ولدي والغازات وحليب نان والأمساك والترجيع <<< شنو بقى لوول

[Om 3zo0oz_2011]

السلام عليكم



بنات انا ولدي بعد 4 أيام يكمل شهرين بالضبط
وبجريه ابيكم شوي تفهمووني لاني تعبت مع ولدي

اول شهر له كنت اعطيه اس 26 سببله امساك مايخرج الا كل 3 أيام ومرات كل 4 أيام بس مره وحده :eh_s(2):
والحمدالله مايشتكي من الغازات الا خفيييييييييييف جدا

وديته عند د حسن بمستشفي السلام قالي غيري حليبه الي نان 1 اذا ماخرج عطيه حليب بيبي لاك

بس الصراحه احس ان سببله غازات وقلت ما ابي اغير حليبه بعد خفت معدته تتأذي كل دقيقه مغيره الحليب وحبيبي يتعصر ويبجي من بطنه حااسه من الغازات لان يطلع اصوات جنه طبول واذا طلع ريح يبببببببببببجي من اعلي صووته :eh_s(11):


وعطاني نوع حق الغازات نسيت اسمه بس ما احس يسويله شي
عطيته ماي غريب مافااد
عطيته بمبي غاز مافااااااد
عطيته disflatyl مافاد
عطيه اعشاب امي عطتني مطاره كامله خلصتها ومااافاااااااااااااااااد
حرام احس كل شي جربت فيه لعبت بمعدته لعب :eh_s(10):

تنصحووني اغير حليبه الحين ؟؟
لان حتي خروجه كل يومين مره بس
يعني يوم وترك يخرج وشريت من الصيديله تحاميل استخدمهم اذا ماخرج يومين بعد شسوي
وأي حليب تنصحووني اعطيه خصوصا ولدي واايد يرجع بالدقيقه وبالثاانيه وهذي مشكلتي الثالثه معاه


واخر سؤال

حلمه المميه الحين شنو اشتري سمول ولا ميديم ؟؟



خلصت:eh_s(22):

 

[فديتهااا]

حبيبيتي الله يخليلج ولدج

انا بنتي نفس حالتج وعطاني الدكتور الله يجزااه خير نصحني ب اس٢٦ مال الترجيع وكانت اس ٢٦ العادي ماتخرج الحين تخرج باليووم مرااا
والغازات ما رااح تروووح منه الا اذا كمل الاربع شهووور علا قولت الدكتور الله يعيينااا

 

[فديتهااا]

اي انا بنتي اسمله عليها بالرابع عطيتها مميتها ميديم انتي خليج علا سمووول وموووفقه

 

[هيبة الطاووس]

رد : ولدي والغازات وحليب نان والأمساك والترجيع <<< شنو بقى لوول

ترا بنتي نفس ولدج بالضبط
حبيبتي آنا اشرب بنتي نان 1 وايد زين ترا هو أخف حليب مافي دسم وايد ولا يسبب غازات يمدحونه كل الدكانره ولأني مثلج بجريه
وبطلعت الروح حملت وبعد ولدت أخاف عليها وماراح أجذب بكلمه وحده والله الشاهد .

اذا كنتي ترضعينه وهو منسدح بحضنج هذا غلط وهم ما يصير مقمط ترا فجي قماطه وخليه يم صدرج بوضع جنه قاعد وشربي الحليب

وحطي مع الحليب قطرات جاز من الصيدليه وايد زينه 10 نقاط مع الحليب راح يطلع الغازات وهو يرضع .

على الخروج ترا طبيعي كل يومين مره أو مرتين يخرج مو معناته امساك ترا عادي عشان يكبر اذا كل رضعه أو كل شوي خرج

هذا ماراح يمتن كلش .

بمذر كير في مميات ماركت أفينت وايد زينين ترا لرضاعه راح يرتاح عليها فيها حلقه تتحكم بالزغطه والغازات راح انتي بعد ترتاحين

رقم واحد الحلمه احسن من السمول والميديم ترا الميديم تصب بسرعه وراح يشرق اسم الله عليه .

ولما ترضعينه سدحيه على كوشيه بوضع الجلوس راح يطلع الهوا ويرتاح بعد .

راح أرجع للموضوع واذا تبين شيء حاضره

 

[هيبة الطاووس]

رد : ولدي والغازات وحليب نان والأمساك والترجيع <<< شنو بقى لوول

نسيت أقولج الحليب سخني الماي وخلي يدفا وسوي الرضعه لا تزيدين ماي بارد أنا كنت جذي بالصدفه عرفت بنتي ما تتحمل ازيد ماي بارد حقل تجارب هاليهال من ورانا ههههههههه .

واذا كان وزنه يزيد طبيعي ترا كل شيء عادي آنا الدكتور جذي قالي وفعلن بنتي تزيد طبيعي يعني حتى الترجيع ما أثر عليها الحمد لله

سامحيني قرقت واااااااااااااااااااايد

 

[meen_ana]

حبوبه بيبي لاك يكون خفيف زين انا حماتي كانت تستخدمه حق ولدها والغازات تظل ويه الياهل لي خمس شهور بعدين تروح


انا كنت اعطي بنتى ماي غريب للي بالمستوصف ومرات بامبي غاز

 

[أم علي الرفاعي]

كل حليب في منه حق الامساك

يعني تلقين من نفس النوع اللي تعطينه
في علبة خاصة حق اللي يعانون من الامساك

انا استخدمت حق بنتي
- بعد معاناة مريرة مع الامساك-
حليب ابتاميل كومفورت
عجيــــــــــــــــــــــــب

كلش مافيه غازات
ووايد ارتاحت عليه

بس عموما مثل ما قلت لج
لا تغيرين ماركة الحليب
بس اخذي النوع اللي حق الامساك


^_^

 

[فـراوله]

شوفي يا انج تردين حق اس 26 أو بيبيلاك


ونان حده خفيف يخلي الجاهل ضعيف وصغير والدكاتره ينصحون فيه


اذا كان الطفل وايد يرجع هذا اللي صار مع اختي كانت تستخدم سيميلاك


ومن كثر ما يرجع الدكتور قال لها اخذي هالنوع خفيف اللي اهو نااان واستمرت عليه 6 شهور


على كلام الدكتور وبعد الشهر السادس غيرت الحليب حق سيميلاك


تعالي شوفي ولدها الحين اسم الله عليه لا اله الا الله تغير جسمه 180 درجه


كااان خفيف حيييييييييل لما نشيله وعمره 6 شهور وولدي الله يحفظه من ولادته سيميلاك


وعمره 4 شهووور مشاءالله عليه ثقيل ويوم شافت ولدي جذي راحت غيرت حق سيميلاك


وألحيييين مشاءالله عليه ثقيل ومبين على جسمه قبل اللي يشوفه يعطيه اصغر من عمره




قلت قصة حياتي ههههههههههههه بس والله حبيت افيدج من تجربتي وتجربة أختي


نصيحه وخري عن ناااان ما ينصحون فيه الا اذا الطفل عنده مشاكل أو يرجع لانه خفيف عالمعده


بس بدون فايده للصحه



وبالنسبه حق الخروج طبيعي كل يومين اذا اكثر من جذي مو طبيعي


أنا ولدي مره باليوم



والغازات تظل مع الجاهل لي الـ 5 شهوووور لا تحاتين هالنقطه


كلنا مرينا فيها وعديت على خير بس انتي خلج عالاعشاب وماي غريب أو بامبي غاز


ودايما اضغطي رجوله على بطنه تثنين رجوله وتضغطين عالبطن اشوي اشووي


ان شاءالله فهمتي علي لانه هالحركه طلع الغازات

 

[%فتون الليل%]

ام عزوز الله يخليلج عزوز يارب...وتفرحين فيه...
والله انا مو بجريه...بس محتاسه مع بنتي نفس معاناة ولدج...وحولها الطبيب على نفس الحليب...نان...
والحمدلله صارت تخرج...وانتي بكرامه...لكن الغازات للحين...معاناة....والجسم ضعيف...بس قلت يمكن لأمها جت قبل وقتها...
ما فكرت ان الحليب هو السبب....
باتابع موضوعج يمكن القا الحل فيه....
وبالتوفيق يارب....

 

[ايمانو حلوة]

نفس بنتي بالضببببببببط تعذبت معاها او 3 شهووووور ومانفع معاها الا بيبيلاك نان سبب لها غازات وامساك وسيميلاك غازات

ترى عادي الياهل اول 3 شهور تحتارين فيه وماتدرين شتسوينله لان معدته مو كلشيي تتقبله الين تطيحين على الحليب المناسب روحي حق الطبيب وسالي اي نوع من حليببيبيلاك اعطي ولدي لان في وايد انواع

 

[دانة بعين بحاري]

شوفي اللي صج زين ابتاميل كمفورت بس مشكله طعمه مو حلو انا ولدي توه عمره 21 يوم اول عطيته اس 26 بس ذبحه بطنه كله غازات وبعدين غيرته لابتاميل تحسن بس مو راضي يشرب رضعته كامله يشرب رقمين بس
وتوني عطيته نوفالاك للمغص حب طعمه وارتاح الحمدلله
الخلاصه انصحج بابتاميل او نوفولاك لانهم اخف نوعين وهذي عن تجربه
وبالنسبه للحلمه خليها سمول وبعد شهر اخذي ميديوم*

 

[^noonaa^]

اصلا اس ٢٦ ريحته خااايسه ومد يمدحه


عندج ابتاميل زييين وبيبيلاك

وفي ابتاميل كومفورت هذا وايد زين مايسبب غازات

وضروري اتغيرين حليبه لانه حرام يتم اكثر ممن ٣ ايام مايخرج هذا ياهل


المفروض يوميا يخرج


والحلمه استخدمي سمول لان ميديم كبيره خوفج يشرق

 

[MiSs_PiNkOz]

حبيبتي انا بنتي كنت اعطيها سيميلاك وسببلها غازات وحولت لي اس٢٦ وقامت ترجع منه لان ثقيل علي جبدها واخر شي استقريت علي ابتاميل لان احسن

واحد فيهم وخفيف واذا علي الامساك فحليب القواطي ايبس البطن فعطيه ينسون (حبه حلوة) وانشالله راح يمشي بطنه والادويه اللي تعطينها ولدج انا

استعملتهم كلهم وهم يطلعون الغازات من الياهل بس ماراح تروح منه عن تجربه بنتي للحين تعاني من الغازات وعلي قولتج جنهم طبول وهي الحين

بالخامس وماراحت منها الغازات بس احس الطريقه اللي تريح بنتي انومها علي بطنها عشان تطلع الغازات

واذا عن الترجيع غيري حليبه ولمن يخلص رضعته طقطقيه لمدة ١٠ دقايق لمن تكرمين يتريع عدل *

 

[Om 3zo0oz_2011]

حبيبيتي الله يخليلج ولدج

انا بنتي نفس حالتج وعطاني الدكتور الله يجزااه خير نصحني ب اس٢٦ مال الترجيع وكانت اس ٢٦ العادي ماتخرج الحين تخرج باليووم مرااا
والغازات ما رااح تروووح منه الا اذا كمل الاربع شهووور علا قولت الدكتور الله يعيينااا

انا قالي استخدمي مال الترجيع تخيلي ماا يبيلها ماتقبل الطعم حتي يوم عطيته نان بسرعه شرب
بس اس 26 مال الترجيع ما تقبلها كلش

 

[Om 3zo0oz_2011]

رد: رد : ولدي والغازات وحليب نان والأمساك والترجيع <<< شنو بقى لوول

نسيت أقولج الحليب سخني الماي وخلي يدفا وسوي الرضعه لا تزيدين ماي بارد أنا كنت جذي بالصدفه عرفت بنتي ما تتحمل ازيد ماي بارد حقل تجارب هاليهال من ورانا ههههههههه .

واذا كان وزنه يزيد طبيعي ترا كل شيء عادي آنا الدكتور جذي قالي وفعلن بنتي تزيد طبيعي يعني حتى الترجيع ما أثر عليها الحمد لله

سامحيني قرقت واااااااااااااااااااايد

فديتج
خووش معلومات انا بعد تعبت علي مايبت ولدي :eh_s(22):
بخصوص الماي انا احط ماي شوي باارد بالمميه ولمن ايووع عندي مطااره مااي حااااااااار ازيده علي الماي البارد يصيرر داافي جذي طريقتي حلوه ؟

وصح كلام دكتورج حتي دكتوري قالي مدام وزنه يزيد لا تحاتين
لان انا كل اسبوع عند الدكتور لووول
لان ترجيعه شي موطبيعي بالثانيه احس مايشرب شي كلا يرجعه

 

[غنوة ستايل]

شوفي انا اول نفسج ولدي الغاازات اذبحته
فكنت اشربه رضعه بالليل فيها ماي غريب وغاز . من الصيدليه . رقم ماي غريب و 10 قطرات غاز
والمطاره حقت الماي الحار فيها ( كمون وحبه حلوه ) طبعا الماي مشخول مافيه الدوا . وكنت مرات ازيد ( حلبه ) عشان عظامه
واسوي الحليب ن المطاره هذه

اول ثلاث شهور كله اشتري نان اتش اي .
بعدين الرابع والخامس والسادس نان من التمون . نان واحد
والحين الحمد الله نان اثنين

ترا مو شرط اللي ينفع مع ولدي ينفع معااج كل ياهل غير الثاني
بس انتي حاولي وان شاء الله خير

انا الطبيب اهوا اللي كتب لي على نان اتش اي . واستمريت عليه
بس اول ما عرفت ان التموين فيه نان عادي
صراحه انا بدلت حليبه من نفسي والحمد الله ما صار شي ..

وترا التخريج عادي كل يوم مره واحده ومرات يوم كامل ما يخرج هذا طبيعي
كل ما يكبر يتضبط التخريج . انا الحين 7 شهور ويخرج مرتين باليوم

 

[غنوة ستايل]

وضروري بعد شرب الحليب
تشيلين الياهل . توقفينه وتسندينه على ظهرج واطقين ظهره شوي شوي (( تربيت )) مني ليما يطلع الغازات
انا جذي كله اسوي ومرات افر فيه بالصاله مني ليما اضمن انه ترع مرتين او ثلاث مرااات

 

[Om 3zo0oz_2011]

شوفي يا انج تردين حق اس 26 أو بيبيلاك


ونان حده خفيف يخلي الجاهل ضعيف وصغير والدكاتره ينصحون فيه


اذا كان الطفل وايد يرجع هذا اللي صار مع اختي كانت تستخدم سيميلاك


ومن كثر ما يرجع الدكتور قال لها اخذي هالنوع خفيف اللي اهو نااان واستمرت عليه 6 شهور


على كلام الدكتور وبعد الشهر السادس غيرت الحليب حق سيميلاك


تعالي شوفي ولدها الحين اسم الله عليه لا اله الا الله تغير جسمه 180 درجه


كااان خفيف حيييييييييل لما نشيله وعمره 6 شهور وولدي الله يحفظه من ولادته سيميلاك


وعمره 4 شهووور مشاءالله عليه ثقيل ويوم شافت ولدي جذي راحت غيرت حق سيميلاك


وألحيييين مشاءالله عليه ثقيل ومبين على جسمه قبل اللي يشوفه يعطيه اصغر من عمره




قلت قصة حياتي ههههههههههههه بس والله حبيت افيدج من تجربتي وتجربة أختي


نصيحه وخري عن ناااان ما ينصحون فيه الا اذا الطفل عنده مشاكل أو يرجع لانه خفيف عالمعده


بس بدون فايده للصحه



وبالنسبه حق الخروج طبيعي كل يومين اذا اكثر من جذي مو طبيعي


أنا ولدي مره باليوم



والغازات تظل مع الجاهل لي الـ 5 شهوووور لا تحاتين هالنقطه


كلنا مرينا فيها وعديت على خير بس انتي خلج عالاعشاب وماي غريب أو بامبي غاز


ودايما اضغطي رجوله على بطنه تثنين رجوله وتضغطين عالبطن اشوي اشووي


ان شاءالله فهمتي علي لانه هالحركه طلع الغازات

اي فهمت هالحركه كلا اسويها له اذا بغير حفاضته يرتاح عليها

انا مو مشكلتي معاه الضعف مشكلتي الترجيييييييييييييييييع
علشان جذي الدكتور قالي عطيه نان خفيف علي معدته ومع هذا يرررررررجع فكرت بكلام ودي اغير حليبه لان نان خفيف وولدي عصقوول
مايفيد معاه اذا لي الحين يرجع اغير حليبه احسن
بس سمعت سيميلاك مترووس غاازات

 

[Om 3zo0oz_2011]

وضروري بعد شرب الحليب
تشيلين الياهل . توقفينه وتسندينه على ظهرج واطقين ظهره شوي شوي (( تربيت )) مني ليما يطلع الغازات
انا جذي كله اسوي ومرات افر فيه بالصاله مني ليما اضمن انه ترع مرتين او ثلاث مرااات

والله اسوي هالحركه معاه وااايد اسويله ومع هذا ييرجع :eh_s(2):

يقولون طبيعي بس متعب كل دقيقه اغير ثياابه وثياابي لووول

 

[Om 3zo0oz_2011]

مشكورين بنات كل من مر علي هالموضووووع

ودي اغير حليبه ومحتاره لي الحين