ولية أمر ضربت معلمة روضة لاعتدائها المبرح على طفلها

[قاهره عذالي]

مدري جاهل بالروضه ليش ينطق
لما كنت بالروضه صح ابلتنا تعصب بس طق مافي
اللهم الصبيان اللي بصفي كانوا بس يتلون شعري ويخربون شباصاتي وياكلون اكلي
ومستمهرين فيني وانا ما اعرف ادافع والابله تفرج وماتسوي شي بس تقوله قولها اسف
يقول اسف ويرجع يطقني ذكريات خايسه

 

[أم بدير]

ماشالله عليها والله زين تسوي اذا صج المدرسة طاقة الياهل جذي
لو انا جان اروح اشتكي واسكت واموت حرة وقهر.. عالاقل الأم بردت جبدها

بس بعرف شي واحد
انا اذا كان عندي عتب على مدرسه او شكوى اروح اقولهم ابي المدرسه الفلانيه بكلمها عشان موضوع كذا وكذا
مايرضون ينادونها لي يقولون ممنوع:rgewrg:
اقولهم بس بعرف ليش سوت جذي وبقولها مالها حق, بعد مايصير تغلط عالياهل ونسكت
يقولونلي ممنوع نستدعي مدرس لحق لي امر
ويقولونلي احنا نتصرف ونردلج خبر
وطبعا مايسوون شي ولاحتى يردونلي خبر جذب
لين يضيع الموضوع وينتسي

شلون اسمع عن امهات طقوا مدرسات؟؟؟
وين يحصلونهم؟؟
ينطرونهم بالهده:eh_s(10)::eh_s(10):

 

[هيوونه@]

كسر ايدها ليش اطق الياهل
كادر وخذو بعد شيبوون اذا موقادره على التدريس ليش تصير ابله

 

[روعة خيال]

ههههههههه

ما اقول الا استغفر الله

و لها عين تشتكي بعد

 

[dob106]

يمال ام عصيبه ...طاقه بزر يا الجبوه

 

[Miss Cherry]

ههههههههههههه بنات تكفون شوفوا رد الاداريات

وحده تقول منا الى وزير التربية ( مدرساتك ) يبيلهم تربية

محد يبي له تربية الا انتي واشكالج

الوحده تثمن الكلمة قبل تقطها لو اقول امهات اخر زمان قليلات ادب مايدرون عن عيالهم ولسانهم شطولة بكون غلطانه اني عميت .. مدرسه غلطت وبتاخذ جزاها مو كوني مدرسه بدافع عنها اهي غلطانه بس مو كل المدرسات يطقون فعيب عليج يا المتربية انتي ام يعني المفروض تكونين قدوة بس مالوم هالجيل نصه مو متربي اذا امهاتهم هذا منطق وحده عاقله !!

كلش ولا اللي تقول شوفي اخلاق بنات كلية التربية !! وصلة لهالمستوى والله منتي محلله هذا قذف الوحده تثمن كلمتها قبل ترد

ناس مرضى قلوبها مليانه حقد

 

[GaLbI t7aWaL]

والله تستاهل

شنو ذنبه هالياهل

والله لو انا مكان الام اقص ايدها بعد

8
8
8
8

وحده انفعلت​

 

[اطياب طيبه.أم عبدالله]

لا حول ولا قوة الا بالله
مالها حق كلش تمد ايدها

 

[للحين خجوله]

انا بعد اذكرطقت ولدي كف جعل يدها الكسر ورحت لها قالت كنت متنرفزة وكانت من بلاد الشام وقامت تتاسف مب قد المسوولية انثبرو في بيوتكم

 

[mafio98]

زيييييين ماتسوي الام ماتخيل يصير بولدي جذي والله انتفها انا ماطقيت ولدي تيي وحده وطقه

اعرف وحده مدرسه رياضه عربيه طقت ولدها كف واهو خفيف مسكين طاح بلارض ومن عقبها معاند مايبي يروح المدرسه راحت الام ودشت غرفه البدنيه وبدون كلام ازنطه المدرسه وحطتها جم طراق جدام الابلات والتلاميذ والابله من الخرعه قام اتبلعم عقبها لنا فهموا السالفه انقلوا المدرسه مدسه بعيده ^_*

 

[أحلى البشر]

حتى لو الياهل شيطان تعاقبه وتأدبه بأسلوب تربوي مو تكفخه وزين ماسوت الام

 

[حلآ الدنيآ]

استغفر الله خوووش مدرسه اطق هذا و اهيا مربيه اجيال

 

[حلآ الدنيآ]

^

احلى البشر

توقيعج يحططططططططم

 

[كلي هداوه]

يسلموو ع الطرح
لاحول ولا قوه الا بالله

 

[Smracute]

حرام عليها شلون اطق ياهل تستأهل المعلمه عشان تخاف ربها

شلون قلبها يطاوعها وتمد ايدها ع طفل برئ حسبي الله ونعم الوكيل عليها

 

[عاشقة الاسلام]

زين تسوي فيها صراحه

 

[مدام سلطة]

تستااااااااهل والله لو ابله تمد ايدها على بنتي اعلجها بضروسي ,,,,, يمااااااا اخرع هههههههه

 

[& شرطان الذهب &]

بعضهن انهبلن من جا الكادر زين سوت الام فيها

 

[انصاريه قمره]

الاخت اللي تقول في مخفر
انتي عندج رجاا وامل بالمخااافر شبيسون لهاا يعني ؟؟؟
لو بيسولهاا شي جان سواا حق الاثيوبيه اللي قتلت عايشه الله يرحمهاا والجلبه الثانيه اللي قتلت دلال يا ماما قانونا خرطي فاشل ضد المواطن مثال يبتي شغاله انحاشت ورحتي بلغتي عقب قرن يلقونهاا بنت اللذينا بشقه دعاااره يدقون عليج يبون تذكره تقوليلهم وينهاا بشوفهااا ما ايبوونهااا لج يورونج صورتهااا وتدرين ان قصيتي شيسوون اهم يقصون لها بس ينحط عليج ضبط واحضار وفوقهم منع سفر شرايج بقانونا العادل المنصف
والله لو انا من وليه الامر مو بس اطقهاا الا انتفهاا اللي ما ارحمت طفل اوكي ولدي شيطااان طقيه على ايده زفيه بس مو طق مبرح الولد بجسمه كدماااات حبسي الله ونعم الوكيل