وهيآآآآآ.... كوكا كولا في كوالالمبور +لنكاوي 11/6/2012م

[جكورة]

حمدلله على سلامتكم
والتقرير روعـــــه من بدايته متابعتـــــج

 

[كوكا كولا]

تااااااااابع اليوم الأول
الوصول إلى كوالالمبور

~~~~~~~~~~~~~~~~~~




وصلنا الحمدلله إلى كوالالمبور الساعة 9 الصبح اليوم الي وراه
احنا طرنا يوم الاثنين ووصلنا يوم الثلاثاء الصبح


مطار كوالالمبور الدولي وايد مرتب ومتميز بقطار المترو
مبني المغادرون بروح ومبني القادمون بروح
وبينهم قطار مترو واصل من داخل المطار ويطلع بره ويمشي لييييييين يوصل لي المبنى الثاني

وهذا صورة المترو بس ما وصل القطار للحين







ركبنا المترو وخذانا لي المبنى الثاني علشان نختم الجوازات ونستلم الجناط من هناك

اول ما وصلنا لقينا شركات الاتصالات شكثرها بس انا حاطة ببالي شركة ماكسس Maxis
شرينا شرايح وركبوهم بالأيفون الشريحة ب 50 رنجت بس من غير رصيد بس فيه اشتراك النت للأيفون
وبصراحة اشتراكهم للأيفون وايد ممتااااااااااز وسريع حيل

بعدها خذينا تاكسي المطار ب 102 رنجت والمسافة من مطار كوالالمبور الدولي لي فندقنا سويس جاردن هوتيل
ساعة كاملة بس ما حسينا فيها من كثر ما الأجواء روعه

وهذا سايقنا لاحظوا ترا كل شي عكس عندهم مكان السايق والشوارع عكس
لو اسوي سيارتي هناك والله بدقيقة اندعم لوووووووووول






لقطة عالسريع اول ما طلعنا من المطار






قربنا من الفندق وشوفوا البرجين التوأمين مبينين من بعيد ياحلوهم






وصلنا للفندق الحمدلله وهذا فندقنا (سويس جاردن هوتيل)
المدرج الي لونه أبيض
والي وراه فندق سويس جاردن ريزورت الي وايد يذمونه







مدخل الفندق بصراحة الفندق وااااااااايد حلو ومرتب وخدمتهم 24 ساعة
حتى لي وصلتي مع التاكسي يفتحون لج الباب ويشيلون اغراضج يعني دلع في دلع مثل الأميرة







عطلونا شوي بالجيك ان لأننا احنا واصلين مبجر الساعة 11 ولازم نسوي الجيك ان الساعة 2

قعدنا باللوبي نفتر ونستكشف وتمشينا شوي بره ولما ردينا الحمدلله ضبطوا لنا الجيك أن
وبسرعة خلصنا وخذوا تامين 200 رنجت ويرجعونها لنا لي سوينا الجيك آوت


صعدنا الدور الأول وشفنا مكان بوفيه الريوق وهو مطعم الفندق الرئيسي أسمه Flavors







المميز في الفندق مو اي احد يصعد بالأصنصير إلا رواد الفندق بس
وما يشتغل الأصنصير إلا بكرت الغرفة وهذا الحلو فيه يعني في خصوصية وحماية
صعدنا لي الدور العاشر 10 ودخلنا غرفتنا

هذا المدخل






عاليسار عزكم الله الحمام







عاليمين كبت سحب وداخله السيفتي بوكس







ندخل الحين عزكم الله الحمام وايد كان نظيف ومرتب ما شاء الله


الشاور واهم شي البانيو حق اخر النهار اسوي بابل باث







فوق البانيو الفوط







عزكم الله الأفرنجي ويمه تليفون واهم شي في الشطاف وتأكدت قبل لا احجز الفندق انه موجود







المغسله ويمها ستاند أرفف










العدة فرشاة أسنان وأعواد أذاني وقبعة شاور







عدة الشاور بابل باث و الشامبو واهم شي البدي لوشن وايد حبيته
ريحتهم حلوة حيييييل






فيني فضول إلا اشوف فرشاة الأسنان وااااااااحلااااااااااااته المعجون صغنطوطو بس ما استخدمتهم
استخدمت اغراضي الخاصة






ونجي للغرفة ملمومه وحلوه








يتبــــــــــــع......>>>>​

 

[كوكا كولا]

نكمل معاكم باقي الجوله داخل الغرفة


















عدة الشاي والكوفي شي أساسي






حطينا أغراضنا ونزلنا شوي نتمشى ونستكشف المكان
مقابل فندقنا كان في فندق وشكله تعبان حده من شكل الرسبشن طلينا عليه لووووووول





ويمه ومقابل فندقنا بقاله او مثل ما نقول فرع صغير الي بالأحمر مكتوب عليه Store كل يوم لازم نشتري منه جم شغله







وتمشينا وشفت فندق الهنوف لووووول اسمه بارك رويال وموقعه بأول شارع العرب شوفوا البرجين التوأمين وراه مبينين







مطعم مروش وايد يمدحونه بنات المنتدى بس ما تشجعت ادخله واكل منه ما احب المشويات مو ذاك الزود معاها






وطحنا على محل مساج للريول حدددده عجيب ووايد نظيف ويعتبر من انظف محلات المساج الي شفناها بشارع العرب
أسمه Reborn Foot Reflexology

هذا شكله من بره على صورة ريول






مدخل محل المساج والفش سبا








مكان الفش سبا وايد مرتب وحلو











هني قعدنا وغسلوا ريولنا بطشت خشبي وماي حااااار










زوجي حط ريوله اول شي وقام يضحك ويقول هااااااكم يالله اشبعوا اكلوا هههههههههههه






وبعدها دوري غسلوا ريولي وحطيتها بالحوض شعور غريييييييييب ويضحك ههههههههههه ويونس
بس ما كلوا ريولي وايد لأنها نظيفة مافيها جلد ميت لووووول كنت مسويه بدكير ومنكير بالكويت قبل لا اسافر بيومين
وحقدت على وحده سمجه كلت وشبعت جان ترفس اصبع ريلي بذيلها قلت حق ريلي حقيره كلت وشبعت ورفست النعمه لوووووول






وعطونا شاي أعشاب حده لذيييييييييييييذ بزهره تباع الشمس والعسل






سوينا مساج 20 دقيقة ب 38 رنجت عقب وسو لنا مساج ظهر واحنا حاطين ريولنا بالحوض وعقبها مشوا ريولنا عدل وطلعنا



يتبـــــــــــــــــع.....>>>>​

 

[كوكا كولا]

تمشينا في شارع العرب ودخلنا مجمع (ستار هيل Star Hill)
ونزلنا تحت واخترنا مطعم بحري بس ما شفت اسمه شنو حسافة بس وايد غالي
الحلو فيه المأكولات البحرية كلها طازجه وحية جدامج تختارينها











وهذا مطبخهم مكشوف تشوفينهم شلون يحضرون الطبق الي طلبتيه
يعني شغلهم حار بحار احلى شي






قعدنا فوق ونشوفهم شلون يسوون الأكل ونااااااااسه
وهذي قعدتنا






ووصل الطلب طلبنا ربيان بصلصة الفلفل الأسود وبطاط مقلي وبيبسي











الأكل لذيذ بس وايد غالي المطعم احنا طلبنا شي مو غالي ولا أسعاره فوق ال 200 وال 300 رنجت للطبق الواحد
طلع حسابنا 150 رنجت

تمشينا شوي وردينا الفندق علشان نرتاح من عقب تعب السفر ونمنا الساعة 3 العصر
قعدت الساعة 7 ونص ولا الشمس توها تغيب قعدت ريلي ما يبي يقوم حده تعبان
ضاق خلقي قعدت لي الساعة11 وعقبها نمت وانا جوعانه




انتهى يومنا الأول

خل أجهز صور اليوم الثاني وابي اشوف ردود حلوة​

 

[كوكا كولا]

جكورة

الله يسلمج يا حياااااااااتي
وتابعي توني نزلت باقي اليوم الأول وخلصت منه الحمدلله

على ما اجهز صور اليوم الثاني
انا الحمدلله سريعه علشان جذي نزلت التقرير ورا بعض بس الله يعينني عالأيام الي وراها لأن الصور وااااااااااااااااايد
وبحاول اختار الصور الحلوة لأن وايد حيل الصور وما اقدر احطهم كلهم بختار الأحلى

 

[لاتكابر غلطتي]

تقرير رائع ومفصل
قواج الله
وووووووووووواصلي

 

[كوكا كولا]

لاتكابر غلطتي

تسلمين يا حياااااااااااااتي
ومواصله ان شاء الله بس خل اضبط صور اليوم الثاني لأنها حافله

رحنا جنتنق هايلاند ومصنع الككاو ومزارع الفراولة المشروم والمعبد الصيني عجيب واخر شي القرية الفرنسية والحدائق اليابانية

باجر ان شاء الله راح انزله لما اضبط الصور

 

[♥aמŘa]

هياااااا عاشت كوكا

تاااابعي تقريرج يحمسسسس


كملي حبيبي متابعين


'

 

[غاليه بغلاها]

رووووعه تقريرج حييل حلوووو كملي متابعييين

 

[كوكا كولا]

♥aמŘa

ههههههههههههه أحلى تشجيع وربي
ان شاء الله بكمل باجر تعبت بنام حدي قفلت لوووووول
باجر راح احط لكم اليوم الثاني وبحاول احط الثالث بعد علشان تستفيدون وتستمتعون وتعيشون الأجواء معاي

 

[كوكا كولا]

غاليه بغلاها

تسلمين حياااااااااتي وانتي الروعه والله فديتج
ان شاء الله باجر بكمل تقريري واحط لكم اليوم الثاني والثالث ان شاء الله
عاد اليوم الثاني كان حااااااااافل وفيه اماكن وايد راح تعجبكم

 

[نياره]

لا يوقف لايوقف

 

[أم ركووووووو]

وااااي واخيراً نزلتي تقريرج كنت انطرة صراحه يهبل ومتعوب عليه وعليج بالعافيه حبيبيتي وان شاءالله كل سنه يكتب لج اياها ربنا وتروحين لها يارب




وذكرتيني بسفرتي حسستيني فيها من تقريرج الحلو والمفصل :eh_s(7)::eh_s(7):



وكممممممممممممممممممممممليييييييب متابعييييييينج



ولايوقققققققققققققف ولا يوققققققققققققققققققققف*

 

[ҒŸoŋқA]

الله وناسسه تقريررج شيق ويوونسس صراااحه
وبانتظار باقي التقريرررر لاتطوليين علينااا والله حسستيني معااج :$
لوول

 

[ҒŸoŋқA]

اب اب اب

اب اب

 

[مـ ع ـزوفة حز*ن]

،،،


متآآآبعه

............
.......

..

 

[برونزية]

متااااااابعين وننااطرين الباقي

 

[كوكا كولا]

نياره

ماراح يوقف
ماراح يوقف





بكمله لكم اليوم ان شاء الله

 

[أحلى همبه كويتية]

اول شي
الف حمد لله على سلامتك :eh_s(22)::eh_s(7):​

ثانيا
وي وي وي ما بغيتي اتنزلين التقرير
الكل ينطرك ؟؟؟ :eh_s(9)::eh_s(15):​

ثالثا
انا سعيدة جدا انكم استانستوا بالرحلة انتي وريلك
ربي يدوم هالنعمة عليكم وين ما تروحون:yaaaaaarb:​

رابعا​

يالله كملي متابعينك وصافين دور :rerrerek:
يمكن تحطين شي انا ماشفته بسفرتنا واستفيد منك ​

بارك الله فيك نفسك حلوة ومبين عليك حبوبة


اختك/ أحلى همبه:eh_s(17):​

 

[كوكا كولا]

أم ركووووووو

حياااااااااااااتي انتيييييييييي تسلميييييييييييييييييييين
اي انا حرصت حيل بالبداية أخليكم تدخلون معاي أجواء السفر
علشان جذي خليته تفصيلي أكثر
أحب هالشعور لما اقرا تقرير مفصل وصوره حلوة اعيش الجو معاه

ان شاء الله اليوم بكمل لكم اليوم الثاني عاد وااااااااااايد حااااااااافل
رحنا أماكن وايد جوله يوم كامل وردينا الفندق ندور الفراش ههههههههههه