ولدي تغيركلامه عيالكم نفسه والسبـــــــب...........؟؟؟

[الأميرة جوري]

السلام عليكم ,,,,,
..خواتى انا عندي ولد عمره 4 سنوات ماشاء الله عليه دوم علي هالقنوات 24 ساعه (mbc3-نيكوليدين_سبيستون) واذا نبي نطلع يرفض واذا اخذته غصب يقعد علي تلفزيون وعلي هالقنوات عند اهلي ولاحظت عليه يتكلم معاي او مع خواته او مع ابوه باللغه العربيه مثل اين الحليب انى جوعان كثيرا ........او يقول امى اريد ماء واذا شافني مشغوله خلاص يا امى ان لديك عمل <<<انصدمت وسكت قلت يمكن يلعب ....بس اللي صدمنى كنت قاعده مع ابوه الا يقوله ابي اريد البطاط الذي قبل قليل الذي اشتريته :eh_s(10):<<عشتو مت من الضحك انا وابوه ومرات يكسر بالكلام نفس كلامنا ولغة عربيه مادري شسوي فيه وحتى لمن نكون علي الغداء اقول حمودي حبيبي تبي لبن او مرق احس مو معاي مو مستوعب احس التلفزيون لاعب براسه :rgewrg: اكرر كذا مره علي مايقول شنو يبي ......عيالكم جذيه وعادي اخليه والا غلط​

 

[ZajiL]

يحليله وايد متغمص الشخصيات

اخاف صج يلعب ومستانس على اللعبه
خصوصا انه شايفكم متجاوبين معاه ومستانسين عليه

مادري احس عادي فتره يمكن هبه وبعدين يرد مره ثانيه الله يحفظه لكم

 

[الأميرة جوري]

رد : ولدي تغيركلامه عيالكم نفسه والسبـــــــب...........؟؟؟

لا اختى زاجل من صجه لان مرات اسمعه مع خواته يقولهم هيا نلعب هناك ...الله يستر ليكون علي طول جذيه

 

[cute * girl]

اختي عادي انا اخوي كان جذي 24 ساعه عالتلفزيون ويتكلم نفس ولدج بعدين اهو من نفسه قام يتغير ويكره التلفزيون

 

[للحين ناطره]

حاؤلي اتلهينه عن التلفزيؤن
خصؤصا ؤقت البرامج اللي يتابعها
طلعيه
خليه يلعب مع اقرباء
التلفزيؤن ساعه الى ساعتين باليؤم فقط

 

[zobah.m]

عادي اخووي بعد نفس الششي يتكلم كدا

بس مو داايم يعني تجي له اياام اي واياام لا
ومن يتكلم كدا امووووت ضحك علييه وهم يونس خخخخ

واحس بهالعمر اليهال تحسيينهم يقلدوون الكلاام وكل شي فا اتوقع هالشي عادي وفي كل اليهال

 

[غلاي امي وزوجي]

ولد اخوي جذيه والحين رد طبيعي

يعني فتره وتعدي ان شاء الله

 

[جذابه بنت ذيابه]

رد : ولدي تغيركلامه عيالكم نفسه والسبـــــــب...........؟؟؟

لووووووووووووول

فديته .. الله يخليه لكم يارب


لا والله انا ولدي عمره سنتين ونص ولا تشوفينه
كلامه يضحك

 

[KOKO_284I]

رد : ولدي تغيركلامه عيالكم نفسه والسبـــــــب...........؟؟؟

حبوبه سمعي كلام اختج

اول شي ام بي سي 3 باباياتهم تخرب عقل الياهل لان ما من وراها هدف وكثلره قعدت الياهل جدام التلفزيون تضعف تركيز الياهل

في براعم او الجزيره اطفال بس حدديه ساعات يشوف فيهم مو طول الوقت بس .

اما الكلام لغه عربيه فهذا طبيعي عبد الاولاد يتقمصون الدور . بنت اختي مدرستها مصريه صايره تتكلم مصري

 

[الأميرة جوري]

رد : ولدي تغيركلامه عيالكم نفسه والسبـــــــب...........؟؟؟

مشكورين خواتى .......بس مشكلته اذا منعته يبجي وحتى الاكل ماياكله الا لمن يجابل التلفزيون ...اشلون اشغله عنه ؟؟

 

[نجمةالنجوم]

رد : ولدي تغيركلامه عيالكم نفسه والسبـــــــب...........؟؟؟

انا بنتي ماكانت تكلم ولما تمت3سنوات بدات تقول بعض الكلمات وكلها باللغة العربية(هيا بنا,ابتعدي,باهذا الصوت,انا اسف) والله موعارفة بس اعتقد عادي لاني ماصدقت نطقت

 

[ام سلومd]

عادي انا جذي مع عيالي الثلاثه تقمصو الشخصيات و لا نيكلوديون هذي و سبستون بعد وياها المهم اهم من نفسهم فجو لان قاعد يتكرر البابي نفسه فا خفو من نفسهم

 

[رفرف]

حبيبتي وليش تخلينه مجابل التلفزيون 24 ساعه ؟؟؟!!!!

مو زين لا لعيونه ولا لمخه ولا لتفكيره ولا لصحته ..
التلفزيون ان كثر ساعة باليوم
خليه يلعب كره يلون ويرسم .. العاب تركيب .. اخذيله العاب يتحرك فيها لا يصير ربادي ..
سولفي معاه بياخذ اللهجه منكم الله يهداج مجابل التلفزيون 24 ساعة شلون ما تتغير لهجته ؟

واذا ع البجي بيبجي شوي ويسكت محد يموت من البجي ..
لكن اذا بجى بتسمعون له هاذي مشكلة ثانية يمشي كلامه عليكم بالبجي وهو بهالعمر ..
خلج حازمة والاكل ماراح ياكل ساعة ساعتين بعدين بيطقه اليوع وبياكل غصبن عليه ..

 

[أم@الحلوين]

ههههههههههههههه

عندي وعندج خيرنفس عيالي بس أنا غرااااااااامهم قناة براعم

وهم يتكلمون لغه عربيه لمن أعصب على ولدي يقولي اني غاضب يا أمي لوووووووووول

ويقول حق اخوه هيااا بنا يا أخي نلعب ، انني متحمس للذهاب الى منزل جدي وجدتي:krkrkr::krkrkr:

انشاءالله فتره وتعدي :jumpon:

 

[الأميرة جوري]

رد : ولدي تغيركلامه عيالكم نفسه والسبـــــــب...........؟؟؟

ام الحلوين ههههههههه هذيلا يصلحون مع ولدي يفهمون لبعض هههههههههه الله يخليهم لنا يارب

 

[الأميرة جوري]

رد : رد: ولدي تغيركلامه عيالكم نفسه والسبـــــــب...........؟؟؟

حبيبتي وليش تخلينه مجابل التلفزيون 24 ساعه ؟؟؟!!!!

مو زين لا لعيونه ولا لمخه ولا لتفكيره ولا لصحته ..
التلفزيون ان كثر ساعة باليوم
خليه يلعب كره يلون ويرسم .. العاب تركيب .. اخذيله العاب يتحرك فيها لا يصير ربادي ..
سولفي معاه بياخذ اللهجه منكم الله يهداج مجابل التلفزيون 24 ساعة شلون ما تتغير لهجته ؟

واذا ع البجي بيبجي شوي ويسكت محد يموت من البجي ..
لكن اذا بجى بتسمعون له هاذي مشكلة ثانية يمشي كلامه عليكم بالبجي وهو بهالعمر ..
خلج حازمة والاكل ماراح ياكل ساعة ساعتين بعدين بيطقه اليوع وبياكل غصبن عليه ..

رفرف حبيبتي اعذريني خليت زوجى يقرا ردج <<لانه باط جبدي ماياخذه معاه كله ماله خلق له ابي يتعلم يشوف العالم مو كله تلفزيون وتردين شنو قال كل كلمه قلتيه يقراها ويقول اي والله كلامها صح .:eh_s(15):.....قلت خلاص اخذه معاك .... خصوصا لي بجى يقول خلاص خليه <<يبي الفكه من الصراخ والبجي مشكووووره عالنصايح الذهب بطبق كلامج واشوف ردت فعله لانى صج احس نفس الدايخ لمن يقعد معانا مو مستوعب كلش

 

[كويتية ونعم]

ذكرتينى بولد حماي امه مدرسه وهو بالبيت على طول مقابل التلفزون على المجد والله ماتغير حت اذا كبر كلامه يضحك اريد هذا ابي لحمه هيا بنا نلعب او اريد مشاهدة التلفاز اريد كوبا من الماء ,,,,,,,,يعنى ماتغير وش كثر كلامة انا عاد اموووووت ضحك شسوى غصب يضحك

 

[الأميرة جوري]

رد : ولدي تغيركلامه عيالكم نفسه والسبـــــــب...........؟؟؟

اي شفتي يضحكون بس الواحد يستغرب وين قاعد ههههههههه

 

[الأميرة جوري]

رد : ولدي تغيركلامه عيالكم نفسه والسبـــــــب...........؟؟؟

خواتى شنو الارلعاب المناسبه لعمر 4 سنوات لتفكير والانتباه ؟

 

[^noonaa^]

حبيبتي وليش تخلينه مجابل التلفزيون 24 ساعه ؟؟؟!!!!

مو زين لا لعيونه ولا لمخه ولا لتفكيره ولا لصحته ..
التلفزيون ان كثر ساعة باليوم
خليه يلعب كره يلون ويرسم .. العاب تركيب .. اخذيله العاب يتحرك فيها لا يصير ربادي ..
سولفي معاه بياخذ اللهجه منكم الله يهداج مجابل التلفزيون 24 ساعة شلون ما تتغير لهجته ؟

واذا ع البجي بيبجي شوي ويسكت محد يموت من البجي ..
لكن اذا بجى بتسمعون له هاذي مشكلة ثانية يمشي كلامه عليكم بالبجي وهو بهالعمر ..
خلج حازمة والاكل ماراح ياكل ساعة ساعتين بعدين بيطقه اليوع وبياكل غصبن عليه ..

صااااجه كلامها عين العقل