ولدي عمره ست شهور وانا حامل و بيتي جاحور و زوجي صار واحد من الربع

[Sisyphus]

السلام عليكم بنات

والله ان احنا يا جنس النسا نكسر الخاطر و نقطع القلب
مأكولات و مذمومات
زواج وحمل ولادة وتعب وخياط و نفاس و توسع و افرازات و تربية و زوج واطفال
و اخرتنا نصير اكثر اهل النار هههههههههه

المهم مالكم بالطويلة
عقب ما ولدت استانست قلت راح ارجع عروس مثل قبل و استانس مع زوجي
وفعلا استانست اربع شهور بسسسس
و الحين حامل و ولدي عمره ست شهور
الحيت شنو مشكلتي؟
احس بتعب وخموووووول و ارهاق و لوعة جبد
و مالي خلق حتى انظف غرفة نومي
بنات زوجي مسكييييييين يكسر الخاطر
ناطرني سنة كاملة و لا تهنى الا فترة بسيطة
الخين كرهته و كرهت ريحته و احس ودي ارجع اذا قرب مني
و الاسوأ اني لما اطلع برا البيت مع خواتي و بنات خالاتي
اشتاااااااااق له موت
و اقول الليلة بجهز نفسي له
بس ارد البيت احس ودي اطرده من البيت ههههههه
شسوي بنات والله تعبت
صاير جنه واحد من الربع
صارلي شهر ناسيه وين جنطة المكياج من كثر ما انا كارهه عمري
ادري الوضع راح يتحسن بعدين
بس مو معقوله بعيش جم شهر جذي
ابي شي يحس علااقتي فيه
خصوصا اني احس بالذنب معاه حييييل
شلون اسعده بدون ما اضغط على نفسي

 

[Sisyphus]

رد: ولدي عنره ست شهور وانا حامل و بيتي جاحور و زوجي صار واحد من الربع

افا بس افا
الظاهر عشان العنوان كله بدليات

 

[العز58]

رد: ولدي عنره ست شهور وانا حامل و بيتي جاحور و زوجي صار واحد من الربع

انا ارد عليج ههههه

احمدي ربج والله يسهل عليج موزين تتذمرين من الحمل
هذي عطية ربج واذا على زوجج انج كارهته هذا طبيعي ويخف مع الايام

 

[om MaRyooM]

رد: ولدي عنره ست شهور وانا حامل و بيتي جاحور و زوجي صار واحد من الربع

عادي لأنج حامل كل هذا تحسين فيه

لما تولدين بيروح هالشعور انشالله بس اكيد بيزيد الظغط والتوتر فلازم تهيئين نفسج وكثريمن الاستغفار عشان تهدى نفسج


وانتي الحين وحام ونسات شعورج طبيعي
وبالنسبة لخمول سوي تحليل دم


وانتي قعدي معاه وتفاهمي وقوليله اللي بخاطرج وشرحيله ان هالشي موبيدج وان ودج تسعدينه و .. و... يعني طيري حجي لي السما
خلي يحس انه ملك وامير وامبراطور بعد .. بس مو بيدج تدلعينه لوول

 

[ماني من الناس]

رد: ولدي عنره ست شهور وانا حامل و بيتي جاحور و زوجي صار واحد من الربع

الله يعينكم

 

[Mjnont '3lay]

رد: ولدي عنره ست شهور وانا حامل و بيتي جاحور و زوجي صار واحد من الربع

الله يعينج ويسهل عليج يارب

 

[أم نواف غير]

رد: ولدي عنره ست شهور وانا حامل و بيتي جاحور و زوجي صار واحد من الربع

الله يسهل عليج

 

[حجيه هيونه]

رد: ولدي عنره ست شهور وانا حامل و بيتي جاحور و زوجي صار واحد من الربع

يامعوده شيلي هم نفسج هههههههههههههه


انتي بحالة الحين الله العالم فيها واهو لازم يقدر وضعج

ولاحقين ان شاء الله

 

[لمى الهاجري]

طبيعي هاذي نساتج شتسوين بعد يالله الحمد لله

 

[الدلوعة أمون]

فترة وتعدي .. الله يعينك ​

 

[نسمات 26]

بعد شتسوين هذا الشي فوق ارادتج

لازم تفهمين زوجج وضعج واكيد فاهم مدام مريتي بهذي المرحله من فترة بسيطه

 

[حبيبي مالكني]

انتي عارفه مشكلتج
والحل بيدج
ضغطي على عمرج
وجابلي ريلج

 

[رووز q8]

ياحياتي حاسه فيج لأني حامل وعارفه الوضع الله يعين بس


قعدي مع زوجج وقوليله انج تنسين وتعبانه


وحاولي شوي تضغطين ع روحج وتكشخين

موفقه فديتج

 

[اوراق التوت]

حاولي تفهميه انه غصب عنك انا صاير بحملي الحين نفس الشي
بس ساعات اضغط على نفسي وساعات ابين له واعتذر وهو الحمدلله متفهم للموضوع
سبحان الله حمل عن حمل يفرق

 

[قلب طفـــله]

الله يهديج جان اخرتي مسألة الحمل لين ماولدج يكبر الريال لاعة جبده حمل

ولاده ونفاس وبعدها حمل مره 2 ونساة !!

الله يعينج على شنو بتلحقين على ولدج ولابيتج ولاريلج انا اقول روحي لأهلج

ارتاحي وعقبها ردي له بنفسيه وشكل احلى

موفقه

 

[أكذب عليك]

الحمال شي مكتوب وهذي نعمه كان مفروض تاخذين الاحتياطات بس ربج كاتبها لج
النسااة مالومج شي طبيعي النسااه خصوصا في حريم نساتهم صعبه حيييييييل
وزوجج ماعليه يتحمل كلها شهرين وترتفع نساتج وترجعين طبيعيه
وبخصوص بيتج جيبيلج خدامه لانه مستحيل تكونين حامل وعندج بيبي وزوجج وماعندج احد يساعدج

وبالاخير الدنيا سهالات حبيبتي ولاتكرهين عمرج ولاشي

 

[Gifts&Occaions]

الله يعينج

 

[ضحاوي الديره]

حدددددج استعجلتي ع الحمال وولدج بعده صغير
الله يعينج

 

[بولندية]

الله يعيييييييييييينج انا كنت نفسج من جذي اقول يارب ما احمل بالغلط

 

[ذبحني غموضي]

اللة يعينج حبيبتي ??