{ونـــــــــــــــاستنا في رشــــــــــــاقتنا }(تمديد الى 17-7)

[ملح و سكر]

ام فجور انشالله بس راح يكون التنافس مع منو ....عطينى خبر

 

[عنيّد]

MhMH ،، حياج الله دشيييييييييي ، أنا المتحدث الرسمي بغياب منمن خخخخخخ ، حياج معانا جدامنا شهر كامل بعد ما منمن مددت الفترة


بنااااااات
يوم السبت الي هو بااااااااجر >>> الميزاااااااااان ياااااحميداااااااان :ggdw: وعند الميزاااااااان يكرررررم المرررررء آآآآآآآو :tomato2:

بنات باجر نكمل الاسبوع الرابع ، ماشالله ماشالله طارت الأيام

 

[ملح و سكر]

انا اليوم ماراح اتغدى ....لانى ابى ادبنها على العشا
اقدر اليوم اوزن وباجر اعطيكم النتيجه

 

[ام فجور 2008]

ملح وسكر انا معاج ومن من مع بطة رشيقة

عنيد شلونج

اي والله ملكة انا اذا راح اقضي وقتي اخلص شغلي

 

[ام فجور 2008]

انا هالاسبوع اتوقع مانزلت شي لان لهيت مع بنتي بالمستشفى
والدورة شرفت علي

 

[ام فجور 2008]

امبيه حاطين عن الخدم حسبي الله عليهم شلون ذابحين الاعيال يا ويلي والله عيني دمعت شلون مقطعه البنت ولا الجلبة الثانية حشاكم
ذابحه بنت كبيرة الله يرحمهم

 

[عنيّد]

ملكة ،، هلاو هلاو فيج ، اهو باجر صح نكمل 4 أسابيع بس أساساً ، يوم 17/6 نكمل شهر حسب كلام منمن انها حاطه شهر من تاريخه واحنا بدينا (17/5) :tomato2:

ام فجور ،، هلا فييييج انشاءالله تكونين نازله ولو شويه هم نعمه

 

[mn.mn]

السلاااااااااااااااااااااااامو عليكو

توني رادة من الافنيوز وللاسف ما حصلت مطلبي ومرادي بعد 4 ساعات من البحث

أقرا اللي طافني وأرد لكم

 

[عنيّد]

هلاااااااااا منمن
شنوووو مرادج بالله يمكن احنا نحصله لج <<<< ملقوفه :dddds:

 

[ام فجور 2008]

اهلين من من شعندج رايحه بهالزحمةالحين

 

[ام فجور 2008]

عنيد شفتي خالد عبدالجليل والله كرهني بالخدم

 

[mn.mn]

هلا والله عنيد وام فجور الله يسلمكم مرادي نفنوف تحت الركبة ذررررررررررررب يضعف وينفع حق حفلة ببيت

يكون لونه غامج واقدر احط معاه مكياج خفيف بالبيت وما يكون حفر >>> ياناس دلوني درب السنع وينه ؟؟؟؟

والله قعدت الصبح والياهال كانوا نايمين جان اشيل قشي واروح وقلت منها امشي اعوض عن خراب امس

وللأسف مارديت الا بحتاحيت حق بنتي وتكرمون جوتييين وبس

وعلى الصعيد الرجيمي ريوقي كان نسكافيه وحليب والغدا كباب وسلطة ودايت

وبعد شوي بقوم العب على الاوربتراك

شفيه بعد العبد الجليل ؟؟؟؟؟؟؟؟؟؟؟؟

 

[روعة خيال]

مرحبااااااااااااا


شلونكم

ريوقي بيضتين مقلية بدون زيت و سلطة معاها زيت زيتون

ام فجور سكتي انا هونت كنت بييب خدامة الحين نو وي

 

[عنيّد]

ام فجور ،، والله شوفي ، مو عبدالجليل الي عرفنا بالخدم وسواياهم ، هذا شي معروف من عمر
وانا وحده ضد وجود الخدم بالبيت الا بالشدييييييد القوي ، واذا تواجدوا فهم للتنظيف وكوي الملابس فقـــــــــــــــــــــــــط
يعني تربية العيال مهما يكون أحبها تكون على الام ، الطبخ أحبه يكون على الام ، والله باجر العيال لما يكبرون ومهما يوصلون بيظلون يقولون امنا ربتنا ويحنون عليها لو صار عندهم أحفاد بعد ولي الواحد مرته طبخت يقول الله على طبخ امي ، اعيال هالايام شيقولون ؟ الله على ماي امي ! والله امهات هاليومين أصلاً أشكالهم ماتوحي انهم امهات :s
خليها على الله بس ، طبعاً مايحتاي أقول ان كلامي موجه للبعض ومو عام


منمن ،، للأسف ماعندي فكره عن هالشي ، لأني للحين مادش السوق ناطره لما أضعف ومكتفيه باللي امي تشتريه لي :ggdw:

 

[mn.mn]

هلا والله روعة وبالعافية

بالنسبة للخدم بالواقع ما نقدر بدونهم واللي يكفينا شرهم ان شاء الله بس اهم شي انه ما نعتمد عليهم بكل شي

ام اج حيااااااااج الله معانا ويوم السبت يوم الميزان تطرشين لي وزنج السابق ووزنج الحالي وكل أحد التقرير

شمس الضحى هلا يا قلبي لا تحاتين انا دايما اخربط وارد وما اضيع تعبي والحمد الله الحين صرت احسن

باجي البنات بدون ذكر اسماء اقولكم عليكم بالعافية واللي سالت عني ما قصرت تسأل عنها العافية

ولاتنسووووووووون باجر الميزان

 

[mn.mn]

ملووووووووك وي عاد الطلعة اهي اللي تخرب الرجيم الله يعينج وما تخربين عاد باجر الميزان

 

[ام فجور 2008]

من من تبينه نص جم يعني ولا شنو

عاد انا صج ما احب الخدم الا للمساعدة والوقت الي انا اكون فيه

 

[mn.mn]

اي ام فجور ابيه نص جم ام 3 ارباع لان زندي لي الحين متين مو حلو البس حفر

وابيه قصير الحين هذا الدارج بس مو وايد تحت الركبة وابي لونه غامج بس مو سادة يعني مشير بس غريب مو مألوف

حست بالافنيوز ما حصلت شكلي بروح مجمع زهرة

 

[ام فجور 2008]

من من خيطي
صايرة ما احب الجاهز
مادري ليش صار عندي عقدة من الجاهز اقول اكيد في وحدة لابسه نفسي
انا اليوم العرس الي كنت معزومة عليه بس ماني رايحه لان فجورة للحين وما اقدر اخليها

 

[ملح و سكر]

انشالله يكون خوش تنافس ونضعف عدل مدل
جم وزنج ام فجور ...انا مثل ماقلت لكم 73 وانشالله اكون نزلت انا موطماعه لو بس
كيلو انا راضيه ......
انا الحين اسلم عليكم لانى بروح الصالون واذا رديت انشالله مبجر
ادخل المنتدى .....see you ......