{ونـــــــــــــــاستنا في رشــــــــــــاقتنا }(تمديد الى 17-7)

[ام فجور 2008]

على طاري رمضان والقرقيعان شنو بتلبسون حق القرقيعان

 

[~ MhMh ~]

أنا عندي صبيان ألبسهم دشاديش و صديري و طاقية و من هالسوالف
البنات اهما اللي يحيرون

 

[~ MhMh ~]

أم فجور سافري سفرة لو بسيطة و قصيرة تغيرين فيها جو و تنعشين حياتج الزوجية


وين خاطرج تسافرين؟؟؟

 

[ام فجور 2008]

والله عادي اي مكان بس اكثر شي ودي بالعمرة

 

[ام فجور 2008]

انا جذي محتارة حق بنتي شنو البسها بخاطري شي غريب بس مادري شنو

 

[~ MhMh ~]

أم فجور العمرة حلوة.. و هاليومين الجزيرة مسوين عروض حلوة بودينارين يمكن تطلعلج التذكرة ب20-30 دينار

 

[ام فجور 2008]

مهمها متى تعطلين وشلونج مع الرجيم شنو رجيمج هالاسبوع

 

[FuLL.MooN]

السلام عليكم صباح الخير شلونكم صبايا

 

[ام فجور 2008]

اهلين فل مون وعليكم السلام

 

[FuLL.MooN]

هلا والله
شخباركم
انا اليوم صايمة عطوني اختيارات حق الفطور

 

[ام فجور 2008]

_03ba: اعترفوا ياحلوات كل وحدة تقول شنو كلت


انا شربت عصير انانا واكلت قطعتين صغار من كاكاو الرجيم

وانشاءالله اتغدى تكا ودايت انشاءالله

 

[ام فجور 2008]

فل مون الله يتقبل منج

اول شي افطري على تمرة ويفضل لبن اكتيفيا معاها وبعدين قومي صلي المغرب
سوي لج سلطة اذا تبين بعد سوي لج حمسه همبرجر بس مشوية مع دايت
وبعدين عقب ساعتين حلي باي شي كاكاو كتكات او اي نوع ثاني بس حجم وسط مو كبير
والسحور توست مع لبنه ودايت او جيز بيرجر من ماكدونالدز

 

[ام فجور 2008]

فل مون ياقلبي هذه رجيمات شوفيهم



رجيم عبدالمطوع
الفطور:
3 تمرات + (لبن خالي الدسم او شوربه بدون كريمه او دايت ) + كوب ماء + 2 سمبوسه او كبه

بعدها الصلاة
بعد الصلاة 6 قفاش من اي طبق رئيسي او 3 قفاش مع قطعه لحم او دجاج تقريبا حجمها نص كف اليد + دايت

بعدها اعشاب الدكتور

الساعه 9
الحلو وعباره عن
2 قطايف او صب القفشه او 2 ملعقه كنافه .....الخ + قهوه او شاي

السحووور:
اول 3 ايام
دايت + فطيره (حلوم او لبنه ) او صمون اسمر مع حلوم او لبنه او جبن قليل الدسم او Chease burger من ماكدونالدز

بعدها
دايت + 4 فواكه (ماعدا المانجا والعنب)
دايت + موزه كبيره


رجيم طالب الشمري

الافطار

1-5 تمرات
كوب لبن/روب + كوب ماء

صلاه المغرب

بعد الصلاه
5-20 ملعقه مشكل ( مثلا 5 ملاعق هريس +10 ملاعق تشريبه + 5 ملاعق رز)
+سلطه او شووربه خضار اي نوع ماعدا العدس


او 1-10 ملاعق مشكل + مقليات من 1-4 (سمبوسه او كبه) او لحمه /دجاج/سمك
+سلطه او شوربه خضار

بعد صلاه العشاء
1-4 قطع حلو مع قهوه او شاي

السحور:
2 توست + جبنه/لبنه/بيضه+خس + خيار + طماط +شاي او دايت
او : كوب حليب /روب/ جبن ابيض 1-2 _ سلطه + فاكهه (برتقال او كيوي حسب الرغبه)

ممكن اخذ حبه زينكال بعد الفطور

 

[FuLL.MooN]

لا تاخذون حبوب بيوقف قلبي وانا احن عليكم يرحم والديكم لا تاخذون حبوب
ومشكورة على الريجم...

 

[~ MhMh ~]

أهلين أم فجور .. وفل مون


أنا أعطل 6/7 <<الاسبوع الياي

ريجيمي حطيته بالصفحات اللي طافت و إن شاء الله أصمد و ما أخورها << ودي أنزل أكثر وزن قبل رمضان

 

[~ MhMh ~]

عندي توزيع شهادات
برب

 

[ام فجور 2008]

الله يوفقج مهمها

خلاص فل مون مو ضروري الحبوب بس كثري ميرامية

 

[~ MhMh ~]

_03ba: اعترفوا ياحلوات كل وحدة تقول شنو كلت


انا شربت عصير انانا واكلت قطعتين صغار من كاكاو الرجيم

وانشاءالله اتغدى تكا ودايت انشاءالله

أنا اليوم تريقت شريحة توست+ جبن سلايس و طماط و خيار و خس

بعد شوي باكل تفاحة
و غداي شيش طاووق + سلطة
و إن شاء الله ما أخربط:ggdw:

 

[FuLL.MooN]

انشاء الله بكثر مرامية
انزين الشريط لما دشيت الويب سايت سويته بعدين اشلون انقله حق اهني ؟

 

[~ MhMh ~]

فل مون .. تقبل الله صيامج

أحسن شي للفطور 3تمرات+ لبن و قومي صلي بعدها بعشر دقايق

الفطور خليه خفيف: شوربة + تشريبة+ سلطة
أو شوربة + سلطة + 5 قفاش عيش مع قطعة ايدام


يعني لاتثقلين