وهيآآآآآ.... كوكا كولا في كوالالمبور +لنكاوي 11/6/2012م

[كوكا كولا]

السلام عليكم ورحمة الله وبركاته​

تقرير سفرتي إلى ماليزيا + جزيرة لنكاوي
المدة 14 يوم​

على طيران القطرية​

​

كلفتنا التذاكر للشخص 205 دنانير
للعلم كنا حاجزين التذاكر من شهر 3 علشان الأسعار ما ترتفع
وحجزنا الفنادق والطيران الداخلي كله كلفنا 500 دينار كويتي ​

سفرتنا كالتالي​

3 ليالي كوالالمبور
3 ليالي جزيرة لنكاوي
6 ليالي كوالالمبور​

طبعا رأس المسقط كوالالمبور ننطلق منها كل يوم بجولاتنا السياحية​

الفنادق الي حجزناها كلها الحمدلله كانت فوق الممتازه واعطيها اكثر من 5 نجوم بصراحة
بكوالالمبور حجزنا مرتين بنفس الفندق لأنه ممتاز وموقعه جداً قريب من شارع العرب
وعلشان نخلي الجنطة الكبيرة عندهم بالأمانات لما بنروح لنكاوي​

بكوالالمبور في (سويس جاردن هوتيل)
انتبهوا مو سويس جاردن ريزورت لأن ما يمدحونه كلش
لأنهم يم بعض احنا فندقنا الأبيض الي صاير مثل المدرج اما الطويل الي وراه اهو سويس جاردن ريزورت​

وفي لنكاوي حجزنا في منتجع (ميريتوس بيلانقي بيتش)
وكااااااااان رووووووعه وشي خيااااال
نظام اكواخ على البحر والكوخ مالنا مقابل الشاطئ​

يالله نبتدي معاكم الحكاية :eh_s(7):​

~~~~~~~~~~~~~~~~~~~~~~~​

في البداية​

طبعاً من الفرحة والوناسه نوم ماكو
كل شوي نتقلب يمين ويسار والسؤالي الي تكرر ساعتها كل دقيقه​

نمت؟؟؟
لا... انتي ما نمتي؟؟؟
لا مو جايني نوم؟؟؟؟
ولا أنا بس لازم ننام ورانا سفره باجر ولويه
اي بحاول انام....​

ونتقلب يمين ويسار ألف مره ههههههههههههه
طبعاً من كثر التفكير والفرحة النوم طار والعيون مبققه​

جهزت الجناط طبعاً جنطتي لازم بآخر لحظه تتسكر لأن في اشياء استخدمها مثل الميك ام ومجموعة عنايتي ببشرتي​

هذي فلوسي الكويتية يا حلوها قبل لا احولها للرنجت الماليزي​

​

​

وهذي فلوسنا بعد ما حولناها للرنجت الماليزي شكلها تونس لووووول
ونصيحه دايما حولوا فئه 50 رنجت لا تآخذون 100 لأن راح توهقكم شوي​

​

​

سكرت الجناط أخيراً وحاطه ببطن الجنطة الخضره جنطة سوده بحجم الي بره ام ورود ابيض واسود​

http://www.0zz0.com​

والساعة 3 وصل التاكسي وخذانا لمطار الكويت الدولي​

اول ما وصلنا على طول سوينا البوردنج ودخلنا الجناط ورحنا نتغدا تغدينا في بيتزا أكسبرس
طلبنا بيتزا وبيبسي​

تغدينا وقعدنا نفتر شوي بالمطار لأن طيارتنا تطير 5:45 دقيقة ​

وصورت مجسم مطار الكويت الجديد الي راح يسوونه بإذن الله وكان المجسم وايد حلو​

​

قعدنا شوي بكوفي وهذي صورة بس ترا الصورة هذي قديمه لوووووول
يوم سفرتي للعمره ما صورت نسيت بس قعدنا بنفس الكوفي شوب
ولأنها بعد يم البوابة مالتنا​

​

دخلنا البوابه الساعة 5 ضبط​

هني ركبنا الطيارة وكانت الصغيره مو الأير باص ونظره من مطار الكويت قبل الطيران​

​

طبعاً الشاشه كانت باللمس ومن بدايتها اشتغلت تعبث لوووووول ما اعرف احب التكنولوجيا لازم اتعبث بكل شي
وطبعاً جهزت الأفلام وأفلامهم وايد حلوه وفي جديد وقديم​

​

طبعاً هذي مادري شنو لوووووووول بس اتوقع لشحن الأيفون ههههههههههه بس ما جربته لأن الشاحن بالجناط
وانا مركبه كفر أيفون شاحن يخلي ايفوني 6 ساعات شحنه 100% وبعد 6 ساعات يبدأ يستهك شحن الأيفون نفسه​

​

وبسم الله طارت الطيارة وأيدي بأيد حبيبي فديته​

​

يتبـــــــع...>>>>>>>>​

 

[كوكا كولا]

ترا تصوير البداية لحد ما وصلت مطار كوالالمبور كله صورته في أيفوني
لأن كاميرتي كنت حاطتها فوق بالهاند باق الصغيره وما خذيتها الا لما وصلنا كوالالمبور​

بس أيفوني قام بالواجب ​

نكمل معاكم باقي التقرير المصور لرحلتي​

~~~~~~~~~~~~~~~~~~~~~~~~~​

هني اول ما طارت فينا الطيارة من مطار الكويت
ونظره للكويت ومباني الفروانية لوووووول والمطار من بعيد​

​

​

​

لاحظوا معاي الغبار لووووول شلون شوي شوي يروح لما ترتفع الطيارة فوق السحب يصفى الجو​

​

​

​

لاحظوا هني الخط الفاصل بين الغبار الي تحت وصفاء الأجواء فوق السحب​

​

هني وزعوا علينا وجبه خفيفه تشيكن ساندويتش حلوة وطلبت ماي كنت عطشانه
طبعا ريلي قلاصه ازرق وانا وردي​

​

قرب غروب الشمس​

​

غربت الشمس يا حلو المنظر​

​

نظره خاطفه لداخل الطياره​

​

وهني صار بالليل​

​

يتبــــــــع....>>>>>>​

 

[كوكا كولا]

وصلنا قطر (مطار الدوحة)​

شوفوا معاي الخريطة​

​

بينت شوي شوي ملامح الدوحة من بعيد​

​

​

نزلنا الحمدلله لمطار الدوحة​

​

شوفوا طيارات القطرية شكثرها ما شاء الله ترتيب مطارهم حلو​

​

​

حطوا لنا الدرج ونزلنا وركبنا الباص​

​

طبعاً شوي بتكلم عن الترانزيت الي صار لنا​

الترانزيت الي اخترناه ساعة وحده بس
اول ما وصلنا ريلي راح يدخن ولما خلص عزكم الله رحت الحمام علشان ورانا مشوار طويل
تقريبا 7 ساعات ونص من الدوحة لي كوالالمبور​

ما مداني طلعت من الحمام عزكم الله الا وريلي يقول ياللللللللله بسررررررررررعه راحوا عناااااااا​

بسرعه رحنا للبوابه ونزلنا ولا ماكو أحد :eh_s(16): ولا يفتحون البوابه ونركب الباص بس انا وريلي ماكو احد غيرنا​

وشوي وخذونا للطياره ولا الطيارة الأير باص الكبيرة فلللللللللللل واحنا آخر ناس
ولا في ناس قاعدين مكاننا :eh_s(2): ضاق خلقي قلت أكيد خلاص راحت علينا
وشوي ولا يجي الكابتن يشوف المشكلة والحمدلله احنا صح واهم قاعدين مكاننا بالغلط
وقعدنا مكاننا الحمدلله​

ما شاء الله بسرعة الترانزيت ما مدانا نزلنا الا ركبنا الطيارة الثانية​

وطرنا بعدها الحمدلله إلى كوالالمبور.... ونظره من مطار الدوحة​

​

بعدها بشوي لما استقرت الطيارة بالأجواء وزعوا علينا مينيو العشا
علشان نعرف شنو بيقدمون لنا عالعشا لأن في خيارين​

​

وهذا المينيو من داخل​

​

​

وزعوا علينا سناك خفيف مكسرات وعصاير
خذيت عصير تفاح مع السناك​

​

قعدت اطالع أفلام واخترت فيلم جديد اسمه Safe House واااااايد حلووو​

​

​

بعد ساعة وشوي وزعوا علينا فوطة حاره

وزعوا علينا بعدها العشا وكان لذييييييييييييييذ
رقم 2 هذا سلطة عجيبه سلطة البطاطا الحلوة حدها عجيبه مع الصوص البيضه مالتها
والطبق الرئيسي اخترت الخيار الثاني لحم بقري حده لذيذ وترف والخضار والعيش الي معاه لذييييييييييذة​

​

بعد العشا وزعوا علينا فوطة حاره علشان نمش أيدنا عقب العشا
بصراحة القطرية واااااااايد ممتااااااااازه خدمات واهتمام واكل وكل شي

بعدها طفوا الليتات وعندنا مخده ولحاف ريلي نام وانا قعدت اطالع افلام
وخذيت لي غفوه يمكن نص ساعه


يتبــــــــــــع......>>>>>​

 

[كوكا كولا]

نكمل معاكم التقرير التفصيلي علشان تعيشون أجواء الرحلة معاي


شبوا الليتات علشان يوزعون علينا الريوق

وهذا الريوق شاي حليب + ساندويتش دجاج مثل المرتديلا مدخن معاه أجبان لذيذه





فتحت الدريشه ولا بدأت السما تنور







وأخليكم مع مراحل الأجواء الخارجية للطيارة شلون نورت الدنيا وطلعت الشمس منظر عجيب مع الغيوم











وهني دخلنا ماليزيا شوفوا الجواء الحلوة




















استعدينا للهبوط












ونزلنا الحمدلله في مطار كوالالمبور الدولي















أكتفي معاكم بهالقدر لحد ما أجهز الصور

هالله هالله بالردود الحلوة علشان اكمل باقي التقرير لكم​

 

[مـ ع ـزوفة حز*ن]

،،،،،،


وآآآآآآآآآو رحله حلوه


الله يعطيج العآفيه


متآبعه لج


تعبت وأنآ أنطر لين تخلصينه مآحبيت اخرب الموضوع حرآم مرتب

..............
........

..

 

[قلب بنتها]

يعطيج العافيه علي هالتقرير المميز
تقرير مشوق وعجيب

 

[برد فيمتو]

ماشاءالله وايد وايد حلو تقريرج امبين من البداية
وماتتصورين اشكثر كنت أنطره
وكل يوم أفتح المنتدى عشان أتأكد نزلتيه أو لأ
يالله كملي ناطرتج على أحر من الجمر​

 

[لآلئ وردية]

ما شاءالله

الحمدلله على سـلامتج



و دوم الوناسة يا رب

 

[الله يخليهم لي]

وهياااااا واخيرا تحقق الحلم بتقرير كوكا احلي تحية لج وبداية مشرقة لاحلي تقرير متابعييينج

 

[كوكا كولا]

مـ ع ـزوفة حز*ن

يا حيااااااااتي انتي يعني متابعتني بصمت لحد ما خلصت
عاد كل شوي اسوي ريفرش احاتي لا احد يقاطع التسلسل
الحين بجهز صور اليوم الأول أدري كلكم متشوقين علشان تشوفون التقرير كله

 

[كوكا كولا]

قلب بنتها

تسلمين يا حياتي عالكلام الحلو
وان شاء الله راح يعجبكم باقي التقرير
لأن الصور وايد ما شاء الله
وقاعدة اختار الأحلى من بينها
يسلموا عالمتابعة الحلوة والباقي جاي بعد شوي

 

[كوكا كولا]

برد فيمتو

تسلمييييييييييييين فديتج وانا بعد كنت حريصه بالتصوير علشان اخليكم تعيشون الأجواء معاي
وهم علشان تستفيدون من تجربتي وبعد بقول لكم عن كل شي صار لنا
وكل الأكشنات الي مرت علينا

 

[كوكا كولا]

لآلئ وردية

الله يسلمج يا حياتي
وتابعي التقرير لي النهاية راح يعجبج

 

[كوكا كولا]

الله يخليهم لي

تسلميييييييين يا حياااااااااااااتي فديتج على أحلى تشجيع
اي نطري بعد القادم أحلى وحده مشوق
قاعدة أجهز صور اليوم الأول من وصلنا المطار لحد ما حطيت راسي ونمت لووووووول

 

[كافيه نعناعه]

وااااااااو روعه ذكرتيني بأحلا ايام في لنكاوي قبل ٥ سنييين ،، حسيت اني فلونه في لنكاويي هههههه يالله انا ناطره الصور

 

[Featured Lady]

الله يهنيكم
بداية مشوقه لتقرير حلو مثل صاحبته

 

[نياره]

الحمد الله علي السلامه
متااابعه

 

[كوكا كولا]

كافيه نعناعه

أييييييي لنكاوي بروحها خيااااااااال وروعه شوي عليها
وااااااايد حبيتها.... نطري بتشوفين صور حلوة حق لنكاوي ان شاء الله في باقي التقرير المصور

 

[كوكا كولا]

Featured Lady

تسلميييييييييييين يا حياتي عالكلام الحلو
والحين بنزل تكملة اليوم الأول تابعيني

 

[كوكا كولا]

نياره

الله يسلمج يا حياتي تابعي راح يعجبج
والحين بنزل تكملة اليوم الأول ان شاء الله