينج و اللحين منو بياخذه

انا : يالله يارب يرزق كل خواته وكل اللي وهقوني بواحد مثله حسبي الله ونعم الوكيل

 

[Nicki Minaj]

والله يا قيرلونا انا بتكلم بكل صراحه وبدون مثاليه على قولتج كلامج منه صحيح ومنه لج عليه .. انا وياج ليش اتدبسين البنيه مالها ذنب ّّ!
انتي ما ربيتي ولدج ليش تبين بنت الناس تربيه !!
ولدج مراهق على كبر خل يترك خرابيطه ولا تعلين قلب البنيه مسيجينه !!
صحيح كل هالكلام ,, انا ويآج
بس ما سألتي نفسج (( قلب الأم )) !
بتقول ولدي صايع ضايع ما منه فايده ,, بستين ألف داهيه !
بتقول لا والله ... بنت الناس ما تستاهل ولدي , نشوف غيرها هم هذي ما تستاهل الغثه ولدي عله, وتروح وترد تقول هذي ما تستاهله بعد !!
وبعدين لي متى ؟
على فكره كل أم تبي تزوج ولدها مو علشآن تبي اتدبس بنت النآس ( أبدا مو هذه الفكره ) وما أتوقع أكو أم تفكر بهالنقطه أبدا !!
بالعكس تبي تشوف عياله تبي تشوفه فاتح بيت , ومهما كان الولد شين هذي أمه تشوف شينه حلا بعيونه .. ضناج لو شنو يكون تبيه له الزين وما زوجته الا عشان يعقل يشوف المسؤوليه وحياه ثانيه next level
( ويمكن هالحل بنظري ونظرج مو سليم ) لكن يتم ع الاقل طريقه من هالطرق !
مو معقوله أمه تقول منت كفو هالسوالف ويلا روح إخترب بزياده أكثر من هالخراب ...!! هذي أم بالنهايه
وبعدين الموضوع وآيد مشتعب لنكون واقعيين .. لو خليت خربت مو الكل مثل مثل ,
جم ريال كان راعي سوالف وعقب الزواج الله هداه ؟
جم ريال كان راعي خرابيط وبنات وعقب الزواج ألزم ما عليه بيته !
جم ريال قبل يراهنون عليه فلان ما راح يتغير وعقب ما فتح بيته صار من أحسن ما يكون !
بس الأهم من المهم إنه يصارح زوجة المستقبل .. انا عندي هالنقطه اللي تقسم ظهر البعير
لأنه بهالوقت البنت بيدها ترفض أو تتقبله شي راجعلها ولا تكون مغشوشه ;D
عـمـومـاّّّّ :
لا نخلي الشي السلبي يطغي على الايجابي .. ولو إنه دايما الخير يخص والشين يعم الأهم
نييب حلول حق هالمشآكل بقدر ما إحنا متأثرين وعلطول نشتط :$



تحيآتي وهذه مجرد وجهة نظر وأتمنى إنج تتقبيلينه ;PP

 

[MaZyOoOoNa]

هذيلا يختج ناس ماتستحي ولا تنتخي ولا تفكر بغيرها همهم بس شلون اهما يرتاحوون منه واهوا مستانس واهما مستانسين بنت الناس عفوا على الكلمه بطقاق !!!!! احسن شي تسويه البنت في هالحاله ما تحمل مهما كانت المغريات في ناس تسكت الجنه بسياره يديده ساعه سفره لانهم يدرون بخمال وقطانة ولدهم فا يحسوون بتأنيب ضمير ويعوضون عن طريق الماده ومع الاسف البنات منهم ينكسر خاطرهم عبالهم قلبهم عليها لا حبيبتي هذيلا قلبهم على ولدهم ويبونج يمه منظر !!!!! فا احسن شي تنطر عليه سنه ولا سنتين هاذي اذا اهيا اساسا بالعته وتبيه واذا ماتبيه مع السلامه يفتح الله وتعيش حياتها