ولدي والغازات وحليب نان والأمساك والترجيع <<< شنو بقى لوول

[الوردة المكنونة]

حبيبتي انا بنتي بالاربعين كانت جذي ووديتها للدكاتره وكل واحد يعطيني حليب على مزاجه وما يمشي مع بنتي لين طلعت من الاربعين وديتها حق عمتها دكتورة اطفال قالتلي بنتج معاها ارتجاع عطيها حليب نوفلاك للارتجاع وبين كل رضعتين رضعه يانسون عشان الغازات والامساك يعني مره حليب ومره يانسون والحمدالله مرتاحه مافي غازات والترجيع خف وايد والترجيع سببه ان في يهال ينولدون صغار معدتهم ما تسكر بعد 6 اشهر من الولاده تسكر واذا الارتجاع قوي بعد سنه بالكثير تسكر انا بنتي العوده كان عندها ارتجاع بعد 3اشهر من الولاده تسكرت معدتها بس هذي توها ما كملت 3 اشهر وبصراحه عمتها قالتلي ان الدكاتره يوصفون نوع الحليب اللي يبون يسوله دعايات يعني الشركه تعطي الدكتور عينات حق اهله معارفه بشرط يسجل اسم الحليب او الدوا حق المرضى عشان جذي ما قمت اثق فيهم*

 

[كويتيه مذهله 87]

اب اب

 

[فله]

شلونج ام عزوز عادي نفس بنتي وترى المشكله بحليب الارتجاع انا بنتي تبجي 4 ساعات متواصله تصوري من قمة راسها والله مت منها وحليب الارتجاع ثقيل حده فيه نشا جنه روب فانصحج تسكعين كلام الدكتور وتعطينه بيبيلاك للمغص ec هذا المناسب للترجيع والمغص والادوية كلها اللي قلتي عنها جربتها ع بنتي مافادت بس عندج مال الهمالايا بونيسان زين يخفف لان هالفترة ماكو شي يعالج الا بس يخففون ومرة كل 3 ايام عطيه كمون يحل البطن وايد زين والله حاسة بمعاناتج انا حاشني اكتئاب من هالحالة

 

[ام اغلى الناس]

انا كنت اعاني نفسج بالضبط
و فرفرت بولدي لكل الاطبه
والحمدلله كبر وما فيه الا العافيه
كان معاه ارتجاع. يمكن يكون بولدج ارتجاع
كنت اعطيه حليب نوفولاك وللحين ماشيه عليه
كل الدكاتره يمدحونه
واعطيه اعشاب تلقين طريقتها بمواضيعي بالتوقيع
و انومه على بطنه بحضني تطلع الغازات
اعطيه بونيسان للغازات من الصيدليه ودسفلاتي
الامساك ان طول اكثر من ثلاث ايام اعطيه تحاميل جلسرين
خليها معاج للضروره
لانه مو زين يطول حيل
وبس

 

[.،:"$الـعـوبــــة$":،.]

حياتي ام عزوز اول شي حمدالله على سلامتك ،،:eh_s(7):
تذكريني العوبة بموضوع العمليات الانتحارية !!
شوفي يالغالية ،،
وضع ولدك طبيعي لاتخافين ولاشي ،،
ولدك فيه ارتجاع ،، يكون راس المعده وسيع شوي ،
فالحليب مايقعد بالمعدة ،،
البنات ماقصروا وكل وحدة عطتك حليب ،،
بس المشكلة مو بالحليب ،
انتي لما ترضعينه لاترضعينه وهو منسدح ،
خليه كأنه قاعد،، انتي حطيه بحضنك وسنديه ورضعيه ،،
بعدها لاااازم اترعينه ،، وقفيه على رجوله وانتي طبعا شايلته وحطي صدره على صدرك وطق طقي ظهره بكفك شوي شوي لين يترع ــ
وبعدها لاتسدحينه بسريره او الارض عادي ،
لا اما تحطين له مخده كبيرة اللي احنا إنام عليها ، وتحطينه كله عليها ،، مدري شلون اشرح لك ؟؟
يعني تخلينه ينام عليها ويصير راسه وظهره كله عالمخده ،، يصير حتى وهو منسدح كأنه قاعد شوي ،،
واشتري له الكرسي اللي من سنتر بوينت وخليه بوضعيه الجلوس المايل ودايم خليه بكرسيه ،،
وبالذات لما ترضعينه واترعينه خلاص لاتشيلينه وتحركينه واجد ،
كل هذا ليش ؟ عشان مايرجع حليبه ، لأن دام راس المعده مفتوح بيصير مثل العلبه اللي مالها غطا اذا ميلتيها ينكت منها اللي فيها ،،
فهمتيني ؟ ترى كل هذا لأني مارة بتجربتك مرتين ، مع بناتي !:eh_s(2):
وبث ،،
<< تعبت وانا اكتب ،:ggdw:​

 

[مدمنة ككاو]

هلاااااااااا ام عزوز شلونج حبيبتي
وشلون عزوز فديته


شوفي انا صارت عندي خبره بعيالي اللي قبل من حليب لي حليب افتريت على كل انواع الحليب

الغازات لا بد منها كل انواع الحليب تسبب غازات حتى حليب الام يسبب بس مو مثل الصناعي طبعا اخف

الامساك كل جسم بيبي يختلف عن الثاني بس انا من تجاربي اللي قبل اس 26 وسيميلاك حطيت عليهم اكس لانهم اذو عيالي من الامساك لي درجة بنتي صار فيها بواسير

بس الحليب اللي طحت عليه وما يسبب امساك اهو بيبيلاك الصراحه عجيب ويسمن البيبي انا الحين اعطيه حق ولدي

وعلى الترجيع في بيبيات يرجعون بكثرة وفيه على خفيف بنت اخوي الحين عمرها 7 شهور اسم الله عليها وتشرب حليب ضد الارتجاع من صغرها وكل ترجيعها مثل النافوره وانا من قبل ولدي بجري كان جذي اعطيه اس 26 ضد الارتجاع هم ماكو فايده ما خف الترجيع الا لمن كمل سنه اهو يصير ارتجاع المريء من ارتخاءه او شي جذي مره من زمان دكتور استشاري شرح لي

فانتي شوفي اذا هالشي مو ماثر على وزنه عادي كملي على حليبه اذا ماثر راجعي الطبيب وقولي له شوفي شنو يقول لج وانصحج بدكتور استشاري اطفال اسمه فهد المخيزيم اهو رئيس قسم الاطفال في مستشفى مبارك يداوم الصبح هناك ويداوم بعيدته الخاصه العصر عيادته بالجابريه كلمة ممتاااااااااااز شويه عليه اصلا كلامه بس يريح

حق الغازات لا تقولين الدوا ما ينفع جربي الهملايا مع البمبي قاز يعني عطيه الرضعه نقطي فيها البمبي قاز 10 نقط والله ساعات انا ازيد شوي اخليهم 12 نقطه وبعد ما اخلص من الرضعه اعطيه الهملايا 2 مللي ونص

وبالليل قبل لا ينام اعطيه ماي غريب 2 مللي ونص

واستمري يوميا سوي جذي تشوفين بطنه راح يخف شوي شوي

وانتي تسبحينه سوي له مساج ابطنه بشكل دائري ونوميه على بطنه وطقطي ظهره واهو نايم على بطنه

يوميا عطيه رضعة ينسون ورضعه ثانيه حبة حلوه رقمين وحاولي تخلينهم مركز
يعني رضعه الظهر ورضعه بالليل

بحالات الامساك القوي عطيه رضعة ماي التمر (تمره وحده حطيها بماي وهرسيها وشخليها عدل )
وسالت الدكتور قال التمر مخا يضر

وانا بعد رضعة التمر بساعه وشفته ما خرج بطنه اخذ عود قطن اذن احط فيه شوية فازلين لي نص العود احطه بفتحة الشرج وافره شوي واصكر الحفاظه يطلع اليابس اللي اول شي عشان يسهل خروج الباجي

قرقت واااااااايد بس ميخالف ان شاء الله اكون افدتج
هذا اللي اسويه مع عيالي

 

[.،:"$الـعـوبــــة$":،.]

؟؟
مدمنة كاكاو ؟
بس انا بنتي لها 5 شهور على حليب بيبي لاك ، وضعيفونه نتفه !
وودي اغيره لسيميلاك يقولون سعراته الحراريه اكثر ويسمن ؟؟
؟؟
الحين احترت !​

 

[مدمنة ككاو]

مادري العوبه والله الحمدلله ماشي ويا ولدي
على قولة امي دام الياهل يشرب رضعه كامله عدل بموعدها وينام وايد اييب له العافيه

شوفي جم تشرب بنتج ؟ وكل جم ساعه ؟ وتنام عدل ولا لا!

 

[فله]

مدمنة اي نوع من بيبيلاك في وايد انا استخدم ec ماينفع

 

[مدمنة ككاو]

لا اللي استعمله البيبيلاك العادي العلبه الصفره وعليها صورة الدب

 

[اوراق التوت]

ماشاء الله الاخوات ماقصرو
بس للغازات تقولك ياها عن تجربة للامساك حطي له ملعقة صغيرة سكر مع الحليب وشوفي ساعة وبيخرج انا دائمااستخدم هذي الطريقة مع بناتي والله امس قريبتي جات وكانت تشتكي من انه ابنها عنده امساك توه 5 شهور قلت لها الطريقة ماعدة الساعة الا وخرج
وبالنسبة للغازات في علبة تقريبا اسمها شاي الشمار هذي فضييييييييييييييييعة لغازات الاطفال انا كنت مثلك مع بنتي جربت لها الينسون الشمار ماي الغريب مانفع الا شاي الشمار

علبته مثل هذا الشكل بس لونها يختلف تقريبا بنفسجي

 

[الحنــونــة]

مساء الخير ام عزوز شلونج حياتي
>> نفس مشكلتي كنت اعطيه سيميلاك
وسببله غازات وامساك
وغيرلي الدكتور وعطاه بيبي لاك
وما ارتحت له كله دهن ويرقي حييييييييل والممية تبقع
ورديتله السيميلاك
و3 ايام ماخرج
ومن كيفي شريتله نان اتش ايه
>>> مادري شرايكم فيه بالحديد

 

[ميرا 2011]

انااااااااااااااااااااااااااااااااااااااااااااااااااااااااااااااااااااااااااااااااااا
بنتي
كله ترجع مثل النافورة
من ولدتها
الحين عمرها اسم الله عليها 20 يوم
وخفت بصرااحة
منو مرت بنفس حالتي؟؟؟؟؟؟؟؟؟؟؟؟؟؟؟؟؟؟؟؟؟؟؟
فسروها لي
وشنو اسوي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هالشي عادي والا لا
ماااااااااااااااااااااااااااااااااااااااااااااااااااااااعندي خبرة فيدوني