وملابسى والخدامات

[غيوووض*]

مرحبا ---- حبيت اسالكم خواتى واستفيد من نصائحكم --- انا عندى كم هائل من الملابس لى ولعيالى الى قديم والى ضاق والى قصر والى مليت منه ومالى خلق اشيل واودى للجنه واهم نادر اذا جو عندك بعد ما تتصلين عليهم وطرا على بالى انى اعطيهم لخدامتى بس فكرت قلت هالخدامه الى اعطيها ملابسى وملابس اعيالى مدرى شتسوى فيهم وحاطتهم عندى وما ادرى شسوى فيهم انتم شتسوون فيهم تعطونهم خداماتكم والا لا خن نستفيد من تجاربكم بهالموضوع وشكرا وآسفه على الاطاله

 

[AnNOiA]

الصراحة انا أعطي الخدامة و أقولها إخذي إلي تبيناه و الباجي أوديه اللجنة...
أهم الصراحة إخشون حق هدايا او حق عيالهم إنتي مالج إلا الأجر عطيها نية صدقة

 

[أم الطيب]

اعطيهم خدامتي والله
وعلى نيتي الله يرزقني ويحميني

توكلي على الله حبيبتي وما يصيرالا الخير ولا تحاتين

 

[@ الرسامة @]

ساعات اعطيها حق خدامتي وقبل لا اعطيها ادعي ان الله يكافيني شرها
واحسب الاجر منه
والباجي للجنات الخيرية

 

[BHS]

حبيبتي أنا أعطيهم حق الخادمه تاخذ الي تبيه حرام شكثر تستانس عليهم تخش حق أمها و خواتها و عيالهم و الي ما تبيه اوديه اللجان
حرام يستفيدون منه

 

[&ام عبدالله للخلطات والأعشاب&]

عطي هذا و هذا
يعني اللجنة ادق عليهم ع طول عند الباب
و الخدامة همن اعطيها يستانسون عليها

 

[الحب الخالد]

الله وكيلج من غير ما تقولين سيده تبي تاخذهم وساعات الجناط وتكرمون الجواتي يالله دفعة بلا عني وعن اليهال

 

[fulla]

اي والله خليهم دفعة بلا عنج وعن عيالج

 

[fife4ever]

انا ما اعطي الخدامه اخاف تسوي لي شيء فيه سحر او بلاء اعطيه الصدقات افضل

 

[قمر ضاوي33]

انا ما اعطي الخدامة ملابسي ولا ملابس بنتي اخاف تسوي لي شي فيهم لأن صارت حق وحدة اعرفها الخدامة خذت هدوم المعزبة وريلها والياهل وما ادري شنو سوت فيهم انعفس البيت فوق تحت ...

الله يكافينا الشر ... انا اوديهم اللجنة على طول

 

[شوق ومها]

مثل ماقالوا خواتي مانصحج تعطينها الا اذا كانت على النيه

لان باجر بتاخذ من ملابسكم اللي تلبسونها وتقول انتي عطيتني

واسأل مجرب ولاتسأل طبيب

ياما خذوا من ملابس اليهال وتقول انتي عطيتني ..

 

[^^دموع الكويت^^]

ندق على اللجنة اييون ياخذونهم

او نعطيهم الخدامة

 

[نووووونا]

انا اعطيها ايللى يناسبها والباقى اعطيه حق ناس من اخوانا

(( البدون )) فى ناس محتاجين امى تعرفهم

لان ملابس عيالى زينين ما فيهم شى بس اسم الله عليهم يكبرون بسرعه

 

[nanosa78]

ما أعطيها شي احنا لابسينه اخاف من سوالفهم وسحورهم اذا شي جديد مو ملبوس عادي

 

[*ستايل*]

ادق على اللجنه ياخذونهم على طول

 

[رفرف]

انا اغسلهم اول بعدين اعطي الخدم عادي واللي مايبونه اوزعه اما على ناس نعرفهم فقارى او على اللجان ...

بس نصيحة اذا بتعطون خدمكم غسلو الهدوم اول لا يصير فيها من اثركم .. واحتسبو الاجر وادعو ان الله يكافيكم الشر وعطوهم ...

 

[الملكيييية]

اعطيها وحدة مصريه محتاجة تجمع الملابس وتبيعها بسوق الجمعه

منها تستفيد الفقيرة ويدخل عليها مصروف
والله لا يحرمنا الاجر

 

[أغلى حبيبه]

انتي غسليهم وعطيهم حق خدامتج دفعت بلا

والباجي عطي اللجنه

والله انا على طول خدامتي تاخذ اللي تبيه والباجي اللجنه تاخذه

 

[ساندى]

انا كنت اول اعطى الخدامة بعدين نبهتنى الخدامة وقالتلى ماما هدوم اى شى لاتعطين خدامة انتى مايعرف ناس شنو يسوى هناك بلد انا عقبها استعدل راسى انا كل شى لجنة على طول واذا بعطى الخدامة اشترى لها الجديد لها ولعيالها نصيحة لاتعطون الخدم شى

 

[وديان@@@]

انا اعطي اللجنة احسن اما الخدامة لاجت اتسافر اشتري حق اعيالها