ولدي تغيركلامه عيالكم نفسه والسبـــــــب...........؟؟؟

[راح_عز_ابوي]

عادي والله العظيم ولدي 4 سنين نفس الشي ...و بنت عمته بنفس العمر نفس الشي و ولدي ساعات يتوهق يقول شي بلهجتنا و الطريقة فصحى وبنت اختي اذا اجتمعوا يلعبون كأنج تسمعين كارتون.....يذبحون ضحك

 

[الأميرة جوري]

رد : ولدي تغيركلامه عيالكم نفسه والسبـــــــب...........؟؟؟

الحمد الله يعني طبيعي ......انا مايبط جبدي الا بعد قليل <<اي شيئ لازم يقولها متاثر بالفاصل ههههههه

 

[meen_ana]

بالعكس شي حلو يتكلم لغه عربيه

 

[~ الــــزيــــن ~]

مرحبا
الله يخليه لج يارب
عادي لاتحاتين ولد اختي دخلوه حضانه الباكستانيه
كان اغلب الاطفال مصاروه والله قام يتكلم مصري فتره
تخيلي يقول الجنينه مو الحديقه هههههههههههههههههههههه
بعدين رد عادي

 

[لوكي 22]

نفس اخوي الصغير وماله شخصيه لان المسكين محد معطيه ويه
عاد قمنا نسولف معاه ونلهيه عشان ماتخرب شخصيته وهويته ههههه

 

[بدوية بملامح كشميرية 86]

رد : ولدي تغيركلامه عيالكم نفسه والسبـــــــب...........؟؟؟

هههههههههههههههههههههههههههه

حياتى هو فديته والله

حاولى انج ماتخلينه دايما يقعد ع التى فى

اشتريله العاااااااب يتسلى فيهم

 

[الأميرة جوري]

رد : ولدي تغيركلامه عيالكم نفسه والسبـــــــب...........؟؟؟

لي يومين مانعته واهو متحلطم وزعلان

 

[eman84]

لوووووووول اسمالله عليه

عادي متقمص الدووور بس يفج من التلفزيوون راح يتغير ان شاء الله و ينسى

 

[الجفووول]

ياحليله ولدج يونس ماشاءالله عليه

انتي حدديله ساعتين باليوم للتلفزيون وطبعا على اوقات متفرقه يعني تقسمينها له على اربع مرات
كل مره نص ساعه


انا اسوي جذي لبنتي لانها جننتني على بارني


الحين احسها احسن شوي ع الاقل تنتبه لكلامي قبل اذا شافت بارني تنثول انادي انادي انادي عمك اصمخ مو مركزه معاي كل تفكيرهه بالتي في

 

[حلوه العسل]

انا ماراح اكلمج عن طريقه كلامه لانه حلو
انه يتعلم يتكلم باللغه العربيه بالعكس هالشي يخليه فصيح

بس الطفل اذا شااف التلفزيون اكثر من ساعتين باليوم
يسبب تشتيت الذهن
ومع الوقت رااح اتلاحظين ولدج يقل تركيزه
ووايد يسرح
واخااف بالمستقبل ياثر على دراسه
يعني حماي من واهو ياهل كلا جبال التلفزيون وماينام الا واهو امبطل وجدامه
الحين اهو عمره ١٢
يعني ثالثه متوسط
اسالا عطوك امتحان امس يقولي مادري
مايتذكر شي
ويكون ممتحن خالص بس مخه مو معاه
ديري بالج
انا واايد قبل كنت اطالع تلفزيون وصج واايد مخي مشتت وما اركز بس الحمدلله انا مستواي الدراسي عالي عشاان
جذي ما اثر علي ولا دراستي
مثل ماقالت الي قبلي صكي بلاك التلفزيون ولو يفر بالقاع بجي
خليه حقريه حتن لو يكسر خاطرج شوي عادي
لا ادلعينه ومو كل شي اهو يبي اتسوون

اشتريله مجلات الياهال واقريله انتي وخل يشوف الصور يكونون حاطين قصص جنها باباي وكل اسبوع حلقه
وهمن يزيد ثروته اللغويه ويتعلم لمن يكبر شلون يحب القراءة

 

[الأميرة جوري]

رد : ولدي تغيركلامه عيالكم نفسه والسبـــــــب...........؟؟؟

المشكله الحين له يومين يبجي ليمن يتعب وبعدها يناااااااااااااام ولمن يقوم يقول فتحى التىفي وافتحله يني احس ما استفدت شيء يضيع الوقت المحروم منه بالنومه ..بط جبدي لازم يعوض بنومه

حلوه العسل >>>>>فعلا احس مو معاي كلش جنه خبل مايفهم حتى لمن اكون اخليه يحط عينه بيني اقوله تبي بطاط كاكاو شنو يقول : ها ..ها اقوله واكرر وبعد ها.ها لمن اعصب عليه انت معاي ولالا قال ايه ايه ابي كاكاو<<متشتت ذهنه مايركزغثني

 

[حساسه]

فعلا دراسنا ان كثر مطالعه الطفل للتلفزيون تقلل الابداع فاانتبهي

اما عن كلامه طبيعي الطفل او حتى الكبير يتاثر باللي يشوفه ويتقمص الادوار سواء في تلفزيون او من اللي حوله

اتذكر اخوي وهو في التمهيدي وكان اغلب مدرساته مصريات وحتى الفلم كرتونان اللي يحطونها لهم مصريه

المهم رحنا البحر الا هو يقول شوفوا سيد قشطه جاي جهتنا ومن جده يتكلم (والظاهر يقصد التمساح) فهذا طبيعي لاتخافين

بس انتبهي من كثر قعدته على التلفزيون الله يعينك تحملي والطفل في حدود اسبوع او اسبوعين وبالكثير 3 يتعود على الوضع الجديد ويتكيف معاه

 

[هـتـون]

معلومه كثرت القعده على التلفزيون يصير عنده تبلد في العقل مايفكر بس يشوف مو زين خلينه له وقت محدد وخليج معاها تراها اذ حس بالحنان بنسى التلفزيون

 

[_j'aime mon mari_]

رد : ولدي تغيركلامه عيالكم نفسه والسبـــــــب...........؟؟؟

لوووووووووووووووووووووول
ياحليله يمكن اذا كبر راح يتغير

 

[الأميرة جوري]

رد : ولدي تغيركلامه عيالكم نفسه والسبـــــــب...........؟؟؟

جزاكم الله خير خواتى ..

 

[Chic & Unique]

كل اللي كتبته انمسح بس باختصر لج

اول شي الله يخليه لج و يبلغج بشهادته يارب و ثاني شي عادي من كثر مجابل التلفزيون انا اخوي الحين عمره 20 سنه و لين الحين يتكلم شوي عربي من البابايات اللي يطالعهم كان لان صج كان مدمن و نفس ولدج مايطلع من البيت يفضل ان يشوف البابايات على الطلعه بس هالشي سواه انطوائي حبتين انتي حاولي تطلعينه من هالجو بس الحمدالله ان لغه عربيه مو كلام بذيء و لا غريب شي احسن من شي

 

[المتفائله25]

ههههههههههه حتى بنتى وجدتها يا امى

 

[الأميرة جوري]

رد : ولدي تغيركلامه عيالكم نفسه والسبـــــــب...........؟؟؟

بنات دوخنى يومين منعته وعالخفيف يشوف التلفزيون بس الوقت اللي امنعه فيه اما يكون نايم او ماسك اخووووووه طق والا يصااااااااااارخ منيه وطريج بدون سبب زين ماذبحته رفع ضغطي حتى ابوه من ازعاجه حلف علي قال خليه يجابل تلفزيون اهون من هالازعاج لا نام ولا نقعد بهدوء شالحلللللللللل ؟؟؟؟؟

 

[الأميرة جوري]

رد : ولدي تغيركلامه عيالكم نفسه والسبـــــــب...........؟؟؟

--------------------------------------------------------------------------------

للرفع
للرفع للرفع
للرفع للرفع للرفع
للرفع للرفع للرفع للرفع
للرفع للرفع للرفع للرفع للرفع
للرفع للرفع للرفع للرفع للرفع للرفع
للرفع للرفع
للرفع للرفع
للرفع للرفع