ولدي والطق اللي يحصله يوميا

[miss_jamsheer]

واي صح اذا شفتيهم طقوه مسكي اللي طقه وطقيه علي ايده او قوليله مثل ماطقيته راح يطقك ترا موعيب وحتي ل. ياهل اليهال اذا خليتيه يتمادا انا اهل ريلي جذي يعني اذا اي احد طق لازم ينطق عشان يتادب بس طبعا موطقه اللي اتعور بس هم يتعور فيها شوي

 

[مسك81]

والله ماالومج انا عيالي اشكثر ينطقون
قلت لهم يما اللي يطقكم طقو اخذو حقكم يعني مو معقوله كل اشوي ياييني تبجون فلان طقاني وعلان مادري اشسوا
اللحين لما قامو ياخذون حقهم اهلي ذبحوني انتي غلط تعلمينهم ان اللي يطقك طقه باجر اي واحد يطقه على عينه يعني ولدج يروح يطقه على عينه
انا اقولهم باله بالمدرسه تصير بلاوي اذا مايدافعون عن روحهم بصيرون مسخره جدام الصبيان
طبعا دايما انا الغلطانه واهوم الصح

 

[" ام حمود "]

حاسه فيج ، انتي عندج ولد واحد وحيدج وخايفه عليه وااايد
بس كبري عقلج ترى هذولي يهال عادي يطقون بعض يرفسون بعض شيء عاديء
ولاا تزعلين اهل ريلج عشان يهال كلش كلش بعديهم عنهم قدر ماتقدرين حاولي تاخذينه وايد معاج

 

[هيبة الطاووس]

اليهال مصيبه ترا حتى لعبهم دفش
عيال اخواني جذي طايحين بعض
طق عادي شنسوي فيهم

 

[كـ غلا ــلي]

ما ادري يا اختج بعد يهال شنو بسوين لهم خو ما يصير تزفينهم وتحطين عقلج بعقلهم من رايي قولي لودج

يعزم عيال عمه عندكم بالبيت وقعدي انتي وياهم لعبيهم لعبه مشتركه وحاولي وانتي تلعبين معاهم تقربينهم من بعض

يعني سويهم اهما فريق وانتي بروحج فريق علميهم انهم يحبون بعض و كلهم ربع واصدقاء واذا واحد فيهم غلط عالثاني

الشاطر فيهم اهواا اللي يتأسف اول ويعني جربي كذا شغله وديهم بو 100 عطي كل واحد ممنهم دينار مكافئه عن

اسبوع مر بدون نجره وجذي واسم عليهم كلهم صيبان فاكيد لعبهم دفش وسالفه العض هاذي لا تطوفينها مسكيهم

و خرعيهم قولي لهم اللي يعض ترا يصير تسمم ويغزونه ابره حقه وحق اللي انعض لا تسوون جذي ويعني عطيهم

حجي من هالنوع واليهال ترا ايوون بالمسايس والمساحل

 

[وآحشنــي زمآنـك]

انا اقوول خليه يدافع عن نفسه بس مو معناته يصير عنيف ..




يعني الجهال عادي يطقون وينطقون ..



وأنتي حاولي تقربينهم من بعض مثل ما قالت وحده من الخوات حطولهم العاب بالحديقه أو الحووش عشان يلتهون شوي ..

 

[ساندريلا]

حبيبتي قاضي الاطفال مجنون
مشكلتج نفس مشكلة ولدي مع عيال عمه بعد ريلي مل واهو يتدخل بس انا حذرته قلتله خله ياخذ حقه بنفسه وانت قعد تكره نفسك وتكره عيال اخوانك بولدي خله يبجي مره ومرتين لمن يتعلم ياخذ حقه علشان مستقبلا شخصيته ماتصير ضعيفه