وناستنا في رشاقتنا (( الجزء الثالث ))

[teenaa]

روحي الصيدله حبوبه اخذي حبوب مسهل

والله يثبتج ويثبتنا

 

[ام فجور 2008]

حيا الله صفوا الوداد شلونج وين هالغيبة


طووطوووووو
شوفي سلمج الله جذي حالتج مو زين انا مرة صادفتني ورحت المستشفى والدكتورة زفتني زف لان يسبب الامساك صداع وتسمم
عطتني تحاميل بس ما انصحج فيهم
تدرين شتسوين

اخذي روب كامل الدسم حطي معاه زيت زيتون وقفشة حبة الركة على الريج اكليهم

 

[طووط طووط]

ام فجوره لا مسويه رجيم معين وماابي ازيد عليه بمشي عليه مثل الساعه

>> ما عندكم اسم دوا يفيدني؟

 

[ام فجور 2008]

لا تينا ما انصحها بالحبوب والتحاميل

لانها تسبب ارتخاء لعضلة الشرج خل تاكل اشياء طبيعية احسن لها
انا كنت اخذ حبوب فادتني جم يوم بس بعدين عادي ماقامت تاثر فيني اخذت تحاميل تعبت منها حيل والصيدلي قالي ترى الاشياء الي جذي ترخي عضلات الشرج
خلج على الاشياء الطبيعية

<<<<<<صايرة دكتورة

 

[ام فجور 2008]

فطوم لا تتريقين خلي الروب ريوقج ترى مو زين كثري من الماي الدافي
حطي بقوقل علاج الامساك ويطلع لج

واذا مصرة على الدوا روحي المستوصف اخذي تحاميل منهم

 

[طووط طووط]

اهاا انشالله اشربلي اعشاب و هل سوالف

 

[صفو الوداد]

تسلمين ام فجور
يقولج من طول الغيبات ياب الغنايم وانه راده ب4 كيلوات زيادة
خبرج اختج مدرسة قعدت باجازة العيد وفجيت حلجي
طوط حبيبتي بالعافية عليج الريوق.. تسوين رجيم الكربوهيدرات؟
ضروري تاخذين ملين حبوب أو النورماكول موجود بالصيدلية وكثري من السوائل+ قبل ما تنامين اكلي برتقالتين +كوب ماي

 

[ام فجور 2008]

صفوو النورماكول شنو هذا؟؟

 

[طووط طووط]

اي قاع اسوي رجيم الكربوهيدرات
اختي مشت عليه مشالله نزلت من 84 لي 67 و انه فترته طويله نسبيا 9 اسابيع و تصغر المعده فما تردهم
اي انشالله امر الصيدليه اليوم
وادعولي انشالله انزل و استمر اليوم اخر يوم لي بالاسبوع الاول
و مشيت فيه تمام و بالحرف بس امس يمعت كل الوجبات بعشا بالمطعم بس يعني ما خربطت ذاك الزود بس خربطت >> حق التبريرات زاهبه لوول
>> بس ما نزلت لانه على تاريخ 6 من الشهر تزورني الحلوه >> اسبوع المرور p:

 

[teenaa]

حلو بس احسه مو على كل جسم يمشي

 

[ام فجور 2008]

فطوم شكثر مشت عليه

 

[طووط طووط]

اممم ليش؟
انا اول مره اسويه
طبعا شكثر سويت رجيمات وااي مليون بس انزل 10 الى 15 و اوقف و مع الوقت يردون و معاهم ربعهم جم كيلو زياده
بس هل مره ناويه صج صج اكمل على الرجيم صج محتاجه انزل
كان المفروض انه تكون ملجتي على شهر 12 بس الحمدلله الحمدلله تأخرت الى أجل غير مسمى لانه خطيبي لي الحين شهادته ما وصلت من بره فناطرينها توصل وقالو احتمال توصل على شهر 1 او 2 و بعدين شهر على ما يتوظف فيعني حداا مستانسه في وقت اضعف لوووولز
حدي مستانسه على السالفه >> و الخطيب لووول حدا متأزم لووولز >> ما يعلم مافي بال حواء p:

 

[طووط طووط]

مشت عليه ال 9 اسابيع وصج مشالله ارادتها قويه

 

[ام فجور 2008]

الله يوفقج انشاءالله
بس بعدين سوي جلسات شد قبل الملجة
انتي جم وزنج

 

[صفو الوداد]

ام فجور النورماكول علبه فيها مثل حبوب صغار مثل طريقة اللهوم تاخذين قفشة مع كوبماي وتمشي البطن احسن من الحبوب
طوط الله يوفقج وانه كنت مجربته جدا مريح وسهل وحلو ومايقيد بس اهم شي فيه انج ما تخربطين نهائي خلال 9 اسابيع
وتينا صح كلامج مايمشي على كل جسم يعني انه مانزلت فيه وايد بس 10 بس وايد المقاسات فرقت معاي وامي سوته معاي نزلت اكثر

 

[صفو الوداد]

طوط الله يتمم عليج وان شاء الله تضعفين قبل ملجتج

 

[teenaa]

طوووط
بدعتي

لووووووووووول اي والله ما يدري شنو في بال حواء

احنا بوادي واهما بوداي

اهوا يحاتي الملجه واهيا تحاتي الرجيم

 

[teenaa]

ام فجور النورماكول علبه فيها مثل حبوب صغار مثل طريقة اللهوم تاخذين قفشة مع كوبماي وتمشي البطن احسن من الحبوب
طوط الله يوفقج وانه كنت مجربته جدا مريح وسهل وحلو ومايقيد بس اهم شي فيه انج ما تخربطين نهائي خلال 9 اسابيع
وتينا صح كلامج مايمشي على كل جسم يعني انه مانزلت فيه وايد بس 10 بس وايد المقاسات فرقت معاي وامي سوته معاي نزلت اكثر

تدرين عاد انا رجيم التمر زادني كيلو باليوم وكل الناس ضعفت عليه

لان يفرق من جسم لي جسم

 

[طووط طووط]

وزني 90
حداا وايد بس تدرين احنا البطات حلنا الوحيد كل ما تضايقنا كلينا والله مشكله
بس انشالله انشالله لي اخر ال 9 اسابيع اوصل 79
>> على الاقل اشوف السبعه بالميزان
و انشالله قايله بس انزل 10 ببدا اسوي مساج و هل سوالف لانه الحمدلله نوع جسمي ما يترهل وايد و الله كريم

 

[teenaa]

طوط
انا كنت بطه وجسمي شاد
بس الحين ترهل