ومنو غيركم يواسيني :(

[خشف العرب]

لاحول الله فديتج والله شوفي العين حق انتي مثل حالتي الناس مايخلوني بحالي ابدا سواءا بحفله عرس دوام جننوني تدرين شيقولون كل مالج تحلوين موطبيعيه شمسويه جننوني قعدت ازفهم واقولهم اشفيكم عسي الواحد مايمتن ومرتاحه نفسيته كليتوه واقولهم اذكروا الله بالوجه ولا استحي منهم ليما خلوا كل الامراض فيني والله المستعان لو اقولج تنصدمين قولي الحمدالله علي كل شي واللي فيج عين رقي عند الشيخ بوحاتم في الصباحيه والله ثم والله سرت شحلاتي وعطاني عسل فيه دوا وقالي تاكلين شوي سدر والسدر ماينشرب لانه كان شاك فيني شي في بطني والله قالي راح ينزل اي شي فيج ان كان مسقيه او مسحوره او اي شي ببطنج والله ثم والله يابنات نزل مني وانتوا بكرامه شي اخضر مع كل اكله عسل كنت اكله الصبح عالريج بس والله سرت شحلاتي وزاد وزني وراح الالم اللي معاي كنت اردي منج ونزل وزني صرت هيكل يمشي تفائلي بالخير وسوي اللي قلت لج

 

[ألوان الطيف]

شلونكم حبيبتنا ألحين طمنينا عنج ؟؟

 

[^ليلاس^]

حبيبتي ماتشوفين شر ما تستاهلين بس انشالله مرحلة وتعدي وتردين مثل قبل واحلى :aha:

 

[الاسطورية]

خشف استانست لج والله دوم ان شاءالله
ياريت تدزيلي رقمه وعنوانه وطريقته
بالنسبه لحالي بالنااازل
حاولت وغيرت جو وطلعت امس رحت تغديت بنينو وانا اكل فجاه بطني مادري شنو صار فيه وحسيت الدنيا تدور رديت البيت بسرعه

الله يعيني انا بحال صعبه وايد

مشكورين

 

[cuteya22]

انا صار فيني نفسج بالظبط و محد عرف لي و قالت لي دكتورتي بالجامعه اروح مختبر الخليج الي صوب عيادة العصفور و اسوي نحليل خروج اذا كان الخروج فيه جرثومة اسمها اميبا او لا وفعلا طلع في و كتبتلي دكتورتي 12 حبة متروندازول اكل 4 حبات 3 مرات باليوم و مضاد حيوي اسمه تتراسايكلين و خليت الشمالي يسويلي الوصفه يعني يبتله ورقه من دكتورتي بالجامعه و نتيجة تحليل المختبر او وافق يكتب لي وصفه بالدوا و الله و صرت زينه
ترى دكاترة الجهاز الهضمي مايعرفون حق الاميبا انا الشمالي قالي انا خذيت عينه من المنضار و مافيها اميبا قالتلي دكتورتي لان الاميبا ماتعيش بره البطن مده طويله فدكاترة الجهاز الهظمي مايكتشفونها يعني لازم تروحين المختبر الصبح واكرر الصبح و تسوين تحليل الخروج بالمختبر او حتى لو بالبيت اذا بيتكم قريب من مختبر الخليج و تغطين العينه عدل
صدقيني حللي لا تخلين

 

[@راسي مرفوع@]

اسال الله العظيم ان يشفيك
اختي الاسطوريه كل اللي فيج قولون عصبي ونفسيه تعبانه ومحاتاه زاده عن اللازم
نصيحتي لج سافري انتي وزوجج وغيري جو ولا تفكرين انج تعبانه فكري بس شلون تونسين نفسج ( وحيلج بالسوق بصراحه يوسع الخاطر)
ولا تنسين العاء واكثار الاستغفار

 

[طويلة البال]

تعوذي من ابليس ياقلبي مافيج الا العافيه ان شاءالله
قال تعالى (قل لن يصيبنا الا ما كتب الله لنا هو مولانا وعلى الله فل يتوكل المؤمنون)
يمكن عين صابتج من وحده مناللي كانو بالحفله
ليش ما تعزمين كل اللي كانو موجودين وتشربين من فضلتهم وتتوضين منه


ولا تضيقين خلقج .. وتتضايقين العمر قصير .. يبه شماخذه من الدنيا ..

تفائلي بالخير ..وشدي حيلج ..ترانا ننطر بوتيكج هااا شباجي عليه؟؟

 

[SILVER ROSE]

لاحول ولا قوة الا بالله الله يشافيج

 

[شهدQ]

لاحول ولاقوة الا بالله

حبيبتي الرقية بس بايمان

صدقيني ماكو الا الخير

طمنيني عليج احاتيج

 

[[]نهاوند[]]

خلي ايمانج بالله قوي وان شاءالله مافيج الا العافيه

اكثري من قراءة القرآن تقولين انج ماتطلعين من البيت نفس قبل اشغلي وقتج بقراءة القرآن

حافظي على الصلاه ولا تطوفين الفروض واكثري قيام الليل

اذا قدرتي خلي زوجج يوديج عمره كم يوم من تشوفين الحرم وتصلين فيه وتشربين ماي زمزم صدقيني بترتاحين وتتغير حياتج وتردين مثل قبل واحسن

ماتشوفين شر ان شاءالله ​

 

[كويتيات]

الله يشفييج وما فيج إلا العافيه ان شا الله ما ازيد على كلام البنات ...وشحلااات الظعف لا تحاتين وايد استاانسي يالله وخليها نيووو لوك حق ريلج و نطري كلها جم يوم وتردين تمتنين ^_^

 

[البسمه الخجوله]

الاسطوريه والله ضيقتي خلقي وحاسه فيج


نصيحتي لج على طول رقي نفسج بالاذكار الصباح والمساء خاصه قبل لاتروحين عزايم ومناسبات
2) روحي شيخ يقرا عليج
3) حاولي اتوظفين بأسرع وقت لان الشغل بيعدل مزاجج ويشغلج وينسيج همومج عكس قعدة البيت !! انا بعطلة الصيف اصير جني طالعه من القبر !! صج قعدة البيت مو زينه

واخر شي اتمنى من كل قلبي ان الله يشفيج حبيبتي

أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك

 

[سما الكويت]

اسال الله العظيم رب العرش العظيم ان يشفيج

اسال الله العظيم رب العرش العظيم ان يشفيج

اسال الله العظيم رب العرش العظيم ان يشفيج

اسال الله العظيم رب العرش العظيم ان يشفيج

اسال الله العظيم رب العرش العظيم ان يشفيج

اسال الله العظيم رب العرش العظيم ان يشفيج

اسال الله العظيم رب العرش العظيم ان يشفيج

ماتشوفين شر يا الغاليه..

 

[ام عفاف الكويت]

قلبي حياتي والله مافيج الا كل خير وعافيه

انشاء الله يارب يشفيج ويعافيج

ويبعد عنج عيون الحساد يارب

قلبي انتي والله تضايقت حيل

يالغالية رقي نفسج كل يوم قبل ماتنامين

عين الناس ماترحم

وانتي قلتي بنفسج زاد بعد الحفلة

عين ماصلت على النبي

ياحياتي ان عندج ماي زمزم

غسلى ويهج فيه ياقلبي

ومسحي المنطقة اللى تعورج ياقلبي


ياحياتي والله ماتشوفين شر

ومافيج الا كل خير وعافية

باذن الله

ويعطيج طولت العمر والصحه حبيبتي

 

[طوق البنفسج]

اسال الله العظيم رب العرش ان يشفيج ..

لش ماتروحين بره لو اسبوع .. على الاقل اتطمنين .. اذا قالولج مافي شي عضوي اشتغلي على الرقيه الشرعيه و عند شخص ثقه .. و اذا ماتقدرين على السفر طرشي تقاريرج بره .. على الاقل اتكون في كلمه مضبوطه

الانه الصراحه دكاتره الكويت خواره انا ما اثق باي واحد منهم..

 

[فقدتك يانور عيني]

ماتشوفين شر
لاحول الله الناس مومخليه الواحد بحاله انتي ارقي نفسج لاتخلين الرقيه الشرعيه اكو كتب حيل زينه اقريها بعد صلاة الفجر وصلاة العصر والله العين حق وكثر الحسد بين الناس سبحان الله العافيه حلوه الوحده تبي الضعف وتدعي على نفسها ان الله يسد نفسها عن الاكل ماتخاف يجيها مرض صج نتحس بمعنى العافيه كلامج حيل أثر فيني موحاسين بنعمه العافيه الا لما نفقدها الله يشفيج

أسأل الله العظيم رب العرش العظيم ان يشفيج

 

[صفيه]

وااااي حبيبتي الاسطوريه قريت موضوعج وااايد حزنت حبيبتي..الناس ماتعطي خير..


بس اقري علي نفسج تري حتي قرايبج منج وفيج يحسدوني..اقولج سالفه صارتلي العام والله العظيم

اني ماجذب عليج.,,يوني حريم وسولفت معاهم قالت وحده منهم وي ليش جذي جسمج متناانه وايد..

ردت وحده بس للأسف تقربلي حييييل قالت وي الله يهداج من سعاده صايره بطه...,,

شوفي شلون الحسد من الجماعه لحم ودم تحسدني جذي.. علي طول رحت الشيخ أبو مشعل باالجهراء

والحمدالله..صرت زينه ,,حبيبتي الاسطوريه انتي جذي حاسدينج علي زوجج وعلي حياتج..اصلا انتي

مافيج لاقولون ولاشئ فيج سبب يعني عين هي اللي خلتج متاكلين وتضعفين روحي لشيخ لاتتركين روحج

اذا بتفكرين راح يعكس على شخصيتك ويصير فيج مرض نفسي الله لايقوله..

(اللهم رب الناس أذهب البأس اشف اختي انت الشافي لاشافا الاشفاؤك شفالايغادراسقما)

 

[النوالنو]

هلا شوفي خليهم يسون سونار علي المراره يمكن فيج حصوات بالمرارة تسوي جذي تري لازم تسوين نفس سالفتي سنتين من المعاناة يقولون جرثومه مره قولون ومره مدري شنو اخر شي طلعت حصوات بالمرارة سويت اكثر من سونار دار شفا والفراونيه قالوا مافيج شي وراحت الهادي قالوا حصوات لا زم عمليه والحمد الله

الله يشفيج يارب
لازم تسوين سونار

 

[[ . . Jee Jee . . ]]

سلامتج والله ماتشوفين شر من صج ضيقتي خلقي وان شاءالله ان شاءالله تطمنينا عليج بأخبار حلوة قريب
انج صرتي احسن وكل شي صار اوكي ..

 

[الاسطورية]

احبكم والله احبكم

كل وحده ردها فيه اهتمام كانها تكلم اختها

مادري شقولكم
بس صج وقفتو معاي وقفه اهل