ومنو غيركم يواسيني :(

[بتبوتااا]

سوي سونار للمراره انا كنت جذي واخس سوسو

والكل يقول لي قولون او التهاب تميت ثلاث سنين ماخليت دكتور مارحت له
والكل يقول لي من المعده

وضعفت كنت 83 وصرت 55 بعدين حملت وولدت وهم تعبت اكثر رحت الطبيب سويت سونار للمراره وقالولي حصوات وسويت
العمليه والحمدلله الحين مافيني شي وتعوذي من ابليس ودايما شغلي سوره البقره بيتج وانشالله تقومين بالصحه والسلامه حبيبتي

 

[بتبوتااا]

اسأل الله العظيم رب العرش العظيم ان يشفيج


اسأل الله العظيم رب العرش العظيم ان يشفيج


اسأل الله العظيم رب العرش العظيم ان يشفيج


اسأل الله العظيم رب العرش العظيم ان يشفيج


اسأل الله العظيم رب العرش العظيم ان يشفيج


اسأل الله العظيم رب العرش العظيم ان يشفيج


اسأل الله العظيم رب العرش العظيم ان يشفيج

 

[مهناز]

الله يكون بعونج ياقلبي

انا اكثر وحده حاسه فيج

تقريبا امر بنفس المشكله كل شي فيني تدهور جمالي جسمي ذبل .. صحتي دراستي وزني شعري كل شي قام يتدهور كله من العين اللي ماترحم


اللهم شافي كل مريض اللهم بدل سوء حالنا بحسن حالك ياكريم

 

[ناعمة]

الله يحفظج يا اختي الاسطورية . والله بدعي لج

بشرينا عن حالتج

 

[}{داشـه عرض}{]

تعوذي من الشيطان ، ولا تتركين له مجال يسيطر علييج ويحبطج ..

تذكري دوم أن رب العالمين هو الشافي المعافي

اقترح عليج اقتراح اذا في مجال إنج تروحين مكه تعتمرين، شوفه الكعبه تريح النفس حيييل
والله إن هناك راح نفسيه مو طبيعيه، تنسين الدنيا ومافيها، إذا في مجال تروحين روحي!

علييج بالاكل غصبي عمرج، شربي حليييب وحطي معاه حبه سوده وحلبه، يقولون ريحتها قويه بس تحمليها.

وعليييج بالعسل،قال تعالى "يخرج من بطونها شراب مختلف ألوانه فيه شفاء للناس إن في ذلك لأية لقوم يتفكرون"

قال عليه الصلاه والسلام(إن في الحبه السوداء شفاءً من كل داء إلا السام). السام=الموت.


أذكار الصباح والمساء لا تنسينها وحافظي عليها، وأجر وعافيه إن شاء الله.

 

[شهدQ]

لا ياقلبي سلامتج ماتشوفين شر

ترى فترتج طبيعي الوحده تضعف فيها اول العشرينات

انا وخواتي صرنا هيكل بعد الثلاينات تغير الوضع

لاتلعبين بعمرج راح تتحسن حالتج لان كل شي نفسي واذا ظلت نفسيتج على الي انتي عليه بيبن الضعف والارهاق عليج

صدقيني كل شي ع النفسيه

 

[jolie_q8]

ألف سلامة عليج .. وما تشوفين شر

شوفي حبيبتي ...

انتي اهم شي استمري بالعلاج وامشي على كلام دكتورج

وطبعا ثقي بالله انه اللي ياج من الله والله قادر يشفيج

يعني أهم شي التوكل على الله

وكلشي له علاج بأذن الله ...

ومثل ما قالو البنات اذا تقدرين تروحين العمره وتغسلين صدرج وينشال هاليأس من راسج كان بها

وإذا ما قدرتي ... الرقية الشرعيه يا حبيتي ..لا تنسينها

ترا في ناس اعرفهم كانو ميتين وما يدرون عن الدنيا بفضل الله صحوا من غيبوبتهم

مثل ما قلت لج الله قادر على شفائك

وشوفي هالموضوع واقريه بتأني .. وإن شاءالله تستفيدين منه

http://q8yat.net/showthread.php?t=6769

 

[june_m00n]

الاسطوريه حبيبة البي

دلوعة المنتدى سعاد حسني

ضيقتي خلقي ترا

الف لاباس عليج

طهور انشالله

تعوذي من الشيطان ولا تخلينه اوسوسلج


وكلشي مقدر ومكتوب

وان اجتمعو على ان يضرووك بشئ لن يضروووك الا بشئ قد كتبه الله لك

العين حق والنفس تفز سبحان الله

عشان جذي

لا تخلين اذكار الصباح والمساء حبيبتي

دايما اقري على عمرج

واذا حسيتي هالشعور قولي ( سيكفيكم الله وهو السميع العليم )

خلي بجنطتج كتاب اذكار صغير وعلى طوووول اقري اقري

الزمييها حبيتي

وعليج بالرقيه الشرعيه

انتي اقري على عمرج

اقري سورة البقرة

وماي مقري فيه

مسحي فيه على مكان الالم

وحتى وانتي تقرين البقرة حطي ايدج على مكان الالم

لا تسلمين للمرض ديري بالج ديري بالج

شوفي

انا اختي يا بعد عمري وحياتي وقلبي

والله انها شافت بلاوي سودا ولي الحين الحمدلله رب العالمين على كل حال

بس سبحان الله الله يحفظها

ثقتها بالله عاليه

ومتوكلة على رب العالمين

فيها امراض الدنيا

بس سبحان الله

لأن اهيا ما تفكر فيه

وتبذل الاسباب ( بمراجعة الاطباء وقبلها الاذكار والرقيه وقراءة القرآن )

والحين ربي لك الحمد والشكر صارت احسن

شفتي شلون النفسية تلعب دور كبيييييييييير

اكثري من الاستغفار حبيبتي دايما

مره سمعت ان لازم نستحضر ذنوبنا ونستغفر كأننا نمحييها بالاستغفار سبحان الله

وايضا الصلاة على النبي اللهم صلي وسلم عليه

على طول

واكيد تعرفين القصة المشهوره اللي وحده من شرق اسيا جديده بالاسلام كانت كلش بتودع

وراح ولدها يقول حق شيخ ديين يا شيخ ادعي حق امي ترا حالتها خطيره

قاله خل تصلي على النبي

ولأن اهما ما يعرفون من الايات الكثير او الادعيه

فكانت تصلي على النبي بيقيين عجييب ان هالشي قادر على ان يشفيها

وسبحان الله تفاجأ الشيخ لما ياله ولدها يقوله امي تسلم عليك ويايبتلك هالهديه

الله قادر على كل شي

سبحانه لا اله الا هو

هذرتي وايده ادري

بس الخصلج النقاط المهمة :

التوكل على الله ( قل لن يصيبنا الا ما كتب الله لنا )

المحافظه على الاذكار ( الصباح والمساء )

الاكثار من الاستغفار

الاكثار من الصلاة على النبي اللهم صلي وسلم عليه

قراءه سورة البقره

الرقيه الشرعيه


وانشالله انشالله هالويه الطيب مو شايف شر

 

[ملح بدويه]

تعوذي من الشيطان ولاتقولين هالكلام

 

[ii DareeN ii]

الاسطوريه اول شي لاتخلين علاجك وجربي تروحين حق احد زين يقرا عليج اذا انتي حاسه ان السالفه فيها عين وعليج بالرقيه الشرعيه انتي قلبج نظيف توجهي حق ربج واذا حصلت لج عمره لاتردينها واذا على الضعف ترا المهم صحتج والوزن يرجع بس اكلي كاربز واشياء شوي مو وايد دسمه وكل شي يرجع

 

[ناعمه العود]

الله يشافيج انشالله واكلي عدل ورقي نفسج عدل وفي دكتور روحيله اهوة يضعف ويمتن بنفس الوقت اسسمه الدكتور طالب وايد زين يعطيج مشهيات قويه وجدول حلو حق الاكل الله يشافيج انشالله

 

[brettey]

لاحول ولا قوه الا بالله
على طول اقري على نفسج يا قلبي وماتشوفين شر واذا ميزانيتج زينه روحي سويي فحوصات بلندن
الله يشفيج يا قلبي ويسعدج ويهنيج بشبابج يارب والله ماتستاهلين
هالناس مايخلون احد بحاله

 

[رفرف]

سلامتج وماتشوفين شر ...

سالفتج جزء كبير منها نفسي ..
زاذا عالنفسية حاولي تقرين سورة البقرة كااااامله كل يوم قبل لا تنامين وايد وايد تنفع ترى ماتاخذ وقت وايد ساعة الا ربع بالكثير ساعة ..

واتبعي السنة النبوية ماكو احسن منها ..
اكلي 7 تمرات على الريج ..
وشربي ماي زمزم لأنه شفاء لما شرب له ماكو احسن من هالعلاج ..
اخذي من الحملات اييبونه وشربيه على طوووول حاولي ماتشربين ماي عادي كله ماي زمزم ..
والله يشفيج انشالله ..

 

[pretty sarona]

الله يعينج والله ما تستاهلين ,, عموما إذا الانسان حصل له تغير فجأة بدون سبب عضوي أو نفسي عرفي ان عين ,, وانتي قلتي عقب حفله سويتها .. يمكن وحده تكون مطالعتج و هذا يصير و شي وارد ,, كثري من الادعية و قراية القرآن و شربي ماي زمزم لأن ماي زمزم لما شرب له ... و في دكتور وايد زين اهو دكتور نفسي و يرقي الناس بوجود محرم هذا شرطه وعنده عيادة بحولي وانشالله ادز لج رقمه ,,
وانتي حاولي تحصنين نفسج قبل لا تدشين اي مكان اقري المعوذات و آية الكرسي ومثل ما قلتي حتى المرض يحسودونج عليه !! ,, انا مره رحت عرس الله وكيلج من طلعت من العرس حاشني قامت و بس بجي أيامها كنت بالثانوية حتى الثانوية ما قمت ارووح و حتى امي قامت تبجي على حالتي المشكلة ما فيني شي ليش البجي الله اعلم !!! ولما رحت حق وحده تقره علي ما قدرت بس قاعده تتثاوب وانا ابجي ليش ما ادري لين الله فرجها .. الناس ما يخلون احد بحاله
و الله يشفييج انشالله ونشوفج بأحسن الأحوال ووزنج انشالله بيرجع مثل ما كان ولا تخلين هالموضوع محور يومج أو حياتج صج ان مو هين بس عشان بيتج و عيالج ,,

 

[Om3aLaWi_q8]

الله يشافيج وتردين مثل ماكنتي و ازيد الدعاء الدعاء الله يشافيج ويشافي كل مريض

 

[***كلي شموخ***]

حبيبتي ما تشوفين شر ومأجوورة انشالله

 

[bnt_7waa]

اسطوريا حبيبتي ماتستااااهلين


والله ضاااق خلقي ياااربي يشااافيج وتفائلي حبيبتي محد مايمر بجذي الا ان شاءالله بعون الله بتعدي

 

[روحـ روحه]

ماعليج شر ان شاء الله ....... تعووذي من ابليس وان شاء الله انها مرحله بتعدي على خير

ولا بأس طهور ان شاء الله

 

[روزالكويت]

مالج شر يعمري والله ماتستاهلين وعسا الله يشفيج والله انا مثل اللي فيج وفحوصاتي كلها سليمه واعاني من سنين بصمت ولا احد يدري واذا جاني العوار والله اقعد ابجي واحس نار في بطني ولا فيني شي اغلب الظن فيني عين وهاللشي وارد والله يشفيني ويشفيج وكل مسلم مريض يعاني يارب تتوضفين وترتاح نفسيتج وتحاشيهم العالم اللي طايحيله مشاهق فيج ماله داعي تروحين لهم واشكره بطيها بويوهم قولي انا فيني قولون ومعده وسويت مناظير وضعفانه لاني ما اكل ومريضه واقوم من العوار ليش تسكتين عبالهم رييجيم.

 

[الاسطورية]

الصراحه ودي ارد على وحده وحده صج انتو خوات توقفون يم الوحده موبس بفرحها بحزنها بعد

اشكر كل وحده نصحتني وانا قاعده احاول اسوي كل شي
مشكورين حبايبي